أوهمتها بالحب و تزوجتها للإنتقام

كرونيك جزايرية بعنوان

أبطالها سيليا و رؤوف

فيها الكره الحقد فيتحولون الى الغيرة الحبو الرومنسية

شرارة حقد اطفأها العشق

من تأليفي ^_^ ممنوع النقل svp نلقى التفاعل كل يوم نهبط 4 حلقات هجووومممم

الحلقة الأولى

هبطت طيارتها من اسطنبول على 2 تاع العشية خرجت لقات بنت عمها تستنى فيها فرحت بشوفتها باستها و ركبت راحت معاها وصلو لفيلا كبيييرة دخلت لقات العايلة كامل ملمومة يستناو يشوفوها بعد كل هاذو السنين عند الباب شافت جداتها رمات الساكودو الي كان معلق في ظهرها و راحت تجري باستها دخلت فرحو كامل بشوفتها هاذو سنين ماشافوهاش

سيليا طفلة كرمها ربي الزين بيضة شعرها شاتان رايح للأصفر عينيها خضورا و مشفرين عندها طاي تقتل طاي حوتة في عمرها 19سنة عايشة فالترك مع يماها باباها و يماها مطلقين كي كان في عمرها 4 سنين و نص

جداتها : ياه يا بنتي لوكان ماشي عرس بنت عمك مانشوفوكش ؟

سيليا:ههههه و الله توحشتكم بزااف هاذي مدة و انا نحوس نجي و الله غالب القراية و مانحبش نخلي ماما وحدها

الجدة: واش راها يماك ؟

سيليا: لاباس الحمدلله تسلم عليكم كامل

الجدة (انقهرت): يماك كانت بنتي الي ماجابتهاش كرشي الله غالب باعد الي صرا ...

سيليا: معليش ماني كلش مكتوب ... هيا ورولي وين نحط قشي هههه

رهف (بنت عمها) تبعيني هههه

وراولها بيتها دخلت دوشت و رقدت فطنت على 8 تاع الليل هبطت تتعشى عمامها و عماتها و ولادهم كامل مجمولين عالطابلة راحت باستهم كامل و قعدت الكل ماعرفهاش من الاول و استغرب كيفاه رجعت للبلاد بعد هاذي المدة

رهف بنت عم سيليا و صديقتها المقربة رهف ف عمرها 23 سنة كانو ديما يحكو فالفيس صحابات لانتيم

رهف: سيليا لازم غدوة نفيقو بكري باه نروحو نشوفو الروبة و نقيسها

سيليا: اوكي

رهف: ايي مازال الف حاجة و حاجة و انا عرسي بعد 3 ايام بيييو :/ مالقيت حتى واحد معايا كلش نديرو وحدي -_-

الجدة:الهامل تاع رؤوف خوك وينو -_- كل ويكاند في بلاصة و مخلي الخدمة لباباه و هو هامل مص صحابو

رهف:كلمتو و قالي بعد غدوة باه يجي ....

الصباح فاقو رهف و سيليا راحو قاست الروب تاعها تفقدو مكان العرس جازو عالمول شرات حوايج خاصينها و روحو ميتين من التعب دوشو و باتو في بيت وحدة يحكو و يضحكو رقدو على 3 تاع الصباح

سليمة ( ام رهف و مرت عم سيليا): يووويوووي يووويووي صلو على محمد و زيدو صلو علييه هياا لبنات فيقو اليوم الحنة يووووييوووي

رهف: يما خليني نزيد نرقد شوي -_-

سليمة: نوضي راح الحال

رهف: اممم

سليمة: فيقييي يا عروسة

رهف: اامممم

سليمة: جا زياد يحوس عليك ( العريس)

ناضت مفجوعة هههه رهف: قولي والله !! وينو و هبطت تجري

سليمة: فاقت وحدة و مازالت وحدة سيليا !!

سيليا: ........

سليمة: سيليا!!

سيليا: وي طاطا

سليمة: فيق يا بنتي باه تدوشو و تمشو للحفافة

سيليا: اوكي طاطا

فاقت دخلت هي و رهف دوشو و مشاو للحفافة وصلهم عمها (اب رهف) منين وصلت و هو مايخزرش فيها خلص تقول كشما عملتلو مافهمتش عليه والو ... الدار زغاريت و غنا الناس بداو يجو

رهف: بابا كملنا ارواح ادينا

اوكي 5 دقايق نكون عندكم

رهف مشطت و دارت ماكياج و سيليا خاطيها هدوك العفايس هههه سشورت شعرهادارتو بوكلي من تحت و دارت ميك اب خفييف

خرجت زلة راحو للدار طلعت رهف لي

بست قفطان حمر جاها يقتل و سيليا لبست روب سواري ميني كحلة منفوخة من تحت و فيها بابيون من اللور اارجونتي صباط طالون كحل بوشات ارجونتي جات زلة كبيييرة شدت رهف و هبطتها هي هابطين فالدروج و كامل يخزرو ليهم و حالين فامهم سليمة تصلي عالنبي قعدت رهف في وسط مجموعة تاع بنات و جداتها تحنيلها كملت السهرة و روحو الناس سيليا ماحملتش السواري و الطالون هههه راحت لبيتها لبست شورت قصير كحل تريكو طايح فاكتف سومون سبادري كحلة و هبطت لقات البنات و الذراري كامل قاعدين فالجردان قدام لابيسين عاملين جو و يضحكو غنا راي و شطيح انبيونس كحلة راحت و بداو les jeunes يكحلو عليها ( ولاد عمها و صحابهم و .... ) لانو في ذاك الوقت كانو غير الشباب ( بنات و. ذر ) المهم راحت قعدت مع نائل ولد عمتها و رهف و الجماعة

رهف: حقا شفت فيديو عيد ميلاد صاحبك الي بارطاجيتيه فالفيسبوك ماعندي مانقلك تعرفي تخيري بوڤوص ماعندي مانقلك هههه

سيليا: هههههه ضحكتيني انا و أوزان ؟؟ ههههههه لالا هاذاك صديق مقرب برك اصلا انا و هو قط و فار

رهف: بصح شباااب ... ايييه و غنيتي في عيد ميلادو تاني شفت الفيديو كامل ... صوتك شبااااب و شطيحك ثاني

سيليا : هههه والله ديما نغنيلهم تما فالحفلات بين الاصحاب

رهف: مالا غني درك -_-

سيليا: ههههه لالا ماشي ضرك تعيشي اون بليس شوفي tes amis و لافامي كامل هنا

رهف: خسارة عليك :'( انا ماشي ختك !! و هاذا ماش عرسي ؟؟

سيليا : ههههه خلاص ماتبكيش نغني بصح لازم موسيقى

رهف : اوكي ضرك نجيب قوليلي واشمن

من غنية اا خيريلي وحدة شابة تاع شطيح هههههه

سيليا: انا نغني غي التركي

رهف: وانا نحب التركي هيا غني

طلعت فوق طابلة طويييلة هههه تلمو كامل يشوفو فيها البنات حاسدينها على زينها و الذراري راح يموتو عليها يخزو ليها كيفاه تتحرك و تتمايل خرجتلهم قلوبهم و هي مسكينة هذيك نيتها هههه رفدت الميكروفون في يدها و ضحكت بدات الموسيقى و هي بدات تغني في غنية sezen Aksu Manifesto غنية تركية (اسمعوها تحلى لحكاية و تتصورها كيفاه كانت تغني) تغني و تتمايل مع الغنية كامل عاجبهم الحال يصفقو و يصفرو و هي مهبولة ههه عايشة تلعب بشعرهاو منسجمة مع الغنية

من جهة اخرى وصل رؤوف ( البطل تاع القصة هههه) وصل روطار هبط من الطونوبيل و دخل لدار جدو ( العرس داروه في دار الجد) لقا الكبار مجمعين و يحكو

رؤوف: ااف لحقت روطار خلاص العرس اليوم رهف ماتسكتش

سليمة: ههههه بصح تقدر تسلك منها لوكان تروح معاهم للجاردان و تعطيها كادوها

رؤوف: شكون راه ثما ؟

سليمة: ليكيب ناسيونال

الحلقة الثانية

نائل: تشفى لوحدة من لافامي صغيرة كانت ديما تبكي و تقول رجعولي شيكولتي و كي انت تضحك عليها كانت تكسرلك ليجوي تاعك

رؤوف: ايه ذيك السامطة تاع بنت عمي اصلا نسيت اسمها ههههه

نائل: اقدم لك السامطة اون بارسون هههههه

رؤوف: ......

ناىل: واش خو عرفتها

رؤوف: ماتمسخرش

نائل: والله غير هيا جات عندها يومين من الترك

رؤوف: معامن جات ...؟ باباها جا ( بنبرة تخوف )

نائل: قصدك عمك لالا ماجاش

رؤوف: شوف ربك واحد كيما هاذاك مستحيل يكون عمي فهمت ولا ؟؟

نائل: خلاص انسى الي فات

رووف: ههههه اواه لالا صعيب ننسا ننسا الا اذا خذيت حقي و انتقمت و جابلي ربي هههه الانتقام جا ليا برجليه ( خزر في سيليا بخبث و ضحك على جنب)

نائل: عندك دير حاجة تندم عليها

رؤوف: الهدرة بيناتنا ماتخرجش اوكي ؟

نائل: خسارة علييك !!

(بين نائل و رؤوف سر يعرفوه غير هوما الزوج نعرفوكم بالبطل تاع قصتنا رؤوف طفل في عمرو 25 سنة طويل و مخدوم الله الله سمر شعر بين الاكحل و الشاتان و عينيه مارون هو الكبير و عندو اختو رهف

بعد ماكمل هدرة مع نائل مشا للجماعة سلم عنهم كانت الغنية خلاصت و سيليا راحت تهدر مع يماها فالتيليفون راح باس ختو و عطاها كادوها و راح لبيتو باه يبدل سيليا تمشي فالكولوار الي بين الشنابر و تهدر فالتيليفون تحوس على بيتها ماكانش مركزة خلاص و ذهبتلها بيتها هههه فتحت الباب و تشوف في حيط قدامها حلت فمها فتحت باب بيت رؤوف بالغلطة صابتو لابس بونتاكور جين سبادري و من الفوق عريان كان يحوس على تريكوه صدرو مكسل و مخدوم مافيه حتى شعرة كرشو تقول باطة شيكولة في كتفو كاين تاتو و تحت كرشو تاني عامل تاتو نجوم فاقت من سرحتها غلقت عينيها بالزربة و قاتو باااردون غلقت الباب و راحت تجري ماتت بالحشمة هو جاتو كي العسل

لبس تريكوه و هبط صابها قاعدة مع رهف

رهف: عالسلامة خوياا

رؤوف: سلمك

سيليا: ماقدرتش تخزر فيه

رؤوف: سيلياا ؟؟

سيليا: وي ^_^

رؤوف: اووو الله يبارك كبرتيي

سيليا: مرسي مام انت كبرت ^^

رؤوف: و وليتي شابة ههههه

سيليا: مرسي عينيك الشابين

رهف: انا نروح و انتم ڤسرو راجلي عيطلي فالتيليفون باااي

سيليا: ااا رهف ... (راحت رهف)

سيليا: ديزولي من قبيل غلطت في بيتك و ... هههه

رؤوف: هههههه نورمال

سيليا: هههه

رؤوف: ايييه يا سيليا مابقاوش عندي العاب تكسريهم هههه

سيليا: و انا مابقاتليش شيكولة تسرقها

رؤوف هههههه مازالك تحبي تاكلي الشيكولة بزااف ؟؟

ويي نموت عليههها

هههههه مليح

ايا نخليك انا عييت اليوم دومان نشالله بونوي

رؤوف: بون وي مشات ترقد و هو راح لبيتو فرحان خاطر لقا حاجة يمكن توصلو لهدفو الي شد فيه سنين ترما و بقا يخمم في الخطوة الاولى ....

فاقت الصباح بكري من غير عادتها هبطت لتحت واحد ماكاين مازالو راقدين حلت الفريجيدار و وجدت فطورها و قعدت تفطر رؤوف ديمايفيق بكري يروح يعمل فوتينڤ و يرحع دخل لدار داير الكيت في وذنيه لابس سيرفات و تريكو سبور شعرو مشمخ شافها تفطر راح صبح عليها

صباح الخير سيليا

صباح النور سافا؟

الحمدلله وانت

لاباس ^^ .... اقعد تفطر معايا

ندوش و نجي .... ماتاكليش كلش برك هههه

مازالك سامط كي بكري -_-

قرب ليها شدلها نيفها ضحك معاها ضحكة خلاتها تهبل و راح

يااا ماممي داك الزييبن و ديك لاطاااي

دوش و راح قعد معاها حكاتلو كيفاه عايشة تما حكاتلو على روحها و هو تان ... فاقو الجماعة و كلمو تحظيرات العرس لانو اليوم الدخلة بعد مادوشت رهف مشات للحفافة مع سيليا وصلهم رؤوف مشطت رهف مشطة سامبل و كلاس دارت ماكياج و سيليا هزت شعرها للفوق و طلقت شعرات كانت بوكلاتهم بابيليز دارت لاينار و ماسكارا كملو و عيطت رهف لخوها دقيقة و راح ليهم هو قاعد يستنى فتح فمو كي شاف سيليا خارجا هي الاولى لابسة روب فولار قصيرة من قدام و طويلة من اللور ركبو معاه رهف من اللور و سيليا ركبت من القدام هههه طريق كاملة و هو يخزر ليها من تحت لتحت وصلو راحت رهف تجري سيليا بقات فطونوبيل تهدر مع يماها الي كانت عيطتلها كملت و جات هابطة جات تنحي السبتة ماحبتش قرب ليها رؤوف حط يدو فوق يدها الي كانت تحاول تفتح السانتور قلبها ولايخبط فالألف شمت بارفانو قريب داخت فتحهالها و بعد عنها

رؤوف: راكي شابة بزاف اليوم

سيليا:يووو مرسيي هههه و هبطت تجري تمروح بيديها على وجها خزر ليها و ضحك ضحكة خبث

طلعت لبتها تجري و تضحك بعد مالبست رهف الروب لبست سيليا روب سواري حمرة طوييلة تمش معاها مشقوقة فالجهة اليسرى حتا لفخضها مفتوحة فالصدر v طوييلة لفوق السرة بشوي صباط طالون كحل و حمر بوشات كحلة و خرجت الذراري الكل يبحلق في سيليا و يرميلها فالكلام بصح هي مش معبرتهم راح وقف معاها نائل يحكي و يشايخ فيها كي وصل رؤوف شافها و شاف نائل معاها شورلو براسو باه يروح و ناىل فهم و ضحكلو مشا و خلاهاشافت رؤوف قدامها لابس كوستيم بلو نوي شوميز بيضاء و زوج قفالي من فوق مفتوحين صباط كحل شعرو مطلعو و مرجعو للور قلبها قريب حبس كي شافتو ضحكت في وجهو راح ليها قعد قدامها حكاو من بعد وصلو اهل العريس خذا العريس رهف و راحو دايرين كورتاج كبير سيليا تسوق ركبت معاها بنت عمتها و واحد صاحب نائل رؤوف ركب هو و نائل وصلو للصال دخلو بعد ماشطحو في نص الطريق وقفت سيليا في طابلة مع بنت عمتها و بنات وحدخرين تضحك و تحكي و مسكينة مش علابالها بالخطط الي راها تنعمل عليها ...

رؤوف برا مع نائل

نائل: وش عملت فيها

رووف: والله بانتلي بلي ساهلة بزااف

نائل: يعني شهرين بالأكثر طيح فيك

رؤوف: اووو شريكي شهرين بزاف هههه

نائل: المهم انا كشما تحتاج رانيهنا خو

رووف: سلمك .... و ماتنساش بلي خبرتي كبيييرة في ها الشي ;)

نائل: هههه و الله عندي ثقة

راح رؤوف للصال شاف سيليا تضحك قال مع نفسو

اضحكي اضحكي واش يستنى فيك مش قليل

صونالها تيليفونها راحت تهدر راح رؤوف وراها و بقا يسمع عيطتلها صحبتها من الترك صحبتها لانتيم سيلدا هدرت معاها و كي كانت راجعة شدها واحد يبان من طرف العريس هدر معاها من الاول عادي من بعد قالها عجبتيني و ....

سيليا: مرسي و اسمحلي تعيش خليني نجوز

- اذا تقبلي حاب نكون معاك في غولاصيون هاكي النيميرو تاعي جبد ورقة و حطهاو قرب يدو لصدرها و هطهالها ثما تشوكات من قلة الادب هزت يدها و خبطاتو بكف على قد ماجاب قدرها تقلق منها هبطلها يدها بقوة و جبدها للشومبرة حصرها في حيط و دخل فيها يحاول يبوسها هي تعافر فيه و تعيط دخل رؤوف يجري شافو هكذاك قتلو قتلو بالضرب و هي ثان تعفس فيه بسباطها هههه شدها رؤوف من يدها و خرجها داها بعيد على الغنا

رؤوف: سيليا راكي مليحة

س: وي مرسي سلكتني لوكان ماجيتش انت لوكان راه .. ( سكتت و عنقاتو) عنقها حتى هو و قالها روحي اقعدي فالصال راحت و هو راح لهاذاك الجون الي كان يتحرش بيها

رؤوف: خلاص نوض راحت

يتبع .... غدوة علي 6 كي لعادا استناوني