كوني قوية و عيشي حياتك

سلام حبوباتي 

موضوع اليوم غير كل المواضيع 

اليوم حبيت نهدر على البنات لي مضيعين حياتهم و مدمرين و ماشي عارفين يعيشوا  

حبيت نقلكم بلي الطفلة لي غابنة روحها بالأصل ماشي طفلة ... الطفلة خلقت باش تعيش وتفرح و تزهى...وحدة ما جي تقولي المشاكل و الظروف علاخاطر السعادة تخلقيها نتي مالازمش تخلي الظروف تتحكم فيك و فحياتك ...كوني قوية و مستعدة باش تواجهي كلش ماشي بمشكل تكرهي حياتك و تهملي روحك لالا.. ديري فراسك باللي هاداك المشكل هو نقطة بداية الحرب نحو السعادة ديالك و لازم تعرفي بللي حاجة ماجي بالساهل أو واحد ما راهو مهني أو واحد ما صابها كيما حبها يمالا حبوبتي مالازمش ضيعي بالعكس أتفهمي الموقف و حاولي تحلليه باللي كان و دايمن أرجعي لربي ربي مافيه غير الخير و ما بلاك غير باش يفرحك و كل مشكل يجووز ألووغ نجوزوا لحبيبك لي راكي بانية عليه حياتك و تباتي تخمي فيه وراقدة بيه و نايضة بيه و دايرة اسمو مودباس و تهدري غير عليه و أحلامك معاه برك و تتمانايلو كل الخير و مادابيك الدونية جي فيك و ماشي فيه ...ضمنتي تعيشي معاه حياتك ؟ راكي ضامنة يدخلك لدارو و يعشك مع فاميلتوا ؟ ما تقولوليليش ويي صاحبي وليد فاميلية و ناوي الخير ما ديري لامان فحتى واحد علاخاطر واحد ما علابالوا واش مخبيتلنا الدنيا نحطك فالأمر الواقع: ربي سبحانوا قال{لا تواعدهن سرّا} نتي تعرفي خير من ربي ؟ لوكان شاف هاد الشي فيه الخير ما ينهيكش عليه نقولك علاش نهاك عليه؟ أولا وصانا بالوالدين و نتي بهاد الشي لي راكي ديريه راكي تخدعي فيهم و تخوني ثقتهم ثانيا أتخيلي بعد الحب الكبيير و سنوات من الترنديف و ألو بب يقلك ديزولي خطبتلي يما .. واش راح تكون ردّة فعلك ؟ ولّا يا سيدي نقولوا حنونك فيدال ما يبدلكش إيماجيني داركم يزوجوك بالسيف كاش رايحة تعيشي حياتك؟ تبقاي تخمي فحبيبك و تقارني فيه براجلك و مرات تدّفعك نفسك حتى تعيطيلوا تسقسي عليه و الحاجة الثالثة قلبك رايحة تمديه كامل لحبيبك و تنساي مولاك ... و هاديك لي دايرة معشر قريش ڨاع صحابها قوليلي برك كاش راكي تقابلي باباك لي نهار كامل خدام و قاتل روحوا باش يجيبلك تاكلي ؟ غدوة تنفضحي كاش يولوا يشوفوا فيك؟ إيييه هاديك بنت فلان خرجت مع فلان و فلتان إييه هاديك خت فلان سمعت معامن كانت ؟ تولي نتي شغلهم الشاغل و يولي واحد ما يدير فيك كونفيونس مالا غير خطيك يا بنت النّاس ديري قيمة لروحك ما تخليش لي يسوا و لي ما يسواش يهدر عليك خمي لعقوبتك لولادك لباباك لربي سبحانو كاش رايحة تقابليه و ديري فراسك مليييح لي يحبك يجي لداركم ديراكت ما يقعدش يلعب بيك نقولوا عرفتيه عجبك عجبتيه حكيتي معاه تفاهمتوا قوليلو يجي يخطبك ما تبقاوش تلعبوا الدنيا ماهيش رايحة تسناكم و ديري فراسك بلي لي يحبك يدير المستحيل باش يدخلك لدارو و ما يقبلش يدنا ليك قبل الحلال و هاداك لي يقولك نبوسك برك و منا و ملهيك أقسم أنه لن يتزوجك على خاطر واحد ما يخمم يشري الحليب كي تكون عندو بڨرة و نهار يجيب نهار يولي يطلب حوايج وحدوخرين و هنا نتي و تربيتك و قفازتك و بعد هاداك الشي إذا فتي غلطتي كوني مهنية يرميك و ميزيدش يشوف فيك و يولي يقول كيما مدتلي روحها تمد روحها لوحداخور يمالا ما تكونيش جايحة و خمي بعقلك و خلي قلبك بجيه 

و الحاجة لي تنيرفيوني فيها كييفاااش تبكي عليييه فهمينييي بابك هو ؟ يماك؟ خوك؟ راجلك؟ ياو راجلك و ما تبكيش علييه لازم تكوني قوية و ما تخلي حتى واحد يبكيك ماشي يماك سوفرات عليك تسع أشهر و كبراتك و باباك دارلك كامل واش تسحقي باش تبكي على واحد ما يستهلكش و ما عندو حتى قيمة واش دار علاجالك هو؟ و لا فيه غير الهدرة؟ لي يحبك جاامي يبكيك جامي و كي يشوفك تبكي يولي يشوفك بهلولة و يحسب روحو توم كروز و دار إنجااز بكا طفلة مالا نتي أبدا ما تخليهش يحس بهاد الإنجاز العظيم تع الفروشة و كوني سووليد الريح ما يزعزكش و ماشي هو لي يحكم فيك تدخلي تخرجي.ترقدي تموتي ها خلونا ملجياحة هو ختو ماشي سامع بجدها جاي يتقاوا عليك ما تزهاي ما تخرجي أمشي ترنك علاه راه عاقد علييك؟ كوني فايقة و شاطرة خطيك مالتبهليل نتيي طفلة تسما نتي ملكة نتي تخلقي السعادة لروحك و ما تربطي فرحتك بحتى واحد أربطيها فلاطاي و أضربيها بشطحة عيشي حياتك كيما تحبيي نتي أكتاشفي مواهبك طوريها أقراي كتاب نحي على خاطرك و تقفي روحك أشربي القهوة عدلي بيها مزاجك ألبسي واش تحبي أنت ماشي واش يعجب الغاشي كولي واش تحبي أخرجي تحوسي ماشي لازم يكونو عندك دراهم كبار أصرفي قيسك و خبي لعقوبتك ديري هدف لحياتك تعيشي علاجالوا و ما ضيعيش وقتك فالتفاهات أستغلي كل دقيقة من حياتك مهما كان عمرك جامي تقولي راني برت ولا جاز عليا التران ماشي لازم يكون عندك راجل باش تعيشي كلشي بلمكتوب و دايمن أرجعي لربي أقراي و أتعلمي ما تخلي حتى واحد يلعبهالك كوني خدامة بدراهمك ما تسحقي مزية حتى واحد والديك ربي يحفضهم ماشي دايمينلك و أهم حاججة نقولهالك كوونيي قوييييييية كتر من اللازم ما تخلي حتى واحد يهدمك عيشي علاحسابك ماشي علا كساب الغاشي إذا كنتي سمينة ولا رقيقة شابة مزعوقة شعرك مكشرد تلبسي 43 فرجلك ديري فمخك بلي نتيي شاابة و تهبلي غصبا على الجميع واحد ما يجي يجوجيك المهم تكوني صافية ملداخل و نيتك مقية الباقي أرمي علييك لي يقلقك قوليلو باااي ولا من الأحسن خليلو vu حياتك تعيشيها مرة وحدو  فرغي راسك مالتفاهات لي تقلقك شدي فصلاتك و حلي مشاكلك بلعقل جيك راحة البال ... ههه راحة البال نتي ديريها ماشي هي جي ليك أعمري هاني كملت نصائحي لليوم نشااله نكون فدتكم و نحيتلكم علاخاطركم سمحولي إذا طولت عليكم و زدت فالهدرة و الله نيتي نبعد عليكم كل حاجة ماشي مليحة

ملاحظة: هاد المقال أنا كتبتو يعني ماهوش مسروق مادابيكم تقدروا تعبي شوية برك و ديرولي كومونتار تدعولي فييه حبكممم

#رييم