تَوبة فتاَة الَليْل (الجزء الاَولْ)

توبة فتاة الليل : (الجزء الاول )
الحلقه 1
قاعدة فالبار مع صاحبتها لنتيم حاطة رجل فوق رجل شادة كاس الشراب بيد و بيد تلعب فوق الطابلة...شعر كحل طويل واصل لخصرها عينين عسليين كبار مع شفايف مليانين دايرة ماكياج سامبل بصح روج يسلب لعقول...عندها بدن مغري صدر كبير و مؤخرة عريضة لي يشوفها يذوب فيها و يتمنى يكون معاها و يذوق من عسلها...حتى هي ماتبخلش عليهم و تخليهم يمتعو عينيهم بجمالها ههه لابسة بودي مزير عليها نص من صدرها على برا و شورت جين جهد مامغطي واش لازم يتغطا صباط طالون زايد من زينها....قاعدة و تخزر فيه راجل شباب حطة شعر و عينين كوحل لحية خفيفة و غمازة فالخد الايسر...بدن ماشاء الله مخدوم طويل و عريض...ههههه كيما يقولو مقروظ معسل
منى:علاش تخزر فيه...لي كيفو بعيد على يدك
لينا:اس عليا قالك بعيد على يدك قال....كون نحب عليه نجيبو راكع عند رجليا و قول ماقالت لينا
منى:ههههه نعرفك قادرة على شقاك و غداك من فم السبع تجيبو بصح هذا كعبة نادرة شهر و هو يخزر فيك لا كلمك و جا ليك
لينا:هههه صح كعبة نادرة بصح يجي نهار يطيح فالفخ
منى:اسكت شوف شكون جاي يا ديرلو رايو يا يهبلك
وصل وقف قدامها قرب ليها وجهو في وجها حط يدو على فخضها..خزرت فيه خزرة تاع موت و قالتلو:حسام نحي يدك قبل مانكسرهالك
حسام راجل فالثلاثينات رجل اعمال يحب يخلط فالنسا مايهمش كبيرة ولا صغيرة المهم ترضيلو غرايزو الحيوانية و يشبع شهوتو...من نهار شاف لينا هبل و كلب عليها كل ليلة يتخيل فيها بين يديه بصح هي ديما ترفضو و ماديرتلوش حساب
حسام:علاش ترفض فيا....كيفي كيف كل واحد يشوف البدن المغري لي عندك و يحب يذوقو
لينا:راك تحلم..ماعينيش فيك انت واحد رخيس
حسام:هههه شوفو شكون يحكي على الرخس....حكمها من شعرها و جبدها ليه..اسمع يا بنت الليل نعرفك تحب الدراهم و معايا نغرقك فالدراهم حاجة ماتخصك خليني نبات معاك ليلة وحدة برك
لينا:ههههه بنت ليل و اغلى من انك تمسني يا حيوان
حسام تقلق جبدها ليه و حط شفايفو على شفايفها...طبعتو و ضربتو لمنطقتو الحساسة و خرجت تجري و منى تجري وراها...خلاتو يتوجع و يتحلف فيها...استنا نشدك يا ق*** تشوف واش ندير فيك...و الله مانسيك في اسمك
خرجت تجري ركبت طونوبيلها و طارت بيها دورت شافت مع منى و طرطقو بالضحك
منى:علاش ضربتو؟؟ياخي تعرفو شكون و الله مايقطع علينا الدخلة
لينا:مسخ كيما هذا يبوسني و تقولي علاش ضربتو...و الله نقتلو و قليل عليه
منى:امشي نروحو...بصح علاش قلتلو بنت ليل؟؟
لينا دارت وذن سمعت و وذن ماسمعتش...اول قاعدة في حياتها ماتبررش افعالها لحتى واحد حتى لمنى...الناس يحكمو على المظاهر و الاشكال و هي مظهرها تاع وحدة فاجرة و فاسقة...بصح لي مايعرفوهش الناس هو واش في قلبها واش عانات بنية و مازالت تعاني طول عشرين سنة...الالم و الحزن المخبي ورا الابتسامة المصطنعة و اللامبالات


الحلقه 2
دخلو للدار....دار صغيرة فيها ثلاث بيوت و صالون
و كوزينة..دار شابة و تحفونة ديكورها حاجة هبال بيتها كي تدخل ليها تحس روحك فالسما حيطانها كلهم نجوم تلمع و هلال في وصطهم يضوي...سريرها على شكل نجمة كبيرة في وسط البيت
بيت منى كي تدخل ليها تقول في غابة راسمة على حيطانها الشجر و الورد و فراشات بكل الوانها.....اما الصالون فهو بحر ازرق صافي مع موج عالي فيه فوطاي على شكل دلافين ديكور كلو اصداف و حوايج بحرية....اما البيت الاخيرة مغلوقة و حتى واحد مايدخل ليها ما يعرف عليها حد واش فيها ولا كيفاش شكلها ولا علاش مغلوقة....
لينا:ادخل ترقد غدوة عندنا خدمة لفوق ريوسنا
منى:تصبح على خير و حتى انت امشي ترقد ماتقعدش كيما موالفة تخمم و يطلع عليك النهار
منى طفلة يتيمة لا اب ولا ام توفاو في حادث وقت لي كان عمرها 7 سنين عاشت عند جداتها تعرفت على لينا فالمدرسة ولاو صحبة يفرحو كيف كيف و يحزنو كيف كيف جداتها زادت توفات و خلاتها عمرها 19 سنة...حاول خالها يحبسها من قرايتها و يزوجها لراجل كبير عليها ارمل وعندو ولاد بصح هي رفضت و هربت من البيت و مالقات غير لينا عاونتها و وقفت معاها فتحتلها بيبان دارها اعتبرتها اختها هي صندوق اسرارها و ملجأها فالدنيا......منى ماتنساش فضل لينا عليها مهما صار
كل وحدة دخلت لبيتها منى رقدت و لينا قعدت جبدت بوست قديم و معاه لي كاسيت (📻 الراديو كيما يسميوه) حطت وحدة منهم و قعدت تسمع و تتفكر في ايام صغرها...امها و باباها و دارهم كيفاش كانو عايشين فالحب و الهنا حياتهم كانت الحياة المثالية لي يتمنى كل انسان يعيشها...كونها وحيدة والديها كانت مفششة و عزيزة لي تطلبو يحضر امها استاذة جامعية و باباها محامي كبير يعني عايشين فالخير و النعمة...لكن الحياة السعيدة و العيشة الرغدة الهانية راحت وقت لي توفاو والديها و هي عمرها 5 سنين...عاشت عند عمها لي ستولا على املاكها كامل و عاملها هو و مرتو كيف الخديمة.
طفات البوست و رقدت و كيما كل ليلة نفس المنامة الخايبة لي تنوضها ترعش و تقطر بالعرق
صباح ناضت فاشلة دارت دوش و لبست من غير هدوم(كيما قال عادل امام هههه) دارت ماكياج خفيف بصح ديما تركز على الروج حطت برفان ريحتها توصل لأخر النهج خرجت من بيتها و فاتت على بيت منى
لينا:نوض يا خايبة نص ساعة نلقاك واجدة
منى:خليني نزيد شوية 10 دقايق و نوض
لينا:انا قلتلك نص ساعة ماتلقانيش...عندي خدمة قد السما اليوم
منى:باهي هاني نضت علابالي تصرعني على جد الخدمة....يلعن بو الخدمة معاك
لينا:نوض بلا صماطة...شكون من غيري يخدم وحدة فنيانة كيفك
منى ناضت دخلت للدوش و لينا خرجت من بيتها راحت للكوزينة تشم في ريحة القهوة البنينة
لينا:امممم على قهوتك يا خالتي نجية ما نفطن و نصحصح غير اذا شربتها
نجية مرا خمسينية العمر انسانة بشوشة تحب الضحك و الڨصرة هي الخديمة ولا بالاحرى مولات الدار لانو عمرهم لا حسسوها بلي خديمة معاملتهم ليها احسن من معاملة بعض لولاد لامهاتهم...ارملة و عندها 4 اولاد تخدم عليهم باش تأمنلهم واش ياكلو و باش تقريهم.
نجية:صباح الخير يا بنتي
لينا:صباح الخير خالتي نجية قولي واش هو السر في قهوتك مهما نشرب قهاوي بصح قهوتك ديما المخيرة
منى:اممم كلامك صحيح هيا خالتي نجية قولنا على سر قهوتك....تحكي معاها و تلعبلها بخدودها
نجية:اطلقني و اقعد تشرب قهوتك قبل ما تروح عليك لينا و تولي في مشكل
منى:هههههه عندك الحق مجنونة تروح و تخليني و تزيدلي تبهديلة فالخدمة

الحلقه 3
فطرو و ناضو رايحين للخدمة تفكرت قطها الصغير
لينا:ييييييي على ذيك النسوة
منى:واش نسيت غير الخير؟؟؟
لينا:ماجبتش لمينوش الماكلة...ها خالتي نجية نتكل عليك تجيبلو ماكلة
نجية:ماعليش يا بنتي ضرك نخرج نقضي و نشريلو ماكلتو
لينا:بلاما نوصيك اتهلا فيه خالتي
منى:اووووه على حكاية قط دايرة روطار نص ساعة...امشي خلينا
نجية:طريق السلامة بناتي و ربي يوفقكم
خرجو من الدار ركبو الطونوبيل و قالو ربي للخدمة....وصلو للبيرو دخلت كيما كل يوم بوكي ورد احمر محطوط فوق الطابلة تاعها
لينا:سورية...سوووورية
سورية بنية تخدم عندها فالبيرو سكرتيرة تتعامل معاها مليح و عمرها حاسبتها على الغلطة ولا حسبت روحها مولات الخدمة و هي خدامة عندها
سورية:لينا عيطتلي؟؟؟
لينا:قولي واش في راسك...شحال من مرة نقولك بوكي الورد ترميه
سورية:و الله حرام ورد باهي و ريحتو مليحة علاش كل يوم ترميه
لينا:هههههههه لوكان تعرف لي يبعث فيه مش غير ترميه راك تقطعو ولا تحرقو
سورية هزت بوكي الورد و خرجت و تليفون المكتب صونا رفدت:الو
المتصل:.....
لينا:انعم تقدري تتفضلي للبيرو و نتفاهمو على كلش على الخدمة و على وقت التسليم
المتصل:.......
لينا:اوكي مدام بعد ساعتين نتقابلو.
من جيهة اخرى...عُدي 28 سنة راجل اسمر زين وحطة العين الكحلة و الغمازة فالخد و بدن طويل و عريض يدي العقل و كل البنات تعشق فيه...هو من عايلة لاباس بيها عايش حياتو مش سامع بحد...عندو دارو وحدو بصح عايش مع يماه و خوتاتو البنات باباه متوفي من 15 سنة.....ضابط فالبوليس خدمتو مقدسة بالنسبة ليه انسان حازم و قوي و قاسي...اذا تعديت على حاجة تخصو راح يوريلك الويل يتحول من الشخص الهادئ و الرزين للهايج المفترس اذا زعف مايعرفش يهدا غير اذا دار ديڨا ولا عطا شي حد طريحة..
كي العادة فالبار قاعد مع صاحبو جواد قاعد مقابلها يشوف فيها اللبسة المعرية هيأتها توحي بالفسق و الفجور..الرجال رايحة جاية ليها تقول قاعدة في معرض و بدنها سلعة تعرض فيها للكلاب لي فالبار
جواد:واش خويا يضهرلي نسيت علاش راك هنا؟؟عندك شهر و انت تعس فالطفلة هذيك واقيلا طحت فيها
عُدي:لا منسيتش علاش راني هنا...و مش من عادة الرجال طيح في بنات الليل...وحدة خامجة لا دين ولا تربية قاعدة تبيع في بدنها للي يعطيها شوية دراهم و كل ليلة مع واحد
جواد:هههه صح تبان بنت ليل بصح نظن بلي هي مش منهم...هاي كل يوم هنا ولا مرة شفتها خرجت مع واحد
عُدي:واش يهمنا فيها كل واحد حر في روحو...نوض خلينا نروحو قعدتنا مافيهاش فايدة
دور خزر فيها لقاها قاعدة و راجل واقف معاها وحاط يدو على فخضها و باين عليه في جو رومنسي...هز مفاتحو و خرج هو وصاحبو كل واحد فيهم روح لدارو....دخل للدار كانت الساعة 12 تاع الليل الظلمة في كل الدار غير في بيت يماه لي كانت تصلي و تدعي في ربي..دخل لبيتو تكسل فوق السرير و ضربها برقدة للصباح...يسمع في تليفونو يصوني فتح عينيه بالسيف ناض دوش و لبس و خرج لقا يماه و خواتاتو فالكوزينة يفطرو
عُدي:صباح الخير عليكم
فاطمة يمات عُدي فالخمسين من عمرها مرا وقورة عندها شخصية رزينة...خواتاتو هند عمرها 26 سنة كملت قرايتها فالخارج و رجعت للبلاد متعجرفة و متكبرة مايعجبهاش العجب تحب كلمتها تمشي بصح على شكون على عُدي.!!! غير هاذي ماتخممش فيها علاقتها معاه ديما متوترة...ميادة عمرها 24 سنة كملت قرايتها و تخدم محامية مخطوبة و قريب عرسها علاقتها مع عُدي علاقة متينة و قوية على عكس ختها هي متواضعة تحب تعاون الناس متربية و خاطيها المشاكل.
فاطمة:صباح الخير ولدي..اقعد تفطر
عُدي:لا يما عندي خدمة لازم نروح
خرج ركب طونوبيل و توكل على ربي للخدمة
فاطمة:ميادة مش قلت اليوم تروح لمكتب الديكور باش تخدمو الدار؟؟
ميادة:اوووووو يما و الله نسيت كامل...ضرك نعيطلهم و نشد رونديفو
عيطت ميادة للمكتب و شدت رونديفو بعد ساعتين.
فاطمة:عيط لخوك يروح معاك..
هند بنرفزة:علاش يروح معاها هي صغيرة و ماتعرفش؟؟؟
ميادة:لا يا هند يما ماقصدتش هكا...كيما تعرف مراد(خطيبها) ماكانش هنا و الخدمة هاذي لازملها راجل باش تتفاهم معاه...اك تعرف بلادنا كي يلقاوك مرا يحبو يلعبو عليك و يديولك دراهمك
هند:هههههه كي يلقاو بهلولة كيفك بالتاكيد يلعبو عليك....و ناضت هزت مفتاحها و خرجت



 الحلقه 4
وصل لمركز البوليس دخل لقا جواد يفك في بڨار بين راجل و مرتو...خزر فيه تاع الحقني و دخل للبيرو تاعو...جواد خلا الراجل و مرتو مع واحد من البوليس و راح عندو دقدق الباب و دخل لقاه قاعد و حاط قدامو بزااف ملفات قعد مقابلو و مسح وجهو بيديه
عُدي:واش بيك...هههه يضهرلي هبلوك الزويجة لي كانو يضاربو
جواد:اسكت برك الراجل عطاها طريحة فسدلها خليقتها هاي جات تشكي بيه و هو في عوض يطلب السماح قريب زاد ضربها هنا عندنا
عُدي:ساهلة نحكموه نبردولها على قلبها نعطيوه طريحة تاع كلاب مايزيدش يخمم يهز يدو عليها..واش قلت؟؟
جواد:هههه و علاش لا....نحكموه و نديرو الواجب معاه....المهم قولي علاش ستدعيتني
عُدي:اااه تفكرت....كاين كمية كبيرة تاع مخذرات قريب تدخل للبلاد و كيما تعرف شركة حسام عبد الصمد هي المسؤولة عليها و لازم نوقفوها....المُخبر لي فالشركة قدر يعرف بلي الشحنة تلحق بعد شهر بصح ماقدرش يعرف وين راح تتخزن ولا علمن تتوزع
جواد:معلومات مليحة بصح باش يفيدنا هاذ الشي كثر من عام و حنا نعرفو بلي يتاجر بالمخذرات بصح جامي لقينا دليل يدينو
عُدي:اووووف لازم نلقاو طريقة طيحو و يعترف بكلش......صونا تليفونو شاف فيه و تنهد
جواد:ههه ميادة......كي تتنهد نعرف بلي هي
عُدي:و الله هلكتني بطلباتها كل يوم هات جيب حط عاوني وقتاش تتزوج نتهنا عليها و منها......رفد على تليفونو..ااا ميادة خير
ميادة:نحتاجك تروح معايا لمكتب الديكور
عُدي:يعني ضرك نخلي خدمتي و نولي خدام عندك...الله يهديك روح وحدك الطريق تعرفها
ميادة:اااااا علاش و الله حرام عليك و زيد يما لي قالتلي ماتروحش بلا خوك...هيا خويا العزيز عندي رونديفو بعد نص ساعة هاني نستنا فيك...و كوبات بلاما تسمع واش راح يرد عليها تعرفو مايرفضش طلب ليماه.
قاعدة فالبيرو حاطة يدها على خدها و شاردة رجعت بالذاكرة عشرين سنة فاتت رجعت لصغرها لنفسها لي ضيعتها رجعت لوقت كانت اكبر احلامها تعيش مع يماها و باباها و تكبر معاهم في عالمهم الخاص عالم كلو حب و تفاهم و فرحة عالم فيه الضحكة و التبسيمة هوما اهم حاجة عالم بلا مشاكل ولا منغصات...بصح الاحلام تبقى احلام و الواقع مختلف و الحقيقة مؤلمة...وفاة والديها فطنتها على حقيقة العالم الكبير عالم مختلف اتم الاختلاف على العالم لي كانت عايشة فيه..الاستبداد الظلم القسوة الحڨرة العنف و التهميش كل هذا فات عليها و هي في عمر الزهور عمر البراءة لي تحتاج حنان و عطف الوالدين..ذكريات باشعة بزاف تتمنى تمحيها من راسها و تتهنا من عذابها...سمعت منى تهدر معاها مسحت الدمعة لي طاحت من عينها
منى:يوووهووو...يوووهووو...وين رحتي عندي ساعة نهدر معاك
لينا:تهت شوية هذا مكان
منى قعدت على الكرسي و قالتلها:تبان عيانة ارجع للدار ارقد شوية و خلي نكمل عليك الخدمة
لينا رجعت راسها لور غمضت عينيها و قالتلها:كل مانحط راسي على المخدة باش نرقد نشوف نفس المنام....عييت من الوضعية هاذي
منى:شوف طبيب نفسي بلاك يعاونك...
لينا:المهم وجدت التصميمات لي حكيتلك عليهم؟؟ كاين وحدة ضرك شوية تجي باش تخير منهم
منى:ماتخممش وجدتهم كامل.
راح للدار هز اختو و الطريق كامل و هو يعرش حتى لحقو لمكتب الديكور هبطو و هي تترجا فيه يكون عاقل و يهدر بالضرافة مع الناس دخلو استقبلتهم سورية
سورية:مرحبا بيكم مدام اتفضلو اقعدو هنا عندكم رنديفو؟؟
ميادة:مرسي...ايه عندي رونديفو مع الانسة لينا ناصر
سورية:اتفضلو اقعدو حتى نخبرها و نرجع ليكم
دخلت سورية عند لينا خبرتها بلي جات وحدة و معاها راجل شباب قالتلها تدخلهم و تجيب التصميمات من مكتب منى..خرجت سورية
سورية:اتفضلو لينا نستنا فيكم....عُدي جاه تليفون قالها ادخل ضرك نلحقك..دخلت ميادة سلمت عليها لينا و بداو يحكيو جابت سورية التصميمات
لينا:مدام ميادة تشرب حاجة
ميادة:jue...هي تهدر و عُدي دخل مهبط راسو يخربش فالتليفون..لينا وقفت هو هز راسو جات العين فالعين جمدو لثنين..لا حركة لا سلام ولا كلام شعور غريب هي تشوف فالراجل الغامض واقف قدامها و هو يشوف في بنت ليل دايرة برستيج لروحها و تبان من الطبقة المخملية
ميادة:انسة لينا هذا خويا عُدي
لينا:متشرفين مسيو عُدي اتفضل اقعد...تشرب حاجة
عُدي بالتشناف:لا مانشربش ازرب كمل خدمتك باش نروحو ماعنديش وقت.....ايييه يا ميادة يعني مالقيت وين و شكون يخدملك ديكور دارك غير بنت الليل لي ماتسواش
لينا:سورية جيب للمدام واش طلبت...مدام ميادة هاذو تصاميم تقدر تشوفهم و اذا عندك افكار لدارك حابة تنفذهم مكاش مشكل
ميادة بدات تقلب فالتصميمات و تشوف و حتى حاجة ماعجبتها..لينا تخزر فيه و متعجبة من طريقة كلامو الحطة تاعو تاع واحد متحضر و مثقف مايبانش عليه التعجرف و قلة الادب
ميادة:بصراحة عندي فكرة للصالون نحب تكون فيه رسمة للنار هكا تحس فيه بالدفا.....لينا سمعت كلمة نار وجها تبدل راح لون و جا لون تاهت يديها يرجفو عرقت
عرقت
ميادة:لينا..لينا..لاباس عليك...راك ترجف
لينا:اه..سامحني مانقدرش نكمل معاك...عيطت لمنى و قالتلها ارواح كمل مع المدام و خرجت رجليها مش هازينها تمشي و حاكمة فالحيط....عُدي كان يخزر فيها و مش فاهم واش صرالها كانت لباس عليها و في دقيقة تبدلت لي يشوفها يقول دخلتها الموت




الحلقه 5 + 6
خرجت من البيرو تحس في روحها تاعبة و مش قد بعضها حكمتها السخانة ترجف قلبها يدور راح تستفرغ...سورية شافتها تخلعت عليها الحالة هاذي مرة على مرة ديرلها جات تروح تعاونها وقفتها بيدها و قالتلها:ماتعبش روحك هاني لباس...تمشي و شادة فالحيط وصلت للباب سمعت صوت وقفها دورت لقاتو عُدي خزرت فيه و مش فاهمة علاش لحقها واش يحتاج ياك منى رح تكمل الخدمة معاهم
عُدي:استنا مدام لباس عليك..تحب نعاونك
لينا:لباس..لباس...و كملت طريقها خرجت ركبت طونوبيلها و قعدت فيها....هو حاير في روحو علاش تبعها و سقساها واش دخلو فيها...من وقتاش يهتم ببنات الليل واش يصير فيهم...هو عُدي يسقسي على وحدة ماتسواش و زيد ماتديهاش فيه...هههه هاذي مادخلتش في راسو و ماقبلهاش عقلو....تنهد و رجع لعند ختو
عُدي:مازال ماكملتش؟؟؟لازم نروح عندي خدمة بزاف
منى:اوكي مدام ميادة الصالون انا نتكفل بيه اما باقي الدار لينا تخدمها لانو انا عندي خدمة خلاف
ميادة:علاش ماتخدمهاش لينا كامل..هكذا مانديرونجيكش على خدمتك
منى تفرفشت و عينيها راحو و جاو قالتلها:لا مافيهاش ديرونجمو بصح هكا نكملو الدار بالزربة و انت ان شاء الله تكون فرحانة بخدمتنا.
دا ختو للدار و رجع لخدمتو كان يفكر في حل كيفاش يطيح حسام عبد الصمد...خمم خمم و خمم حتى وجعو راسو و مالقاش حل..طاح الليل و كي العادة لازم يروح للبار هو و جواد لبس و عدل ستيكا روحو مليح و راح قعد منين موالف خزر فالبلاصة لي موالفة تقعد فيها ماكانش...ماجاتش؟؟اووو الساعة 22:00 23:00 00:00 1:00 و ماجاتش تقلق و وجهو تقلب
جواد:فاش راك تخمم حبيبي؟؟ تبان مقلق عليها
عُدي:علاش نتقلق على وحدة كيف لينا
جواد:اسمها لينا؟؟ اسم شباب بصح كيفاش عرفت
عُدي تبسم و قالو:بنت الليل دايرة برستيج لروحها...ههه عندها مكتب تاع ديكور و ميادة راح تخدم ديكور دارها عندها
جواد:و الله يا خويا خايف لا نكونو قاعدين نظلمو فيها بكلمة بنت الليل
عُدي و جواد كانو قاعدين و يشوفو في حسام يحوس على لينا كي المهبول و يسقسي فلي يخدمو فالبار كامل واحد ماشافها...عُدي طاخت في راسو فكرة مليحة باش يطيح حسام فالشبكة و يدخلو للحبس بتهمة التجارة بالمخذرات...شاف مع جواد تبسم و قالو نوض نروحو الكلب هذا قرب نهارو مابقاش بزاف جواد مافهمش واش قاعد يخطط عُدي بصح عندو ثقة كبيرة فيه و في كلامو.
لينا غير خرجت من البيرو رجعت للدار دخلت لبيتها و سكرت الباب تبكي و تعيط بالصوت كسرت لي فيوز و لي كادر الزجاج في كل بلاصة من البيت...شربت دوا تاع رقاد و طاحت رقدت ماجابتش خبر للدنيا...منى و سورية عيطو عليها بزاف بصح هي ماردتش عليهم خلصو الخدمة و روحو منى دخلت لقات نجية مازالت ماروحتش و ماهيش نورمال..
منى:لباس خالتي نجية؟؟واش بيك
نجية:و الله يا بنتي مقلقة على لينا جات وجها مقلوب مافهمتش واش بيها و ملي جات و هي غالقة الباب و تبكي كسرت نص حوايج البيت...خايفة عليها كاش مايصرالها
منى:ماتقلقش روحك خالتي هاك تعرفها عندها ازمة مع النار و الكليون تاع اليوم قالتلها ارسملي نار فالحيط تاع الصالون...غدوة تكون لباس عليها روح تروح انت ولادك يكونو مقلقين عليك
نجية:عيشك بنتي اتهلا فيها....العشا واجد اذا تحب تاكل نحطلك
منى:لا خالتي مانيش جيعانة ضرك من بعد ناكل....هيا ماتبقاش تعطل في روحك و روح ولادك يستناو فيك
نجية روحت و منى دخلت لبيتها دوشت خرجت تعشات و راحت عند لينا طبطبت حتى عيات و مافتحتلهاش الباب...تعرفها وقت تحكمها هاذ الحالة ماتهدر مع حد و تكون نفسيتها تاعبة و في اسوء حالاتها....اييييه من حقها تتأزم نفسيتها شكون يقدر يشوف والديه يموتو قدامو و النار تاكل فيهم و يبقا انسان طبيعي؟؟؟ وقت لي كان عمرها 5 سنين شافت دارها تتحرق و يماها و باباها ماقدروش يخرجو و ماتو محروقين..النار دات اغلى زوج على قلبها تحطمت حياتها قبل بدايتها...فقدانها لوالديها كان بالنسبة ليها صدمة قوية دخلتها في حالة هستيرية و فوبيا من النار



الحلقه 7
قاعد فالكرسي و يخمم فيها كيفاش كان رد فعلها بارد ماهتمتش لواش قال...زعمة لهاذ الدرجة هاينة عليها نفسها مادافعتش على روحها ولا قالت كلمة تبرأ بيها نفسها ولا تهرب من الاتهام الموجه ليها وحدة تطعن في شرفها و تقعد ساكتة؟؟؟يا هي مريضة نفسيا يا هي صح بنت ليل...حتى هو و ندم على الكلام لي سمعهولها و حس روحو غلط معاها و أنبو ضميرو على طريقة المعاملة لي عاملها بيها....بصح هاذي طبيعتو تربا على يد باباه ضابط فالبوليس رجل حازم و الرحمة ماتعرفش طريق لقلبو خدمتو هي كلش في حياتو بصح كان انسان على قد ماهو قاسي و صعيب فالخدمة على قد ماهو حنين فالدار بصح مع عُدي كان ماكانش فرق رباه على القسوة باش يخرج راجل قوي و يخلف بلاصتو فالبوليس...عُدي تربا على القسوة و المعاملة الجافة تربا على تغلط تسلك و سلاكك يكون بالمعاود......حتى فالطريق كي خرج من عندها حكمتو القنطة و الغمة و مالقا يفرغ غشو غير فالبڨار لي دارها و قريب دا روح انسان بريئ في جرتها احساس خايب جاه و هو يشتم فيها بصح برودها استفزو و خلاه يفقد اعصابو...
جواد:يااااااو وينك آ صاحبي ساعة نحكي معاك و انت عقلك ماعرف وين
عُدي:واش تحتاج هاني نسمع فيك(تنهد)
جواد:واش قررت في قضية حسام عبد الصمد؟؟؟
عُدي:كي يجي الوقت المناسب تعرف كلش.....اه تفكرت نحبك تجيبلي معلومات على لينا ناصر...واش تحب واش تكره شكون تخالط اصلها و فصلها كل حاجة عليها فهمتني
جواد حاير:لينا ناصر؟؟؟؟ ماتقوليش تاع البار؟؟علاش تحوس عليها؟؟ فاش تهمك؟؟؟
عُدي منرفز:اوووه آ صاحبي قلتلك جيبلي اخبارها مش طيح عليا بأسئلة مالها اول مالها اخر..
جواد:حاضر يا سي عُدي ما يكون غير خاطرك.
لينا خرجت من البيرو النار شاعلة فيها ركبت طونوبيل و قالت ربي....راحت وين تحس بالامان وين تلقا راحتها مع الناس لي يحبوها وين تفرغ قلبها و تشكي همها وين تلقا لي يسمعها و يمسح دمعتها...راحت لدار العجزة تشوف في رجال و نسا كبار ولادهم رماوهم و تخلاو عليهم...وقت لي كاين ناس تحلم تشوف والديها تسمع صوتهم و تترما في احضانهم و يتمرغو في تراب رجليهم كاين ناس ماهداهمش ربي طيشو اغلى اثنين فالوجود طيشوهم في ديار العجزة و خلاوهم لا يسقسيو عليهم ولا يزوروهم رماوهم كأنهم سلعة و انتهت مدة صلاحيتها رماوهم على طول يديهم ماهتموش بمشاعرهم واحاسيسهم نساو كيفاش كانو ماياكلوش و يوكلوهم مايلبسوش و يكسيوهم حارمين نفسهم من كل حاجة باش يوفرولهم كل حاجة يطلبوها نساو خوفهم عليهم وقت لي يمرضو ولا يتجرحو نساو كل ذكرى مليحة تجمعهم..فلخر كان جزائ الوالدين يترماو كيما الكلاب....لينا تزورهم كل سمانة تقعد معاهم تحب تسمعهم يحكيو و يضحكو كلهم يحبوها و هي تحبهم فقدت نعمة الوالدين و قدرت تعوض جزء منها بقربها و حبها ليهم.......قعدت حذاه عمي عمر راجل كبير فالعمر الشيب غزالو راسو و التجاعيد ملات وجهو الابتسامة ماتخطاش شفايفو رغم انو أعمى مايشوفش بصح من صوت الانسان يعرف حالتو فرحان ولا حزين مقلق ولا مرتاح ديما يقعد فالجنينة تحت شجرة الخوخ يرمي فتات الخبز للزواوش و الحمام.....مخبي حزنو تحت الابتسامة و الضحك و هذا لي جذبها ليه اكثر من كل لي موجودين فدار العجزة لقات تشابه بينها و بينو كل واحد فيهم عايش حزنو وحدو مخبيه في قلبو و مايحكي عليه لحد لابسين قناع السعادة فوق الحقيقة المرة..
عمر:اممم.....توبة جيت بنتي
لينا:ايه عمي عمر هاني هنا(حكمتلو يدو و باستو من جبينو)..كيفاش عرفت بلي جيت
عمر:ههههه من ريحتك الطيبة بصح علاش صوتك حزين هكا....مازال تخشن في راسك و تكسح فيه...انسا لي في بالك ادفن الماضي و عيش الحاضر
لينا:اااااه يا عمي عمر قلبي يوجع فيا و الجليد داير بيه البرد يتغلغل في كل بدني و مايرجعني للطريق الصحيح غير الثأر...الانتقام لي يشفيلي جراحي و ينسيني في مواجعي
عمر:لا الثأر مايزيدك غير عذاب...انسا يعيش بنتي انسا الماضي و مآسيه انسا..انسا...انسا(حاكملها يدها و يمسح على شعرها)
لينا دموعها سالو على خديها ماقدرتش تنسا يماها و باباها لي ماتو محروقين ولا تنسا عمها لي كان السبب في موتهم ولا العذاب لي عيشهولها في عمر 5 السنين...خطف منها الفرحة و الضحكة



الحلقه 8
لينا:واش ننسا يا عم عمر...اااه قولي تراش نقدر ننسا يما و بابا لي كل مانحط راسي على المخدة نشوفهم...يبدا حلم جميل و يخلاص كابوس يرهب نقدر ننسا عمي واش دار فيا و كيفاش عيشني عيشة الكلاب ارحم من معيشتي...قريب ناخذ بثاري منو و يخلاص كلش قريب نلحقلو وين راه
عمر:هو انسان مايخافش ربي علاش تحوس ترجع كيفو...ترضاها لنفسك تكون في مستوى واحد مع شخص حقير كيفو؟؟عايشة من بار لبار و كلام الناس لي مايرحمش اخطيك يا بنتي
لينا تنهدت و قالتلو:كلام الناس كامل ماجاش نقطة فالكلام لي قالو عُدي قاسني بزاف يا عمي عمر جرحني و خلا جرحي ينزف
عمر:عُدي؟؟؟هذا تاني من الذيابا لي طامعين فيك
لينا:ذيب من نوع خاص...ضابط فالبوليس حاب يستغلني باش نجيبلو معلومات على واحد...بما اني بنت ليل في عينيه.
دخل جواد البيرو و قالو بلي ماقدر يلقا حتى معلومات على لينا ناصر كل لي قدرو يعرفوه هو انها كل ليلة فالبار و عندها مكتب ديكور عايشة في دار مع صحبتها منى...لا تزور حد ولا يزورها حد متطوعة في عدة جمعيات خيرية تدعم حقوق الطفل و المرأة و اهم حاجة زياراتها لدار العجزة
عُدي:باهي و منى صحبتها ماعرفتو عليها والو؟؟
جواد:منى توفاو والديها في حادث قبل 18 سنة عاشت عند جدتها حتى لحقت لعمر 19 وين توفاة الجدة و خالها حب يزوجها غصب عليها...هربت من الدار و عاشت في دار لينا قرات هندسة معمارية و تخدم في مكتب الديكور..
عُدي تنرفز و طلعلو الضغط للراس المعلومات لي لقاوهم مافيهم حتى فايدة لازم يلقا حاجة يضغط بيها عليها و تخليها توافق تتقرب من حسام...عندو ثلاث ايام يروح ليها و يطلب منها تخدم معاه و تعاونو و هي رافضة...يا الزح علاش ترفض و هي غاطسة فالخماج و العفن حتى لقطوشتها على الاقل تخدم خدمة باهية لبلادها و تعاونهم يلقيو القبض على واحد من رواد عالم المخذرات....خمم يا عُدي مابقاش وقت بزاف لازم تلقا حل....الامر و الطلب مافادوش معاها بقالو غير التهديد
عُدي:دبرلي كمية من الكوكايين اليوم نحتاجها عندي
جواد مخلوع:كوكايين؟؟؟ واش راه يدور في راسك
عُدي:من بعد تعرف...المهم نحتاجها قبل مانخرج من هنا فهمت عليا جواد؟؟و حط واحد يعس لينا مايخليهاش تخفا على عينيه دقيقة وحدة نحب نعرف عليها كلش من نهار زدادت لليوم.....لازم يكون انسان موثوق فيه هاذي المهمة لازم تكون سرية و حتى واحد مايعرف عليها
جواد:ربي يستر من لي راك تخمم فيه...خرج و خلاه يخمم اذا القرار لي خذاه صحيح ولا غالط..هو مابقالو حتى حل غير هذا هي لي جبرتو يدير هكا من غيرها مايقدر حد يتقرب من حسام هي الورقة الرابحة لي في يدو.
لينا بعد مازارت دار العجزة و حكات مع العم عمر رجعت لطبيعتها فرغت الشحنة السلبية و تعمرت طاقة و عزيمة هدفها محال تتخلا عليه و راح تاخذ حقها من لي ظلمها مهما كان...ثلاث ايام تواجه في عُدي بنفس الطريقة الباردة و اللامبالات رافضة انها تعاونو...دخلت للبار و عالم الفساد باش تحقق انتقامها و غير تكمل واش كاين في راسها تخرج من هاذ الخماج لي اجواءو تخنقها...
قاعدة فالبيرو مع منى يتناقشو وقتاش باش يبداو الخدمة في دار ميادة
منى:ابدا انت فالخدمة انا مازال ماكملتش من الدار لي راني فيها
لينا:حتى انا قلت هكا نخدم انا نكمل و خدميلها الصالون كيما طلبت...اااه فكرني البيوت واش خيرتلهم
منى تكسلت على الكرسي و قالتلها:وجعتلي راسي و ماخيرت والو...قدرت نعرف شوية واش تحب و راح نستغلو الامر باش نخدمو خدمتنا...جبدت ورقة و مدتهالها..هذا واش تحب المدام ميادة ههههه
حكمت الورقة و تقرا فيها:تحب اللون الابيض و تحب البرك و البحيرات و الانهار...تحب الرالي(سباق السيارات)..تحب الصحرا و عاداتها و تحب الورد الاحمر.......ههههه عندك ماتخمم باش تقدر ترضيها يا لينا شمر على ذرعيك و ابدا الخدمة
لينا:بففففف الحالة صعيبة....خلي نعيطلها نروحو نشوفو الدار و من بعد ساهلة
هزت تليفون البيرو و كلمت ميادة خبرتها بلي لازم يشوفو الدار قبل مايبداو الخدمة..تفاهمو باش غدوة يتلاقاو و يروحو




الحلقه 9
في مكتب الديكور قاعدة تستنا في ميادة باش تجي تديها للدار تشوفها و يتفاهمو على كل حاجة...دخلت سورية تجري...ليناااا...لينااا...لينا تخلعت و ناضت مش فاهمة واش صرا
لينا:واش بيك سورية غير الخير؟؟؟انطق ماتهبلنيش
سورية تنكز و تسوطي...يااااي يا لينا كون تشوف شكون برا يهبل يدي العقل...
لينا:احبس و حكي نورمال خليني نفهم عليك...شكون برا
قبل ما تفتح سورية فمها تفتحت الباب و دخل عليهم عُدي لابس لبسة البوليس....يا الزح صح يدي العقل هذاك البدن عليه ياااااه حوالو عينيها كي شافتو قعدو في زوج باهتين فيه قوة حضورو قنبلة ناسفة...خزرت في سورية تاع اخرج خليني وحدي معاه و استجمعت افكارها لي تشتت وقت شافتو تنهدت و قالتلو: مسيو عُدي قداش من مرة لازم نقولك طلبك مرفوض مش انا لي نقدر نعاونك
عُدي تبسم نحا الكاسكيطة من راسو....اسمع ماجيتش نطلب منك تعاوني...عندي امر بالتفتيش
لينا تخلعت..واش من امر؟؟؟ و على واش رايحين تفتشو
عُدي:جاتنا اخبارية بلي عندك مخذرات فالمكتب...و هذا امر التفتيش
مدلها ورقة و عيط لرجالو دخلو بداو يفتشو فكل بلاصة من مكتب الديكور....لينا كانت هايمة بأفكارها الدوخة لعبت عليها قريب طيح مافهمتش واش قاعد يصرا كانت غير تتفرج فرجال البوليس لي قاعدين يقلبو في كل شوكة من مكتبها...جواد لحق شوية متأخر وقف قدام عُدي لي كان يخزر فيها متشمت و قالو بصوت ضعيف...يا خويا واش لي قاعد يصرا هنا؟؟....سمع واحد من البوليس يعيطلو راح عندو جواد و لينا يتبعو فيه
عُدي:انعم كاش مالقيت؟؟؟
البوليسي:سي عُدي لقينا هاذ الكوكايين تحت الطابلة كان مخبي مليح بصح لقيناه
مدلو رزمة الكوكايين و خرج....دور شاف جواد يتخنزر فيه بغش كبير و في عينيه الف سؤال...لينا مش مصدقة لي قاعدة تشوف فيه عينيها وساعو الكلام هرب من فمها...واش قاعد يصرا مراهي فاهمة والو
عُدي احكمها من يدها و قالها: اتفضل معانا لمركز البوليس
لينا نحاتلو يدو و خزرت فيه بحقد..مستحيل نتحرك من هنا....و رجعت للبيرو تاعها منى و سورية داهشين دخلو عندها و مالقاو واش يقولو
جواد متغشش للشوشة حكم عُدي من رقبتو و قالو...واش راك دير....علاش تعمل معاها هكا
عُدي نحالو يديه عدل لبستو بكل برود و قالو: واش تقصد؟؟ راني ندير في خدمتي و الكوكايين لقيناه في مكتبها
جواد:ههه واقيلا تحسب فيا حمار ولا بهلول باش مانعرفش رزمة الكوكايين لي جبتهالك البارح....تنهد و حط يدو على كتف عدي...واش قاعد دير ا صاحبي علاش حاط مور الطفلة هاذي؟؟؟ واش عملتلك؟؟
عُدي: اعطيني ربع ساعة نهدر معاها و نرجع نفهمك في كلش
دخل عدي للبيرو لقاها قاعدة و مغمضة عينيها أشر على سورية و منى باش يخرجو...قعد يخزر فيها كأنها تحاول تهرب من الصدمة لي جاتها هدوءها و طولة البال لي عندها قوتها منين تجيب فيها و هي انسانة وحيدة لا اهل ولا اقارب لا اصحاب ولا زوج....قعد يتأمل في ملامحها طفلة زينة وجها فيه ملامح طفولية و براءة....واش هي حكايتك يا لينا علاش مهتم بيك و نحب نعرف عليك كلش...مش خدمة و خلاص عندي فضول كبير نعرف واش لزك باش تدخل للعالم لي راك فيه





10 ﻭﺍﺵ ﺑﻐﻴﺖ ﻗﺘﻠﻮ ﻭﺍﻧﺎ ﻣﻬﺒﻄﺔ ﺭﺍﺳﻲ ﻗﺎﻟﻲ ﺻﻔﺎﺀ ﻧﻘﺪﺭ ﻧﻬﺪﺭ ﻣﻌﺎﻙ ﻭﺍﻧﺎ ﻧﺮﻋﺶ ﺗﺤﺖ ﺍﻟﺰﺍﻭﺭﺓ ﻗﺎﻟﻲ ﺗﻘﺪﺭﻱ ﺗﻨﻮﺿﻲ ﻭﺗﺸﻮﻓﻲ ﻣﻌﺎﻳﺎ ﻧﻀﺖ ﻗﻌﺪﺕ ﻋﻠﻰ ﺭﻭﺣﻲ ﻭﻗﺘﻠﻮ ﺗﻔﻀﻞ ﻗﺎﻟﻲ ﻣﻠﻲ ﻗﺎﺗﻠﻲ ﺍﺧﺘﻚ ﺑﻠﻲ ﺭﺍﻛﻲ ﺟﺎﻳﺔ ﻓﺮﺣﺖ ﻗﻠﺖ ﺍﺧﻴﺮﺍ ﺭﺍﺡ ﻧﻠﻘﻰ ﻭﺍﺣﺪ ﻣﻦ ﻋﺎﻳﻠﺔ ﺣﺒﻴﺒﺘﻲ ﻭﻛﻲ ﺣﻜﺎﺗﻠﻲ ﻋﻠﻴﻚ ﻭﻋﻠﻰ ﺍﻟﻲ ﻗﺎﺳﻴﺘﻴﻪ ﺍﺗﻀﺮﻳﺖ ﻭﻏﺎﺿﻨﻲ ﺍﻟﺤﺎﻝ ﻋﻠﻴﻚ ﻗﻠﺖ ﻧﻌﻮﺿﻚ ﻭﻧﻜﻮﻥ ﺧﻮﻙ ﻭﺑﺎﺑﺎﻙ ﻭﻣﻨﺨﻠﻴﻮﻛﺶ ﺗﺨﺼﻲ ﺣﺎﺟﺔ ﻣﻲ ﻣﻦ ﻟﻲ ﺟﻴﺘﻲ ﺣﺴﻴﺘﻚ ﺗﻜﺮﻫﻴﻨﻲ ﻭﻣﺎﺗﺤﺒﻴﺶ ﺗﻼﻗﻴﻨﻲ ﻃﻮﻝ ﺑﻐﻴﺖ ﻧﻘﻮﻟﻚ ﺍﻻﻳﺎﻡ ﺭﺍﺡ ﺗﺜﺒﺘﻠﻚ ﺑﻠﻲ ﺭﺍﻧﻲ ﺍﺣﺴﻦ ﺯﻭﺝ ﻻﺧﺘﻚ ﻭﺍﺣﺴﺘﻦ ﺍﺥ ﻟﻴﻚ ﻃﺒﺴﺖ ﻭﻗﺘﻠﻮ ﺍﻧﺸﺎﺀ ﺍﻟﻠﻪ ﻣﺎﻓﻬﻤﺖ ﻛﻴﻔﺎﻩ ﻧﺮﺩ ﻣﺴﺤﻠﻲ ﻋﻠﻰ ﺭﺍﺳﻲ ﻭﺭﺍﺡ ﺑﻜﻴﺖ ﺑﺤﺮﻗﺔ ﻋﻼﻩ ﻳﺎﺭﺏ ﺗﻤﺘﺤﻨﻲ ﺍﻣﺘﺤﺎﻥ ﻛﻴﻤﺎ ﻫﺬﺍ ﻋﻼﻩ ﺗﺨﻴﺮﻧﻲ ﺍﻧﺎ ﺑﺎﻟﺬﺍﺕ ﺑﺎﺵ ﻧﺸﻮﻑ ﻫﺬﺍﻙ ﺍﻟﻤﻨﻈﺮ ﺟﺎﺕ ﻟﻴﺎ ﺍﺧﺘﻲ ﻗﺎﺗﻠﻲ ﻭﺟﺪﻱ ﺭﻭﺣﻚ ﻧﺨﺮﺟﻮ ﻧﺘﻌﺸﺎﻭ ﻟﺒﺮﺓ ﻭﻧﺴﻬﺮﻭ ﺳﻬﻴﻞ ﻋﺮﺿﻨﺎ ﻗﻠﺘﻠﻬﺎ ﻻﻻ ﻏﻠﺒﺖ ﺗﺮﺟﺘﻨﻲ ﻭﻧﺸﻮﻑ ﻓﻴﻬﺎ ﻗﺮﻳﺐ



10 ﻭﺍﺵ ﺑﻐﻴﺖ ﻗﺘﻠﻮ ﻭﺍﻧﺎ ﻣﻬﺒﻄﺔ ﺭﺍﺳﻲ ﻗﺎﻟﻲ ﺻﻔﺎﺀ ﻧﻘﺪﺭ ﻧﻬﺪﺭ ﻣﻌﺎﻙ ﻭﺍﻧﺎ ﻧﺮﻋﺶ ﺗﺤﺖ ﺍﻟﺰﺍﻭﺭﺓ ﻗﺎﻟﻲ ﺗﻘﺪﺭﻱ ﺗﻨﻮﺿﻲ ﻭﺗﺸﻮﻓﻲ ﻣﻌﺎﻳﺎ ﻧﻀﺖ ﻗﻌﺪﺕ ﻋﻠﻰ ﺭﻭﺣﻲ ﻭﻗﺘﻠﻮ ﺗﻔﻀﻞ ﻗﺎﻟﻲ ﻣﻠﻲ ﻗﺎﺗﻠﻲ ﺍﺧﺘﻚ ﺑﻠﻲ ﺭﺍﻛﻲ ﺟﺎﻳﺔ ﻓﺮﺣﺖ ﻗﻠﺖ ﺍﺧﻴﺮﺍ ﺭﺍﺡ ﻧﻠﻘﻰ ﻭﺍﺣﺪ ﻣﻦ ﻋﺎﻳﻠﺔ ﺣﺒﻴﺒﺘﻲ ﻭﻛﻲ ﺣﻜﺎﺗﻠﻲ ﻋﻠﻴﻚ ﻭﻋﻠﻰ ﺍﻟﻲ ﻗﺎﺳﻴﺘﻴﻪ ﺍﺗﻀﺮﻳﺖ ﻭﻏﺎﺿﻨﻲ ﺍﻟﺤﺎﻝ ﻋﻠﻴﻚ ﻗﻠﺖ ﻧﻌﻮﺿﻚ ﻭﻧﻜﻮﻥ ﺧﻮﻙ ﻭﺑﺎﺑﺎﻙ ﻭﻣﻨﺨﻠﻴﻮﻛﺶ ﺗﺨﺼﻲ ﺣﺎﺟﺔ ﻣﻲ ﻣﻦ ﻟﻲ ﺟﻴﺘﻲ ﺣﺴﻴﺘﻚ ﺗﻜﺮﻫﻴﻨﻲ ﻭﻣﺎﺗﺤﺒﻴﺶ ﺗﻼﻗﻴﻨﻲ ﻃﻮﻝ ﺑﻐﻴﺖ ﻧﻘﻮﻟﻚ ﺍﻻﻳﺎﻡ ﺭﺍﺡ ﺗﺜﺒﺘﻠﻚ ﺑﻠﻲ ﺭﺍﻧﻲ ﺍﺣﺴﻦ ﺯﻭﺝ ﻻﺧﺘﻚ ﻭﺍﺣﺴﺘﻦ ﺍﺥ ﻟﻴﻚ ﻃﺒﺴﺖ ﻭﻗﺘﻠﻮ ﺍﻧﺸﺎﺀ ﺍﻟﻠﻪ ﻣﺎﻓﻬﻤﺖ ﻛﻴﻔﺎﻩ ﻧﺮﺩ ﻣﺴﺤﻠﻲ ﻋﻠﻰ ﺭﺍﺳﻲ ﻭﺭﺍﺡ ﺑﻜﻴﺖ ﺑﺤﺮﻗﺔ ﻋﻼﻩ ﻳﺎﺭﺏ ﺗﻤﺘﺤﻨﻲ ﺍﻣﺘﺤﺎﻥ ﻛﻴﻤﺎ ﻫﺬﺍ ﻋﻼﻩ ﺗﺨﻴﺮﻧﻲ ﺍﻧﺎ ﺑﺎﻟﺬﺍﺕ ﺑﺎﺵ ﻧﺸﻮﻑ ﻫﺬﺍﻙ ﺍﻟﻤﻨﻈﺮ ﺟﺎﺕ ﻟﻴﺎ ﺍﺧﺘﻲ ﻗﺎﺗﻠﻲ ﻭﺟﺪﻱ ﺭﻭﺣﻚ ﻧﺨﺮﺟﻮ ﻧﺘﻌﺸﺎﻭ ﻟﺒﺮﺓ ﻭﻧﺴﻬﺮﻭ ﺳﻬﻴﻞ ﻋﺮﺿﻨﺎ ﻗﻠﺘﻠﻬﺎ ﻻﻻ ﻏﻠﺒﺖ ﺗﺮﺟﺘﻨﻲ ﻭﻧﺸﻮﻑ ﻓﻴﻬﺎ ﻗﺮﻳﺐ




الحلقه 11
لحقو لدار ميادة دخلو بدات تشوف فالصالون و بيت الضياف بيت الاولاد و هو يتبع فيها من جيهة لجيهة لحقت لبيت النوم دخلت ليها و بدات تخزر و تخمم كيفاش تخدمها و تكون تحفة....عُدي قلق و هو يتبع فيها مش فاهم واش قاعدة دير و واش قاعدة تكتب وترسم جات في بالو يلعب معاها لعبة هههههه...سمعت الباب تسكر دورت لقات عُدي يخزر فيها بطريقة مش مليحة خزرة تعودت عليها من الذيابا لي تلقاهم فالبار...تخلعت و خافت منو بصح مابينتلوش خوفها ديما قوية و شامخة
لينا:افتح الباب علاش تغلق فيها...هو يقرب و هي تبعد حتى لصقت فالحيط....ااااي نحكي معاك افتح الباب و ابعدني....وصل ليها حشرها للحيط حكملها يديها و قرب وجهو من وجها تحس فالنفس تاعو سخون يحرق على خدها....ابعد عليا مسيو عُدي
عُدي:علاش نبعد امم...هاك كل يوم مع واحد خلي حتى انا نجرب و نشوف اذا تستاهل يطيحو فيك الرجال ولا لا........مسكينة كل ماتلقاه يعطيها صفعة بكلامو القاسي
لينا:ابعد عليا هاني خامجة و نخمجك معايا...ابعد....هي تتخبط بين يديه باش يطلقها و هو يزيد يقرب كثر و كثر....علاش ديما الروج تاعك فاقع اه؟؟خليني نقصلك منو و بدا يقرب شفايفو من شفايفها غمضت عينيها و الدمعة فيهم....شافها غمضت عينها و لحمها كامل يرعش بين يديه حس بقلبها يخبط في صدرو شفايفها شهاوه في بوسة الروج تاعها دوخو و دخلو في حيط....طلقها و بعد عليها و طرطق بالضحك 😂😂😂....هي فشلت و طاحت في لرض تخزر فيه بحقد و غل
عُدي:هههههههه بربي أمنت لي انا ممكن ندير معاك حاجة خايبة؟؟؟هههههه نسيت انت شكون و انا شكون
لينا تحكي بين شفايفها:تافه..طحان..رخيس مايحشمش..كلب
عُدي:سمعني واش قاعدة تحكي؟
لينا😬😬:وشبيك ا الرحمة حاط ورايا...اخطيني علاش تعمل معايا هكا
عُدي:ههههه قلقت و حبيت نبدل الجو شوية
لينا جنونها ركبوها واحد ربي لي يعلم بحوالو و لاخر يلعب بيه...شافت فيه شوفة ماتتفسرش حتى هو تخلع و الضحكة لي كانت على وجهو راحت..هزت حوايجها و خرجت من الدار دموعها سابقينها خرج يجري وراها جبدها من يدها دورها ليه نحاتلو يدو
عُدي:وين ماشية اطلع نوصلك..
لينا:يكفي مسيو عُدي هنا و قص ابعدني نعرف الطريق....حبست طاكسي ركبت فيها و رجعت لمكتب الديكور
عُدي حس بتأنيب الضمير و بالغلطة لي دارها مش حق عليه يلعب لعبة كيما هكا...مهما كانت هي بنت ليل بصح كان لازم يحافظ على احترامو قدامها هذاك مكان ناقصو بنت ليل تشوفو انسان حقير و منحط...طلع لطونوبيل و خبط الباب قريب طيرها رجع للخدمة لقا جواد مزعف عليه جا باش يهدر معاه راح و ماقيموش خلاص..دخل للبيرو تاعو و اقعد يخمم و كل مرة تطلعلو صورتها في راسو...منظرها هذاك بقا في بالو شفايفها لي في لحظة ضعف منو حب يبوسهم و يتذوقهم دقات قلبها لي مزال يحس بيهم يخبطو في صدرو....اوووه وشبيك تخمم فيها ماتنساش بلي بنت ليل تبيع في بدنها انسانة نتنة بدنها نهشوه الكلاب مابقا فيه ما يصلح......ناض راح للبيرو تاع جواد جبد نفس عميق و دقدق الباب
جواد:اتفضل
عُدي دخل و اقعد مقابلو......وشبيك صاحبي ماكش هادر معايا؟؟
جواد:واش تحب نقولك؟؟ مهما نحكي معاك ماتخذليش الراي
عُدي:و الله مالقيت حل غير هذا...صدقني بالطريقة هاذي نقدرو نحكمو وجه النحس و نحطوه فالحبس
جواد:و لقيت غير لينا تخدم الخدمة هاذي؟؟؟ راك تظلم فيها و يجي نهار وين تفيق و تندم
عُدي:نوعدك بلي مايصرالها والو نحميها منو حتى تكمل المهمة
جواد:خايف تسلكها غالية المهم ربي يجيب الخير حبيبي.
لينا رجعت للدار تاعبة ضربتها بدوش و طاحت رقدت و نسات كل شي نسات عُدي و البار و حسام و ماضيها....حتى الكوشمار لي يجيها وقت تحط راسها على المخدة اليوم نساها و خلاها ترقد مرتاحة...ماعرفتش السبب لي خلاها ترقد مرتاحة بصح فرحت اول مرة من مدة طويلة ترقد بلا منوم وبلا كوشمار


تحبو تعرفو الباقي تبعو الجزء الثاني  ^^