كادوات لي تديهم العروسة لبيت راجلها

سلام كشغوداتي جبتلكم موضوع و عليه الكلام
ايا اتلمو كامل .محتجكم هني كشروداتي  دعوة خير إذا نستهل عدرات
 يسقسوني على وش تمد العروسة كادوات لبيت راجلها و انا بما انو نحبكم بزاف درت شوية بحوثات و جبتلكم التالي
كل العرايس الدزيريات مهما تكول خالتهم المادية معروفات بالكرم و كل وحدة تحب تبين وش جابت
انا نقولك يا مصفارة اول وحدة تحطيها فالقائمة هي عجوزتك ردي بالك هادي راهي في مقام يماك و فكامل القطر الجزائري يمدو للعجوزة une robe  شابة و خيمار و صابو و قرعة ريحة
ثاني شخص هو شيخك و الكادو ديالو باين قميص (ماركة اكاف هي المخيرة)
و سجادة و مصحف و ريحة (ادا حبيتي زيدي السبحة و الطاقية)

ثالثهم قدور تاعك قصدي زوجك و الكاد ديالو تقدري تسقسيه بطريقة غير مباشرة يعني مثلا تقوليلو عيد ميلاد بابا راه قريب اقترح عليا واش نجيبلو و هنا تعرفي الذوق تاعو او تجيبيلو نتي يا اما ساعة او خاتم فضة تاع حريم السلطان ولا ديريلو كيما باباه
رابع شخص هما خاوتو و خواتاتو و مالاحسن تديري للرجال سربيتة و ديودغون (nivia pour homme) و البنات شال شباب و صابون دوف و قرعة ديودغون(جيبيلهم doll /dov/ adn/Rnb و تقدري تزيديلهم ستيك)
و كاين عرايس يزيدو يمدو حتا لخالاتو و عماتو و خوالو و عمومو  بزاف عليهم ختيتي ديري في بالك بلي مازال عندك واش تشري يعني لازم تحبري و دبري شوية و اصلا ادا درتي كيما قتلك عجوزتك راح تشكرك و يولو يحبوك بلا جد الكادو .
اسمحولي طولت عليكم والله راني نعيا باش نحوس نسقسي و نجي نكتبلكم امبعد نلقا التفاعل ناقص ياك باش نستفادو كامل
ايا دعوة مالقلب باش ربي سهلي امري 
نحبكم بزاااااااااف
سيسو