الجزء الثاني
خرجت من ليسي تجري عل 12 و تبكي مفهمتش علاش غاارت و لا وشبيها مي فهمت بلي صبن طاحت فييه ولااات تشتييه ووالافااتو
مي لي شدها انو تفكرت باباها وش كان يديير في ماماها و وليييد بعد ما خلاها هكك
ولات تبكي تبكي مافاقت لواالو
روحت لداار و سمانة مرااحتش تقرا و واائل يحوس عليها برييق الناشف سقسا صحاباتها و قالولو بلي مرييضة
جااب نيميرو تاعها و عيطلها هزت
نرجس : الو وي شكون
وائل : نرجس ني واائل حاب نحكي معك
نرجس : وي ياا استااذي وش تحب تحكي كشما خصك
وائل : لازم نتلتقاو خير ربي يعيشك
نرجس : ههه وش رااك حااب الشيخ ملخر
وائل : نرجس سلتوپلي حاجة اورجون لازم نهدرو فاس ا فاس ربي يحفضك
نرجس : داكوووغ الشيخ نخمم و نقوولك
قعدت وحد الساعتين و عاوت عايطتلو نرجس : وي ضك شوي هكا ني خارجة اروااح ل..... عالساعة ...
وائل : هيا داكوووغ ميرسي نرجس
نرجس : وي صحاا و مبعد
وجدت نرجس روحا لبست غوب حمرا جاية سوغ طااي توصل لسيقاان و صبااطة كحلة و شعرها هازاتو كو دتشوفال و داارت شوي غيسيل و شوي غووج ياتييري و هزت پوشات و خرجت راحت و دارت روطار نص ساعة لقاتو يسانا فيها كي شافها تلفتلو بقا غير يشووف فيها منحاااش عينيييه و هي غيير بزكاارة دير فيها و تڨلب فشواربها و دور شعرها بصبااعها و هو طلعتلو السخانة مقدرش
نرجس : وي موسيو ش تحب ؟
وائل : قولييلي ياك صاڥا نرجس ؟
نرجس : وي سوپاغ بيان نتا صافا؟
وائل : وي حمد لله نرجس ...بون منحبش نطول علييك ليووم جبتك هنا بش نحكييو علينا ..و ..
قاطعاتو نرجس : علينا شكون ؟
وائل : انا و نتي ...شوفي خليني نكمل هدرتي للخر ...نرجس شوفي علابالي نباانلك مهبول ولا منعرف مي سمعيني .....انا عندي بزاف وانا حاطك في باالي و حاابك و ربي شااهد صح بعد الشي لي شفتييه راكي ماحملتنيييش. مي نو ربي يشهد عليا صح درت بزااف غلطاات فحياتي و نعترف مي حااب نديير صفحة جديدة فحيااتي و نتمنا تكوني فيها نتي نرجس نحبك والله نتمنا تصدقيني و خممي بعقلك و بشوي و شي لي تبغييه والله من عينيا....
نرجس : ......... ساكتة و تشووف معااه خلاص و ساارحة في عينيييه
واائل : نرجس اكي تسمعي فيا ؟
نرجس : .....
واائل : نرجس ..هاااي كووكو راني هنا و جبدها من خدها
تخطفت نرجس و قااتلو اااه ههه ديزوولي كنت سارحة
وائل : هههه وي علابالي .... نرجووستي و ضكا تجاوبيني ولا تخممي
نرجس : نخمم سي ميو ....
واائل : نحبك نرجووسة والله حطيها في بالك
نرجس : بااهي اييه نا نرووح ضك
و مع تجي تنووض طييحلها وحد لا بوكل من ودنها و ما فاقتش
كي جاء وائل مروح شافها عرفها بلي تاع نرجس
زرب جرا وراها بش يلحقها يمدهالها لقاها تمشي و. كيلعادة لكيتمان في وذنيها و هو يعيطلها مسمعاتووش
زررب ليها حكمها من يدها و نحالها الكيتمان من ودنيها وشبيك مهبولة من قبيل و نا نعيطلك و زييد وش قتلك
هبطت راسها و تضحك قالها تضحكي ااه تحوسي نقتلك مهبوولة و جبدها لييه و قالها ادنااي شوي و حااط يدو على خدها و دارلها لابوكل في وذنها و هي شغل تخدرت و مافاقتش حتا حكمها من خدودها في زووج و طبعلها بووسة على شفايفها
هي هكك زربت هربتلو و هو ميت بضحك عليها ومن خدودها لي حماارو كي طوماطييش.....
بعتهلها مسااج فتلفوون و قالها ياك تجي تقرااي غدوة مهبوولتي و هي تتبسم وحدها و نسااات الحواايج لي صراولها كامل و الوعد لي قطعاتو على روحها
بقاات غير تخمم فالبوسة هدييك و تمس في شفايفها و خدودها و تتبسم
غدوة نااضت صباح بكري دوشت بوكلاات شعرها و لبست سسرواال جينو ستيل بوي-فرااند و وحد لكاڨوول و كونڥاارس و هزت كارتابلها و خرجت و قررت وش تققولو
مع جاات تمشي فطرييق تتلاقاااه و ضحكت و مشات عيطلها قالها نوصلك قاتلو نو نروح وحدي قالها داكوغ امشي و انا ورااك و هزت رااسها بلي هيه و راحت وصلت لليسي دخلت....
وصلت لليسي ودخلت كاانت عندها تيپي قرااات 4 سواايع ووصلت بش تخرج تروح حوست على وائل ملقااتووش
سماطتلها كي ما شافاتووش
كي كانت مروحة لداار لقااتو يسنا فيها فرحت كي شافاتو راحت عندو حكااو شوي
وائل : وش نرجووستي خممتي قوليلي
نرجس: وي خممت ... و هبطت راسها من الحشمة
وائل : اييه قوليلي
نرجس : امممم مزلنا منعرفووش بعضانا مليح و زيييد نتا راك تكوون استااذ و انا تلمييذة عندك و هااد شي رااح يخلي بزااف تنااقض و..
مكملتش هدرتها وائل : نرجس شوفي انا نحبك و نتي تااني رااني حاااس متقوليليش لا و هااد شي لي رانا نديرو فيه ان شاء الله حااب نكملو بلحلاال و بااغي نربييك على يديا ندييرك بنتي اختي و امي و مرتي و حبيبتي و كلشي ليا فدنيا يعيشك كوني متفاائلة و ان شاء الله نفرحو مع بعضاانا
هو يحكي هكك و نرجس حست بحاجة جامي حستها من قبل هبطت راسها و هزااتو بلي موافقة و هزلها راسها و راسها عليييه و قالها مليووم نتي روحي حاجة متقييسك نفديييك بدمي نححبك مهبوولتي
وصل نرجس لدااار و من نهاار هدااك و هوما مع بعضاهم يحكييو فتلفوون فايسبوك يجييها يتلاقاو برا فليسي ولاااو يعرفو بعضاهم بزااف عشقها و عشقااتو والفو بعضااهم لحد كبير
حكاات نرجس لوائل على كامل مشااكلها و كان توجوغ وااقف معاها و مخلاها تسحق حتا واحد
ههه و الغيوور وائل ولا ميقدرش بلا ميشووفها و يغيير عليها من نسمة الهواء
خطرة نرجس كانت فلكلاسة وحدها و جاها واحد يتقرب منها و هي تبعد علييه و هو يقرب كتر من هدرتو يبان حاابها و حااط عليها العيين من قبل و حكملها يدها و هي ملڨري الشوك قعدت غير تشوف فيه حتا دخل عليهم واائل و عينييه حوومر يباان راح يتفجر من القلقة قاالهم وش دييرو هنا وحدكم ....نرجس : لا واالووو هو جااا وحدو
الطفل : هههه مي عاجبك الحاال حنونة
واائل : .....
نرجس : كفش منك بصح متحشمش نتا واقيل هيا اطلق يدي صحيييت و طبعااتو عالحييط
واائل : اخرج ينعل ***** نزييد نشووفك حداها نحييلك ر*** امشي ****
الطفل خرج بسك خاااف على روحو ونرجس هبطت راسها و عيياات وش تقولو حتا لقاتو حكملها يدها و زيير عليها و قالها: نقتلك جدك علابالك كون نزييد نلقااك تحكيي مع قساامهم ***
نرجس جامي سمعاتو يحكي هاك هبطت راسها و بكاات شااف عندها لقاها تبكي حكمها بين يدييه و جبدها عندو و حضنها بقوة و باسها من جبينها و قالها نحبك مهبوولتي و مسحلها دمووعها و حكى معاها حتا خلاها تضحك
فاااات الشهوورة و هما مع بعضاهم و كل يوم يزييدو يعشقو بعضاهم كثر و ....
وصل البااك و نرجس بداات تووجد روحا بش تعڨبو و وائل ديما يعاونها و معاها يكوراجييهاا و كان ديما يجي عندها و يشوفها حتا كملت عقبااتو و جاباتو بموونسيوون كيما حبت ب 16.02 فرحت و فرحت وائل و مها و لافامي كامل فرحوو بيها و داارررت حفلة كبيييرة عرضتهم كاامل حتى وائل لانو استاذها واحد مشك و ديجا خواتاتها كامل علابالهم بيهم
هاداك هو وائل تعرف علا عايلتها كامل و عجبو الحااال بزااف.....
فاتت الحفلة و دارت نرجس ترونسفار و قبلوها فلجامعة ..مي وائل مكنش عاجبو الحاال ...مي و هكك فرحلها و كان فخور بيها ...وحد النهار فصييف وائل و نرجس قاعديين حتا صونا تلفونها كيلعاادة واحد مايهدر زربت كوباات كي سقساها وائل محبتش تقولو حسبتها حاجة نرماال
فاتو ليااام وصل عييد ميلاد نرجس
وائل كان موجد لنرجس مفااجأة كبيرة نهاار هدااك مع خواتاتها
عيطلها وائل نهار هدااك و قاالها صبن انساايني ربي يهنيييك هي حكمت قلبها و غير تبكي حتا جاات عندها ختها و صحاباتها قالولها هيا نخرجو نحتاافلو كيلعاادة بينااتنا هي محبتش مي زيرو عليها بسك علابالهم بلمفااجاة خيروولها وحد لغوب تهبل بااج و فاانس بيضا و شعرها سرحوه و طلقووه مع شوي دي زيكسيسواغ جاات تقتل خرجو راحو لوااحد لبلاصة خالية و هي مهمهااش بسك مكنتش في راسها قالولها اسنااي هنا ضك نجييو
قعدت تسانا حطت راسها بين يديها و قاعدة ...حتا حست بعبد وراها و حكمها من كرشها و دورها اييه لقااتو وائل قالها شبييك مهبوولتي بانتلك صح نخلييك مهبوولة نتي نخلي قلبي و روحي
قالها جامي نخلييك. حياتي حبييت نقوولك ادا تقبلي تكووني مررتي حببتي و ماماات ولادي اااه
نرجس : ...و و.وواائل ههه مهبوول نمووت علييك بياان سووغ نقبلل بيان سوغ
واائل : جبدها لييه و حضنها و يشوفو في عينين بعضاهم حتا قرب ليها و بااسها من شفايفها بوووسة طوييلة حتا تخنقو منها .و هي ميتة بين يديييه
وائل : مهبوولتي مزاال تاني حاب نقوولك حاجة ههه
نرجس : ...وي
وائل : من العام هدا خدمتي ولات كامل فالعااصمة يعني راح نكووون معااك ديما حيااتي نرجووستي
نرجس : اههه يااااه والله صح واائل يااااي حبيبي ميرسي بزااف كي دخلت حياتي موووت فييك يااا نعشق فييك
كملو سهرتهم مع بعض ووصل نرجس روحت
روحت نرجس و هي تخمم فواائل رااح تهبلل بيه ههه و بانتلها بلي صااي حيياتها ولااتت مليحة و فررجت مي معلابالهاش وش يسنا فيها
شوي هاك صونا تلفونها
نرجس : الو وي شكوون توما الو
المتصل : ......
نرجس : صحا مالا ...
المتصل : حبسي ....
نرجس : انعم ....شكووون معاياا
المتصل : انا ...
في رااايكم لبنااات شكوونن هو هااد المتصل احزرو و خممو في رايكم شكون ؟!....
اييييه وليييد طلق وكااان يلحق فنرجس كيلمهبووول جااا من عناابة كامل و غير بش يعسها وهو لي كان يعيطلها ديما
و يعرف عليييها كلش حتا بحكااية واائل هااد الشي لي قلقو بزااف وليييد ولا غير يلحق فيها غير بش توليلو و يزوجها بسك يحبها بزااااف و الحاجة لي خلاتو يخلييها ديون باباه لي لزماتو بش يتزوج ببنت صاحب باباه بعدها طلقها و سلك كامل الديووون لي علييهم و كان مقرر بش يديي نرجس مي شااف بلي راح الحاال صبن...
نرجعو لواائل و نرجس
كاانو موجديين بش يجي وائل يخطبها
تفاهمو عالنهااار لي يجييو فيه
وجدت نرجس كللش و لبست جابادوووغ و داارت شعرها اوون دولي و داارت مكيياج خفيييف
جااا واائل مع مو و باباه و ختو و خوه الصغيير دخلوو لصالوون تقهواااو و شااخو مع بعضاهم و تفااهمو على كلش
حتا تدخل نرجس و سلمت عليهم كامل و الضحكة مافارقتهااش خلاص كي هيا كي وائل
راح وائل و نرجس الشمبرا بش يحكييو و دااو معاهم خوه الصغيير و حكمها حضنهااا و قاالها مبقااااش و تكووني عندي يا حياتي مبقاااش و تولي مرتي و حلالي و باسها على جبينها
#الجزء_٢٢
ولييد كل يوم يزيد يكبر الحقد لي فيه والغييرة لحد الهبال حتا ولا يهددها
نرجس حكاات مع وائل و حااتلو كلش هو غاضو الحاال منها بزااف كعااد طولت بش حكااتلو مي تقبلها و قاالها متخااافييش ميديير واالو امپوسيبل يتوشييك
الدعوة عالاول بانتلهم غير يهدر تهديد فالهوا مي لا دومااج
وحد النهار تفااهم وائل و نرجس بش يتلاقااو ....طول واائل مجااش ولا عيطلها قالها عمري والله ديزولي راااني مطول شوي رووحي وحد لكافات حتا نجي قااتلو اوكي حبيبي ني راايحة ...خرجت من الداار ...تمشي تمشي حتا شافت وليييد وااقف قداامها فاتت علييه
ولييد : هاااي السلام كوكو ني نهدر
نرجس : انعم وش تحب ولييد ....
وليد : نحكي معك برك
نرجس : منييش قاعدة واائل يسناا فيا
ولييد : ....و ..و.واائل ااااه !!!
نرجس : اييه واائل خطيبي ولي حا يولي راجلي هيا بااي
ولييد : كي نحكي معاااك تسمعي فههمتي
( ولييد مكنش في عقلو خلااص كان شاارب مطفي )
نرجس سمطااتو ومشاات كي دخلت لوحد الزنقة خالية حبستلها طونوبيل بانتلها واحد يحرش مي لا غير حست بوااحد جبدها و حاجة تحطت علي خشمها
ولييد داار لي في راسو خطفها و داها لوااحد لكووخ بعييد بزااف علمديينة ...... يتبع
سيسو
ليست هناك تعليقات:
إرسال تعليق