اختي نوصيك 4حاجات : ركزولي على 4 ....
1-كي يتوشيك كاش واحد في الحرام .عرش الرحمان يتزعزع .. بالاكي تكوني نتي الّسبة وبالاكي تخلطيها مع ربي عالجال كاش واحد (مام فيونصي تاعك)
ما تنسايش بلي نتي مسلمة و خطأ صغير يديك لواحد كبير على واش تقدري و بلي كلش راهو يشوف فيه ربي و راح يحاسبنا عليه.ولي يدير الحرام ربي يحرمو بنة الحلال ... يحرمو حتى من شريك حلالي( بسك مايستاهلش يدي الحلال) واعرفي مليح بلي الصابر ينال
2-ديري قاعدة راقية في راسك بلي نتي ربي خلقك الماسة غالية غالية وعزيزة بزاف .وبلي الوقت وخاصة وقتك ما تضيعيهش في الفيد. او بلي والديك تعبو عليك بزاف(رانا عارفين مليح المعيشة كيفاش واعرة).. ونتي تاني تعبتي بزاف باش تكوني المرأة تع اليوم .. او بلي راح تتعبي بزاااف .بسك راح تولي ام بإدن الله
3-حنا نحبو ونتمناو ونخيرو و.و.و.... بصح ما ندو غير وساهل واش كتبلنا ربي ..شحال من وحدة تمنات واحد وماداتوش..شحال من وحدة تمنات واحد وداتو وماتهناوش .شحال من وحدة تكبرت وندمت.شحال من وحدة صبرت ونالت.شحال من وحدة تمنات واحد ودات ماخير منو.. شحال من وحدة دعات ربي واعطالها واش حبت.شحال من وحدة قطعت لياس .وجاها مكتوب شباب جامي سناتو
4 لبنات الدنيا واسعة وواعرة وكما تدين تدان والوقت وااعر بزاف بصح كي تقراي القرآن تشوفي كلش ساهل ورضاية ربي ساهلة
- ديري لخير فدنيا قد ما قدرتي يا لوكان بنية يا لوكان من بعيد بدعوة ديري ف بالك ربي راه يشوف كلش.. لمليح و الدوني عيشي اضحكي اغلطي و تعلمي و اطلبي سماح ادا غلطتي ف حق انسان باش تكسبي ربي واحد ما راه معصوم ملغلط كامل نغلطو ايه .. ماتتكبريش ما تتنوفقيش .. حبي اللي يحبك.. صفي قلبك مع ربي هادي دنيا ليوم راكي هنا غدوا راكي عند مولاك تتحاسبي على الصغيرة و الكبيرة...فيقي لروحك افتحي عينيك و شوفي شكون اللي يستاهل و شكون اللي حبك صح و شكون لقيتي نهار ضياقت بيك الدنيا شكون مسحلك دمعتك كي كانو كامل يتفرجو فيك...شكون اللي يغلط و يطلب منك سماح غير باش مايخسركش...شكون اللي راكي عارفة بلي هو اللي راح تلقايه واقف معاك ظالمة ولا مظلومة ...شكون اللي بقا سهران معاك غير باش يسمعلك تشكيلوا همك.. راكي تقراي و حا هاد الانسان ف بالك ...متخسريش انسان كيما هدا خاطرش بكنوز الدنيا مراحش تلقايه...و لسان مافيه عظم...خليك من هدرت ناس الناس تهدر..
ليست هناك تعليقات:
إرسال تعليق