نصائح لحياة زوجية أفضل

....الغلطة الكبيرة اللي ديرها المرأة و تخلي الراجل يهرب منها هي انها تمحور كامل حياتها على جالو..تبقى تشوف غير فيه..تحسب كاين غير هو في هاذ الحياة .ولوكان يخطيني نموت.بيناتنا و الله ما نخبر..صح تموتي..و الله ما يصرالك شي.. تندبي و تسكتي...لا لا حبيبتي مكاش غير هو ..كاين ثان .أنت . المراة اللي يروح عليها راجلها هاذيك اللي طول حياتها خايفة عليه لا يروح ..طلقيه شوي يا ختي ..ما عندو وين يروح ..بالعكس يجي يجري موراك..و انت روحي ..راكي عارفة وين تروحي ..يااو روحي للدونتيست سقمي ذيك السنة المكسرة..ولا لطبيب الجلد شوفي لذوك الظفارتين اللي نتكلو..من الإزيس .يا رحم باباكم مكاش اللي تجي تقولي أنا راجلي ما علابالوش.والفني هكذا..عندنا بزاف زواج...نجي نكسرلك راسك يا الجايحة هاذو الدراسات أجراوهم على الرجال كاين اللي وصل وين ما ياكلش من يد مرتو على جال الثولال و هي تقول راجلي راهو جابد عليا و قاعدة في الغوجالاف روحي شوفي لأدق التفاصيل في جسمك...اللي راهي مهربة بزاف رجال بلا ما يصارحو .. و لا ديري ماسك تبييض للمنطقة الحساسة و لا أهم من هذا وصفة لتضييق المهبل..هاذي النقطة اللي دارت بزاف مشاكل و انتي تقولي راجلي اعلاه راه يثور على أتفه الأسباب...الرجال ينصدمو بزااف مور النفاس ...و النسا بزاف يقولولي راجلي غير ولدت تبدل عليا بلا ما يعرف حتى واحد واش كاين في قلب الآخر...سمعيني امليح الإهتمام بالمهبل نقطة حسااسة بالنسبة للراجل ..كاين هاذي فطرة خلقو ربي عليها..كي يحب يقللك نحبك يقولهالك بالجنس كي يجي يقولك راكي شابة يقولهالك بالجنس...كي يحب يقولك حوايجك شابين يقللك بالجنس...كي يجي يعتذرلك بعد الخصام يعتذرلك بالجنس على هاذا ردي بالك كي يغلط معاك..تخرجي ما ترقديش في شامبرتك أطونسيو خطأ إذا ما اعتذرلكش في الفراش عمرو ما يعتذرلك..و لا يجيه صعيييييب الإعتذار خارج الشومبرا...و ماتكثريش الهدرة و تحوسي تفهميه..و تجري موراه في الدرج لوكان تصيبي تبعيه للقهوة و تفهميه بلي ما قصدتيش...نو..ياو و الله ما يدور ليك...أسكتي ..روحي اضربيها بتدويشة و ما كياج (شوفو الماكياج تاع الدار اللي يعجب الراجل يكون خفيف.الثقيل للأعراس برك ).و البسي حوايج شابين.صح السر وين راه ؟؟؟؟ ما تلبسيش و تماكيي على جال الراجل .و امبعد ارواحي قوليلي لبست و درت و درت ...و درت و عريت..و..و..وماداهاش فيا ..سي نورمال ما يديهاش فيك لا خاطرش لبستي على جالو...نو إلبسي على جال نفسك طلعي المورال لروحك كي يطلعلك المورال و تباني فرحانة يحس بلي عايشة بيه ولا بلا بيه ثم يجري موراك...المهم كي يدخل بعد الخصام وداير في بالو..يلقاك مشنفة و عينيك حمر بالدموع ..حتي يصيبك كالببونة...ينصدم..ينصدم...ينصدم ..راكي قصفتيه قصف واعر بزاف..و السر الثاني ما تروحيش ليه كيما فهمتك في الحلقات اللي فاتو .أطوسيوو..ابقاي حلي وذنيك و اقرايها امليح ((ابقاي تزعبلي )).و الباقي عليه..و ادعيلي

• آخر الإكتشافات تقول بلي جميع الاعصاب تلتقي في القدمين حتى الاعصاب الجنسية على هذا لقاو بلي منطقة القدمين تعتبر منطقة إثارة للراجل و انتي قوليلي برك مشحال عندك ما قصيتيش ظفارتين رجليك ؟؟؟؟؟ حاشاكم

• النساء اللي عندهم بزاف زواج ما قدرتش تطبق دروس تاعي باه ادير لنفسها مكانة و عشق في قلب راجلها ..علميا كاين زوج اسرار يجددو العلاقة 

• 1/أخزري في عينيه..مباشرة يقولو العلماء هاذ الخزرة ادير العجب.

• 2/ احكميه من يديه كيما في اول ازواجكم ولا الخطوبه كي كانو حوايج واحداخرين ممنوعين.و في الأخير تجي الإبتسامة قلت إبتسامة ماش ضرسة العقل تبان .و ادعيلي

• الاولاد كي يكون راجلك في الدار حلي عينيك تعيطي عليهم و تعلي صوتك .يا الفقوسا..يا الجراد..هبلتوني.....نون راكي طيحي من قلبو ...وانا نحوس نقلبك بهاذ الحلقات لسيدة هادئة .باربي.و أنثى مدللة و الأهم راقية..التي هي حلم كل راجل...قولي وليدي ...حبيبي.. و كي يخرج راجلك كوليلو اللحم 

• النسا اللي تقولي راجلي ما يحبش يشريلي..يقضيلي..المفتاح هو (أشكريييييه....امدحييييييييه) مثلا إذا جابلك طماطم ما تصلحش قوليلو تهبل حنوني تحسبها بلاكمين ....و امبعد اصرطيها بالملح وخلاص كيفاه اديريلها. .قصدي شجعيه و تشوفي كيفاه يعمرلك الكوزينة طماطم