سلام لبنات ، في موضوع جديد ! رايحين نهدرو فيه كيفاه تكوني انيقة يعني طرق باه تتهلاي في روحك .. كل بنت تحلم تكوم انيقة و بعض لبنات يعتفدو انو لا بد من صرف بزاف دراهم باه يحقو اناقتهم و جمالهم بصح لا ، لازم علكم اتباع نصائح بسيطة و تلبسي لبسة انيقة و مكياج لي ديريه يكون انيق تاني !
• دايما اختاري لقش ل يناسب جسمك و مقاسك ، متلبسيش قش كبير عليك ؛ هاديك تبينك سمينة و مظهر ماهوش لائق !،تاني متلبسيش الملابس الضيقة ؛ اللي تظهر جسمك و مؤخرتك و صدرك و كل معالم جسمك هكدا جي تعيفي و ماشي ڨاع انيقة ،بل اختاري الملابس اللي تناسب جسمك تماماً.
•انتبهي مليح ل تنوراتك و قشك ، لازم عليك تختاري التنورة اللي تكون على مستوى ركبتك تماماً أو طويلة من مستوى ركبتك بشوية ، فالتنانير القصيرة؛ ماهيش ڨاع انيقة ، لانها تظهر ترهلات رجليك وسمنتها، و تاني ملفتة للنظر، استخدمي الاكسسوارات في تزيين ثيابك البسيطة، فمثلا كي تلبسي سنسلة طويلة حول رقبتك يزيد من جمالك و اناقتك ، وتاني اختاري براسليات سامبل تضفي لمسة من النعومة والجمال عليك. حاولي ديما اختيار ملابس لي تكون فيها الخطوط العمودية، وابتعدي عن الخطوط العرضية؛ التي تظهرك ابتعدي فالخطوط العمودية؛ تجعل جسمك يبان طويل و رشيق ، كي يشوفو فيك تتبع العيون شكل الخطوط العمودية لي على الملابس فتعطي العين انطباعاً بالطول؛ بصح متبالغيش في لبس هذا .
البسي تريكوات لي شكل رقبتها حرف V؛ هي تزيد من طول رقبتك، وتظهرك أقل سمنة مما أنت عليه. البسي طالو طويل مع سروال ، اتدربي تمشي بيه . باه توالفيه و تمشي بتوازن ، ينصح جميع مصممي الأزياء باللبس طالو طويل وخاصة في الخدمة ، ومن المفضل تلبسي حذاء بلون السروال .
اتجنبي لبس سراول القصيرة؛ البسي سراول اللي تغطي كامل رجلك .
ابتعدي عن الثياب المكشكشة و لي فيها بزاف ثنيات ؛ وخاصة في منطقة الخصر؛ تجعلك اكثر سمنة و اقل اناقة . ماتلبسيش أكثر من زوج الوان ، ويفضّل تلبسي اللون الأسود في الاجتماعات، أو گي تحبي تباني أكثر أناقة، البسي تاني الألوان الغامقة لكسب مظهر أكثر رشاقة.
متكثريش بزاف ماكياج و حاولي قدر المستطاع ديري ماكياج تباني فيه طبيعية ، ديري غير الكحل والماسكارا، ماتبالغيش ف العطر .
نشاء الله تكونو ستفدتو من هادو نصائح لبنات ، متنساوش ديرو اعجاب لصفحتنا الايادي الامنة ، تذكركم بصلاتكم و تلقاو فيها نصائح اكثر *_* .
الله يفااارقنا بلا ذنوب يامن عاش . سلآم
شكرا ختي ربي يحفضك 😊
ردحذفثانكيو 😚
ردحذف