نصائح باش تخلي راجلك ولا حبيبك يتهلى فيك

فلوساتي...أني جيت  ...المهم ....جبتلكم كود باش تخلي راجلك ولا خطيبك ولا حبيبك يحبك و يتهلى فيك و نوصيكم قبل كلشي لازم فيها تنازل  تقول كرامتي كرامتي نقلها أصبري برك و مباعدا كامل عندنا كرامة
آلوور
زينات أول حاجة
- الأنوثة ثم الأنوثة راها تقتل أي رجل مهما يكوون متسترجليش عليه متزيريهش و متكثريش نكدية عليه (هادي قالهالي واحد أكره حاجة لي تزير طفل و تدي دور تاعوا )
خلي روحك حنينية بلعكس كي يخرج يحوس قولوا بصحتك أتهلالي في روحك سوڨ بشوي طوموبيل و متشوفش معا بنات نڨلعلك عينيك ا عينيا و كي يكون خدام مديرونجيهش ب لي آبال بعثيلوا ميساج الله يعاونك و يباركلك في رزقك و كي يروح قولوا روبوزي حبيبي نحبك مرتاح و أبقاي أشكريه فحل و سيد رجال و تعرفلها نتكل عليك ديرني في كتافك منخافش عليك جابتك مرى و رباك راجل (ههههه يشوف روحوا في لمريا نورمال أحشي برك ههه هادي متقوليهاش قالتها كيليم جوري )
- الإحترام قد ما يطيحلك خلي روحك عزيزة و قولوا أنا ماشي كيفك نحترمك و منحبكش تتقلق من حاجةتافهة ماشي أنا لي تقلقك و بنسبة لا عاد أكرييز خليييه يفرغ غشوا و خمي مليح و ناقشييه بهدووء برك كون تكبريها راه تزيد ناار تشعل خليه
الحنانة هادي بزااف تفيييد معاك و تسحر القلوب اللسان لحلو و كلمة توحشتك أخبطيه بيها في وقت ميكونش متوقعها خليها عزيزة بزاف و نحبك قوليها كلام و ميساج و كلشي حتى كي تتلاقيه جيتكم لنقطة المهمة هههه إجتمع علماء الحب و معاهم أنااااااا احم احم و قالوا : لي تخليه يحبك صح كي تقابليه خلي عينييك يحكو ههه يعني أقتليه بنظرة برييئة و فيها وحش و حنانة يبقى شافي عليها و باه يزيد يحبك و يبني حياتوا عليك لازملك ت بين ي لو ا شطارتك لولة كونك فحلة و سيريوا و ما يغرك لا زين لا مادة قولو ا أني معاك بشي لي كان و قانعة بيك حبي و قنعيه بلي نتية لي ترفعيلوا شانوا و تكبري بيه  و من جهة أخرى شطارتك في دار حتى و تكوني راقدة سابع نوم معا ترفدي عليه ر ان ي نديير في القاطواا عياني ههههه يا لكذابا عمريلوا عينوا خليه يحس بلي نتي نتاع داار و. ناشطة  و معلومة أخرى لازم تطلقي عليه هبالك ماشي سيريوا لدرجة معقدة الضحكة في لوجه و لكلام لحلو و هاد شيي كامل باه تولفييه فييك دوك جات مرحلة تلفييه خههخخ مي كي تضمني بلي راه تعلڨ من الجناحات زيري لا لا متدوريش عليه مي بدلي شوي عقلية صحا طلعي شانك و خوفيه من خسارتك و كي يغلط ندميه شوي باه تضمني مستقبل آمن ه بصح بلاكي. الحنانة تروحلك خليك ذكية عليه و قابليه بسلاحوا و متعانديهش بزااف مركي هدفك و ريحي عاقلة متلعبيهاش كرامة قاوية شوي تواضع رانا نساء
إنشالله نكون فدتكم أدعولي معاكم يتحقق لي فبالي و ربي يحفضكم نحبكم كامل  شجعوني شويا
 siso