عرسو اليوم
شرين لاميا محمد
شرين من الي كان في عمرها 15 عام تعرف محمد الي سكنت في وقتها جارة جديدة كان حبها الاول اما هو عرف بزاااف بنات مي الي حبها وخلتو لقلبو هي شرين هذا الكلام الي قالولها هي كانت تقرا مع اختو لاميا كانت شرين تحبو بينها وبين نفسها وهو كان دائما يقدحلها ويمعنيلها بلي يحبها مام كانت كل متبعث على كايي من عند لاميا باه تبعثهالها تصيب رسالة فيها مي جامي قالها ديراكت نحبك ولا شيء من هذا نو كان يكتبلها نكت ولا يكتب اسمو فيها وهي كان يجي في بالها بلي عقليتو صغيرة مي مع الوقت عرفتو bein وتأكدت أنو هي الوحيدة الي يتصرف معاها هكذا مي واش حاب يفهمها ...كانت تغير عليه بزاف باسكو بزاف بنات جيرانها طايحين فيه وزيد صحباتها ويخبروها بكل شيء كانو يكحلو عليه غي هي الي جابدة روحها ومتخلطش مي علاش هكذا لأنو كانت حابة تقولو مرانيش كيفهم نحلل بروحي ولا انا الي نجري من ورا واحد كانت كل متروح لليسي هيا ولاميا مرات يتبعهم من بعيد بحجة انو يعس في اختو مي هو عينو على شرين وزيد هي مكانش على بالها بلي صح يحبها كما هي تحبو وممكن اكثر مما تتصور مام لاميا حست بهذا الشيء وخبرتها ممكن انو يكون محمد عينو عليك مي قاتلها نو منظنش لوكان صح ميدصرش بنات جيران قدامي وزيد راهي فاطمة دور بيه بزاااف ودائما نشوفها تدخل للحانوت تاعكم وطول فيه على بيها نحيت هذي الفكرة من راسي..دخلت لاميا لبيتهم ومام شرين بعد مرجعو من ليسي ...غي نحات شرين حوايجها وريحت شوي هبطت تشري صابت محمد في جاست ماشي مليحة مع فاطمة شافتو شوفات ثقال ورجعت على طريقها هو تصدم كما شافها منجمش حتى يحبسها لأنو راحت بالخف ...طاح من عينها بعد هذا الشيء خبرت في يومها لاميا قاتلها شفتي خوك الي كنت تقوليلي يحبك من ...راهو عايش لبال vي مع فاطمة حتى شفتو لاضها ليه مي من اليوم منزيدش نسلم على خوك..واسمعي انت من اليوم انت طبطبي بابي خلاص انا نقطعها كل ومنزيدش نجيك كما يكون خوك هنا فدار ..ضحكت لاميا وقاتلها زعمة تصبري وزيد نظن خي الي تبلاتو ياك على بالك بلي هي خامجة والي يجي تتت... حبستها شرين وقاتلها خلاص اخطيني من سيرتو وزيد لوكان تروحي لداركم ضروك خوك يجي يطبطب عليك ويتسبب بيك مخلصتش شرين كلامها حتى طبطب محمد بابهم خرجت تحل شافتو هو قاتلو دوك نعيطلها قالها نو مرانيش نحوس على لاميا لازم نحكي معاك انت لانك الي شفتيه مهوش ذنبي والله قاتلو وانا واش دخلني فيك هذي حياتك وسي نوغمال تعمل فيها واش تحب وعيطت لاميا قاتلها خوك يسحقك ...قالها شرين والله راكي غالطة فيا اعطيني فرص....وخرجت لاميا حبس كلامو وباست صحبتها وقاتلها تبقاي على خير فرحت بزاف لانو جاها مي مراهيش ناسيا واش صابتو يعمل ..من غدوة ذاك خرجت تستنى في لاميا عند الباب حتى صابت محمد جا ليها يجري قالها امشي خلينا نحكو قاتلو no معندنا منحكو وغبشت فيه قالها لاميا مراهيش جايا تقرى ختي لكبيرة ولدت البارح في الليل وجابت بيبي رح تراطي يومها قاتلو آآآه مبروك عليك وليت خال وحكمت تلفونها وكلمت لاميا قاتلها كل شيء مبروك وابعد كوبات سلام سلام....وقالت لمحمد اسمحلي نروح طولت قالهل استني نحكو قعد يمشي من وراها حتى بعدو على الدار وقالها اسمحيلي على البارح سكتت مجاوباتوش.. وامبعد قالها منحبكش تزعفي مني حبست وقاتلو لاش شكون انا عندك ؟!! تقدم ليها وقالها انت الي تعرفي واش تسوي عندي ....قاتلو منعرف والو ومنحبش نعرف وزيد منحبش نمشي مع واحد في شارع وزيد منحبش تزيد تجبد هذا الموضوع معايا انت واسمك خو صحبتي وحبيب فاطمة وقعدت تكسل في كلمة فااااااطمــة جات تتوخر تروح حكمها من يدها قالها وجبيك جدك تحبي تخرجيني من عقلي فاطمة مراهيش حنونتي وزيد هي خامجة كفاش تظني اني معاها....قاتلو والبارح الي كانت تبوس فيك وانت شايق معاها ايا اخطيني من قوالبك نكرهك خلاص وليت منحملكش ماذا بيك متزيدش تحكي معايا راحت وهو يحلل فيها مي مردتش عليه بعد ثلاث سوايع خرجت من ليسي صابتو يستنى فيخا وزاد كما شافها قالها شرين ني هنا ولبنات كل يشوفو فيه يتبسم محبتش تحرجو راحت ليه وهي تهدر بالعقل وش جابك خير واش ؟!
وهو يقولهل توحشت الي يقراو هنا
كان يمعني عليها مي هي عندت وقاتلو ok انا نروح وانت استنى الي توحشتهم هنا راحت وخلاتو تقلق منها مي حقها تزعف ....راحت لدارهم وفي لعشيا خرجت شرات كادو لخت لاميا ودلتلهم قاطو والقهوى وراحت ليهم دخلت وهي قاعدة وتحكي مع لاميا وختها دخل محمد كما سمع صوتها وقال سلام عليكم ردو عليه وعليكم والسلام
قالها كي راكي شرين ؟!
قاتلو مليحة ومحبتش تقولو وانت كي راك قالها هشا القاطو من عندكم يا عمري يشهي ياينة انت الي طيبتيه وقعد يهدر فيها تحشمت من خياتو وقعدت تجاوب فيه حتى قاتلها انا نروح ضروك قاتلها يتربة في عزكم ان شاء الله وخرجت وخرجت هي مع لاميا توصل فيها للباب جا محمد من وراها وجبد شرين للصالون قدام ختو خلعت قاتلو وش كاين قالها مدخلك نسحق شرين امشي عفطيلك خيرلك لنظربك تجيك الموت قاتلو شرين منحبش نحكي معاك وهو شادها من يدها دخلت للصالون صونا تلفون محمد مريبونداش جبدت تلفون من يدو صابت نميرو فاطمة ريبوندات حتى تسمع في فاطمة تقولو الو راني في الحانوت نستنى فيك ...نح تلفون من يد شرين وكوبا قالها وجبيك هذي راني نقصر معاها برك وانت الصح انا نحبك ...طاحت الدمعة من عينها وقالتو بنات الناس ماشي لعبة في يدك يا وسمك ودير مزيا لوكان السلام وتقطعها معايا وهي مدمرة في ذيك اللحظة قاتلو كي تقعد غي انت منشوفش ليك عارف علاش خليني نقولك لأنك خلـاط وزير نساء من وحدة لوحدة نهار كامل وانا خاطيني لعب واذا تظن حاجة في قلبي ليك راك غالط واذا كانت راها ماتت البارح ودفنتها اليوم....سمعتلو بزاف كلام هدو مستلو كرامتو بيه تعود على لكلام لحلو من عند لبنات مي هذي شرين يا محمد رد بالك تغلط... فاتت سمانة وهي تتهرب منو وكل يوم يحاول يحكي معاعا تردو اليوم عندهم اكثر من شهر ونص خلاص مقدرش يزيد يصبر اكثر من هاك راح لدارهم وبعث ختو لاميا تعيط لشرين وتقولها انا نسحقك تجي معايا بلما تخبرها بلي محمد هو الي بعثهاراحت ليها لانو سيف عليها ومحمد طبعو مقود يشاور للضرب ديراكت
جات شرين مع لاميا لدارهم دخلت للصالون وقاتلها لاميا ضروك نجيك خرجت هي دخل محمد وقفت شرين قالها ريحي نحكو مشات وخلات عليه يجبدها ليه وهو يعيط على طول صوتو وجبي ربك رح تهبليني تقريب شهرين وانت منايفتني كل شيء صماط عليا لوين رح توصليها لوين؟!
قاتلو كي تموت كل مدخلني فيك واذا كنت راجل وتفهم تخطيني ونزيدك عندي حنوني وعلى هذي الكلمة يعطيها كف على وجها قعدت تبكي وتعيط لاميا لامياااا جات تجري قالها محمد امشي تقوديلك انت ثاني جات تخرجو عطالها ضربات صحاح على الوجه والضهر وبدا لعياط جات يماه تجري بالسيف لخرجاتو وطلبت سماح من شرين قاتلها خلاص مكان والو خرجت شرين من عند بيت لاميا وحالتها حالة اما لاميا يماها زيرتها على واش قاتلها تهاوشتو مي كذبت عليها من غدوة ذاك راحت شرين ولاميا لليسي مع بعض وحكاو على محمد قالها لاميا خويا صح يحبك والله مراهوش مليح خللص ني ماكلة ني ضحك وقصرة كما مضالي ولا انسان كئيب خايفة عليه بزاف وهذيك فاطمة كل يوم تكلم فيه تخيلي قاتلها وصلت بيها حتى تجي للدار ودايرة طريقها بيا وانا منحبش نقعد معاها وليت نتهرب منها قاتلها شرين وش لفائدة يحبني ويحكي مع خامجة وهوما يحكو حتى لدخلو للسي وخرجو ومزال في نفس الموضوع صح توحشت شرين تحكي مع محمد مي هو الي دار حدود وحواجز مبينهم .....دخلت هذاك اليوم شرين تشري الخبز من عند محمد زادت صابت فاطمة ثم مي مراحتش هزت الخبز قالها محمد حبي توحشتك قدام فاطمة تخضت شرين وشافت فيه حط يدو عليها فرحت لانو بهذي بينلهت بلي فاطمة قدامها تسوى والو هكذا بدات تتصلح المشاكل الي مبيناتهم وتجمعو مع بعض ولا ميصبرش عليها من ذاك اليوم لحتى ضروك خمس شهور مرت على علاقتهم وفاطمة حالتها حالة تحب محمد بزاف وكل يوم تحلل فيه وتبعثلو مام تجيه للحانوت حتى وعارفاتو بلي مع شرين وبلي يحبها صح وحكى عليها انو يتزوجها قاتلو معليه هي تزوجها وانا خليني معاك غي هاك اذا انت متحبنيش انت نحبك على هذي نعمل هذا الشيء وحلاتو قاتلو نخرج معاك وقت متحب ولاي بلاص قالها نو مي روماتو حتى رضى وشرين معلبالها بوالو هي صح تحبو مي متمدلوش روحها بالساهل كيف فاطمة هكذا كل يوم حلاتلو محمد يخرج مع فاطمة لحتى غلط معاها ديكلارات بيه ديراكت قاتلو تتزوجني انت ومش شاهي وهذا الي صرا بعد متكش المستور وهي لاخبر كل شيء جا من ورا بعضاه واهل فاطمة زيرو محمد على الزواج في نفس السمانة خافو من كلام الناس وزيد اذا حملت فاطمة شوف وين داك محمد يا شرين هذا هو الي حبك وحلفلك لا يبدلك راهو اليوم عرسو وانت وين زاهيا في عرس بنت خالت غي تجي رح يجيك لخبر جاو اهل شرين لدارهم من العرس لتسمع الزفة في دار فاطمة وكما سقسات قالو محمد رح يزوج فاطمة ضحكت وقاتلهم ايه وامبعد قالتلها دليلة جارتها والله مراني نكذب وحكاتلها واش صرا تصدمت بالخبر وكذبتها كلمت شرين محمد تلفونو مبلع لحتى جا داخل باباها وقال لمرتو ولا محمد بن موسى زوج فاطمة الكحلة وهي طاحت في الارض جاو يجرو ليها
طلعوها للسبيطار بالخف وهي ماهي فاطنة لوالو ديراكت طلعوها للاستعجالات كشف عليها الطبيب قالهم طلعلها الدم بزاف وعلى هذي راهي تشلت من رجليها ويدها بعد مافطنت شرين سمحت بالموصيبة الثانية انها مشلولة من رجليها ويدها اليسرا ظلامت عليها خلاص حل واحد قدامها يلك كل شيء راح محمد وصحتها هكذا قررت دير حد لحياتها وهكذا المأساة تاعها تخلاص انها تنتحر كلمة محمد حبت تقولو.
استناوني غدوة على 20 كي لعدا 😍 مع الجزء الأخير من الحكاية
استناوني غدوة على 20 كي لعدا 😍 مع الجزء الأخير من الحكاية
آمنة
ليست هناك تعليقات:
إرسال تعليق