سلام حبوباتي جبتلكم اليوم موضوع مهم
المهم كشروداتي رانا فالصيف و السخانة راهي ترعف الجمل إذا ما تهليتوش فروحكم تبردلت عليكم نبداو خطوة بخطوة
- -أول حاجة إزالة الشعر علابالكم فالشتا ما تحسوش بصح فهاد الحال راح يفوح إيمالا بالاكوو تخلوه داكووغ لي تنحي بجوتابل ننصحكم تدهنوا ببيافين كي تكملوا و بما أنها مقطوعة شوية بدلوها بزيت اللوز الحلو و لي تنحي بلابوماد ديري في بالك بلي الزيوت الطبيعية تع البشرة تاعك تتناقص ايمالا دايمن لازم ترطيب للبشرة ديالك
- -ثاني حاجة هي الوجه مع هاد السخانة يرفد بزاف الغبرة و الوسخ يمالا دايمن ديرولوا تقشير إذا عندك ڨوماج شريتيه ديري بيه وإذا لالا ديري ماسكات طبيعية (إذا راكم حابين نحطلكم بعض الماسكات الطبيعية قولولي فكومونتاغ💆😻)
و ما ننساوش الترطيب لي هو ضروري بزااف علاخاطر الشمس تنشف البشرة إذا عنكم كريم مرطب ديروه إذا ما عندكمش رطبوا بزيت جوز الهند 👌
- -ثالثا الشعر بلا ما نوصيك عليه الحيجابيستات فريتوها ما تحرقهولكمش الشمس و سيفيليزي نقولك رطبييه مليح بسيروم و أخطيك ملبغوشينڨ السخانة و لعرق يفسدلك خليه يتنفس ما تغسليهش مل يوم ما تلعبيهاش مانياك بزاف 🚿😏 الزيوت الطبيعية ديالوا يروحوا و يولي تالف و نتي أندبي على زهرك حوسي كاش تعالجيه إيمالا خوديلي الراي أغسليه بالكثير مرتين فالاسبوع و جسمك إذا خرجتي باينة تغسليه و ما تنسايش الترطيب كي تكملي أومي حبوبتي
- بلا ما ننسا سنانك أتهلاي فيهم و أغسليهم بعد كل وجبة و لي تعاني من رائحة الفم تشري الخزامة تغليها و تشلل بيها فمها مضموونة
- -الشيئ لي لازم نوصيكم علييه هو الأقدام بزاف بنات يغفلوا عليهم و دوكا علابالي كشروداتي تحبوا تلبسوا الصنادل و البلايغ ألوغ ما تهمليهمش إذا كانوا يابسين و تعاني من التشقق جيبي باسينة حطي فيها ما سخون و قرعة أوكسيدن حطي رجليك ١٠ دقايق و بداي حكي بالحجرة كي تكملي أدهنيهم بالفازلين و ما تكتريش بين صباعتيك ألبسي تقاشر باتي بيها فالصباح تصيبيهم كيما تاع لي بيبي😻👶
هانا كملنا الموضوع تاع اليوم نشااله نكون فدتكم عميراتي كاش ما خصكم خلولي فكومونتاغ أنا نتهلا 😸😸
#ريم
ليست هناك تعليقات:
إرسال تعليق