مي حنا جامي نخلوكم بلا وصفات و ثاني نحطلكم وصفات طبيعية كيما يقولو ناس بكري لا منفعتك متضرك يعني لا مراحش الحب و متخسرش بشرتك
الطريقة الأولى:
خلطة الليمون و ماء الورد :
نخلط حبة قارص مع ماء الورد تكون نفس كمية تع القارص و نديرها على الوجه نص ساعة مباعد اغسلي بالما دافي نكرو هذي الخلطة يوميا لمدة 15 يوم باش نوصلو للنتيجة لي حابينها
دونتيفريس ( معجون الأسنان ) ديريه على الحبة لي عندك و مقلقاتك ديريه فاليل قبل النوم كي تنوضي تلقاي الحب نقص بزاااف و اذا بقالك عاودي ديريها باش يتنحالك كامل
الطريقة الثالثة:
سكرفجي فصوص ثوم و ديريه على الحبة لي عندك مباعد اغسلي بالما البارد بعد نص ساعه
بياض البيض ديريه في وجهك هذاك الكولاجين الموجود فالبيض رح يساعد في شد البشرة و هكذا تتخلص من الحبوب ديريه ثاني نص ساعة
مغرف عسل مع مغرف قرفة ديريهم على الحب و خليهم حتان ينشفو النتيجة تبان فالنهار لي بعدو
ان شاء لله تستفادو منهم و يعطوكم نتيجة زينوناتي
حبكم
Siso
ليست هناك تعليقات:
إرسال تعليق