طيييط تييت بييب سلام عدراات
أنا نحبكم دايمن تهبلوا علاهادي جبتلكم أهم النصائح و الوصفات للوجه
باش تكونو شابات و تنحو كااامل لعيا و تبدلو وجه
تبعوني فريزاتي ولي عندها سؤال راني هنا
الحاجة الاولى تغسلو وجهكم بلي موالفين تمسحو بماء ورد الا عندكم الا مكنش عادي .
من بعد تبداو ديرو المقشر تاعكم الا تحبو مقشر طبيعي ديرو تلوة القهوة و زيت الزيتون و حكو بشوية و الا عندكم شريتوه استعملوه انا نفضل تاع eleis هايل قشرو وجهكم و اغسلو الا عندكم هادوك اسفنجات يجو صغار لي يستعملوهم خبيرات تجميل مليح يساعدو باش تنحو مقشرات و ماسكات
اغسلو وجهكم و نشفو بمنشفة جديدة و نجو نحضرو البخار للوجه تغلو الماء و ممكن ديرولو فالاخير كامومي او لافندر او نعناع و حطو وجهكم متقربوش بزاف و حطو سربيتا على راسكم باش البخار يجي فكامل وجهكم و يفتحلكم مسام و ينقي الوجه هدا تنظيف عميق للبشرة و باش تنحو النقاط السوداء.
ريحو 10 20 د خاصة لي نقاط توعها صعاب باش يخرجو لي تكون بشرتها خشينة من بعد امسحو وجهكم من الاحسن استعمال الايادي تللوو على صباعتيكم بابيي موشوار مالازمش تنحوهوهم هكك خاصة بضفارتيكم راح دخلو جراثيم لمسامات و ينودلكم الحب و هاد الطريقتين يستعملوهم فصالونات التجميل و كاين آلة يسموها فونتوز هيا تمشي بتريسيتي و تمصهم بالهواء و لكن ماتنحيش مليح متعجبنيش نفضل الطرق التقليدية و بقاو تنحو و تعبزو بشوية باش يخرجو بالاكو تجرحو روحكم و لي عندها لحديدة بالاكي لازم تعقميها و لي تحب دير هداك ماسك نوار لي عندها اديرو مور البخار عادي .
من بعد اغسلو نشفو و من الاحسن بعد هاد المرحلة تعملو مساج بزيت عنكم سواء زيت جوز الهند او زيت اللوز او زيت الزيتون او زيت الورد و مديروش حاجة راكم عندكم حساسية منها و ادلكو بحركات دائرية
و هنا نقولكم فوائد و وعلاش لازم مساج باش هديك حمورية و هادوك بلايك تاع كي عبزتو و نحيتو نقاط سوداء يروحو و الوجه يولي عادي و باش الدم يمشي بعد العملية هديك لي ضريتو شوية وجعكم ضريتوه ماشي معنتها جرحتوه و لكن الوجه تعرض l une agression كيما البرد الحرارة عادوما كامل c des agressions من بعد اغسلو وجهكم و هنا نحضرو ماسكات انا نفضل ماسكات evoluderm عنكم تاع الخيار للبشرة المختلطة و الدهنية لي نستعملو انا و تاع زبدة الكاريتي مرطب و ممليح للبشرة الجافة و العادية و تاع الطفل argile ينقي للبشرة العادية الى الدهنية.
هاد الماسكات يغلقو المسامات و لي عندها مشكل المسامات قبل الماسك تمسح بغلاسون تاع الماء و تعود دير هاد العملية كل يوم وجهكم راح يتحسن .
من بعد ديرو ماسك او اي ماسك عندكم و متقربوش حول العينين و الفم و ممكن ديرو ماسكات طبيعية ميكونش فيها ليمون .
و اغسلو وجهكم نشفو امسحو بماء الورد
و انا كاينة حاجة نديرها بعد السوان فيزاج ديرو كريم ترطيب عادي بعد الماء الورد انا فليل ندير بيافين باش تروحلي كامل لحمورية و وجهي يولي تمتم عادي لانو ادا حمرتو معنتها نجحتو و ادا مصرالكم والو شغول مادرتو والو و لكن حادروو فنقاط سوداء الا خفتو متنحوهمش و كملو الطرق عادي.
و هادا هو السوان فيزاج كيما عند خبيرات تجميل صح ممكن يزيدو حوايج ممكن لا و كل وحدة و طريقتها لكن هاد الطريقة هي عامة في عالم تجميل ز يختلفو فمساج و ماسكات و كامل .
ملاحظة:
روحو بشوية و عقمو يديكم و ادوات لي تستعملوها و من الاحسن تشرو بانسو يتباعو خاص للماسكات و المقشرات باش توزعو بيه.
انشاء الله عجبكم
#ريم
ليست هناك تعليقات:
إرسال تعليق