حبوباتي هاني جيتكم بموضوع العناية
بالمنطقة الحساسة
أول حاجة حابة نقولها يرحم اللي ماتولكم بركونا من خرافة الغازواغ يكحل هاد الجملة كي نسمعها الڨاز يطلع لمخي علاه رجليكم كحالوا من الغازواغ؟ الرجال اللي يغازو وجوهم كحالوا؟ لازم تعرفوا أنو هديك المنطقة تكحال من قلة الهواء و من الرطوبة لأن احنا العرب نغسلوا هاديك المنطقة بالماء عدة مرات في النهار على العكس من الاجانب اللي يمسحوا ب بابيي جينيك علابيها يحافظوا على بياضها.
و بالطبع مارايحاش نقولكم ماتغسلوش و لكن لازم تنشفوها غاية الغاية مين تكملوا و لي عندها حساسية من البابي جينيك تدخل معاها قماش قطني تمسح بيه ثاني شيء رايحة نحكي على مغلى الخزامة الخزامة نغلوها و نصفوها نخلوها تبرد) كل ما تفوتي لتوالات اغسلي بهاد الماء في بلاصة الماء العادي. الخزامة معروفة أنها مفيدة للالتهابات و ليزانفيكسيو بالإضافة لريحتها الشابة
ثالث حاجة هي حبيبي زيت الورد المفضل عندي في تفتيح و تعطير المنطقة الحساسة يعني وحدة ما تخرط عليكم و تقولكم القارص و الخل و الزيت و المايوناز واش راح نردوها سلاطة هادوك الخلطات و التبلعيط كامل حبسوه و تبعو زيت الورد و راح تشوفو نتيجة في اسرع وقت( عند العشاب تقوليلو زيت الورد و زيدي أشري زيت القارص خلطيهم في قرعة و أمسحي بيهم المنطقة لي حابة تبيضيها)
نروحوا دروك لإزالة_الشعر : سقسيت وحدة على كيفاش تنقي روحها وقالتي فالاول كنت نستعمل لاسير و لكن بعد ما عرفت الاضرار تاعها حبستها و رجعت نستعمل braun فالاول كنت نخاف نستعملها مع الوقت رجعت نستعملها(من عندي ادوها braun استعملوها في الجزء العلوي من المنطقة الحساسة و علاخاطر تكون بدون الم ويولي الشعر ينوض خفيف و كي تنحيه مايوجعكش كيما اول مرة. أما الجزء السفلي فننصحكم بغزواغ جيلات 3 لام تاع الرجال لانو بصراحة المخصصة للنساء ماتنحيش ملتحت مليح)
بالنسبة لتعطير المنطقة نستعمل مرات بودر التالك
و لتقشير المنطقة نستعمل مرة في الأسبوع نفضل حليب الأطفال.
ايه تاني كاينة حاجة لي هي غسول سافورال اغسلي بيه 3 خطرات فالاسبوع و كاين تاني للتعطير famfresh ديريه
اكيد النصيحة الأخيرة هي لازم تغيير الملابس الداخلية أقل شيء 2 مرات في اليوم. و في وقت العادة الشهرية الفوطة تتبدل كل 2 ساعات
و مدا بيكم ديرو سليبات تاع دورة وحدهم و تاعوالايام العادية وحدهم و ثاني مرة على مرة خلوكم هكاك بلا ما تلبسوهم على الاقل تستهوا
نشالله يعجبوكم
ليست هناك تعليقات:
إرسال تعليق