أول حاجة لازم تعرفيها هي : الرجال هوما عبارة عن أطفال صغار بحجم كبير وعليها لازم تتفطني لهذي النقطة وتعرفي كيفاش تتصرفي
الراجل مالازموش الحنانة والاهتمام الزايدين من بعد يكره منك يولي يحسك تاااااالافهة ولاروتين لازم يغيرو .
رح نعطيك مثال قااااااطع كي السيف كشرودتي:
الطفل كون يشوف لعبة جديدة ،قلبو يتعلق فيها ويدير المحال باش يحصلها وبعد ماتعطيهالو ...يحبها يلعب بيها فترة ومبعد يرميها وفي نفس الوقت مايقبل حتى واحد ياخدها منو يعني مايفرطش فيها ومن بعد يبدأ يحوس على غيرها
هدو هوما الرجال مايحبوش الاهتمام الزايد مرة على مرة لازم تجوعيه من الحنانة والاهتمام على خاطر عادو شاااااابعين وقريب يتقياو حشاكم من لحنانة والحب الزايد وهذا الشي حقيقي مع أنك ماكيش تديري في حاجة غالطة المهم نحذرك من الاهتمام الزايد حنونةردي بالك من الممكن تفقديه ولا تخليه يمل منك ويجيب غيرك مع أنك المخلصة المطيعة
لازم تكوني ذكية في الحب والتعامل نتاعك
ولازم في بعض الاحيان تتبعي معاه سياسة التجويع كوني حنونة عطوفة أهتمي بيه قلشيه بصح ماشي أكثر من اللازم مرة على مرة أحرميه
شوفي ردي بالك كي يكون هو هاملك وماهوش مقيمك ويكون بارد معاك تروحي تلحلحيلو وتتلاحي عليه باش يتصدق عليك بكلمة ولا ب.... أبداااااا ردي بالك
حتى إذا ضعفتي ولا غاضاتك روحك ماتنسيش بلي أنت إمرأة وعندك دهاااااء وكيد عظيم
ماكيش رايحة تقوليلو حبني ولا قولي كذا... ولا ديرلي كذا ... لاااا ستووووب أنت لازم تفيقي لروحك أهتمي بنفسك ...غيري من مظهرك جددي نفسيتك وقلشي روحك وأهم حاجة تقربي من ربي كثري من الدعاء لتم تكوني طبقتي أهم قاعدة للتغير إن الله لا يغير ما بقوم حتى يغيروا ما بأنفسهم ماتزيدي تطلبي منو والو كأنو ماشي هامك
ومبعد تم الراجل رح يفيق ويقول واش بيها تبدلت ويبدأ يخمم مع روحو أنت ردي بالك تحبسي واصلييييي
حتاااااان هو يصرّحلك ويبدأ يقلك واش بيك تبدلتي؟ ماكيش مقيمتني! ماعلبالكش بيا ووووو إلخ.....
أنت تم ديري روحك بريئة وكأنك مادرتي والو( مع أنك منوضى ثورة في داخلك) حتى إذا غضب ديري روحك نووووورمال قوليلو ماتبدلت ما والو المهم خليه حتي يولي يلحلحلك ويجري موراك ويتودد أنت تم حني عليه وأستمتعي معاه خليه يدلعك ودلعيه
وأخيرا حطي ملييييييح في بالك بلي كان ما أهتميتيش بروحك ماكان حتى واحد رح يهتم بيك
حبوبتي
Siso
ليست هناك تعليقات:
إرسال تعليق