سلام لبنات الموضوع خاص بالعناية اليومية
بالشعر الناشف التالف و المتقصف
1- الشامبو: منذ مدة قصيرة بديت نستعمل هاذ الشامبو Calliderm Innovation beauté
Sans sulfate sans silicone sans paraben انا شخصيا عجبني مخدوم بالعسل🖒🖒 كي نغسل بيه و نجبد شعري نحسو خفيف من ناحية الترميم مزالني نجرب فيه و لكن حتى الآن عجبني بزاف
2- الماسك : عندي مدة قصيرة ملي بديت نستعمل gliss خاص بالشعر الجاف و المتقصف مارانيش نستعمل بلسم مباشرة نستعمل لماسك و بزااف شباب هايل من اول إستعمال تحسو شعركم خفيف و تحسو الاطراف اليابسة مكاش فعلا ماسك سحري ننصحكم تشروه ما تندموش عليه
3_ سبراي واقي من حرارة السيشوار او ليسور :
و راني نستعمل ماركة سيوس syoss يعني كي نكمل نشلل شعري نديرو ماتكتروش بزاف باش مايوليش يتلاسق
و نديرو باش نحمي شعري من حرارة السيشوار لأني ما نستعملش ليسور و فعلا يحميلكم شعركم من الحرارة لأن كيما نعرفو الشعر كي يكون محروق او جاف يتضرر بزاف من الحرارة و لهذا لازم تحموه قبل إستعمال السيشوار او اي شيئ آخر و هذا سيوس Syoss ننصحكم بيه رائع ملاحظة فيه رائحة شويا ما حبيتهاش بصح غير تجبدو شعركم تروح
4- السيروم:طبعا بعد السيشوار ندير السيروم انا راني نستعمل غارنيه Garnier و فعلا خرج عليا عجبني بزااااف و مانيش حانبدلو الحاجة لي عجبتني فيه القوام تاعو جاي دهني و هذا الشيئ لي مانلقاهش في كامل لي سيروم أغلبهم كي نديرهم من يروحو من كشغول ما درت والو و لكن هذا جاي مزيت و ديرو شويا برك في الاطراف و تمسحو الباقي في يدكم فعلا هايل
5- حمام الزيت : هاذ الخطوة لازم ديروهاهي لي تغذيلكم شعركم و تحدث الفرق 🖒🖒🖒🖒
و شخصيا وليت نستعمل منتج هااايل فقط من 2 الى 3 مرات في الاسبوع و يمد نتيجة هايلة لي هو
زيت جوز الهند
ليست هناك تعليقات:
إرسال تعليق