.
سلام حبوباتي علابالي كامل تعانيو من مشكل الشعر فالمنطقة الحساسة و كيفاش تتخلصو منو جبتلكم طريقة سهلة و عملية
طريقة للتخلص من الشعر في مناطق لحساسة
قبل عرسك من احسن تبداي قبل عام او 6 اشهر باه تخفاف الشعرة . قبل عرسك بيوم جيبي قطعة صغييييرة من الرجينة + بودرة الاطفال و لا النشاء + فوطة صغيرة + ماء وماء ورد باردين + مراية كبيرة.
الطريــــقة : 1 ديري المخدر الموضعي استعملي زيت القرنفل ولا معجون الاسنان خليه 5 دقائق و تغسلي المنطقة بماء و شوية ملح لانو الملح يطهر المنطقة باش من بعد ما ينوضلكش الحب ولا ديري شب ملاحظة "المعجون الاسنان ولا زيت القرنفل يقلل من الألم مش يمنع الالم يعني تحسي بالألم لكن أقــــــــــل بكثير من انك ما ديريش كامل.
2- ابداي طري لعجينة في صبعاتيك كي تكملي نحي من المنطقة الفوقانية ونحي منطقة صغييرة باش تجيك ساهلة و اسحبي من اليمين الى اليسار ما توجعش و احسسن من انك تسحبي عكس اتجاه الشعر.
3- من بعد نحي من الخلف و استخدمي المراية باش تشوفي وين كاين الشعر و راني قلتلكم ونزيييد نوصيكم استعملو قطعة صغيرة من الرجينة ما تكثروش باش تجيكم ساهلة و كل ما تحسي يدك ولا المنطقة عرقت ديري بودرة الاطفال ولا النشاء باش ما تلصقلكمش . من بعد تجي المنطقة الوسطانية و هي لي شوية واعرة استخدمي البودرة بكثرة باش ما تلصقش الرجينة وديري مراية كبيرة باش تشوفي وشدي المنطقة ونحي ظربة وحدة هكدا ماتحسيش بالم بزاف .
4-كي تكملي تنقيها كامل جيبي شب وماء ورد اغطسي الشب في ماء الورد و عقبيها. على المنطقة المحظورة هههههه راح تحسي بحرقة مي راح هداك شب يخففلك الشعرة ويمنع الحكة و ظهور الحبوب
لي فيها حبوب و سواد في المؤخرة تجيب حبة قارص تقسمها على زوج دير فيها ملح و تدلكي بيها وفليل ديري زيت الورد لازم داوميه. لتجنب سواد المنطقة لازم تحافطي ديما على نظافة المنطقة يعني لازم ديري منشفة صغيرة . منين تدخلي للطوالت حشاكم تمسحي وماتخولهاش مشمخة لماء يسبب البكتيريا وهيا تسسبلنا الرائحة الكريهة والسواد. ولازم كل يوم تبدلي ملابسك الداخلية
لرااائحة هايلة للمنطقة وترطبيها جيبي علبة صغيرة ديري فيها فازلين ذوبيه زيديلو مغرف جلسرين مغرف قارص مغرف زيت الورد شوية يجمدو و ادهني بيها المنطقة تمدلك رائحة و ترطبيب رووووعة وتقدري تستعمليها للجسم كامل
ليست هناك تعليقات:
إرسال تعليق