نصائح لإعادة الاهتمام المتبادل من طرف الحبيب خخ

مساء الحلويات عليكن يا بنات  جبتلكم موضوع جديييد لكل وحدة تعاني من قلة الاهتماام.. 

 موضوع اليوم لي مازال ما علابالهمش هو  قلة الاهتمام والبرود من طرف حبيب القلب ولا الزوج 

شوفو بنات هذا الموضوووع متفرع لزوج جهات حسب الراجل لي راكي معاه كاين لي فبداية العلاقة يكووون هااااايل ويغرقك اهتمام وحب وحنااااان وكاين لي من البداية قليل عاطفة وحنان وبارد فالمشاعر  ألوووووغ نبدا مع النوووع الأول لي كان رومنسي ويهتم وامبعد دااااار.. 

 هذا النوع فالغالب نلقاوه كان طايح فيك عشق وغرام وكلام معسوووول  يا مااااامي وش نقولك خلاك وليتي شلاظة خخخخ امبعد بدا بشوية يقلووو مكالماتو واهتمامووو ورومنسيتووو هذا نقولك علاش يا حنونة tout simplement حس بلي تجاوبتي معاه وحس بلي أثر فيك وحس بلي طحتي فيه او والفتيه خاطر احنا لبنات نحلمو بزاف كيفاش يضحك،،كيفاش يهدر،،،ليجاست لي يديرهم كيفاااش يبوووس  وخلي وخلي أنتي ضعيفة وما تتحكميش في مشاعرك وفالشوووق نتاعك وتولي أنتي تاخذي دور نتاعو كل دقيقة آلوووو عمري،،،توحشتك،،،راك تبدلت وهو وش يولي يدير يقتلك بكلمة راني مشغوووول،،،امبعد،،،صحة ولا امبعد نعيطلك وما يعيطش وترووووح كلمة حبيبي وعمري يولي يقولك آلووو ببرودة وانتي كي البهلولة وعلاش ما وليتش تحوس عليا،،،وين راهي عمري وحبي و Bb هههه وهو ثم تحلالوووو شوفو حبيباتي هذو كامل قوالب الراجل يديرهم بش انتي تولي فالجيب وتحوسي عليه وعندو ذكاء يخليك تخافي تخسريه خصوصا اذا يعجبك وش يدير خرجة شابة معاك وراكم تعرفو ،،،هدرة وقصرة وتعنيقة و،،،،الخ الخ الخ بش انتي تتربالك الغيرة من جيهتووو وتولي تخافي يبدلك الوووووغ تغميه بالتلفوووونات كل يوم وتجري موراه وهذا أكبرررر غلط اديرو الطفلة..... يا ودي وش وصيتكم من قبل ما تحلبيش مهما كاااااان هو لي راجل والشهوة تاعوووو كثر منك خليه ديما هو لي يسقسي وما تشبعيهش هدرة حتى لوكان راجلك مشي تدخلي عليه نحبك وتعجبني وتعبري على شعوووورك تم يقراك ويولي يعرف عقليتك ونقاط ضعفك وهنا المشكل ،،،،يولي يتلاعب يااااك رانا فشكوبيستاااان ماشي فلمريكان ولا فالترك مع مراد وحياة ههههه الجزايري طبعووو نكار وما يمدش البردو وكي يحبك ما يبينلكش وميعرفووووش يعشقوووو امالا خليه ناصب الخيمة عليك وكي ما يعيطش ما تقوليلوش علاش مراكش تحوس خليه وحدو وحدو يرجع واحكي معاه نوغماااااال وكي يقولك ما توحشتنيش قوليله توحشتك عمري وكي يقولك علاش ما تسقسيش قوليلو شفتك ما حوستش قلت ممكن مشغووول وخلي عليه....يا البيدون هوما ماشي كيما احنا على ماتش تاع بالوووون يلكيديك وما بهدرش معاك ويرقد وانتي استنايه يعيط  وليكيدي خدمتك وداركم وجد ماليك كامل علجالوووو ....هو نونونو ما يخسرش وقتو وانتي رقم 2 بعد شغلوووو ودارهم بصح انتي ديريه رقم 1 قبل روووحك وقبل كلشي هو... وهو يخسرلك نهارك علجال مهدرتيش معاه وتسمطي خرجتك علجال حوبا في وجهك بصح هو تقوليلو نحبسوو يكوبي ويخليك ويكمل خرجة مع صحابوووو ونورمال خاطر علابالووو تولي بيه وتنوحي وتقوليلو منصبرش عليك.... اذا راني غالطة قولولي ههههههه امالا شدو فرواحكم وما طيحوش ليه ليه وما تامنوش كلش الكلام المعسول فخ بش يطيحك فالشبكة 

حتى المتزوجات عززي روحك شوية ما تبقايش ديما تهرهري موراه ههه حس بيا ومراكش حنين معايا لي حنين حنين بلا تقوعير بلعكس ما تقيميهش  واضربيلو الحطة والمزير و حزطي روحك و وتشوووفي الحنانة كيفاش تولي تعووووم فالدار  قال اهتمام قال اهتمام اييييييه 

هذي بالنسبة للي كان يحلب وداااار 

بالنسبة لي من بكري بارد وما يهتمش يا حنونة هذاك ممكن هو طبعو هكاك ولا ممكن حشام ومشي موالف بالنساء وميعرفش للمشاعر هذا انا نقولك انتي لي لازم تسرحيه كي الموتور ههههههههه دلعيه وكوني جريئة معاه وقوليلو نحبك وكلام معسووول هو ينشط عندو ال Turbo  واجبدي روحك يولي هو يحوس ويجزي خاطر والف تسما اهدمي خدمة النوع الاول لي لفووووق  وخليه يولي طايح علييييك بحبي وشيغي وشبيكي تبدلتي خبك اناااا وهذي هيا نا بقاتش النية فالعلاقات بنات مشي طيحي مع المرحيين وتنوحي وتقولي كنت معااااه بنيتي خلي النية فالثنية لازمك تقفزي وما تاكليش من وذنبك واهم اهم شئ مصلحتك حبي روحك وعززيها وتشووووفي الغيزيلطااااا .

ان شاء الله موضوووع يكون عجبكم وان شاء تخدمو بهذو النصائح ماشي تبقاي كي لبيدون يوجعك قلبك وتتوحشيه وهو يكوبي عليك نونونو جمد قلبك يا جميل وهتشوووف النتيجة ازاي ههههههههه خاطر كيما توحشتي هو تاني يتوحش وشنو هو يخمم لبعيد ويقيس قبل ما يغيس وهو عارف بلي كون يولي يحوس انتي تطلقي روحك وتولي ما تحوسيش شغل