كرونيك رانيا و عماد الدين (الجزء الثاني)

جيييت ! و جبتلكم الجزء الثاني من كرونيك رانيا و عماد *_* نشاء يكون عجبكم الجزء الاول ! مهم خلونا نبداو الجزء الثاني :

______رانيا ______

كنت انا نستنا ف عماد طول اليوم .. توحشتو اقصمبله …. حتى نشوف زوج بنات جاو لعندي ..ميرال : انت هيا رانيا ؟ انا : وي انا غير الخير ؟  امينة : انت هيا لي راكي اون كوبل مع عماد !!  انا : وي علاش؟! امينة خزرت ف ميرال وبداو يضحكو انا دخلني الشك .. امينة : شغلي التسجيل  ! .. انا قعدت نسمع التسجيل و مقدرتش نامن قلت بلاك كدب مي هدا صوت عماد و صحابو .. حبيت نبكي مي خبيت دموعي .. النار شعلت فيااا مي درت روحي كي لي ما  صرالي والو .. امينة : يا  وسمك بلاكي تبكي  راكي كبيرة ، حبيت برك نعاونك و مدابيك تخطي عماد باغسكو سمعتي وش قال ف تسجيل ! .. و تان قال بلي يكرهك الوغ اخطيه منسحقكش تدوريلي بيه باغسكو هداك ديالي :) !  ميرال: هاهاهاااا   كانت باينة تكمل كيما هاك ديجا مراهش مهبول باش يخلي امينة و يشوف فيك نتي گافيو  ... انا ريبونديت بكل برودة  : عماد ديالكم بخرو بيه خليتهولكم ليكم تشبعو بيه منيش مشتاقة رجال . ديجا حاشاك ادا انا كافية يا واحد السوسيالة تالمون عاملة كي زبل كترو عليك الدبان .. وهدرة تجيب هدرة .

حتى لحق وقت لكوغ دخلت نقرا كلي ما صرا والو ..قعدت ملور محبيتش نقعد قدام عماد خفت اني نرتكب جريمة قتل .. المهم طول لكوغ و انا نتفكر ف ليامات و لعفايس لي صراولي مع عماد و كنت نسيي منبكيش خلاص لكوغ .. جا عندي عماد ، عماد : شبيه الزين حزين ؟  عمري شبيك زعفانة و مبدلة بلاصة  !! .. انا : ممثل رائع برااافوووو !!!!!  عماد : شبيك ؟؟  انا : لعباتك محبتش تخلاص ؟؟ محبيتش تحشم على روحك انت !! خلاص كشفتك و كشفت لكدب نتاعك .. ياواحد الخداع رخيس !!  عماد : هههههههههههههه قوليلي بلي عرفتي ، ايا بيان نقصتي عليا هدرة كبيرة . انا : علاش درت فيا هكا واش درتلك ؟ عماد : شوفي نتي واش درتي كيما  كنا صغار! انا : شكوون نتا ؟ وش درتلك انا !  هو: تعرفي مع الوقت شكون انا :)!  انا : زعما حبيت تنتاقم ؟؟ هو : لا كانت لعبة ونتي لحابسة تم تم امنتيها مسكينة غضتبني بزاااف نية زعما تجيك في بالك انا نمشي مع وحدا كيما نتي و نحبك ؟  و انا عندي بزااااف بنات من كل الاشكال و الانواع زعما معرفت نحب غير انت عهههههه .... ديجا شفتي روحك ف لمراية ... دوكا وحدا موسطاشة كيما انت تمشي معايا اناا لحمار ويفيق بلي تحريشة .. و بدا يطارش فلهدرة ... و انا هنا مقدرتش نشد روحي و خبطتو بكف .. الدنيا قاع بدات تشوف ... بهدلتو قدام الغاشي سبيتو و رخستو .. ف هاد الوقت تدخلت امينة وجات شدت ف عماد ... امينة : خطيك من لكواڤا حبي ... عماد : اوكي عمري خلينا نروحو النار راها تشعل فيها دوك تحرقنا ... امينة : هههههه مسكينة تغيضي ... عماد : نونو متبكيش بلاكي.

______عماد_____

غاضتني بزاف مقدرتش نشوفها ف هاديك الحالة حرام عليا :( نحبها واللـه هي حياتي ڨااع و خايف دير حاجة في روحها ! مي منظنش دير حاجة علاجالي .. خلاص طحت من عينها وليت مجرد رخيس بالنسبة ليها :( .. رحت مع امينة لصقة -_- نحبهاش ڨاع راني معاها غير باه ننسا رانيا مي مقدرتش .. امينة : عمري خليك منها راهي صوصيالة متحشمش صاي بب متزعفش .. و حكمتلي يدي .. انا كنت زعفان بزاف ناحيت يدي و قتلها : خلاص اخطيني نتي تاني لاصقة فيا كي سكوتش ! اخطيني !!!! و مشيت و خليتها هي تجري مورايا و تعيطلي ركبت ف طونوبيل و خليتها .

______رانيا ______

انا تقلقت رحت  ركبت ف الطونوبيل و سقت ، لحقت للدار ... فارس : رورو واش بيك انا :ًمنيش مليحة ... ورحت نجري للبيت غلقت على روحي و بديت نبكي .. جازو يامات و انا غالقة على روحي ف لبيت لا تلفزيون لا كونيكسيون ... حتى الماكلة ناكل غير لقمة و نقول شبعت .. موليتش نروح لافاك كره روحي و كرهت عماد و كرهت كلش متعلق بيه موليتش نحب نشوفو ... حسيت روحي بلاقيمة ، حمارة كيفاش مفقتش بلي كان يتمسخر بيا و يجوز بيا الوقت !!  ... و انا كان حسبتلي بلي يحبني و كنت نبني ف الاحلام .. تجرحت بزاااف حسيت قلبي تحطم .. حبيت ننسى تمنيت نفقد الذاكرة ... حبيت نموت و نتهنى من كلشي ... بابا بدا يخاف عليا ؟ جابلي طبيب قالو  عندها مشاكل نفسية لازملها طبيب نفسي ... حاولو يدوني لطبيب نفسي مي انا رفضت .. و قتلهم راني  حابا نبدل جو .. ني حابة نروح عند خالتي فرنسا  ،.. طبعا بماانني البنت المدللة عند بابا .. خلاني نروح ... سقمت فاليزتي و سلمت علي دارنا و علي فارس.... سافرت لماريكان كي لحقت استقبلتني خالتي و بنتها الصغيرة ايما 15سنة .. رحنا للدار لقيت سارة و  سيليا  مسقمين كلش و موجدينلي غرفة ... و مطيبين اكل من كل الانواع ... سلمت عليهم ورحت تعشيت معاهم امبعد داتني سارة .. لبيتي و بماانو هي قدي .. نتفاهم معاها كتر من اختها سيليا هيا اصغر مني بعام ... الوغ حكيت لسارة واش صرا معايا و قاتلي بلي لازم ننساه و ننسا الماضي .و نفتح صفحة جديدة  !

_____عماد _____

انا خلاص كرهت روحي و كرهت دنيا :( ندمت بزاف على وش درت .. وليت مانشوفهاش ڨاع في لافاك .. زعمة وش صرالها كل يوم نعيطلها تيليفونها مـسكر !! تلاقيت ب وليد عمها فارس اللي هو صاحبي تع سيام .

عماد : اهـلا حبيبي وش هادي لغيبة ! توحشتك خويا

فاارس : يااااه راك هناااا عماااد ، كبرت و تبدلت يااو وليت بوڨوص هههه !

عماد : مام نتا حبيبي .. ربي يخليك . قعدنا ڨصرنا شوية و قلت علاش منصقسيهش على رانيا ؟

عماد : خويا نصقسيك معليش ؟ .. فارس : تفضل صااحبي !! عماد : رانيا راهي لاباس ؟ عندها شحال مجاتش هنا :( !

فارس : يااو مزاالك تعقل عليها و تحكي معاها ؟!!

عماد : وي مزال .. مي هي معرفتنيش شكون انا :( مزالني نحبها والله !

فارس : هااد ليااام معلاباليش وش صراالها غير تبكي في حالة .. معلاباليش وش بيها حبتش تحكيلي .. جابلها باباها طبيب قالو عندها اضطرابات نفسية ، دزها لفرنسا تبدل شوية جو  

عماد : انااا سبة .

فارس : كـيفاش نتا سبة !!؟

حكيتلووووو كلشي …

__________رانيا _______

فتحت صفحة جديدة .. و قررت ننسا كل شي ... غيرت ستايلي ،. نقصت لشعري شوية و صبغت بعض الخصلات منو بالصفر .. جا يهبل .. شريت بزااااف حوايج . ووليت بزاااف باردة و منقيم حتى واحد ... وليت سيغيو بزاااف و موليتش نتمهبل كيما كنت ... جوزت فاكونس شباب ف فرنسا وليت للجزائر بلاما نخبر اهلي يعني مفاجاة اول مفتحت عليا الخدامة قاتلي شكون انت ؟ ... قلت في قلبي ياه لهاد الدرجة تغيييرت ... جا فارس لقاها شكون جا قتلو محبتش تقول اسمها ... فارس : ياي شكون هاد الزين ... انا : زعما شكون من غيري ... فارس : هادي نتي رانيا !! راكي شاابة ياه رحتي لتم تبدلتي وليتي ڨاورية ياه ،،، انا : فارس راك تكدب، و ديجا بعد ني حابة نروح نستعفا ... روحت رقدت .. كي نضت بدلت حوايجي و هبطت سلمت علي ماما و بابا  غدوا منداك رحت للافاك لبست تريكو سامبل فاغ ميليتاغ مع سروال جين مقطع شوية طبقتو و صباط نايك فاغ ميليتاغ تاني و ساكودو كحل .. طلقت شعري و كي وصلت تلاقيت ب فارس قاعد مع عماد بونجغت معاهم شغل ماصرا والو بيني و بين عماد .. مانسيتش مزالت الحرقة في قلبي .

_______عماد _____ :

كنت قاعد مع فارس حتااان جات طفلة *_* شفتهاااا قلبي بدا يخخبط قريب خرج من بلاصتو ياه هادي رانيا !! فرررررحت كي شفتها كنت راح نوض نعنقها .. يااو شحال ولات شابة والله معرفتها جات لينا قلبي راح يحبس من اللفرحة ، بونجرت عليا يا يماا ديك ليدين محبيتش نطلقهم ، رانيا : وش راكم صافا ؟ انا : لاباس حمد اللـه ونتي ! كنت نشوف ف عينيها بلي مزالت زعفانة عليا ! مي مقدرتش نطلب من سماح تعڨنت لهدرة راحتلي .. قعدت تدابز مع وليد عمها و آبغي رااحت . شحاال توحشت ندابز معااهاااا ، توحشت نقعد معاهااااا نحبهااااا !!!

________رانيا _____ :

قعدت معاهم شوية درت سبة بل مصيبة تع فارس هههههخ توحشتو ولا بوڨووص ! بانلي مغبون و ندم كي خلاني مهم زدت شوية ورحت نقرا كي كملت رحت للدار جا فارس .. فارس : طاطا سناء راهم جايين صحابي يقعدو معايا .. سناء: كيما تحب ي وليدي الدار دارك .. في غرفتي كنت شادة القلم و نرسم حتى تدخل يما .. سناء: فارس راه جايب صحابه قومي عمليلهم شي ياكلوهً.. انا و باباك رانا معروضين لحفلة .. ني رايحة كيما قتلك ديريلهم  حاجة ياكلوها .. انا : فارس يجيب صحابو و انا نطيبلهم ايا بيان ... سناء:ً منعاودش الهدرة انا نروح باباك راه يستنا فيا ..  قعدت انا ف دار ندور كنت لابست شوغت توني اديداس فيزو و تريكو (خخخ نلبس غي اديداس و نايك باختصار نلبس قش رجال بزاف ) حاكمة شعري طوماطيش مشعشع خخخ ولابسة كلاكات بابا  .. جا فارس مع صااحبو .. تخيلو شكون هادو صاحبو  ...؟! سي عماد !! جا ليا فارس و قالي  فارس : رانيا طاطا سناء وينها .. انا : راها في جيبي حوس عليها .. و دخلت للكوزينة درت سندويتش و قعدت ف الطابلة ناكل شعلت تيلفيزيون و بقيت نتفرج جا عندي فارس ،.. فارس : علابالي واش دارلك هو حكالي .. انا : شكون عماد ؟ ، فارس : دايرة روحك متعرفيهش .. انا : لا منعرفوش .. فارس : رانيا نسيتي انت وش عملتي فيه كي كنا صغار نقراو سنة 4 متوسط .. انا : نسيت ؟!! .. فارس : نذكرك !! انا : وي ذكرني ؟

فارس : اكيد مشفيتيش لهداك الطفل عماد لي كان يحبك ف 4 متوسط هداك لي بدل ليسي غير باش يطيح معاك .. باغسكو كان يحبك .. هداك لي دار المستحيل باش يجيبلك كادو و انت رميتيه في وجهو بلا ماتشوفي وش فيه ..و زيد كل ما يجي يهدر معاك تبهدليه .. درتي بيه اضحوكة بين الناس .جرحتيه الف مرة .. انا : متقوليش بلي هداك عماد هو نفسو عماد !!!  بصح هداك مشي شباب و هدا شباب !! .. فارس : وي .. كان صغير هداك الوقت مي دوكا خدم جسمو دار اللحية و عتنا بروحو ...انا : آااه منيش مصدقة  !! فارس : ودوك شكون الغالط فيكم !! انا : انا !!  انا لي غلطت نستاهل واش دار فيا  !! نستاهل كتر من هك  فاارس ، غلطت بزاااف في حقو .....!! نضت نجري لبيتي بكيت بزاااف .. عادت بيا الذاكرة الى الوراء حسيت روحي حقيرة بهدوك الافعال لي كنت نديرهم كنت كلما يجي يهدر معايا نقولو منهدرش مع لكوافا كي يجوز قدامي و نكون مع صحاباتي نسبو .،الخ مرة جابلي كادو كي جبت البيام ،، رميتو فلابوبال قدامو بلاما نفتحو حراام عليا !

كنت نبكي فتح عليا فارس الباب .. فارس : ي مامي مزالكي تبكي ايي خلاص .. دوك البكا مينفعش رانا ف صالون . ديريلنا حاجة ناكلوها جعنا بزاااف !  انا : نديرلكم سندويتش .. باسكو منعرفش نطيب ،، فارس : اوكي شيغي .. مسحت دموعي غسلتً وجهي عدلت مكياجي و هبطت ... عماد قعد غير يخزر باغسكو الكوزينة مفتوحة و جاية تطل على الصالون ،. قعدت نوجدلهم ف لي سندويتش ... كي كملت درتهم ف طبسي و جبدت الڤازوز و الكيسان انا : فارس !!  ارواح تدي الماكلة..  فارس : هيا كملي خيرك و جيبيهم مراكيش تشوفي بلي رانا نشوفو ف الماتش ..

________عماد _____

يااا يمااا شحال جات زلة *_* قلبي صغير لا يتحمل .. راحتت للكوزينة طيبلنا . خلصت عيطت لفارس يجي يدي الماكلة ! طاحلي لمورال مصباح و انا نستنا باه جي نشوفها من قرب -_- قالهاا فارس ارواحي نتي محبتش لقيت الفرصة ! قتلو خَليني نروح انا ! فارس قالي بلعقة : هيه روح من ثم ريقلي لافاغ راهي عرفت شكون نتا و ندمت بزاف ! فرحححت و نضت رحت ليها ! انا : وش ندي ؟ رانيا : عماد ! ياا كي قالت اسمي قلبي حبس و شافت فيا بوحد نضرة ماننساهاش ذوبتني انا : وي !! رانيا : آسمحلي والله مكانش  قصدي والله ! كنت  صغيرة مانيش جاملة عقلي .. و تطرطق بل بكا ! مالقيت وش ندير عنقتهاااا بكل قوتي *_* يا مامي ريحة لي في شعرهاا همستلها ف وذنها قتلها : آسمحيلي ماتستاهليش وش درت فيك نحبك والله ، و دخل علينا لبغل تع وليد عمتها قالنا : قتلك ريڨلي لافاغ خخخ مقتلكش ديرلنا فيلم مكسيكي -_- طلقتها و كملت نتفرج ماتش معاه و عقلي معاهااا .

______رانيا _____

كي عنقني نسيت روحي .. حسيت روحي ف عالم آخر ، كنت اسعد وحدة ف العالم .. طلقني و راح كمل تفرج الماتش .. انا طلعت نجري لشمبرتي ميتة بل فرحة دررت لغناا و غييييير نشششطححح و فرررحانة  .. مبعد تفكرت قلت و امينة مزااال معاها ؟ :'(  غدوة نروح لافاك و نقرعج …

فلافاك كان فارس يمشي مع عمااد و تلاقاو بل مسمامة تاع ميرال ، قعدت غييير تخزر فيه دلها عقلها .. راحو ليها هو و عماد ، عماد : وش مامي صافا .. ميرال : حمد الله  و نتوما ؟

فارس و عماد : بيان حمد الله .. عماد : بوون فارس نعرفك ب بنت عمتي ميرال كانت ساكنة ف ترك .. جاتها قراية صعيبة ولا هنا .

ميرال هدا فاارس لبوڨوص صديق طفولو و ليد عم رانيا

ميرال : متشرفين .. فارس:  معريفة خير ميرا .

. امينة جات و قعدت تحكي و تشكي على عماد لي تبدل عليها ..و ميرال قعدت مطنشتها و تخمم ف فارس .. امينة ؛ ميرال راني نهدر معاك ،، اصلا من صباح وانت تخزري ف فارس عجبك ؟! ميرال : اــااه نننعم تعرفيه ؟! امينة : ايه صاحب عماد و وليد عم رانيا .. ميرال : اممممم اوكي باي .. امينة : اصبري خليني نكمل نحكيلك ... ميرال : اوووف منيش ناقصة هموم و مشاكل باي .

____عماد______

كنت  ف ليل ، و نخمم ف رانيا حتى عيطتلي لصقة تع امينة يااا زح وش داني نولي ليها ؟؟! قلت سي بون ليوم لازم نكمل معاها رفدت عليها  . عماد : وشبيك تعيطي نص ليل ؟؟ امينة : اسمحلي بب حكمني لفيد و اني وحدي سخانة .. عماد : هاه وش تحوسي ؟؟ وش نديرلك انا ؟ قاتلي لصوت تع وحدة تحوس على…. امينة : بب شبيك تعيط هكدا ؟ تقدر تفتح لاكام قتلها نوو اخطيني .. فتحت هي لاكام و كانت صدمة : عيطتلي عريانة و تشرب ف بيرا ! تشوووكيت انا رخخخستهاا و كوبيت ، قلت هادي راح تكوون سبة باه نخطيها غدوة من داك عيطتلها ف لافاك. قتلها تي نديك مرتي ؟ تي عاااهرة صوصيالة حمد الله ربي بعدني عليك ! انا نحب راااانيا و هي مرتي ! و لوكان دوري بيا ولا بيها والله نديرلك مشاكل مع داركم و منقبلش نزيد نشوفك دوري مع ميرال و رحت و خليتها ، مع ليام قالولي رحلت من هنا ، ياااه مت بالفرحة .

______ رانيا ____ :

تلاقيت ب ميرال جات ليا ! سلمت عليا و قاتلي ، ميرال : ختي جيت نطلب منك سماح و نفتحو صفحة جديدة ! انا : كشما تصحقي باينا كاينة حاجة ، قاتلي : وي نصحق :) قاتلي  علابلي مزلتي تحبي عماد ، و نا تاني نحب فرس و نتي امل الوحيد ! ، قتلها : ااامممم تع مصلحة ~ .~ ! قتلها فارس مايحبش زواخات و لي ضال مع ذرر ، قاتلي والله  غير نتبدل علا جالو ! جاتني الفرصة باه  نصقصيها على علاقت عماد و امينة .. حگاتلي كلش وش صرااا تشووكيت !! و فرححت ، مهم انا رحت روحت ، تلاقيت ب فارس و و حكيتلو ، انا : فارس نصحقك عندي هدرة معاك ! فارس : وي غير الخير ، انا :  تعرف ميرال ؟ فارس : وي وشبيها  ؟ (عينيه توسعو ) انا : تعجـك !!؟ هو : وي مليحة مي حيرتيني لاه اكي تسقسي حـَيرتيني ؟؟!  انا : آهي تحبك !!! هو : (ماااات بل سعادة ) قولي والله !!!! مام اناااا نحبهاااا و عنقني و فرحان .. انا : خهههههه حَلوووف اك تعشق غدوة نديرلكم لافاغ .

غدوة من داك طلعت لافاك مع فارس تلاقينا ب ميرال قتلها اهبطي  للكافيتيريا دوك نڨاريو و نجووو ، هبطنا و راح ليها حكا معاها انا طلعت خليتهم وحدهم و نشووف عماد من بعيد حبست جبدت مري و سڨمت روحي و درت روحي ماشفتووش  و زعما كي شفتو اندهشت .

_______عماد____:

وصلت ليها قلبي يخخخببط قريب خرج من بلاصتو .. رحت ليها سلمنا ، انا : وش راكي بيبيش رانيا : سافا ونتا ؟ انا : كي شفتك راني فوور *_* رانيا : اكدب اكدب انا : مزالك عنيدة -_-  هاه كاش جديد ؟ رانيا : ياااه محكيتلكش ميرال و رابح يحبو بعضاهم … انا : اممم و حنا كيفاه درنا ؟ .. رانيا : نتا مع امينة و تقولي كيفاه درنا -_- .. انا : لا حبست معاها ديجا كنت معاها غي باه تنسيني فيك مي مقدرتش !! نحبكك ، و بربي نشاء الله نتي لي نديك رانيا : ( كانت باينا من عينيها ميتة بل فرحة ) مام انا نحبك عماد و اني خايفة تكون تحرش بيا ! انا كي قاتلي هكدا زعفت تع صح قتلها : والله والله ماني نحرش يا رانيا ! اسمحيلي :( رانيا : خلاص سماح مانزيدش نعاود نجبد على وش صرا ! انا : اوكي انساي .. هيا بب انا نروح فليل نحكو  !  رانيا : ايا صـحاا ، كنت حاب نديرلها كادو ماتنساهش ! خممت ليل ڨاع في كادو …

______رانيا___ :

روحت ميتة بل عاي .. طلعت لبيتي غمضت عينيا و نفكر غير ف عماد و نضحك ، دخل عليا لبغل تع فارس لقاني و نضحك ، عمرر فومو مااء و يفرغ قووفي ، و يهرب يجري ، انا نجري و نسب فيه ، فرغت فوقو بيدون تع ما خخخ ، قالي : روروووو راني فرحان !! عتارفتلي بكلش و راني مخبي حاجة فل عشا تعرفي ، انا : غيير لخيير ! فارس : روحي برك عاوني يماك ، ماما و بابا راهم جايين يتعاشاو انا خرى اني رآيحا ..رحت عاونت ماما و حطينا ديك طابلة الله الله ، جاا عمي و مرتو .. عنقتهم توحشتهممم قعدنا نتعاشاو .

عمي : بنتك كبرت الله يبارك و ولات تهبل جا الوقت باه تتزوج ، بابا : هههه لالا هادي بنتي تقعد عندي متتزوجش ، فارس : هادي تع زواج خخخ يديها مكسرين متعرف دير والو -_- ، انا : تا وش دخلك ديجا بلع لانكسرلك فمك ، ماما : ايا اسكتي متحشميش تقولي لخوك لكبير خوياا انا : بصح ماماا هو لي بدا ديجا… ماما : بلعيه -_- كلينا شوية قالنا فارس : بوون ليوم حابا نقوللكم حاجة ! و نشاء تقبلو ! يمات فارس : تا تقعد تقعد و تخرجنا ب خرجة واعرة . وش كاين ؟ فارس : راني حاب نتزوج !  انا كان ف فمي ماكلة و ندفلها و نموت بضحك .. قالو باباه : اييه نزوجوك بصح بشكون ؟؟ فارس : ب ميرال ****** انا تشوكيت وشي هدا لبارح عترفلها بل حب و ليوم يحوس يخطبها ، قالو باباه:  بنت خو مدير الجامعة ؟ ، فارس : وي هاديك هيا ، يماه : بصح وليدي لازم تلقا خدمة زواج راه مسؤولية ماشي غير اتزوج و روح ، باباه : ساهلة هاديك بني راجل و يقدر لكلش الله يبارك و قتاش  تحب نخطبوها ؟ فارس : معالاباليش  لازم نديراها كادو ، ليصونسيال وجدو رواحكم و نتي يا بڨرة ماتقوليلها .. انا : ياهاااه كبرت و راح تخطب .. فارس : ههههه يجي وقتك يا حلوفة ديجا نوضي اغسلي لماعن ، انا : اغسل معايااا بلييز :( ، فارس روووحي دوك نجي .

________عماد_____ :

تعشيت و طلعت لشمبرتي مكسل و نخمم وش ندير .. عيطلي فارس ، انا : الو وي خويا ، فارس : اهلا ، اسمع وين راك ؟ انا : في دار علاش ؟ فارس : اهبط دوك شوية نجي ليك نصحقك ، انا اوكي دوك نجي !! انا : اوكي ..شوية جا عندي فارس هبطت لي و قعدنا ف طونوبيل .. انا : غير لخير آصاحبي ! فارس عندي خببر يفرح ، انا : وش گاااااين ؟ فارس : حا نخطب بنت عمك ميرال ، بصح ماتقولهااش نقتلك ! انا (حررت طفل لبارح برك حكا معاها حا يخطبها والله نستعرف بيه راااجل ) من نيتـك !! فررحتلك والله  ، فارس : الله يخليك !! انا : خويا اني حاب نفرح رانيا ! وش نديير ، فاارس : لقيييتها !! دوك كي نخطب و نتزوج ديرلها هاديك لعفسة تع تركعلهااا ! وش رايك .. انا : هخخخخ زعمة تصلح هنا ف دزاير .. فارس : قوود نتا فاقد الامل ف كلش ديرها وش خسرت !! انا : هيه نديرها مي وقتاش تتزوج !! ف صيف هذا مهم بعد  غدوة نجي نخطب قول لل والديك و خاليوهالها كادو .. انا : ايا هي صااحبي انا دوك نطلع ، فارس : ايا بون نوي .

______رانيا____ :

فارس قالي نعاونك هرب برا و خلاني .. كملتهم مت بالعيا طلعت رقدت و غدوة من داك جا نوضني فارس قالي غدوة نروح نخطب و حاب نريلها خاتم شباب ارواحي معايا لبست قشي خرجنا شرينا خاتم يهبل و بوكي ورد .. قتلو هيا نروحو نشرو كوستيم ..رحنا شرا كوستيم يهبل روحنا لدار و لبسهم و هزز هداااك لبوكي ياااا عمري وش جا شباب *_* عجبني بزااف بديت نعلم فيه وش يدير هخخخ ميتين بضحك طلعت لينا ماما : نوضوووو ترقدو يرقد حسـكم ! و تجري عڨابنا بل كلاكات .. انا دخلت لبيتي و سكرت ، و هو مسكين قتلاتو هههههه رقدنا و غدوة من ذاك نضت سڨمت روحي باه نروح نخطب معاهم قلت نبيش اون سي جامي نلقا عماد ! لبست روبا طويلة بلو نوي تهبل و ديرت ماكياج خفيف و طلعت شعري ، دخل عليا  فارس  قاالي : واااش هدا تقول تي لي رايحا تتزوجي ارواحي سڨميلي شعري راني كي البهلول ، سقمتوو و هبطنا  نستناو ف يماه و ماما ، جاو شرينا باتيسري و رحنا لدارهم ، دخلت دخلتنا يمات عماد ، و قعدتنا ف صالو ، قاعدين يڨصرو و دخلت علينا ميرال جات تهبلللل ، انا عقلي غير مع عماد حبيت نشوووفووو !! نضت قتلهم وين راهي توالات نعتتهالي يمام ، جيت فايتة لقيتو راقد ف شمرة دخلت عليه ، فرغت فوقو كاس ما ، ناض تخلع ! قالي : وش جاابك هنااا !! نتي رانيااا ؟ انا : هخخخخخ انا ناناك ، فنيان ناس ينوضو دوكا ؟ عماد : بلعي -_- ديجا علاه اكي شابة هكدا *_* جامي شفتك بروبة ياا جدك تهبلي ، انا : هخخخ وي علابالي انا نجي زلة بكلش ، عماد : اممم صح -_- لاه جيتي !! انا : ماجيتش ليك جينا علاجال ميرال عماد : آآه نسيت ، ايا اخرجي نبدل قشي لا تشوفي ما لا يرضيك .. خرجت و غلقت لباب و رحت قعدت .. مهم كملت لخطوبة و تفاهمو على كلش ، قالو لعرس ف صيف الجاي .

__نختاصرلكم و نجوو ف شهر لي حا يتزوج فارس__

_____رانيا ____

فوتنااا يامات هايلين انا و عماد و حبيتوووووو كتر من كلشي ، كا قريب العرس و بدينا نوجدو راكم تعرفووو تمرميدة تع العرس ،جا يوم العرس و ليوم لي نروحو نجيبو فيه عروستنا *_* درنا كورتاااج يهبل ، جبنا عودات و طوموبيلات غير لملاح ، و موطوات مهم كووورتاج هااايل  ، وصلنا هزيناها جااات تهبل كي البوبية الله يبارك ، وصلنا  لقيت عماد راكب ف طوموبيل وحدو ، قلت نروح نركب معاه اون سي جامي تركب معاه كاش بڨرة ….

___عماد___:

كنت قاعد وحدي ف طوموبيل و نخزر منا منا لا نلقا عمري ، لقيتها جايا من بعيد مت ب سعادة ، هدا راح يكون افضل يوم عندي ف حياتي ، ركبت جااات زلة لابسة رووبة بيضة طوييل  و ماشط مشطة تهبل *_* ولينا و كنت مخبيلها المفاجة لي قالي عليها فارس .. وصلنا ل دار لعريس ، شطحو و كلش عقبت هاايلة ، جا الوقت لي راه ندير كادو لحبي ، حكمتها من يديها ، و جينا ف نص ، هي مافهمت فيها والو حكمتلها وجها سلمت على راسها ناس ڨاع يشوفو فينا ، يماها ثما باباها خاوتها قلت دوك يجو يقتلوني خخهههه ، هزيت لخاتم و هبطتلها ، شفت ف فاميلتها لقيتهم يضحكو و يصفقو ايا قلت سلامات هههههههه صلحت العفسة ، هي تشووكاات ، لبستلها الخاتم و نضت عنقتهاااااا و بستهاا ، قاعد نبكي كي الولد صغير :'( ، هي عنقتني و باستني فوق راسي .. منبعد راحو العرسان للاوتيل و حنا رحنا للدار غدوا منداك كان فطور تاع العروسة .. جا فارس و ميرال و اهل ميرال .. فطرناً و قصرناً منبعد تفقنا على العرس وكلش .. راحو و انا قعدت مع ميرال .. انا : احم احم واش صرا البارح .. ميرال : درنا عرس و خطبك فيه عماد .. انا ؛ لالا ف الاوتيل .. ميرال : مصرا والو .. انا ؛ احكي نوغمال ياك انا صحباتك .. ميرال : نون منحكيش .. انا : احكي .. ياك مام انا قريب عرسي و راني حابة نعرف واش يصرا باش منتصدمش نهار عرسي . ميرال : سقسي عماد يشرحلك بالتفصيل الممل ..ديجا وقتاش تروحو تكرو لاغوب بلونش .. انا : غدوا .. ميرال : والعرس وقتاش . انا :مزال شهر .. ميرال : بن عمي علاش هاد الزربة خفتي يبدل رايو و تبوري .. انا : وي -_-

_______غدوا منداك______

رحت مع عماد كرينا لاغوب بلونش و شرينا الكوستيم و الخواتم .. و قعدنا ندورو ف السوق .. عماد : ياه وقتاش تولي مرتي باش ناكلك .. انا : تاكلني  علاه نتا وحش و لا مكاش ماكلة ؟! عماد : رورو نحبك بزااااف والله .. ملي كنت صغير و انا نعشق فيك .. انا : مام نحبكك و بزاااااف  عماد : تدخلي كشما تشري .. خزرت ف الحانوت لقيتو يبيع حوايج تاع الرقاد ولي سوغتيدبان ...الخ ،، انا : لالا عندي كلش .. عماد : معليش ندخلو نشوفو برك .. انا ؛ الحانوت تاع النسا حاب يحضكو عليك واقيل ديجا جعت هايا نروحو ناكلو ... رحنا كلينا شوارما ..ًو رحنا درنا شوية ، بقاو الاربع الايام لي بقاو للعرس جوزناهم غير شغل و تحضيرات و ضياف  المهم لحق العرس نضت صباح بكل نشاط و حيوية ،، غسلت وجهي و هبطت للكوزينة شربت العصير و كليت باتيسري ،، امبعد جات الحفافة مشطتلي و مكياتلي ،، فطرت و لبست لاغوب بلونش و زدت فوقها البرنوس ،،، بعد ساعات جا الكورتاج ،، رحنا للاصال لحقنا ثما  رحت للبيت تاع التبدال نحيت البرنوس امبعد جا عماد خرجني جزنا قدام المعروضين و البنات صغار لابسين غوب بلونش و الدراري كوستيم قعدوا يمشو مورانا و يرمو علينا الورد ،، و الزرنا مهولين الحالة ،،، قعدنا ف الكرسي تاع العريس و العروسة ،،جات عجوزتي جابت الخواتم ،،، لبسناهم و سلم عليا عماد و قطعنا الباتيسري امبعد قلبنا لابيست بالشطيح و الرديح المهم العرس جا يهبببل 😀😀😀 المهم كي خلاص العرس رحنا للاوتيل و جازت ليلة تهبل ماننساهاش حياتي ڨاع ،منقدرش نحكيلكم ! عييب هههههههـ

المهم جازو شهور و سنين عشت انا و عماد احلی ايام حياتنا زادت عندنا طفلة سميناها ياسمين ،، عماد اسس شركة تاع البناء و طبعا انا السكرتيرة ،، باش نراقبو نخاف ويلی تخطفهولي كاش مرا والله نخطفلها حياتها ،،، اما بالنسبة ل ميرال و فارس ف هوما زاد عندهم طفل سماوه اياد و سافرو يعيشوا ف الترك يجو غير ف العطل و الاعياد..

اليوم عيد ميلاد ياسمين الخامس درنالها حفلة كبيرة و عرضنا العايلة ،، غنينالها امبعد طفات الشموع و تمنات امنية ... عماد: الاميرة تاعي كبرت وولی في عمرها خمس سنين تزيد شوية نزوجوها..، انا: ههه هدا وش تعرف نتا غير الزواج متقولش بلي كبررت و قريب تدخل تقرا نون ديراكت نزوجوها. ، عماد: واش تدير بالقراية تقعد ف الدار تكونيكتي ،، خي ماتقعد تحف و تندب تعيي روحها. ياو لي قرا قرا بكري ياسمين: لالا انا راني حابة نروح نقرا و يولي عندي صحاباتي نلعب معاهم،، عما:، ي سلاااااام بنتي كبرت وولات تعرف تهدر،،، عماد:  روروحياتي .واش بيك انا نضت نجري للادوش تقييت كي كنت موليا ل ياسمين و عماد دخت ، عماد : رانياااااااااا !  ياسمين :  جدو ماما ماتتت !!  خالو فاااارس ارواح ماما ماتت ،، انا: علی راسك نشاالله وين متت تغاشيت برك ، عماد: نوضي نديك للطبيب  روحنا للطبيب و فحصني  الطبيب : المدام حامل ..عماد :  ااااه مليح هدا خبر يفرح ،، ياسمين:  واش معناها حامل؟! ،، انا: معناتها رح يزيد عندك خوك ياسمين: يااااااااااااي و جات تجري لعندي ياسمين وعنقتني و زاد عنقنا عماد *___* .

و عشنا سعداء راني في شهري رابع غير نتقايا و نتغاشا ، هبلتهم ههههههه .

مهم اتهلاو في رواحكم لبنات نشاء تكون عجبتكم حكايتي سلام !