سلاااام حبوباتي جيت وجبتلكم شويا افكار يساعدوكم في حياتكم اليومية
اولا كي تنوضو الصباح افتحو النوافذ خلو الهواء يتبدل وشغلو سورة البقرة واقضيو شغلكم عادي
كي تجيو تسيقو حطو شوي ملح فالماء تاع التسياق باسكو الملح طارد للجن والطاقات السلبية كامل
حافظو على رائحة الدار وماتنساوش الغبرة
كي تكوني طيبي وتستعملي البصل اذا حابة الماكلة تجيك بنينة احكمي البصل قطعيه وقليه شوي فالزيت واستعمليه وهو محمر واستعملي الزيت تاعو وزيدي شوي سكر شويا برك
باش من بعد ما تتعبيش مع الماعن لي يخمج اغسليه ولا شمخيه وخليه باش يجيك ساهل فالغسيل
الكسرة باش تجيك محمرة مليح زيديلها شويا تاع السكر قبل ما تعجنيها شوي برك
ايه ونزيدكم اخر حاجة مرة كل اسبوع شغلو الرقية الشرعية فالبيت واسمعولها ويوميا شغلو سورة البقرة صدقوني ترتاحو نفسيا ويروح الخوف من جهتكم
خلصت حبوباتي نتمنى يعجبكم المنشور واسمحولي الافكار شويا مخلطين باسكو نكتب كيما جا في راسي
تهلاو في رواحكم شجعوني باش نزيد نجيبلكم افكار ملاح
منقول
.
.
. ادعولي
ليست هناك تعليقات:
إرسال تعليق