كرونيك رانيا و عماد الدين

سلاااام بنااااات ! جبتلكم كرونيك جزائرية
.حب و غرام ... غدر و انتقام ...
النوع : كوميديا ، رومانسية
العنوان : رانيا و عماد الدين

*الام : واش هدا وين تنوضي ي لفنيانة هدا قاع فيسبوك لي هبلك .والله غير نقول لباباك ينحيلكم الويفي هدايا خرجكم من عقولكم ..
انا : بفف ادا نضت بكري تقوليلي  نضتي تكونيكتي و ادا نضت روطار تقوليلي كنتي تكونكتي بففف .. ديجا راني روطار نروح باي ..
خرجت من الدار و ركبت ف الطونوبيل و ديماغيت ،ف طريق .. معلاباليش واش صرا المهم كنت نسوق نوغمال حتى نتخابط ف طونوبيل معلاباليش من وين خرجتلي و خرج مولاها الجحش يعيط ويسب و انا طبعا لن اسكت له خرجت من طونوبيل ديالي و بديت نعيط وهو يعيط  شغول رانا نتسابقو شكون يعيط كتر .. و طبعا الناس قاع حبسوا وقعدوا يقرعجوا .. هو : والله مليحة كي ولاو الدراري صغار يسوقو .. انا : واقيل راك عليا .. هو : لالا راني على لي موراك انا : ايا بيان حسبتلي راك عليا هو : لالا حاشا .. راني على البغلة مولات الطونوبيل .. انا : نتا هو البغل .. و بعد شجار دام نصف ساعة قررت انا ندخل للطونوبيل و نكمل طريقي حتى شفت هداك الجحش مورايا .. اوو راه يتبع فيا هدا لحقت لافاك ڤاريت الطونوبيل و رحت نقرا دخلت لونفي و سقمت دوزاني حتى نشوف هداك لجحش داخل .،انا تقلقت و قتلو : بن عميي تبعتني حتى لهنا .. هو مقيمنيش و راح قعد ف البيرو .. انا تشوكيت جاتني كغيز كاغدياك ف الراس .. حسبتو طالب خرجلي بروف!!! اووو مي يبان صغير .. بعد مدة دخل راجل كبير يبان هو البروف .. الراجل : نتايا واش راكً دير فل بيرو ماعلابالكش بلي هديك بلاصة تاع البروف؟؟ .... الجحش ناض بلاعقلو و قال : انا عماد الدين سعود البروف : اه سمحلي سي عماد .. المهم عماد جا قعد قدامي باغسكو مكاش بلاصة ... انا : ايه المعارف ياه .. عماد : هدي نتي ي البغلة لحقتيني حتى لهنا . مي متخميش لعشيا تتحاوزي ... انا : حسبتلك غير نتا لي عندك المعارف يمال نقولك حاجة انا بابا هو الممول الكبير لهاد لافاك عماد : و بابا هو المدير تاع لافاك !  

...البروف :نتوما حبسولنا هدرة لهيه ... و بدا الشيخ يشرح و حنا نكتبو .. و الجحش قاعد يكتب بستيلواتي .. انا : نتا حط ستيلو ديالي بفف !  هو : ستيلو يدير برك الف فرنك شحيتيه عليا بييييي شحال  مشحاحة .. انا : كي يدير الف فرنك علاش ماشريتش ؟! .. هو : اي خليني نكتب اومبعد نشريلك عشرة .. انا : اشريهم لعمرك .. لروحك مشريتش ستيلو جاي تشريلي ليا عشرة -_- .

البروف : اواه نتوما مراحش تسكتو واقيلا ؟  ... ايا برا اخرجوا عليا !!. خرجنا للجاغدان تاع لافاك كان فارغ الناس قاع ف كلايسهم يقراو غير انا و هاد البهلول .. هو راح حكم كرسي و قعد و انا زاحمتو قعدت قدامو .. المهم كل واحد جبد تلفونو .. انا قعدت نكونيكتي و هو قاعد يتصور ... انا : يرحم باباك وعلاش راك تتصور شايف روحك شباب ؟؟ هو : بيان سور عندك شك  انا : وي !!  هو: واقيل غرتي كي شباب عليك يا لموسطاشة  انا : واش قلت ؟؟عاود مسمعتش !؟؟ هو : زعفتي كي قتلك موسطاشة !  انا : معليش نسلفلك لي موسطاش دياولي باش تولي راجل  هو : سلفيهم ل باباك .. بون انا تقلقت و فتحت الصاك كان عندي قرعة كوكا كولا و فتحتها درت روحي حانشرب و درت ليه فرغتها فوق راسو ... انا : متدسرنيش باغسكو مزال متعرفنيش :) ! ... هو : واشبيه جدك كنت نڤصر برك مي والله تخلصيها غالية، كي جيتي طفلة لي مضربتكش  .. انا : سيي زهرك .. هو : راكي حابة نحكمك نڤطعك واقيل انا : طووز ماعندك مادير -_-  .

. بون نعرفكم بالشخصيات تاع لحكاية : رانيا : الفتاة المدللة 19 سنة . شعرها نواغ.. ما سمرة ما بيضا نصف نصف ،، عينيها ماغون طويلة و رقيقة ..الضحكة تاعها حلوة تاخد العقل ،، تحب تلعبها واعرة مي هيا خوافة .. مي لي يخلط فيها تشعل فيه .. تموت على الماكلة و المسلسلات التركية ، زلة و تحب تتقلش سوغتو على والديها ، باباها تاجر عندو مركز تجاري . و يماها ماكثة ف البيت ..و عندها 3 خاوتها . عبد الرحمان 29سنة مزوج و عايش ف الخارج ، امين 27 سنة شرطي متزوج تاني .. عايشة في دار غير مع باباها و يماها .. .

عماد الدين : الوسيم 19 سنة . شعرو ماغون و عندو لحية خفيفة .. عينيه عسليين يهبلو .. ميسكلي و زل .. متكبر و حاسب روحو .. تاع بنات و سهرات .. باباه مدير لافاك و يماه استاذة متقاعدة .. عندو ختو وحدا . منار 17سنة .. و عندو 3 صحابو . فاتح . زين و منصف ..  قعد يخزر فيا.

. و بعدها  قالي :  هيا بلعي -_- … في هاد الاثناء جاو صحابو .. منصف : واش حبيبنا من اول يوم دبرت وحدا ؟.. فاتح : راك تشوف تخليه سيلباتيغ تولي موراها ب زوج دقايق تلقاه اون كوبل .. عماد : هه عليمن راكو تهدرو ؟! زين : عليك و على هاد الزلة لي معاك .. (انا بقيت متشوكيا اووو واش راهم يالفو من ريسانهم ... ) عماد : تعميت واقيل هادي زلة ..ديجا ولش حسبتلك هبلت باش نخرج مع هادي ... انا : يا وليدي يحبلك باه تكون مع وحدة كيفي بففف -_- .

قعدنا نتداربو . هدرة تجيب هدرة حتى لحق وقت لكوغ دوزيام رفدت ساكي ورحت نقرا.. دخلت رحت حكمت بلاصة و قعدت و دخلو الجماعة تاع سي عماد و قعدو قدامي ،، بدا الدرس و كان بزااااف يعيي لدرجة اني رقدت حتى عيط عليا البروف باش نضت .. و بهدلني و الطلبة قاع يضحكو عليا ... بففف جايحين ~.~ .

_________عماد_________ :

عماد : الو وي يما .. الام : وليدي ! وقتاه تجي من لافاك ؟ .. عماد : راني ف طريق للدار علاش؟ .. الام : تقدر تروح للمطار تجيب بنت عمك ميرال راها جاية من تركيا طيارتها توصل على 5:00 .. عماد : اوكي اوكي يما دوك نروح الام : اتهلا ف روحك باي .

______رانيا _______

رانيا ... بعدما بهدلني البروف .. رجعنا للدرس الممل ،، جاز الوقت بسيف ،، قريب متت .. قراية مور قراية حتى وصلت 4:00 .. ركبت الطونوبيل ورحت للدار ،،  _______عماد__________

عماد سكر الخط و راح للمطار قعد يستنا حتى لحقت الطيارة تاع تركيا للجزائر .، و بداو يخرجو الناس و خرجت معاهم ميرال ... ميرال : عماااد .. وراحت عنقاتو و سلمت عليه ... عماد : مرحبا بيك ختي توحشناك والله .. ميرال : مام انا توحشتك بزاااف .. عماد : هايا نروحو للدار .. يما و العايلة راهم يستناو فينا *_*

لحق عماد و ميرال للدار . العايلة كلها رحبت ب ميرال و فرحت برجوعها .. (ميرال:19سنة . بنت عم عماد ... شعرها ماغون شاتان و عينيها ماغون . سمرة و طويلة ، رقيقة .. تبع بزااف الموضة و اللبسة و تهتم بزاااف بلبستها و مكياجها تعشق السفر و التسوق .. متكبرة و حاسبة روحها و زواخة .. الدراري قاع دايرين عليها كي الدبان .. طفلة بزااف متفتحة و داية عقلية تاع الترك سهرات و خرجات ،،،الخ)

•••———•••في غرفة رانيا•••———••• بقلم الراوي :

كانت رانيا قاعدة فوق البونك و لامة شعرها و لابسة بيجامة و شايدة طبسي تاع شيبس و شوكولاطة و تاكل كي وحدا جامي كلات و تشوف مسلسل تركي و تبكي خاطرش البطل و البطلة افتارقوا ..و في هاد الاثناء دخلت عليها سناء ماماها بالبالي و كانت مقلقة بزاااف ... سناء : وانت دوكا متخدميش شغل مطيبي ما تندبي  جايبتها غير افلام و مسلسلات؟؟ .. والله ساعات نحس روحي جبت ثلاث ولاد مجبتش طفلة !!  متقولش قاع طفلة .. لوينتا بيتك تقعد هك مخربة صاشيات تاع الشيبس و الشيكولا فالارض؟؟  .. الماكلة فوق الفراش و زيد حوايجك مطيشين هنا و لهيه تقول كوري هادي شمبرة تع طفلة ؟؟؟ ......الخ هي تهدر و تهدر و رانيا مشي قاع مقيمتها ... خاشعة فالفيلم خشووووع .. يماها تقلقت و طفاتلها تلفزيون ... رانيا : اااااه علاه طفيتيه !!! خليني تي ديما هكدااا علااه!!!..  سناء : سقمي بيتك من هاد الخدردة و اهبطي تطيبي العشاء و لوكان متهبطيش البالي نكسرو فوق راسك و ي ويلك لوكان نسمع بلي شعلتي التلفزيون .. و ديجا طفي الويفي و جيبي تلفونك لهنا ... هبلكم التليفون و المسلسلات... رانيا : بصح وعلاش ؟؟؟... سناء : خلاص.. كلامي قلتو و منعاودوش و تلفونك نرجعهولك مور ما تسقمي بيتك و تسيقيها و تطيبي العشا و تغسلي الماعن اوك ؟! رانيا : هادو قاع علاه قالك انا روبو ...  سناء محبتش تزيد تعيي روحها فالهدرة الوغ دات التلفون تاع بنتها و راحت ... و رانيا بقات ف البيت تندب ف حناكها خاطرش ماماها بزاااف واعرة …

______رانيا_____

.. بفففففف كرههت حياتي اني نحس روحي خدامة ف هاد الدار اوووووف ... المهم رفدت صاشي كبيرو و بديت نلم ف الزبل و الصشيات تاع الماكلة رتبت البيت و مسحتها منبعد هبطت طيبت العشا و غسلت لماعن -

____في دار عماد______

العايلًة كل قعدت على نفس الطابلة باه تتعشا .. سي محمد : عماد !! عماد :نعم بابا؟؟.. سي محمد : ميرال ح تولي تقرا معاك نحبك توصلها و تتهلى فيها .. عماد : وي راهي كي ختي  نتهلى فيها متخافش.. ميرال: مي نو  منيش حابة نبدا من غدوا خليها على  15 يوم باش نبدا خاطر عييت من لقراية جاتني صعيبة ف الترك و تان توحشتكم و ني حابة نبقا معاكم يامات و نستعفى شوية ... سي محمد : مايكون لا خاطرك ،،، عماد : بصحتكم انا نوض شعبعت و سمحولي عندي شغل... سي محمد : قصدك عندك سهرة.. عماد : بابا !! ...سي محمد : متقلي ني بابا ني جدي ،واش هدا نتا متتبدلش دوكا متعقالش و تسيي تقرا اوموان تلقى خدمة و تدير دار؟؟  و لاغير سهرات مع صحابك الصايعين الضايعين !!

______رانيا _____

بعدما م كملت لماعن طلعت لبيتي لي حسيتها جديدة تقول مشي بياي والله تالمون ولات نقية بدلت حوايجي .. جبدت تليفون و درت غنا و قاتلني لفيد ، حتى نشوف بلي جاتني انيفتاسيون قعدت زعما نتخايل ف كاش زل بعتلي انفيتاسيون حتى شفت لقيتو عماد !! انا تشوووكييييت وااااع شوبدو هاد هلأ ؟؟ …

_______عماد______

عند عماد : عماد كان سهران مع منصف و زين و فاتح .. منصف : اكسيبتات ولا مزال..؟ عماد : اممم اصبر نشوف.. راهي اكسيبتات !! .. زين : بدات اللعبة يااه  وريلنا شطارتك  ؟ خخخه ...فاتح : سمعت بلي بنت عمك الزلة جات .، عماد : احم احم راك تهدر على بنت عمي متنساش خهه !  ايه جات نشوفلك معاها ؟! فاتح : لالا باينة مشات معاهم كامل و انا منمشيش مع الفضلة تاع الناس .. منصف : هاهاها شكون هدر ~.~ !

________رانيا ________

اكسبتيت  و محبيتش نحلبو -_- بعتلي هو: وش زين صافا ؟.. انا : خرمنك :) هو : هههههه مسمامة -_-... انا : ايه واش تسحق؟؟ ... هو : غدوا ني حاب نقولك حاجة اوك !! استنايني ... انا : اوك -_-  ،و دوك بون نوي نروح نرقد نعست !! .. هو : بون نوي لكبدة .. انا شفت لكبدة !  دخلي الشك زعما واش ح يقولي غدوا؟  باينة عفسة جايحة كيما هو ~.~ ... الليل طول و انا نخمم امم زعما واش حايقولييي بففففف خممت فيه حتى طارلي النعاس هبطت للكوزينة نسرق شوية ماكلة جعت تقول عندي حنش ف كرشي .. جبدت المطلوع و درت فيه الفرماج و ديت كوكا كولا و رحت للبيت شعلت ال pc و درت فيلم تركي رومانسي حزين بديت ناكل و ندمع 😭😭 كي العادة ،، كملت ماكلة غسلت سناني و رحت رقدت حتى نصيب ماما واقفة قدامي تنوض فيا .. سناء : نوضي راها 7:00 انا : اوكي نضت .. رحت غسلت وجهي لبست سروال ابيض  و تريكو آديداس نواغ  قصير و صباط اديداس نواغ ..  و حكمت شعري كودوشوفال  رفدت الساكودو ديالي و ركبت الطونوبيل و رحت للافاك بون لحقت روطار دخلت نجري لقيت البروف بدا فالشرح . دخلت لقيت عماد شدلي بلاصة رحت قعدت . عماد : صباح الخير الفنيانة .. انا : اسكت منيش حابة يزيد يحاوزنا الشيخ كيما لبارح !!  هو : اوكي عمري ..  انا : عمرك ؟؟ اتحرك .. هو : اسكتي دوك يحاوزك .. المهم جاز الكوغ رفدت ساكودو  و جيت خارجة شدني عماد من يدي حسيت الشرارة ضربت -_-  .. خزرت فيه ..  قالي : نسحقك نهدر معاك معليش ؟؟  .. انا : اوكي !!  هو : يمال خلينا نروح للمقهى تاع لافاك .. انا : هيا :) .. و حنا ف طريق الف سؤال يدور ف راسي .. زعمة وش يحوس هدا ؟؟  انا : ايه واش هاد العفسة المهمة الي راح تقولهالي ؟؟  .. هو : ني حاب نقولك حاجة... انا : هيا قووول !! هو:  كي شفتك عجبتيني بزااف والليل كومبلي و انا نخمم فيك .. انا : امممم ماشي انا موسطاشة -_-. هو : خسارة عليك نتي زلة .. انا : مي حبيت نفهم لوين راك حاب توصل بهاد الهدرة كامل ؟؟ هو : بيسك انت سيليباتيغ و انا تان علاش منولوش اون كوبل .. انا : طرطقت بضحك و قتلو اناااا و نتا اونكوبل هههههههه.. هو : علاش اكي تضحكي ! مني سغيو وين تلقاي واحد كيما انا ؟؛ انا : من نتيك !!  هو :  ايه منيتي واش قلتي موافقة و لا نون ؟؟ . انا : معلاباليش نخمم هو : غدوة رجعيلي الخبر !

و كيف العادة مر اليوم عادي .. روحت لدار خدمت شوية شغل و تكسلت نشوف مسلسل رومانسي تفكرت قصة عماد بديت نخمم حتي صونالي تلفون رقم غريب رفدت لقيتو عماد!!!  ... عماد : الو عمري سافا.. انا : منين جاك نيميرو ..؟! عماد : وش دخلك ؟ المهم واش موافقة ياك !  .. انا : معلاباليش ! .. و كوبيت و قعد غير يعيطلي و يعيطلي زعما صح عجبتو نقبل و لالا يعني هو بزاااف مزيان و بوقوص يشبه لفارس احلامي وشفيها نجرب ونقلو وي  ؟!.. مع الاخير رفدت وقتلو وي  و دوك خليني نرقود بونوي !!  ... هو :  بون وي عمري غدوا نهدرو .

______عماد _______

منصف : واش حبيبنا فريتها !! .. هو : ايه دوك قاتلي وي !!!  زين : مي بزاااف مرڤتها ب عمري و حبي حلاب -_-  .. هو : باش متفيقليش ديجا واش دخلك راك حاب تخسرني ف اللعبة؟  فاتح : خطيك منو  اللعبة بدات تحلى هاهاا !!

_____رانيا____

جازو يامات خرجنا فيهم انا و عماد حوسنا .. حكينا مع بعض ف تليفون فرغنا قلبنا ساعات يكون عندو مشكل نعطيلو حلول .. نسمعو .. خرجنا ف سهرات .. قرينا مع بعض ريفيزينا مع بعض  ..حسيت روحي تعلقت بزاااف بعماد وليت نحبو بزااااف كون م نشوفوش نهبلل .. كون منسمعش صوتو نحس روحي مش مليحة و لالي ادمان

______عماد______

عماد: جازو يامات .. و اللعبة حلات و محبتش تخلاص  ! ساعات نقول حراام على واش راني ندير فيها و ساعات نقول شح تستاهل على وش دارت فيا (مع الوقت تعرفو ) ... صح انه جازو بزاااف يامات و انا مع رانيا  وليت نحبها مي لازم نتغلب على هاد الحب ونكمل اللعبة م ... و هدا هو الشي لي حبيت نوصلو ..

____ ف لافاك____

امينة : ميرال !!! ..  ميرال : وي امينة شبيك تبكي ؟؟! .. امينة : وليد عمك خلاني ح نهبللل وولى مع واحد الطفلة و سمها رانيا بففف ني حابة نقتلها ..  بليييز اهدري معاه!!  ميرال : متخميش دوك نهدر معاه ! كلبة هادي رانيا

_____رانيا _______

ليوم اخر امتحان.. عماد : كيما قتلك خلي ورقاتك قدامي .. خاطرش منيش مريفيزي ! .. انا :  هههه نتا ديما هكدا بغل -_- .

المهم جوزنا الامتحان الاخير و كان بزاااف ساهل ... رحت للدار بعدما قعدت مع عماد و قصرنا .

كي لحقت للدار ... لقيت وليد عمي فارس 😍 جا ... فارس : 20 سنة .. صديق الطفولة  *_* و خويا و كلش ف دنيا ... شعرو نواغ عينيه ماغون .. ميسكلي عندو لي فوسات و لحية خفيفة .. بزااف متواضع  .. يتشارك معايا ف الاسرار و نتفاهمو  بزاااف مي ساعات نتضاربو كي القط و الفار .. تربينا كيف كيف .ا انا : فاااااارس !!  فارس : عمرييي صغييرة ! كبرتيلي ياااو !!  انا : ايه لقيت روحي فارغة شغل قلت نكبر شوية -_-  فارس : مزلتي نتي نتي فل عقلية .. بڨرة

_________ دار عماد _______

في دار عماد ميرال راحت تهدر مع عماد على  علاقتو مع امينة حتى تسمعو يهدر مع صحابو على رانيا !!  .. هي فرحت و دخلت لبيتو هوما سكتو هي دارت روحها تحوس على كتابها لي خلاتو في غرفة عماد جبدت كتاب وخلات تلفونها مور واحد الكتاب يسجل  خرجت برا و قعدت تستنا حتي شافت عماد خرج مع صحابو باه يسهرو .. راحت  تجججري لغرفتو و جبدت التلفون و بدات تسمع ف التسجيل  : عماد : شوفها ادا راحت .. منصف : ايه راحت .. زين : كيما قتلك لحكاية لازم تحبس .. عماد : والله حلاتلي ... فاتح : مي طيحتها ف الشبكة خلاص .. زين : راني نقولك الحكاية لازم تحبس رانيا مش من نوعك .. هي طفلة عاقلة علاه راك تدير فيها هكا فهمني ؟؟.. منصف : واش زين عجباتك واقيلا علابيها راك تدافع عليها !! . عماد : خليها تستاهل ... فاتح : مسكينة ني حاب نشوف وجهها كي تعرف بلي راك تتمسخر بيها هههههه .. منصف : قلبها يتحطم  عماد : خليه يتحطم ويلا حبت تقتل روحها واش نديرلها .. زين : تحبها؟؟  عماد : هههه بعيد الشر لاه خلاصو البنات باش نحب موسطاشة كيما هيا كافية . زين : يمال لاه تدير فيها هك .. عماد : وانت وش دخلك تسالي قلقتني ني حاب نتمسخر بيها .. عينوك محامي ديالها ولا واش ؟؟  منصف : خلاص سكرو علا هاد السيرة و خلونا نروحو نسهرو .. الشيرة و الشيشة ولا هاد المعيشة ... بعدما سمعت ميرال التسجيل ضحكت و عيطت ل امينة .. امينة : وي ميرال : جبتلك خبر يفرح امينة : هدرتي مع عماد . ميرال : لا جبتلك حاجة تفرحك .. امينة :ًوش هيا .. ميرال : غدوا نوريهالك ف لافاك اوكي ؟

غدوا منداك بعدما سمعت امينة التسجيل فرحت و عنقت ميرال .. امينة : نحبببببكـ !!  ميرال : موا تان 😘 امينة: ودوك خلينا نروحو لعند رانيا !!  .. ميرال : ههههه سيتحطم قلبها كيما قال منصف ههههههه ! ً امينة : ههههههههه 

يتبع للجزء الثاني 💕.