مساء الورد كيما لعادة مع مواضيعنا المفيدة.. ليوم جبتلكم افكار حلوة يومية تقدري ديريهم في بيت الزوجية لكسر الروتين باش تخلي راجلك قاع ميكرهش منك..
اذا كنني ساكنة وحدك ولا مع دارهم مشي مشكل.. طبقي الافكار في غرفة النوم
1_نتي دايما تتعشاي معاه فالكوزينة اليوم بدلي شوية تعشو ف غرفة النوم على ضوء الشموع هاكا باش تخلقي جو من الرومانسية
2_ احكمي قرعة تاع دواء تكون فارغة كتبي في ورقة (مسكن رومانسي يستعمل عند اللزوم) و لصقيها على القرعة و عمريها بوريقات صغار اكتبي فيهم كلام حلو و لا حاجات تبغي ديريهم انتي و راجلك هاكا كي يكون degoutage تبدلو الحالة و تزهاو
3_مرة على مرة عيطيله ف التلفون و قوليله راني متوحشاتك.. نحبك.. راني نستنى فيك تروح للدار.. يحس انو ديما في بالك وتخممي فيه
4_ديري يومين فالشهر تخصيهم لتقلاش.. يوم ليك و يوم ليه كل شي فيهم مستجاب هههه
5_مين تشوفي راجلك لاهي احكمي تلفونه و suprimi اسمك و بدليه كيما ( وراك وراك_نحبك موووت _ وادا عندك اولاد كتبي ولادك هبلونييي) هنا غادي يضحك و يقول مرتي مهبولة
6_ ديري نهار يكون فيه مناسبة و ديري بالونات عند الباب و لا في غرفة النوم ديري مثلا 6 بالونات و قوليلو ثلاتة ليك و ثلاثة ليا و ديري ف كل وحدة ورقة صغيرة ثلاث ورقات صغار بلون و ثلاثة اخرين بلون اخر و قوليلو يطرطق بالوحدة انتي تكوني خيرتي لون مثلا درتي احمر و ابيض ادا تاحت حمرة يحققلك طلب تاعك مهما كان و اذا طاحت بيضاء تحققيله طلبه مهما كان .. و طلباتكم تحقق ف هديك اللحظة فقط لاستمتاع
7_ كي يجي راجلك و يكون عيااان و كاره.. وجديله الدوش عمري و يكون مرغوي بجل دوش تكون ريحته شابة.. يكمل ديريلو ماساج ووجديلو حاجة ياكلها
8_ ومننسوش تاني ملازمش نبعدو على ربي ياك هو لي يباركلنا ف كل شيء تعودو تفكرو بعضاكم بالصلاة والقرآن والادعية هكا ربي يباركلككم ف زواجكم
Veya huyuz baş
ليست هناك تعليقات:
إرسال تعليق