جبتلكم وصفة لي زيكلاغ
ل 10 حبات كبار
في كاسرول نحط 250 غ ماء + حليب سائل يعني (125 غ ماء و 125 غ حليب ) + 100 غ زبدة و نصف ملعقة صغيرة ملح وملعقة صغيرة سكر عادي و كيس فانيليا
نحطهم فوق النار حتى يغلي ونجبدو من النار ونزيد 150 غ فرينة دفعة واحدة
نخلط جيدا بملعقة خشب حتى تتشكل عجينة نرجعها للنار لمدة دقيقتين ننشفها.
نفرغها في صحن آخر ثم نضيفلها 5 بيضات ..نضبفهم بيضة بيضة
يعني نضيف بيضة ونخلط جيدا كي تتشربها العجينة نضيف بيضة أخرى وهكذا حتى نحصل على عجينة
نشكل حبات لي زيكلاغ بلابوش ادوي
و نطيبهم على نار عالية في الأول ثم ننقصلهم النار
نفتحهم من جهة ونحشيهم بالكريمة الباتسيير و من الفوق نعمل شوية كراميل أو صلصة التوفي ونرش قليل من السكر الناعم وشوية مكسرات
بالنسبة الكريمة
في كاسرول نحط نصف لتر حليب و 70 غ مايزينة مغربلة و 2 بيض و 100 غ سكر نخلط بارد في بارد ونعقدها على النار نزيد قطعة زبدة و نكهتها بالكراميل
نحطها تبرد
كي بردت طلعت ملعقتين شانتيي مع ملعقة كراميل وملعقتين حليب وزدتلها الكريمة الباتسيير وضربت حتى أصبحت كريمة خفيفة
ليست هناك تعليقات:
إرسال تعليق