عملت حبات بوتي فور محبوب الجزائريين ..حلوى جافة رائعة مقرمشة من برى وطرية من الداخل راح نحطلكم الوصفة مباشرة ..
ضربي 250غ مارغرين طرية بحرارة المطبخ مع 200 غ سكر عادي ( 250 غ للي يحب الحلاوة بازايد ) ضربيهم حتى يبياض الخليط زيدي ملعقة اكل فانيليا و 3 بيضات تدريجيا يعني ندير بيضة ونضرب كي تختفي نزيد الثانية وهكذا
عندما يتجانس الخليط زيدي 500غ فرينة مغربلة مع ملعقة قهوة خميرة الحلوى و قرصة ملح و 2 ملاعق نشاء واخفقي جيد راح تتحصلي على عجين طري يلتصق
اذا جاك العجين يابس زيدي ملعقتين حليب سائل وضربي راح تتطرى
حطي العجين في الكيس الحلواني وشملي البيتيفور تاعك
طيبيه من تحت ثم شعليلو من الفوق يتحمر شوية
ليست هناك تعليقات:
إرسال تعليق