توبة فتاة الليل : (الجزء الثاني )
الحلقه 12
الساعة 9:00 و هي مازالت راقدة صونا تليفونها قداه من مرة حتى يسكت وحدو فتحت عينيها و تتكسل عاود صونا هزت لقاتو نومرو جديد مادتهاش فيه خلاتو يصوني شافت الساعة ناضت مخطوفة.....راحت للكوزينة عند نجية
لينا:يا خالتيييي نجية علاش مانوضتنيش؟؟؟راح الحال
نجية:صباح الخير بنتي....لقيتك راقدة على غير العادة قلت خلي حتى تنوضي وحدك
لينا:لازم نروح كان عندي رونديفو مع الخدامة على 8:00..ان شاء الله نلقاهم مازالو يستناو
ناضت راحت لبيتها دوشت لبست حطت الحطة كي العادة و خرجت ركبت طونوبيلها و راحت لخدمتها...عاود صونا التليفون نفس النومرو عيطلها كثر من 40 مرة رفدت عليه
لينا:الو
عُدي:وين حاطة ر** التليفون من الصباح و انا نعيط...وين كنت البارح استنيتك فالبار علاش ماجيتش؟؟
لينا عرفت بلي عُدي لي عيطلها...كنت تاعبة ماقدرتش نجي
عُدي:اسمعني تاعبة مريضة مايهمنيش فيك اللي يهمني تخدم خدمتك و تكملها
لينا بصوت خفيف:ايه وحش كيفك باين مايهتمش للناس
عُدي:واش قاعدة ترمرم بين شفايفك....و ماتنساش حكاية الكوكايين
لينا: اسمعني مش قاعدة باش نحكي معاك عندي خدمة فوق راسي و ماتنساش بلي انا لي نقدر نعاونك في حكاية حسام على هاذي مكالاه تهددني مسيو عُدي...و كوبات عليه وصلت للخدمة مالقاتش الخدامة لي تفاهمت معاهم...دخلت للبيرو تفكرت بلي ماعندهاش مفتاح دار ميادة باش تدي دوازن الخدمة عيطتلها
لينا:الو مدام ميادة صباح الخير...انا لينا
ميادة:صباح النور لينا...ها كيفاش لقيت الدار مليحة
لينا:هههه ان شاء الله تسكنيها بالصحة و الهنا و حكاية مليحة و مش مليحة بعد مانكمل الخدمة منها انت قولي واش رايك فيها....المهم عيطتلك على خاطر نسيت ماديتش المفتاح تاع الدار لازم يكون عندي مفتاح باش نبدا الخدمة
ميادة:علاش عُدي ماخلالكش المفتاح؟؟؟
لينا:البارح كنت مزروبة و نسيت ماديتوش من عند خوك
ميادة:ماعليش....اذا عندك وقت ارواح عندي للدار اقعد شوية نحكيو و ادي المفتاح...ها واش قلت......لينا خممت لقات بلي اليوم ضاع بلا فايدة و ماعندها ما دير
لينا:اوكي مدام اعطيني العنوان.
عُدي هبل البارح فالبار استنا حتى خرجو عينيه و هي ماجاتش...و زاد من الصباح و هو يعيطلها و هي ماتردش عليه و كي ردت كانت اجابتها صادمة بالنسبة ليه و زادت كوبات في وجهو زعف و تغشش عاد مايعرفش واش يقول و جواد يهدي فيه رجع للدار نارو شاعلة و متحلف يردلها الصاع صاعين....
دقدق الباب فاطمة و ميادة فالكوزينة و هو فالصالون قاعد و عاقد حواجبو..قالتلو فاطمة افتح الباب ناض و هو يغلي فتح الباب و ماصدقش عينيه كي شافها واقفة قدامو...كل واحد فيهم يخزر في لاخر و مستغرب
لينا:بففففف انت هنا؟؟
عُدي خزر فيها متعجب و قالها:انا هنا؟؟ اذا ماكنتش غالط هاذي داري...انت لي واش جابك هنا..ااه
ميادة خرجت من الكوزينة و شافتهم يحكيو فالباب...اااا لينا جيت اتفضل ادخل ولا كاينة شي حاجة بيناتكم تحكيوها فالباب ههههه
لينا دخلت سلمت عليها و زادت جات فاطمة سلمت عليها و مرحبت بيها دخلو للصالون و خلاوه واقف عند الباب كي البراني...خبط الباب و دخل قعد مقابلهم و هز الجورنال يقرا فيه بصح وذنيه و عينيه عليها واش تحكي و كيفاش تتعامل مع الناس بطريقة راقية ماتقولش بنت ليل تبات من بار لبار..
ميادة راحت جابت قهوة و ڨاطو مدت ليماها فنجال و لينا فنجال و عُدي ماحبش يشرب و قعدو يحكيو
فاطمة:واش راكي يا بنتي ان شاء الله بخير..و يماك و باباك خاوتك كامل بخير
لينا تنهدت و قالتلها:يما و بابا عطاوك عمرهم الله يرحمهم...
فاطمة:الله يرحمهم و يوسع عليهم...المهم هاك مرا زين و قد تبارك الله عليك شابة
لينا:هههه الله يسلمك خالتي...
ميادة:هههه واش يما واقيلا عجبتك نجيبوها لوليدك لعزيز هههه
لينا و عُدي خزرو في بعضاهم فالشط و كل واحد رافض الفكرة تماما
فاطمة:ههههه انا مانقولش لالا
عُدي: و انت وقتاش قلت لا يا فطومة...كون ليك هاك زوجتني من ذاك العام....
ميادة:و علاش عيب تتزوج و دير دار و عايلة
عُدي:اووووه كسر عليا الصحن هذا مانحبش نزيد نحكي فيه...و ناض خرج من الصالون..
الحلقه 13
ميادة:اسمحلنا لينا هو هكا مش حاب يتزوج...المهم خلينا منو البارح كانت عندي قضية فالمحكمة و على هاذي ماجيتش ديتك للدار
لينا:انت محامية؟؟؟هههه مش باينة تبان استاذة تعلم لولاد هههه
فاطمة:هههههه عندك حق يا بنتي مانعرف واش عجبها فالخدمة هاذي...
ميادة:يمااا الخدمة هاذي نحبها...لينا تسمع ب #محمد_حاتم....محامي كبير هو سبب اني حبيت المحاماة توفى هو و زوجتو قبل 20 سنة...قالو بلي الوفاة تاعو مشكوك فيها و لحد الان ماعرفوش سبب الحقيقي للوفاة
لينا: لي توفى هو و مرتو بعد ما شعلت النار في دارهم و ماقدروش يخرجو منها
ميادة:اووه ظهرت تعرفو...هههه هذاك مثلي الاعلى فالمحاماة تعرف شحال من قضية تولاها 65 قضية و ماخسر حتى وحدة فيهم...هههه يعتبروها انجاز كبير و حتى واحد لحد الان ماقدر يحطم هاذ الرقم..
فاطمة:واش من انجاز تحكي عليه مش صعيبة على محامي شاطر يتفوق عليه
ميادة:لا يا يما انجاز كبير تعرف لي هو ربح 65 قضية بعد 4 سنين خدمة و عمرو 28 سنة...اصغر محامي يربح هاذ العدد من القضايا...
فاطمة:هيا قص علينا الحديث هاي حتى ضيفتك قلقتها بحكايتك على مثلك الاعلى
ميادة:هههههه كي نبدا نحكي عليه ننسى كل شي...مانملش من سيرتو خلاص
لينا:لا نورمال على راحتك....هذاك هو الوقت لازم نروح ضرك من فضلك جبيلي المفتاح
فاطمة:يووووووه قالك تروح و الله ماك خارجتها من هنا حتى تتغدا معانا
لينا:لا يا خا..
فاطمة:لا مانحبش نسمع حاجة قلتلك تقعد للغدا معنتها تقعد...هاني نايضة نوجد الطابلة
لينا:صح خالتي فاطمة...
فاطمة راحت للكوزينة و ميادة و لينا قعدو يحكيو و يضحكو..حتى سمعو صوت فاطمة...ميااادة...مياااااادة ارواح عيشك بنتي عاوني...
ميادة:سامحني لينا نروح نعاون يما...اسمحلي نخليك وحدك شوية وقت
لينا:مش مشكل اتفضل....ميادة راحت عند يماها و لينا قعدت تتفرج حتى دخل عُدي و قالها:مازلت هنا؟؟وشبيك ماكش مروحة؟؟
لينا:بففف تقول قاعدة فوق راسو...يا الزح هذا الوحش زعمة صح من هاذ العايلة؟؟
عُدي:ااااي نحكي معاك...واش حكايتك كل مانهدر معاك تمتم بين شفايفك...احكي ديركت
لينا:قولي واش مشكلتك معايا؟؟علاش تعاملني بفضاضة...
عُدي:عندي حساسية من الناس لي كيفك.....هو يحكي معاها و تليفونو صونا لقاه جواد هز عليه
جواد:اسمع عرفنا بلي المخذرات تلحق قبل الوقت بعد 10 ايام...و حسام الليلة يبدا يتحرك
عُدي:و ماعرفتوش وين تلحق؟؟
جواد:لا ماعرفناش...لازم نتبعوه باش نقدرو نحكموه
عُدي:مش ممكن نتبعوه...ساهل عليه يعرف...خليها عليا انا ندبر راسي...كوبا عليه و دور خزر فيها...اسمع البارح قلت تاعبة اليوم نحبك تكون فالبار و تلصق فيه منين يتحرك تكون معاه
لينا:على الاقل فهمني واش لازم ندير
عُدي: دير واش نقولك و مادخلش روحك بزاف
لينا:اذا ماعرفتش واش كاين مانقدرش نعاونك....يا تقولي يا شوف غيري يعاونك
عُدي قرب ليها حكمها من يديها قريب قسمها على زوج النار شاعلة فيه قالها:تعرف شحال من واحد مات بسبب المخذرات؟؟حسام يتاجر بالمخذرات و بعد 10 ايام يدخل كمية كبيرة اذا ماقدرناش نوقفوه اتخيل معايا شحال من انسان راح يموت.....كانت تتخبط بين يديه كي البوبية داخت من كثرة ما خلخلها...طلقها و جبد روحو عليها..اعرف وين تلحق و وين تتوزع و الباقي احنا نتكفلو بيه....فاللحظة هذيك دخلت ميادة لقات الجو مكهرب بيناتهم تقول عاصفة ضربت و راحت..
ميادة: وشبيكم يا جماعة..غير الخير؟؟
عُدي:كنت نتعرف على زوجتي المستقبلية عندك اعتراض...هههههه
ميادة:بركا من الصماطة شوف كيفاش حشمتها و جها طلع طماطم..هيا تتغداو......ميادة رجعت للكوزينة و عُدي لحق لباب الصالون و حبس كي سمعها قالتلو:اذا كان الموضوع هكا مستعدة نعاونك و الليلة نبدا
عُدي تبسم و قالها:محلاك كي تسمع الكلام...هيا قبل ماتجي فطومة تكركرنا للكوزينة
قعدو فوق الطابلة فطومة طيبت كسكس بلحم الخروف يااااااه ريحتو تشهي قد ماتاكل ماتشبعش.
الحلقه 14
فدار العجزة قاعدة مع العم عمر تخمم في واش رح دير ماكانش لازم تقبل تعاونو كان لازم تستثمر كامل الوقت للانتقام...غايسة مع افكارها لي رجعت بيها مدة و سنين لور...عمها و مرتو و الحياة القاسية لي عيشوهالها عم اناني همو كامل دراهم يخدم بالحرام يسرق ينهب المهم عندو الكونت تاعو يكون معمر و مرت عم نهار كامل تتبجح بدراهم راجلها هاذي حفلات و هاذي لبسة و حطات...في هذاك الوقت كانت بنية صغيرة محتاجة لحب الاب و حنان الام محتاجة حضن دافي يلمها ليه و يطمنها ينحيلها الخوف و يزرع في قلبها الامل و البسمة...عمها لي من لحمها و دمها مارحمهاش عاملها اكثر من عدوة ليه....تفكرت صغرها و ماضيها....(صوت السبتة تخبط في لحمها يضرب و يسب كانت شبه فاقدة للوعي بصح تحس بالالم و الوجع في كل بلاصة من جسمها
كمال(عمها):يا هاملة كون مت مع والديك كان ارحملك...و الله تولي تتمنا فالموت و ماتلقاهاش
خديجة(مرت عمها):ماكش تشوف فيها غشات خليك منها...حسابها من بعد هيا حبي عندنا حفلة لازم نروحو(خزرت فيها بإحتقار و خبطتها برجلها)
كمال:حبي نزيد شوية برك قلبي مازال مابردش منها(يضرب فيها كي الحيوان لا رحمة لا شفقة)..تفووه عليك يا خامجة مازال حسابك.....اغلقو عليها الباب و واحد مايقرب ليها و ماكان لا ماكلة لا شراب فهمتو(يحكي مع الخدامين لي فالفيلا)...خرج يضحك و يسلم على مرتو كانت تشوف فالصورة مضببة عينيها من الدموع نشفو و قلبها بدا يتحجر عليهم من هاذ اللحظة....جرات ليها الخديمة لامية هزتها و هي تبكي على زهر الطفلة المسكينة....ياااا بنتي واش دارو فيك هاك مازلت صغيرة فاه قلقتهم يااا بنتي علاش الدنيا ظلمتك هكذا علاش...(لامية هي الوحيدة لي كانت تحبها و تعاونها قد ماتقدر كانت الحاجة المليحة في صغرها).....)
فيقها من غيستها صوت عمي عمر مسحت الدمعة لي بقات معلقة في شفارها كيما معلقة هي ماتهنات من الماضي ماقدرت تبني حياة و تعيش و تنسا
عمر:توبة بنتي اتفكر بلي ربي ديما مع الحق...وكّل ربي هو ينتقملك من لي ظلمك و عذبك
لينا:اااااه يا عمي عمر عييت من الحياة لي عايشتها كلامو كان صح كون مت مع والديا كان اهونلي و ارحملي من العيشة لي عشتها و الحياة لي مارحمتنيش....بصح قبل مانروح ندي حقي بيدي من كل واحد ظلمني
عمر:علاش راسك يابس اخطاك من الانتقام هو لي محيرلك عيشتك...كون عشت كيما اي بنت قاطعتو ماخلاتوش يكمل كلامو..كيما اي بنت هاي حياتي من صغري مش كيف حياة اي بنت علاش تحبني نعيش كيفهم ضرك....حقي نديه حتى اذا كان آخر حاجة نديرها في حياتي
تنهد عمر و قالها:راسك يابس...مابقالي غير ندعيلك ربي يوفقك للخير
لينا:لازم نروح دخلت روحي في مضوع و لازم نفريه
عمر:حكاية عُدي؟؟؟
لينا:امم...يظهرلي ورطت روحي في حاجة مش قدها
عمر:مازال في يدك الوقت اجبد روحك
لينا ناضت سلمت على راس العم عمر و قالتلو:الوقت فات يا عمي لازم نعاونو.....انا نروح هذاك هو الوقت انت ادعيلي
عمر:ربي يحميك و ينورلك طريقك و يبعد عليك ولاد الحرام.....توبة
لينا:امم
عمر:اتهلا في روحك بنتي
هزت راسها..ان شاء الله عمي عمر
الحلقه 15
رجعت للدار لبست عدلت حطت الحطة و راحت للبار مع منى كي العادة بصح منى ماكنتش تعرف واش راهي تخطط....المهم دخلو قعدو في بلاصتهم منين موالفين عُدي يخزر فيها من بعيد....حسام مازال مابانش التوتر سيد الموقف كانت مقلقة و مش مرتاحة ناضت راحت لتوالات تعدل في ماكياجها حتى سمعت الباب تسكر تخطفت كي شافتو وراها
لينا:واشبيك جاي هنا ماتعرفش بلي هذا توالات تاع بنات
عُدي:مش مهم...ركب هاذ الميكروفون باش نقدر نسمع و نسجل واش يقولك
لينا: حتى هو مش جاي اليوم تقول علابالو
عُدي:يطول ولا يقصر يجيك...الكلب لي موالف ياكل من الزبالة يروح و يرجع ليها
لينا تنهدت قبلت تعاونو و مازال يشوفها حثالة و حقيرة علخر رجعت زبالة....ااااه يا قلبي قداش لازم تتحمل......احكم ركب الميكروفون
لينا:وين نحطو السما هذا؟؟؟
عُدي:ابعد تشوف انا نركبو.....قرب ليها لصق فيها فتحلها القفلة اللولة من الشوميز لي لابسة...ترعدت و خافت
لينا:هاااي واش راك دير..
عُدي:اااه يا ربي تفكيرك ديما خامج و منحرف....ماتخممش باش نركب الميكروفون برك.......ركب الميكروفون و عاود غلق القفلة و ركبلها جهاز بلوتوث في وذنها
لينا:و هذا علاش...كون يشوفو نروح في ستين داهية.......لاح يدو نحالها المساك من شعرها و خلاه مطلوق......شعرك مطلوق خير منو مربوط...ماتزيدش تربطو...بعّد عليها بعد ماحس بالنفس ضاق فيه قلبو ولا يرجف مشاعر مخلطة بدات ترويلو في حساباتو...بلع ريقو و دور خزر فيها و قالها:هكذا مايقدرش يشوفو...هيا ماتعطلنيش
هي كانت في عالم آخر عالم من التناقضات قربو ليها فيه خوف و امان..حب و كره....قوة و ضعف...رغبة و نفور....احاسيس مخلطة دوامة من المشاعر المبعثرة و المفرقة...نفسو سخون في رقبتها و هو قريب هكاك دخلها في حيط خلاها تسرح بأفكارها و خيالها...بصح كلامو ديما في وذنها انت بنت ليل قداش من واحد رقدت معاه..كلام ديما تتفكرو هو مستحيل يخزرلها كفتاة عادية هي بالنسبة ليه بنت ليل لا اكثر ولا اقل...خليها تكمل واش بدات و تبعد عليه ماهو من مقامها ماهي من مقامو.
رجعت حذا منى شافت حسام داخل للبار..غير شافها جاها كي الكلب المسعور....مش قلتلك الكلب لي موالف بالزبالة يروح و يرجع ليها هاو جا(هذا كان صوت عُدي في جهاز البلوتوث لي في وذنها)...
حسام:لييييينا..على سلامتك علاش غايبة علينا
لينا كون جات الموت بيدها تطلقها عليه..بصح لازم تكون ممثلة فالقمة تكون سيسة معاه و تحاول تجبدو بالحديث و تعرف كيفاش تستخلص المعلومات منو
لينا تضحك في ضحكة صفرا:ههه حسام يظهرلي توحشتني و ماقدرتش على فراقي..هاني جيت على جالك
منى تشوكات من جوابها اما حسام ماعرف يفرح كي سمع كلامها ماعرف يتعجب منو اول مرة ترد عليه هكا ديما مزيرة وجها معاه ماتخليلوش فرصة باش يعبرلها على اعجابو اما اليوم هههه راخفة روحها زعمة واش صرا؟؟؟
لينا:واشبيك حسام كلامي ماعجبكش؟؟
حسام:لالالالا...هههه شكلك اليوم مريڨلة
لينا(وقفت و قربت ليه قريب لصقت فيه)هاك انت هنا علاش ماتكونش مريڨلة..و غمزتو
حسام ذاب في قشو و حس السخانة طلعتلو باش يحرق الاخضر و اليابس...بلع ريقو و رخف الكرافات شوية حسها رح تخنقو...
حسام:احم احم..ههه كلامك اليوم معسول
لينا:كي شفتك تفتحتلي الشهية و تشهيت العسل......جاها صوت في وذنها...ها لالة كولو و هنينا من تمعشيقك بيه و هنينا منو خير ماتعمل...تنرفزت و حبت ترجعلو بصح حسام واقف قدامها ماتقدرش تفضح اللعبة من نهار الاول.....ههه واشبيك حسام ماتعرضنيش على حاجة نشربوها
حسام:ههههه بيان سور نشربو حاجة و نريڨلو الليلة و تكون احلى ليلة
تدخلت منى(ههههه قريب نسينا عليها بلي حاضرة)....ماعليش سي حسام عندي هدرة مع لينا...وحدنا
حسام:ااه هاني نستنا فيك فالطابلة الحقني لينا و تقدر تجيب صاحبتك معاك....حسام راح و منى دورت ليها بوجه كحل مايتفسرش
منى:يا زفتة واش حكايتك مع الهم هذا؟؟؟؟واش خداك حتى تحكي معاه هكا
لينا:منى مانيش طايقا روحي ماتزديليش انت ...تعمل مزيا هاك مفتاح الطونوبيل و ارجع للدار و ماتسنانيش
منى:هبلتي واقيلا؟؟؟رجلي على رجلك
لينا:منننننى ماتهبلنيش قلتلك روح تروح
منى حكمت المفتاح و خرجت كلمة ماقالتهاش تتهز و تتحط من القنطة لي حكمتها
الحلقه16
لينا تنهدت و جبدت نفس عمييييق و راحت عند حسام باش تكمل لي بداتو......
عُدي:اسمع حاول تحكي معاه على المخذرات قد ماتقدر اكيد يزلق بالكلام و يقولك كاش حاجة تفيدنا
لينا:ماتملش من كثرة الهدرة؟؟؟نعرف كيفاش نتصرف معاه حط رجليك في ماء بارد..و مذا بيك ماتقلقنيش كي نكون معاه
عُدي:نقصلي من تمعشيقك بيه و اخدم خدمتك اكيد مانقلقكش
لينا:اووووووف خلاص خلاااااص اسكت.
وصلت للطابلة لي فيها حسام كان قاعد و في طرفو طفلة يلعب معاها في لعبو الخامج...شافت فيه و قلبها بدا يدور منو انسان منحط و رخيص...تنهدت وكلت امرها لله..احم..احم
حسام:ااا لينا جيت(بعد الطفلة عليه)
لينا قعدت حذاه و قالتلو ديما في عوايدك انا حسبتك صح تحبني
حسام:هههه انت الحب قليل عليك و الله نعشقك
لينا:لا انت ماتحبنيش...من نهار عرفتك و انا نستنا فيك تطلب مني حاجة وحدة بصح انت ديما تفكيرك محصور فالبنات و علاقاتك بيهم
حسام:واش كنت تستنا مني انا مستعد نفذلك واش تحبي في رمشة عين(قرب وجهو لوجها و حط يدو على فخذها)
لحمها شوكت تقززت من لمسة يدو قلبها دار و حبت ترجع واش كلات من قربو ليها حست روحها مسخة و تحتاج دوش
لينا:انا حبيتك يا حسام و نيتي معاك نديرو دار و نعيشو فيها كيما اي اثنين
حسام:ههههه اكيد تحب نشريلك دار و كل ماتحب تلقاني عندك
لينا:لا حسام..مكانش قصدي هكا
حسام:كيفاش مافهمتش؟؟
لينا:واش رايك نتزوجو؟؟؟
حسام ماكانش عندو اي مانع هو الفايدة يقضي معاها واش حب و وقت يكره منها يرميها ولا يقتلها...فرصة و جاتو على رجليها و مالازمش يضيعها من يدو..
حسام:ههههه و انا قابل....قرب باش يبوسها جبدت عليه وقالتلو خليها كي نتزوجو تكون احلى و اجمل...
حسام:اوكي مايكون غير خاطرك..واش رايك تنوض معايا نشطحو...ناضت معاه و قلبو يغلي عليها كي ماخلاتوش يبوسها بداو يشطحو جبدها ليه و لصق بدنو على بدنها صدرو على صدرها يديه على لحمها يتحسس فيها ضهرها يديها ممؤخرتها شعرها...مع كل لمسة قلبها يوجعها على بدنها لي بين يدين وحش مايعرفش يرحم...قلبها يوجعها على بدنها لي ماتمسش من قبل و ضرك قاعد يعدي في يديه وين حب و ماقدرتش تمنعو...
لينا:حسام حاسة روحي تاعبة لازم نرجع للدار
حسام:كنت لاباس عليك...خير؟؟ماعليش انا نوصلك
لينا:لالا مايشقاش نحرم عليك سهرتك...ضرك ندبر راسي
حسام:كيما تحب..بصح غدوة نتفاهمو على كلش
لينا:اوكي..ايا باي.....خرجت من البار تزرب وقتاش تلحق لدارها و تدوش تنحي الوسخ لي لصق فيها من قربها لحسام.
قاعد مع جواد و يشوف فيها وصلت عند حسام سكت و قعد يسمع في كلامهم و ماعرفش واش صرالو كي سمعها قالتلو نتزوجو...حاجة في داخلو رفضت هذا الشي رفضت و بقوة ماتخيلهاش متزوجة بحسام....تنرفز و قلق وجهو تبدل 180 درجة....
جواد:واشبيك؟؟علاش تنرفزت
عُدي:سمعتها كي قالتلو نتزوجو؟؟لالة دير فمستقبلها على ضهرنا..
جواد:و انت واش يهمك فيها تتزوج ولا لالا..هاذي اكيد خطة باش طيحو فالفخة
عُدي:و كون تظهر صح تحبو؟؟
جواد:لا انت هبلت كانش وحدة تحب واحد تبيعو للبوليس؟؟؟خدم عقلك واشبيك اليوم مبلع كامل
زاد دور لقاهم يشطحو و كيفاش يتحسس في بدنها و صدرو لاصق في صدرها...حس بخنقة تقول كاين لي حاكمو من رقبتو و يخنق فيه...ضاق فيه النفس ماقدرش يقعد و يشوف بعينيه...ماعرفش السبة لي خلاتو يحس هكا لي عرفو انو لازم يخرج قبل مايروح يعطيه طريحة و يكركرها من شعرها يخرجها من البار....ناض خرج و خلا جواد يكمل عليه...ركب طونوبيل و قبل مايديماري شافها خارجة تمشي وحدها..مالقاتش تاكسي لي توصلها بقات تمشي و كل مرة تتلفت تشوف بلاك تلقا تاكسي...كان يتبع فيها من بعيد غير بالعقل كي مالقاتش لي يوصلها حس بيها خايفة حبسلها باش تركب..فتحلها الباب
عُدي:اطلع نوصلك
لينا:لالا...ضرك نلقا تاكسي نروح...يكثر خيرك
عُدي:اطلع بركاك من صحانة الراس...وين تلقا تاكسي على 1 تاع الليل...
لينا:ماتخممش روح و انا ندبر راسي
عُدي طلعلو الزبل مايحملش لي يقولو لالا...هبط من الطونوبيل عينيه شاعلين مازال يتغزل من واش شاف و سمع و هي زادت كملت عليه..حكمها من يدها و طلعها للطونوبيل و غلق الباب عليها...ركب و ديمارا
الحلقه 17
غمضت عينيها و طاحت الدمعة لي كانت حابستها فيهم...دمعة تعبر على قهر و حڨرة...غمضت عينيها و رجع بيها الزمان لصغرها لماضيها..(في بيت ظلمة و برد...لا فراش لا غطا لا ماكلة لا شراب لا لبسة لا صباط...طفلة صغيرة ترجف من الخوف سنيها يصكصكو من البرد كرشها توجع من الجوع..راقدة على لرض لبستها مقطعة عليها شعرها مشكرد وجها موسخ...متكمشة في بعضها دموعها على خدها...من ثلاث ايام ضو الشمس ماشافتوش و لقمة ماهبطتش لكرشها لحمها كلها زرقة من الطرايح لي تدي فيهم من عند عمها و مرتو كل ماتغمض عينيها ترقد يجيها سطل ماء بارد يخليها ترعش من البرد.....تفتحت الباب بان منها ضو وجعها في عينيها..صوت خطواتو يخوف زادت تكمشت في بعضها اكثر و اكثر...صوتو لي يرعبها و يهزلها كيانها
كمال:نوضي يا كلبة يا رخيصة..نوضي نظفي les toilettes..نوضي قبل مانجيب السبتة...ناضت رجليها مش قادرة توقف عليهم فشلة حاكمتها تمشي و تتعكز على الحيط يشوف في هذا الكل و مارحمهاش جبد السبتة و بدا يضرب فيها و يسب...طاحت على طولها غاشية..........)
_نوضي..نوضي...نوضي...تسمع فالكلمة و قلبها خبط فوبيا من الماضي الأليم...بدات تعيط و تصيح..لااااااا متضربنيش....اااااااااااه....ماتضربنيش حرام عليك...حرام عليك يا عمي.....عُدي قعد يخزر فيها باهت مافهم والو....كي لحق لدارها نوضها بصح صدمتو ردة فعلها كأنها تشوف في منامة باشعة دموعها يطيحو كي الشتا خوف في عينيها كيفاش قاعدة تتكمش في بعضها و تخبي في وجها كلامها لي تقول فيه عياطها و صياحها فيهم ألم كبيييير و وجيعة مايتحملها غير لي قلبو حديد....حكمها من يدها و جبدها لصدرو عنقها يحاول يهديها و يمسح الخوف من عينيها...
عُدي:اشششت..متخافيش هاني معاك...كان حلم و خلاص..لينا انا معاك مايصرالك والو........حضنو الدافي خلاها تحس بالامان و بلي كلش يكون مليح...رخفت روحها بين يديه ضاعت مع حنانتو احساسو بالمسؤولية جيهتها خلاتها تتخيل بلي باباها معاها يخاف عليها و يحميها و مايخلي حتى حاجة تضرها ولا تقيسها تخزر فيه بطريقة غريبة فيها لوم و فيها رجاء فيها خوف و فيها قوة فيها الم و فيها تحدي..خزرة ماقدرش يفسرها ولا يفهمها...بصح هي كانت تترجا فيه مايخليهاش وحدها يوقف معاها يمحي الماضي لي صمطلها عيشتها لي كواها على صغرة عمرها لي خلاها تلحق للي هي فيه...بدات تهدا جبدت روحها عليه مسحت وجها و هبطت كلمة ماهدرتهاش.....قطعة منو حسها راحت معاها الحالة لي راهي فيها نوضت بزااااف مشاعر في قلبو خوف و شفقة و اهتمام كبيييير...في لحظة دخلت في راسو فكرة يعرف عليها كلش ماضيها كلو يحب يعرفو...#لينا مجموعة من الالغاز بالنسبة ليه و حب يعرف كل لغز و كل سر مخبيتو.....خزر فيها بلهفة مازال يحب يزير عليها في حضنو يمسحلها دموعها و يقولها انا هنا ماتبكيش..يحب يبوسها من شفايفها لي هبلوه يحب يعنقها و يشم ريحتها لي ماشبعهاش يحب تكون ليه ملكو خاصة بيه مايسمح لحتى حد يقربلها..كاين حاجة تتحرك فيه كل مايكون قريب ليها...كل لمسة بيناتهم كل نظرة تخليه يحس بحاجتها ليه قلبو يخبط بقوة كل مايكون قريب ليها احاسيس مخلطة و مخربطة....بصح كاين واش يمنع فيه يقربلها اكثر ولا يتعلق بيها هي #بنت_ليل....حقيقتها تخليه يستبعد اي فكرة للتقرب منها..طبيعتو و شخصيتو ماتسمحلوش باش يكون مع وحدة تعدا عليها الف واحد و مسها الف واحد و عملت علاقات مع الف واحد....كل مرة يقنع روحو بلي هذا اعجاب بقوتها لا اكثر...هي صندوق اسرار يحب يكتشفها لا اكثر.
دخلت لدار لقات منى مزالت تستنا فيها غير شافتها راحت تجري ليها باهتا في منظرها تلوح الخطوة بالسيف عينيها منفخين وجها مبلبز بالمكياج و الدموع شفايفها يرجفو بدنها الكل يترعد كي الفلوس المشمخ...
منى:ليييينا واشبيك؟؟؟عرفتها ماتخرجش خير...قلتلك اخطيك من حسام بصح راسك يابس واش داك ليه
لينا:منى مش وقت تحاسبيني فيه...راسي راح يطرطق و قلبي قريب يهرب من بلاصتو الله يستر عليك ماتزيديش على مابيا
منى:اوكي..اوكي خليني نعاونك ند..
لينا:روحي ترقدي غدوة عندنا خدمة.....خلات منى واقفة مبهمة فيها و دخلت لبيتها تمشي و تتعكز على الحيط خبطت الباب وراها جبدت البوست حطت فيه كاسيت و تكات فوق السرير تسمع و تبكي..بكات بكات حتى خرجو عينيها بلالط...من حقها تبكي و تندب و تعيط و تصيح لي عاشتو مش حاجة ساهلة خصوصا على طفلة في عمرها...كية فراق والديها و كية عذاب السنين لي عاشتهم مع عمها...حقها تبكي بلاك تخفف الوجع لي تحس بيه بلاك النار لي في قلبها تبرد شوية..بلاك تفطن تلقاه حلم و خلاص...حياتها فيلم رعب حكايتو كلها خوف و رهبة و فوبيا و خلايع...و نهايتو الله اعلم كيفاش تكون يا تكون أبشع نهاية يا تكون أبشع من البشاعة...نهايتين قاسيتين في زوج..هاذي حياتها و هذا قدرها و تواجه مهما كانت النهاية مأساوية
الحلقه 18
قاعد فالبيرو شارد مخو مش معاه يتفكر فيها ليلة البارح كيفاش خايفة و ترجف و تصيح...عمها!!!شكون هو عمها لي خايفة منو؟؟فطنو صوت جواد من تفكيرو
جواد:واش ناوي تكمل النهار هكا لا خدمة لا هدرة لا تحريكة؟؟ عُدي واش كاين؟
عُدي:اااااه و علاش انا عرفت واش كاين...و الله يا صاحبي كل يوم يفوت يزيد الغموض لي داير ب لينا ناصر...ايه قولي مالقيت حتى جديد عليها؟؟
جواد:انا نظن بلي اسم لينا ناصر مش اسمها الحقيقي
عُدي:كيفاش؟؟
جواد:شوف ا سيدي لينا ناصر ماعندها حتى سجل دراسي لا فالابتدائي لا متوسط لا ثانوي لا جامعي...ماكانش شهادة ميلاد بإسم لينا ناصر و ماكانش شهادة وفاة بإسمها..ماعندهاش ملف صحي بالاسم هذا...هذا الاسم ظهر من عامين بلا ماضي...ها قولي واش تستنتج من هذا الكل؟؟
عُدي:يعني لينا ناصر شخصية خيالية...امالا شكون هي....الدار..الدار لي ساكنة فيها بإسم شكون مكتوبة؟؟؟
جواد:الدار مكتوبة على مريم علي...توفات من 20 سنة و مالقينا حتى علاقة بينها و بين لينا
عُدي:اهوه حكاية كبرت و لازم نعرفو شكون هي ولا واش قلت فيها صاحبي
جواد:ههه اتهنا بربي نعرفو شكون هي و علاش منتحلة شخصية لينا ناصر..
عُدي:هكذا مالا نحبك تكثف البحث عليها و تعرفلي شكون هي مريم علي و كيفاش لينا ساكنة في دارها...و حط شكون يراقب لينا بغير ماتحس..قلتلي من قبل تزور دار العجزة هكا...امالا نحب نعرف مع من تحكي و مع من تقعد كي تروحلهم...اكيد كاين لي مقربين ليها ممكن نعرفو حاجة تفيدنا منهم
جواد:ماتخممش انا بنفسي نتكفل بكلش...اتكل عليا و ماتخافش.
ليلة كاملة مارقدتش عينيها منفخين وجها صفر شاحب #زومبي تشوفها تهرب....ناضت من بلاصتها بالسيف عليها دوشت غطات الزروقة لي دايرة بعينيها بالماكياج(خداع المومنين هههه) لبست سروال كلاسيك و شوميز شعرها مطلوق لبست نظارة تغطي في عينيها الحومر و خرجت سلمت على نجية و منى قعدت معاهم فطرو كيف كيف تضحك مع نجية لي ماتعرف غير تضحك هههه منى كانت متمنية تكون ضحكتها من القلب تكون ضحكة حقيقية مش مزيفة ترسم فيها على شفايفها غير باش توهم الناس بلي هي مرا قوية....لينا ماتحبش تبين ضعفها حتى مع الناس لي يعرفوها على حقيقتها الرهيفة و الضعيفة....
نجية:واش تحبو نطيبلكم اليوم..
لينا:طيبي لي يهوالك كل حاجة من يدك مليحة
نجية:ههههههههه..نديرلكم بوزلوف اليوم
منى:اعععععععععع مالقيتي ماديري ياااا نجيتي...بوزلوف
لينا:هههه..حابة ناكل كسكس بلحم لخروف
منى:امممم كسكس.....ها نجية شفت كيفاه ماتعرفش لطياب بوزلوف بعد لالا زيد قولي نديرلكم عصبانة خير
نجية:اسكت اسكت لا ترصيلك تاكل فيها ذرع عليك...هههه
منى : لينا نوض نوض عندنا خدمة كبيرة...اليوم يظهرلي نبات فالبيرو مانجيش نروح
لينا:هههههه متحمسة اليوم للخدمة ولا خايفة من خالتي نجية
منى:بلا صماطة نوضي...بوزلوف و عصبانة يا نجية اشفاي عليها...مركيها عندك.
منى مغششة و نجية و لينا يضحكو عليها....المهم خرجو ركبو الطونوبيل و راحو للخدمة
منى:لينا ماكش ناوية تقولي واش صرا البارح
لينا:ماصرا والو...كنت عيانة هذا ماكان و ماتخافيش عليا مايصرالي والو
منى:علابالي بيك ماتحبيش تحكي لي يقلقك و لي يوجع فيك...بصح انا ختك فرغيلي قلبك خلي يرتاح من الحمل لي عليه...خبريني واش يقلقك بلاك نقدر نعاونك تعرفيني مانبخلش عليك تطلبي عينيا نمدهملك...نحبك تكوني مرتاحة و مايخصك حتى حاجة نحبك تنساي الماضي و تكملي حياتك مع انسان يستاهلك و تخرجي من العالم لي دخلتيه برجليك...عالم موسخ خامج معفن
لينا تبسمت تطمن فيها بلي كل حاجة في وقتها تجي.._اشششت راسي وجعني من كلامك بلعتي كاسيت واقيلا هههه....منى حياتي مختلفة على حياة اي انسان حياتي مأساة مانتمنا حتى واحد يعيشها و مانحبش نتذكر واش فات منها بصح في كل يوم و في كل لحظة اطياف الماضي تحاصرني تخنقني بذكريات تعيشني في فوبيا من كلش من الظلام من النار من بزاف حوايج....منى حياتي مافيهاش حاضر و مستقبل فيها ماضي مسيطر على كل تفصيل صغير و كبير
منى:
لينا:اسكت ماتركبليش مندبة على صباح ربي..هذا مكتوبي و انا راضية بيه
منى:علاش الدنيا ظلمتك هكا علاش...
لينا:يا بنتي اسكت لا نهبطك هنا و كمل وحدك...ولا نعيط لنجية تجيب بوزلوف و تجي للبيرو
منى:لالالالالا هاني سكت...بوزلوف
لينا:هههههههه
منى تتمنا تقدر تعاونها و تنسيها فالماضي بصح كيما يقولو العين بصيرة و الايد قصيرة....فوق طاقتها كل لي تقدر عليه انها تدعيلها ربي يحميها و يقدرها على حياة الشقاء لي مكتوبة عليها...
الحلقه 19
راحت لدار ميادة بعد ماوصلت منى للدار لي تخدم فيها و عيطت لسورية تبعث الخدامين و دوازن الخدمة...وصلت فتحت الباب و دخلت راحت لبيت الضياف بدلت قشها لبست سروال جين كحل عريض شوية مع بودي بيض و بروتال و puma بيضة...طلعت شعرها حكمتو طمطامة و هكذا ولات مستعدة للخدمة....سمعت تزمير الطونوبيل خرجت لقات الرجال لي يعاونوها فالخدمة لحقو هبطو الماتريال لي يخدمو بيه دخلو كلش للدار و بداو على بركة الله...فهمتهم في كل حاجة واش يخدمو واش يديرو و بداو من بيت الصغار...فاتو ثلاث ايام لينا فالنهار تخدم في دار ميادة و فالليل فالبار مع حسام لي بدا يفتحلها قلبو يحكيلها على اعمالو بعد ما وهمتو بلي هيا حابة تخدم معاه و تكون شريكة فاعمالو....شخصيتها القوية مخليتو ضعيف قدامها لأبعد حدود مسيطرة عليه حتى انو مازال مسيطر على روحو و ماقربلهاش كلما يحاول تصدو و تقولو نتزوجو و كلش ساهل...المسكين معمي على قلبو يوجد للعرس و فرحان المرا لي رفضتو مدة طويلة قريب يتزوج بيها و يدي غرضو منها ملهوف بزاف على زواجو منها حتى انو قرر بلي العرس بعد مايكمل الصفقة الاخيرة للمخذرات و يدخلها للبلاد بأمان.....عُدي مازال ورا ماضي لينا لي محيرو و مدخلو في حيط قضية واعرة و لازملها وقت و جهد كبير باش يقدر يعرف كلش عليها.....اليوم ناضت كي العادة دوشت و لبست و راحت لدار العجزة وين تلقا راحتها احساسها بالامان و هي تحكي مع العم عمر حاجة ماتقدرش تعبر عليها بالكلام فرحة عينيها تكفي تفرغ قلبها و ماتخلي حاجة تقلقها...ترجع بطاقة كبيرة و قوة تخليها تواجه حياتها....وصلت قدام الشجرة لي يقعد تحتها العم عمر وقفت تخزر فيه هذاك الراجل لكبير الشايب علاش تحس فيه حنية و خوف الاب و هو مايقربلها بوالو ماتربطها حتى صلة بيه و مع هذا ينصحها و يحبها و يعتبرها بنتو...اااااه يا دنيا لي من لحمك و دمك يعذبك و يرميك و يخليك تتمنا الموت في كل لحظة و لي مايقربلك بحتى حاجة يحن عليك و يخاف من نسمت الهوا تضرك...سرحت مع افكارها لي هزتها و حطتها حتى فطنها صوت العم عمر من سرحتها
عمر:توبة قداه ناوية تقعد من غير ماتحكي
لينا:ااااه يا عمي عمر(طبست باستو من جبينو و قعدت حذاه شادة في يدو)و الله توحشتك
عمر:هههه توحشتني يا ستوتة علبيها جيت و شفتني
لينا:و الله وقتي محشور النوم و ماعدتش نرقد...ليل مع نهار مش مهنية يا عمي
عمر:الستر عليك ا بنتي غير الخير...احكيلي واش كاين
لينا تبسمت شافت خوفو عليها و لهفتو عليها...قداااه تحبو عمي عمر..._علاش تخاف عليا و تحن عليا و تحبني و تهتم بيا ماني من لحمك و دمك مانقربلك...و علاش لي من لحمي و دمي مارحمنيش عذبني و كرهني في عيشتي على صغرة عمري نكره الحياة و نكره الدنيا و مافيها
عمر:شكون قال باش نحبك و نحبلك الخير لازم تكون من لحمي و دمي...يا بنتي فالدنيا هاذي تلقا الخير فالبراني و ماتلقاهش فمول الدار....كيما لقيت فيا انت حنية باباك و خوفو لقيت فيك انا حب بنتي و رحمتها بيا...و كان تعيطلي بابا تكمل معايا الفرحة و ماعادش نطلب من ربي يزيدني
ناضت حضنتو و باستو صحيح لي قالو العم عمر البراني تلقا فيه الحب و الحنان و الرحمة و كل حاجة تنقصك...شكون قال خوك خوك لايغرك صاحبك كلامو مش صحيح...انا لقيت فالعم عمر لي عمري مالقيتو في عمي خو بابا من لحمي.....
لينا:ااااااااه يا بابا عمر....عشرين سنة كلمة بابا ماقلتهاش...
عمر:هههههه عيشك بنتي خذيت بخاطري و قلتها الكلمة لي تحرمت منها عشرين سنة
لينا:هههه ربي يحميك و يحفظك ليا يا بابا
عمر:ها بنتي ماقلتليش واش مقلقك مناه مكش مهنية
لينا حكاتلو على لي قاعد يصرا معاها حسام و الزواج المزيف و عُدي و قضية المخذرات...حكاتلو كل حاجة بالتفصيل
عمر:توبة بنتي جبت معاك شي حد؟؟؟
لينا:لا جيت كي العادة وحدي...علاش؟؟
عمر:ريحة مش موالف نشمها قريبة...قريبة بزاف
لينا دارت شافت من شافت لهيه مالقات حتى واحد..._ماكاين حتى واحد يا بابا
عمر:خلينا ندخلو مانيش مرتاح...هيا نوض بنتي نوض.
جواد ثلاث ايام يتبع فيها مالقا والو كل يوم من دارها لدار ميادة للبار...ثلاث ايام نفس الروتين ناض اليوم و ماعينوش يتبعها هاي كي العادة من خدمتها ماتخرجش ماتتلاقا بحتى واحد...هز تليفون شاف نهار اليوم لي تروح فيه لدار العجزة ممكن يعرف حاجة...رما الغطا و توكل على ربي نص ساعة وجد روحو و كان حذا دار لينا يستنا فيها وقتاش تخرج...ستنا شوية و شافها خرجت ركبت طونوبيلها و راحت تبعها حتى لحقت لدار العجزة شافها دخلت دخل وراها من بعيد سلمت على كامل لي ثم مدتلهم قضيات شراتهملهم قبل ماتلحق...كامل فارحين بيها ضحكت معاهم شوية و هو واقف بعيد يخزر فيها...شافها خرجت للجنينة وقفت قدام شجرة قاعد تحتها راجل كبير الشيب غزالو راسو سلمت عليه و قعدت حذاه....قرب منهم باش يسمع واش يحكيو قرب و تخبا ورا شجرة و سمع كل كلمة قالوها و سجلهم
...بصح الشيخ فاق بلي كاين لي يراقب فيهم ناضت لينا تشوف و جواد تخبا بين الشخر ماقدرتش تشوفو
الحلقه 20
رجع للخدمة دخل على عُدي وجهو مقلوب
عُدي:اووه صاحبي واشبيك؟؟
جواد:و الله تعبت و انا نجري في جرة لينا بصح اليوم عرفت حاجة ممكن تفيدنا
عُدي:احكي واش عرفت....نسمع فيك احكي
جواد جبد تليفونو و حطلو سمع واش سجل..عُدي عينيه لمعو و فرح تبسم تبسيمة فمو لحق لوذنيه هههه..بدا يقرب من حل الهالة الغامضة لي دايرة بيها
عُدي:توبة....هذا اسمها؟؟
جواد:الشيخ هذاك هكا عيطلها...مرتين يعني هذا اسمها
عُدي:مالا توبة ..و الشيخ هذا شكون
جواد:نشف ريقي باش عرفت شكون هو...يا صاحبيييي عندو حاسة شم و الله ماشفت كيفها
عُدي:واش تقصد...و شكون هو
جواد تكسل فوق الكرسي و رجع راسو لور..._الشيخ عمر عندو 10 سنين ملي رماوه ولادو فدار العجزة..هو الوحيد لي قريبة ليه لينا...اووه توبة قريبة ليه بزاف و سمعت بوذنك واش حكاتلو...اعمى مايشوفش بصح عندو نيف يا لطييييف
عُدي:احكي يا صاحبي راك قلقتني...
جواد:اسكت اسكت كون جيت في بلاصتي و كليت تبهديلة كيما لي كليتها انا و شفت القلقة علأصول
عُدي تنرفز وجهو حمار عينيه ضياقو قعد علكرسي و بدا يلعب بالكابوس تاعو فوق الطابلة...روحو رايحة تطلع من صماطة جواد ...._احكي و الله نرفزتني يا جواد احكي
جواد عدل روحو فوق الكرسي و قالو اسمع مالا بعد ماتبعتها و تخبيت ورا الشجر و سجلتها تحكي معاه...عمر شم ريحتي
عُدي:
جواد:و الله كيما نحكيلك...شم ريحتي و قالها شكون جبت معاك قالتلو ماجبت حتى واحد ناضت تحوس و بشق الروح لا تخبيت...شفتهم كي دخلو زدت شوية و دخلت لقيت لينا راحت قعدت نسقسي على الشيخ فالرسيبسيون..حتى حكمتني يد من كتفي كي دورت لقيتو هو...
عمر:شكون انت و علاش كنت تتنصت علينا
جواد:لالا راك غالط انا هذا وين جيت
عمر:ههههه صحيح مانشوفش بصح ربي عوضني بحاجة نعرف بيها الناس...الريحة هي لي خلاتني نعرفك
جواد:واش قاعد تحكي يا حاج..اكيد راك غالط
عمر:لا مانيش غالط هاذي ريحتك نفس الريحة لي شميتها قبيل....يا ولدي ظاهر فيك انسان مليح و طيب بصح علاش كنت تتجسس علينا هذا عيب و عار في حق راجل كيما انت
جواد:سامحني يا عمي و الله الطفلة هذيك نحبها و حبيت نتزوجها...على هاذي تبعتها قلت نعرف شكون اقرب انسان ليها بلاك يقدر يعاوني...بربي عاوني يا عمي نحبها البنية هذيك......
عُدي طرطق بالضحك هههههههه تخيل جواد يحاول فالشيخ باش يصدقو
عُدي:هههههههه كليتها يا صاحبي و حبيت تعاود تتزوج و الله مرتك تخنقك و ترميك للكلاب يمششو عظامك
جواد تضحك؟؟؟خمم في روحك على خاطر انت لي ترجيت عمر يقنع لينا تتزوج بيك
عُدي:كيفاش؟؟؟؟
جواد:ههههههههههههه الراجل اكيد باش يقنعها لازم يعرف شكون الراجل و انا قلتلو بلي انا اسمي عُدي و حكيتلو عليك كلش....
عُدي:أكيد تتمسخر انت...مادرتهاش
جواد تبسم و ناض فتح الباب و هرب و عُدي رمى لي جا قدامو وراه...._و الله يا جواااااااد نهارك على يدي....واش درت يا زفت اااااااااا
جواد هارب و عُدي وراه حتى عياو
جواد:اووه...اووه و الله تحبس ماعادش فيا قوة باش نجري خلاص
عُدي:مازال عندك وجه توري فيه يا زفت يا****
جواد:خليني نكملك واش صرا و من بعد....و الله قلتلو مايحكيلها والو حتى يجي الوقت المناسب...و ماتنساش اعمى مايعرفكش و تكمل خدمتها معانا لا تعرفنا لا نعرفوها
عُدي:و الله نرفزتني بخدمتك هاذي...بعثتك تجيبلي خبار عليها مش تحصلني فيها...هات جد التليفون....بعث التسجيل من تليفون جواد لتليفونو و راح منرفز من عملت صاحبو هز طونوبيل و قال ربي...يسوق و ماعلابالوش وين رايح هايم ضايع افكارو مشتتا يسوق بلا وعي ماعرفش كيفاش لقا روحو قدام دار ميادة.....القدر قاعد يجمع فيهم....تنهد و هبط فتح الباب بالمفتاح لي عندو دخل لقا حوايج الخدمة مفرقين في كل بلاصة دخل شاف لقاها تخدم في بيت النوم لابسة بونتاكور كحل و بودي احمر مع بروتال و puma بيضة شعرها كوب شوفال دايرة كيتمان في وذنيها للخر و تغني مع الغنايا غناية #كمال_مسعودي...صوتها حنين و شباب تخدم و تغني مافاقتش بيه كي دخل...حاجة اقوى منو تجبدو ليها تخليه يقربلها...قربلها حتى وقف وراها يشم في برفانتها لي عشقها من غير سابق إنذار جبد نفس عميييق جبدها من وسطها ليه بالغزر...تفجعت و قلبها طاح بين رجليها بدات تعيط و من الخلعة لي شدتها دورت سيحت عليه البانتورا لي كانت تخدم بيها....طلقها و بعد عليها قعدت تخزر فيه باهتة نحات الكيتمان من وذنيها و راحت تجري ليه
لينا:عُدي؟؟؟؟؟؟يا الزح ديما مركبلي فجعة علاش....اوووووف
عُدي:.....
لينا:واشبيك ساكت.....قربت ليه وجهو كامل مطلي بلبانتورا لبستو ثاني ماسلكتش...حاط يديه على عينيه...كي شافتو زادت فجعتها...يا مصيبتي البانتورا دخلت في عينيه قاعد يتوجع قدامها خافت بزاف قلبها يخبط فالمليار...اهدا يا لينا واش هاذ الاحساس خايفة عليه تصرالو كاش حاجة انت السبب فيها
ولا خايفة من عصبيتو و كلامو لي يجرح كيف السيف...ماعرفتش روحها خايفة عليه ولا خايفة منو
لينا:عُدي والله مابقصدي انت خلعتني..الصبغة جات في عينيك من غير قصد...صدقني
عُدي:ااااااه عينيا يحرقو و يوجعو
لينا:اصبر ضرك نجيبلك ماء تغسل بيه و عندي دوا للعينين حط منو...اااااااه يا ربي يعني مايفوتش نهار بلا مصيبة حرام نعيش نهار هانية
الحلقه 21
عُدي:بركاني من تمتيم و ازرب عينيا شعلت فيهم النار
لينا:جاية جاية...و بربي ماتزيدش تذكر كلمة النار قدامي...جابت الماء غسلتلو وجهو و عينيه و حطتلو دوا قطرات في عينيه و باقي يتوجع...خرجتو و طارت بيه طيارة للسبيطار كشف عليه الطبيب و قالها خير ماعملت كي حطيتلو القطرات و جبتو...عاودو نظفولو عينيه مليح و دارولو دوا و غطاوهملو بشاش باش مايقيسهمش الهوا و يلتهبو....حطت يدو على كتفها و عاونتو باش يخرج كان ثقيل يدو هدلها كتفها(هههههه شينوية ثلاث ايام و طيش) تمشي و تتنهد تعبت باش طلعتو للطونوبيل و هو ساكت من غير ماقال كلمة وحدة...
لينا:ان شاء الله بعد 12 ساعة يخف وجع عينيك...سامحني و الله مابالقصد
عُدي:احح...اييي عينيا مانيش نشوف بيهم
لينا:شوية و يخف الوجع...استحمل راك راجل..يووه
عُدي:هاذو عينيا يا لالة كي نولي اعمى باش تمدلي عينيك؟
لينا:ايه نمدلك عينيا المهم مايصرالك والو و ترجع تشوف نورمال(تهدر و ترجف خافية عليه تصيرلو حاجة خايبة بسبتها)
عُدي:صح تمدلي عينيك لينا؟؟...يحكي بصوت واطي و حنين دوخها و ذابت معاه حشمت و قلبها رجف قالتلو:ايه نمدلك عينيا المهم تكون بخير
عُدي:ههههه مليح يا لالة.....ضحكتو ردت فيها الروح حجرة و نزاحت من فوق صدرها..بانت غمازتو كي ضحك بقات تخزر فيه ملامحو رجولية بصح حنينة و بريئة ديما يخبي ضحكتو ورا غطرستو..ديما وجهو مزير و عاقد حواجبو حتى و هو مزعف يهبل و كي يزيد يضحك يدي العقل...كلش فيه باهي عينيه فمو خشمو لحيتو غمازتو بدنو الطويل لقات روحها تعشق فيه و في كل تفصيل منو...ايه حبيتيه يا لينا...لالا خاصني غير الحب...انا مخي في حاجة وحدة انتقام...ماكانش بلاصة للحب و جياحة...لالا صحيح يعجبني راجل قوي و يثبت شخصيتو وين مايكون...بصح حب لا...لا..لا
عُدي:لينا...لينااا...تليفوني يصوني شوف شكون
لينا:ااه...حبي
عُدي:واشنوO.o
لينا:ااا..لي عي..عيط مكتوب حبي..مدتلو تليفون هو يحكي و يضحك و هي قلبها اتقبض و تزير عليها حاجة غريبة تحس بيها داخلها احساس عمرها جربتو خنقة ضيقة غيرة فكرة انو يكون عندو حبيبة خلاتها تغير.....هاك تكذب يا لينا قلت انت ماتعرف غير الانتقام..هاو قلبك خانك و حب و عشق في جلادو عشقت الانسان لي كل مرة يهنتلك بالكلام و يسمعك غير مايوجعك...ااااه يا قلب علاش تخون و تغدر و تعشق فيه و انت تعرف بلي ماهوش من نصيبك...
عُدي:لا فطومة مانجيش اليوم عندي خرجة شوية بعيدة...اييه..ايه...اوكي يتهلا فينا ربي ابقا على خير....
لينا:وين تحب نديك للدار ولا بلاصة اخرى؟؟
عُدي:انت طرشة ولا واش...تسمع فيا نقول ليما مانجيش عندي خدمة و انت تقولي نديك للدار...هي كون تشوفني هكا و الله نقعد سمانة فالدار ماتحركت...فطومة و نعرفها
لينا:امك و من حقها تخاف عليك...
عُدي:ايه علابالي بصح تخنقني بخوفها الزايد
لينا:يا ريت ماما مازالها عايشة و تخنقني بخوفها..ماحلاها خنقة
عُدي:علاش تظل تمتم بين شفايفك...اهدر بصوت عالي خليني نسمعك
لينا: لا والو...مالا اقعد معايا حتى يتحسنو عينيك هكذا نطمن بلي ماصرالك والو(صوتها حنين و فيه بزااااف خوف و صدق)
عُدي:اكيد لازم تكفر على ذنبك..قاعد في وجهك و لي نقولك عليه ديرو بلا نقاش....
لينا:هذا استغلال....بصح ماعليش المهم عينيك مايصرالهم والو
عُدي اصلا حاب يقعد اطول وقت معاها بصح كان حاب يشوفها مش يقعد مقابلها مايشوف وجها مايشوف شفايفها كي تكون تحكي و تغري فيه.....بصح ماعليش المهم قريب ليها و يعرف بلي راهي قدامو
لينا:تغديت ولا نجيب غدا؟؟
عُدي:لا ماتغديتش
لينا:واش تحب تاكل
عُدي:اي حاجة تجيبها انت...مايهمش
لينا:اوكي....حبست قدام ريسطو يدير ماكلة منوعة وصاتهم يوجدولها ماكلة لزوج عباد...كباب سوري و سردين مشوي و وصاتهم على سلطة من الخضرة لي تفيد العينين....دخلو لدار ميادة لبيت الصغار لي كملت خدمتها و نظفتها حطت قدامو الماكلة و قعدت مقابلتو بدات تاكل
لينا:عُدي ماكش ماكل؟؟
عُدي:هاك عميتلي عينيا...باش تحبني نشوف الماكلة بوذني ولا بخشمي؟؟؟
لينا:بففففف كلامك ديما صامط...و تقعد هكا ماتكلش
عُدي:انت توكليني...هيا قريب نموت بالجوع
لينا حشمت وجها طمطم بدنها كلو يرجف عرقت السخانة طلعتلها قلبها يخبط خبطات قوية تسمع فيه قريب يطرطق...الهدرة راحتلها بلعت ريقها و قعدت حذاه بدات توكل فيه......هو ياكل و فرحان ماحلاها لمست يديها على شفايفو...الماكلة بنينة ولا من يديها لقاها بنينة...عمرو ماكلا حوت بصح اليوم من يديها كان قادر ياكل الحجر مش غير حوت....ههههه يحبها بصح هو ماعرفش روحو بلي يحبها صح و بلي الايام الجاية تحمل مفاجئات و بزااااف حوايج يا تخليهم يقربو من بعضهم يا تفرقهم و يقعد حبهم جمرة تكوي في قلوبهم........
الحلقه 22
عشية كاملة و هي تنفذ في طلباتو..جيبلي نشرب جيبلي قهوة خرجني دخلني..حاب نرقد لالا احكيلي حكاية تضحك....هبلها شافت الويل معاه عيات عظامها تكسرو خدمتها هملتها كل ماتبدا تخدم يعيطلها و يخرجلها بخرجة...
عُدي:ليناااا...لينااا
لينا:اووووووف ارحمني يا الزح هبلت انت اليوم ولا واش....من قبيل و انت هات دير هز حط....خليني نخدم و الله عييت
عُدي:غنيلي
لينا:حط الكيتمان في وذنك و اسمع الغنا لي تحب
عُدي:راسك واش فيه؟؟؟قلتلك غنيلي
لينا:صوتي قبيح..
عُدي:مايهمش غنيلي و خلاص..اقعد هنا حذايا و غنيلي......تنهدت رمات دوازن الخدمة من يدها و قعدت حذاه ربعت رجليها و بدات تغني
عُدي:اااااع صوتك باشع و الغنايا باشعة بدلها غني وحدة مليحة فيها احساس
لينا:لطفك يا ربي....باهي سي عُدي اتفشش و ادلل...
#نامي عالهدى نوم الطفل..نامي...مثل شي ورده ع كتف سياج.....صغيرة الاميرة و الهوى حرامي...يا خوف قلبي ينسرق هالتاج......نامي عالهدى نوم الطفل..نامييييي...مثل شي ورده ع كتف سياج..صغيرة الاميرة و الهوى حرامي...يا خوف قلبي ينسرق هالتاااااج....نمتِ ع زندي بخاف تنلامي...و يذوب زندي من بياض العاج...يا الكحلة عيونك لون ايامي..غمضي بينن ع بحر و امواج...نامي هون بضلوعي...يوعى الكون و ماتوعي..تعبان رمشك للغفى محتاج...نامي هون بضلوعي...يوعى الكون و ماتوعي..تعبان رمشك للغفى محتاج# صوتها فيه سحر حنين و رقيق احساسها و هي تغني قوي بزاف....تأثر بصوتها لي تزرع في وذنيه و عينيه رجعو قلوب....هي كملت و هو يصفر و يصفق حشمها ههههه
عُدي:ههههه يا كذابة و تقول صوتي قبيح...زيد غنيلي زيد
لينا:لا و الله اقعد راكح خليني نكمل خدمتي...وجيعة عينيك خفت ولا لا..؟؟
عُدي:كي سمعتك تغني نسيت عينيا و نسيت الوجيعة.....
لينا: ياخي صامط...اوووف
عُدي:ماتزيدش تحكي بين شفايفك
فاتت عشية مسودة عليها...لحقت 8:00 قالتلو بلي مروحة بصح هو ماخلهاش تروح و قالها ماتخلينيش وحدي و انا عينيا مضرورين مانقدر ندير حتى حاجة بلا عينيا و مانقدرش نروح فطومة تهبلني..مرجها بالهدرة و حكم فيها صحيح حتى قعدت معاه..راحت جابت عشا من برا هههه هاذ المرة دارت سوندويشات باش مايلقاش كيفاش يقولها وكليلي...المهم تعشاو و كاين مطرح واحد هو رقد عليه و هي قعدت تخزر فيه...ياخي حالة لا ذوق لا شكوبي..بعدت عليه شوية و من التعب و الخلعة لي كلاتها اليوم رقدت بقشها لي تخدم فيه...ماجات تلحق 9 كانو راقدين....ولا كانت راقدة عُدي كان فاطن و لاعبها راقد...نحا الشاش على عينيه و فتحهم بالشوية فلول شاف كلش مضبب بصح شوية هكذا و رجع يشوف نورمال..ناض يدور فالدار شاف خدمتها و بقا متعجب و الله ماكان يتوقع يطلع هاذ الشي منها...رجع شافها راقدة في لرض مرمية حوايجها موسخين بالبانتورا حتى وجها و مطلي شوية...قرب قعد بحذاها يتأمل فيها زينها يهبل عينيها خشمها شفايفها المليانين...شعارها الحرير لي طولو واصل لخصرها كحل كيف الليل...بدنها يهبببل مرسومة كي الحورية و لبستها حتى لي تخدم فيها و مواتيتها مغطيتلها تقريب لحمها الكل أية فالجمال تهبل تفتق تجنن تطير العقل...هكذا تمناها تكون مستورة و على الطريق الصحيح مش بنت ليل الشراب و السهريات و الرجال....تنهد هزها حطها فوق المطرح...بعدلها سلبة من شعرها كانت على عينيها و خطف بوسة من خدها...قعد مقابلها متمني تكون الحقيقة غير لي يشوف فيها بعينيه...متمني كون قابلها في ظروف احسن و في مكان لائق....سرح بأفكارو و هو يتمنى حتى سمع تليفونها يصوني زرب كوبا و خرج من البيت..عاود صونا التليفون هز
منى:وينك يا زفتة نجية مقلقة عليك و ماحبتش تروح...الو...الو...لينا..لينا رد عليا
عُدي:اطمن لينا بخير
منى:شكون انت..لينا وين علاش ماردتش على تليفونها...حسام؟؟انت حسام؟؟وينها لينا ماتقربلهاش...
عُدي:لالا مانيش حسام...و لينا بخير اتهنا و ماتتقلقش عليها......كوبا و رجع للبيت لقا لينا تقطر بالعرق ملامح وجها قاعدة تتبدل..تمتم في كلام مش مسموع....لا ما..ما..وي..نك....اييي..ماتضربنيش..ااااييي..لالا..حرام عليك عمي....عُدي اتفجع كي شافها قلبو هرب عليه راح يجري ليها ينوض فيها
عُدي:لينا..نوضي لينااا...ليناا نوضي
لينا فطنت تبكي بالشحقة قد ماحاول عُدي يهديها ماقدرش كانت تضرب فيه على صدرو و تتخبط بين يديه....
عُدي:لينااا..اسشششت هاني معاك اسسس
لينا:لالا بعد عليا..ماتضربنيش....بعد عليا..بعد عليا
عُدي حرقو قلبو عليها...واش لي صرا معاها يخليها تنوض تهتري هكا دموعها فوق خدها يجريو بدنها كامل يرجف متكمشة في بعضها...شفّتو حالتها حليلة تقطع القلب...جبدها بلغزر حضنها خبات راسها في صدرو بكات حتى عيات و هو غير يمسحلها على شعرها يهدي فيها و يقولها بلي هاذا منام خايب برك...ضلت ساعة ولا اكثر و هي معنقتو حتى هدات و جبدت عليه ...
خلاص الجزء الثاني زعما واش صرا من بعد !! تبعو الجزء الثالث ..
لم اجد الجزء الثالث من كرونيك توبة فتاة الليل
ردحذف