سلاموووو جيتكم بوصفة باتيسري بطبقات الجينواز و كريمة المسكاربون
امممممم شحال بنين
بالنسبة للجنواز ..4 بيض 125 غ فرينة 125 غ سكر عادي فانيليا و ملعقة صغيرة خميرة الحلوى او استعملي اي وصفة جينواز معتمدتها
نحتاجو سيرو فيه كاس سكر عادي و2 كاس ماء عطرتو بعطر الفراولة لي يجي فيه الملون كذلك
نحتاجو للكريمة نصف لتر كرام فراش سائلة نضربها وهي باردة جيدا حتى تصبح شانتيي زدتلها 3 ملاعق اكل سكر بودرة و 250 غ جبن الماسكاربون ( ممكن تعوضيه بجبن الرجيم او اي جبن بدون ملح
نخفقهم حتى يتجانسو ونزيدلهم الجيلاتين ( ملعقة كبيرة نذوبها في 5 ملاعق اكل ماء راح تجمد بعد 5 دقائق نعاودو نذوبوها ونزيدوها للكريمة مع الخفق )
نقسمو الكريمة الى قسمين
الحزء الاول زدتلو عطر الفانيليا
القيم الثاني عطر الفراولة لي يجي بالملون
التشكيل داخل اطار او ساركل نحط قطعة جنواز نسقيها بالسيرو جيدا نحط الكريمة الفانيليا نسويها جيدا
نزبد بسكوي ونشربو بالسيرو ونزيد فوقو الكريمة الفراولة ونسويها جيدا
ندخلها المجمد تجمد 2 الى 3 ساعات
نجبدها ونفرغ عليها القلاصاج لي هو
في كاسرول حطي 4 ملاعق لاجولي نزيد 3 ملاعق ماء وعطر الفراولة و شوية جيلاتين نذوبهم على النار و نفرغهم فوق الكريمة
نزيد ندخلو المجمد ونجبدو نقطعو بموس حاد كلما نقطع نغطسو في ماء ساخن جدا ونمسحو حتى ننتهي
هذا ماكان
ودعوة الخير ماتنساوش
ليست هناك تعليقات:
إرسال تعليق