اوهمتها بلحب و تزوجتها الانتقام الجزء 3

الجزء الرابع 😍 من اوهمتها بلحب و تزوجتها الانتقام 

الحلقة9

الجدة: ماتخافيش راح يحطك بين عينيه تربيت يدي رؤوف 

رؤوف من داخل فرحان تقدم 10 خطوات للقدام سيليا كانت ملخبطة بسك ماكانش دايرة في بالها الي هي راح تتزوج بسن 19 

الجدة بعد ماخرجت من الكاينيك جلملت العايلة كاممل و خبرتهم استغربو و تفاجئو من الاول من بعد فرحو 

س: رؤوف و الله ماعلابالي كيفاه صرا 

ر: قدم يمسحلها دموعها و قالها: ماتبكيش ياك راح تتزوجي بيا انا رؤوف حبيبك و عمرك 

س: :) اييه بصح ... 

ر: لا بصح لا والو مانحبش نزيد نشوف دموعك دموعك غاليين قرب ليها و باسها 

س: نرجع غدوة لازم نحكي لماما 

ر: نشالله غدوة نوصلك للمطار بون نوي عمري 

س: بون نوي bb روحت للترك و تفاهمو باه ترجع بعد 5 ايام مع يماها باه تحضر الخطبة و العرس بسك كانت باقية تما الجدة حبت تعرسلهم  في شهرين تقول حاسة روحها راح تموت بعد مارجعت سيليا مع امها يماها رفضت تبقى في بيت اهل طليقها كرات دار  بين ما كمل العرس و روحت جازو الايامات و تخطبو سيليا و رؤوف كانت الفرحة راح تخرج من عينيها مش مصدقة بلي راح تتزوج بحبيبها اول حب في حياتها ... فوتو اايمات شباب كيف كيف كل يوم خرجات و تحواس قرب يوم العرس هو نفسو اليوم الي يكتبو فيه الصداق رؤوف فرحان بإنتصارو اما سيليا فرحانة الي هي راح تتزوج الشخص الي حباتو 

يوم العرس 

فاقت ناشطة دوشت و جاتها الحفافة للدار عملتلها شعرها بوكلي و ماكياج خرجت تقتل لبست الروبة البيضاء  من تصميم امها لانو يماها عندها شركة ازياء  ( كيما تشوفو فالفوطو) عيطلها رؤوف 

ر: واش حبي نسيتيني واقيل 

س: ههههه كيفاه ننساك و انا كل مايخبط قلبي نحس بيك 

ر: اممممم حبيت نقلك وجدي روحك الليلة راح تكون ليلة مميزة بزاااف راح تتفكريها طول عمرك 

س: ( حشمت) ااه ... ايا باي من بعد راني نشوفك و نحكو بيزوو :* 

رؤوف: ضحك ضحكة طوييلة : شفت يا صاحبي كي نقلك ندير حاجة نديرها 

نائل: والله قلبي مش متهني خو 

رؤوف: اليوم يبدا الشي الي استنيتو طول حياااتي 

نائل: بصح الطفلة واش ذنبها اون بليس هاديك حاجة من الماضي و كانت بينو و بين باباك 

رؤوف: (خبط الطابلة بيدو) اولا عمي نقدر نضرو الا بواسطة بنتو نعذبو بعذاب اقرب الناس ليه ثانيا الي تقول عليه ماضي عمري مانسيتو عمري مانسيت كيفاه كان السبب في شلل بابا و انهيارو عذاب يما و اختي .. عمري مانسيت كبرت و لحقد كبر معايا اتتقامي راح  ن.ف.ذ.و !! و خرج 

ر: عمري وجدي روحك رانا جايين 

س: اوكي بيبي واجدة 

راحو فالكورتاج اكثر من 40 طونوبيل قلبوها وصلو لدار سيليا دخل رؤوف ليها لقاها واقفة لابسة الروبة مفصلة لاطاي تاعها خزر فيها و حس بإحساس غريب قرب ليها باسها من راسها و خرجها راحو لمكان العرس ( قررت سيليا دير العرس في شط من الشطوط ) و رؤوف طبعا قبل البلاصة كانت تقتل طريق طويلة مفروشة بالورد و نجوم البحر يمشو عليها العرسان وصلو قعدو فالطابلة يكتبو الصداق و الكل فرحان بيهم خاصة سيليا الفرحة باينة من عينيها 

ر: دقيقة عمري صونالي تيليفون urgent 

س: ماطولش 

راح و جبد باباه على جنب 

ر: بابا حقك الي ضاع بعد 5 دقايق نكون استرجعتو و انتقمتلك

الحلقة10

حميد: رؤووووف !!! يعيشك يا وليدي بركينا من هاذي الهدرة ماتقوليش راح تتزوجها على .... 

رؤوف راح و خلاه يهدر قعد فالطابلة 

- انت رؤوف *** ابن حميد*** هل تقبل ب سيليا *** ابنت لحسن *** زوجة لك في السراء و الضراء في الصحة و المرض ؟ 

رؤوف: نقبل 

يووووويييوووووي 

-انت سيليا*** ابنت لحسن *** هل تقبلين برؤوف*** ابن حميد***  زوج لك في السراء و الضراء في الصحة و المرض ؟ 

س: اقبل 

- هل تشهدان على هاذا ؟ 

نعم 

اعلنكم زوج و زوجة 

باسها شطحو خاصة سيليا بردت قلبها ههههه جابو الڤاتو قطعوه كلاو و قعدو يشطحو غير هوما زوج حتى شافت باباها جاي من بعيد راح ليها عنقها و هي تان توحشاتو بزاااف حكاو و رؤوف وجهو تقلب كي شافو ولا مايضويش جبد سيليا على جنب و قالها هيا نروحو كي كانو مروحين شدها باباها قدامهم كامل و عطاها مفتاح تحسبو مفتاح دار بصح تفاجئت كي قالها مفتاح معرض سيارات سباق فتحولها فالترك  قريب بكات من الفرحة عنقاتو و شكراتو شدلها رؤوف يدها و داها لطونوبيل راحو للاوتال وصلو للشومبر هزها شدت في رقبتو و دخلها غلق الباب  حطها فوق السرير و قرب ليها غمضت عينيها من بعد بعد عليها ووقف 

ر: هههههههههههههههههههه 

س: ههههه علاه راك تضحك 

ر: ههههههههع ( يضحك بقهقهة) والله راكي غايضتني تع الصح ههههههع

س: ههههه و علاش ؟ 

ر: بسك حابسة تصدقي كلش 

س: رؤوف مفهمتش شي 

ر: ماتخافيش ضرك نفهمك حبي 

س: واش بيك رؤوف ؟ 

ر: تحبيني ؟ 

س: ههههه و علاه تزوجت بيك لوكان مانحبكش ! 

ر: امممممم ملييح 

س: و انا تحبني ؟ 

ر: بكل برود لالا 

س: ههههه تحبني 

ر: قتلتك لالا لالا مانحبكش بسيف ولا ؟ 

س: هههه و علاه تزوجت بيا مالا ( تحسبو يضحك معاها ) 

قرب ليها و حط يدو ورا خصرها 

ر: باه ننتقم !!! 

س:...... 

ر: وعلاه سكتتي ؟ 

س: رؤوف حبس هاذا اللعب تعيش 

ر: كيما تحبي عمري اصلا انا قررت اليوم نحبس هاذا اللعب و التمثيل تاع انا نحبك و خرطيي !! 

س:رؤوف ! 

ر: قوليلي شحال تعطيني علامة على تمثيلي والله اقنعتك بلي نحبك و وقعتي في فخي و ماني تاني هههههههه مسكينة عند بالها نحبك صح ياو انا الي قلتلها تجبد معاك موضوع زواج معايا ههههههه تشفي علابالك ؟؟ 

س:راك في عقلك ؟ 

ر: ولله غي راني في كامل قواي العقلية شيري تحبي نفهمك نفهمك من الأول حبي 

س: ....:

ر: بسم الله .... بابا قبل كان شريك مع باباك خدمو شركة و نجحت بصح باباك من بعد بسبت افعالو فلس الشركة و خذا كلش بابا ماقدرش يتحمل هاذا الشي بين نهار و ليلة راح يهدر مع باباك قالو كلام خلاه يتشل بعد ماتشل بابا باباك هرب و دا معاه كلشي كان عمري وقتها 7 سنين يما تعذبت بزاف و اختي ... كامل تعذبنا حتى تبع بابا العلاج و بعد 9 سنين باه تحسنت حالتو و قف على رجليه !

س: و انا واش ذنبي ؟؟؟؟؟؟؟ (تعيط) 

ر: باباك !! باه نعذبو كيما تعذبنا احنا 

س:وعلاه وعلاه ؟؟!! (تبكي و تخبط فيه) 

حكملها يديها و قالها 

ر: ماذابيك يديك ماتزيديش ترفعيهم ولا نكسرهملك اايييه وجدي روحك للعذاب مازال ماشفتي والو .... 

طبعها طاحت فالارض و خرج طربق الباب وراه قعدت فالارض تبكي حتى حست براسها راح يطرطق و ولات تشوف فلو راحت تطايح لبوشاتها جبدت الدوا شربت رقدت 

الصباح جا داخل دخول الفاتحين الكرام هههه كانت راقدة فالارض بالروبة تاعها نوضها بالعياط اليوم لازم يسافرو لامريكا ( تفاهمو من قبل يوم بعد العرس يروحو لامريكا) هي تكمل قرايتها و هو خدمتو تما

الحلقة11

ر: نوضي !!!!!! 

س: .... 

فاقت ماحبتش تهدر معاه راحت ديراكت للدوش تدوش كملت لبست قشها و هبطت لقاتو يستنا فيها بالطونوبيل ركبو و راحو ديراكت لدار العايلة ودعوهم و خرجو 

____فالطونوبيل____

سيليا دايرة براسها للشباك و تبكي ... واحد مايهدر معا الثاني 

 ر: واش مرتي مش عاجبك الحال ؟ 

س: ..... 

ر: ماذابيك تحبسيلي رب هاذو دموع التماسيح بسك مايدورولي والو !! 

س: .....

س: رجعني !! 

ر: واشنو ؟ ماسمعتش مليح 

س: مانحبش نروح لامريكا رجعني !! 

ر: ههههههههع والله شابة هاذي ... نفكرك ؟ راكي م.رت.ي  وين نمشي تمشي يا لالة 

س: حرام عليك تعذيب فيا :'( 

ر: ههههه  مازال ماشفتي والو هني روحك و امسي رب دموعك و اهبطي وصلنا 

عفست على قلبها و هبطت طلعو الطيارة و راحو ... كرسيها بعيد عليه شوي تهنات منو راحت قعدت و دارت الكيتمان في وذنها و هو يعس فيها طبعا 

وصلو ... حياة جديدة و معاناة بزاف بالنسبة لسيليا وحيدة تماما ثما :'(  هبطت تكر فالباڤاج تاعها و هو مخليها خرجو لقا السيارة الي وصا عليها ركبو ووصلو للدار ، فيلا صغيرة و باهية دخلت ديييراكت لوحد البيت صغيرة غلقت الباب على روحها ماهدرت حتى كلمة معاه بدلت قشها و ترمات فوق السرير رقدت 

رؤوف كي وصلو راح لبيتو ( دارو كان ساكن فيها العام الي فات ) بدل و خرج ماشافهاش مام با واش تحتاج فاقت على 10 تاع الليل خرجت من البيت تمشي بالشوي مالقاتوش هزت تيليفونها و عيطت لسيلدا صحبتها 

سيلدا: سلاااام يا عروسة 

س: :'(  اهيييئ اهييييئ 

سيلدا: واش بيك o_o 

س: مايحبنيش 

سيلدا: واش صرا فهميني 

حكاتلها كلش من الاول للخر 

سيلدا: شوفي خليني نخمملك في حل و نقولولك من بعد 

س: انشاء الله 

سيلدا: سيليا ماتقلقيش روحك ... علابالك كي تزعفي و تتنازفاي راسك ... 

قاطعتها س: خلاص خلاص 

سيلدا: ماخلاصش -_- لوقتاه راح تبقاي غير بلي كالمون ؟؟؟ ارواحي ديري لوبيراسيون تاعك !! 

س: خلاص سيلدا مش وقتها .. ايي جا من بعد نحكيو بااي و كوبات دخل للدار يخبط 

ر: وييين راككيييي !!! 

س: واش تسحق راني هنا 

ر: شوووف تكسل فمك اعرفي كيفاه تهدري معايا يا وسمك 

س: ههههههه لاه شكون انت ؟ 

ر: راجلك حبي 

س: لالا راك غالط انت جيست واحد كذاااب و خداااع 

ر: ماتهدريش هدرة اكثر منك تندمي عليها 

س: واش دير تضربني هاني قدامك اضرب !! 

ر: مانوسخش يدي بواحدة كيفك !! خامجة و ق**** 

س: ... 

ر: عند بالك اناااا رؤوف نتزوج فضلة الرجالة ؟؟؟ هههههه والله شابة هاذي 

س: انا خامجة :'(  ؟؟ 

ر: تسقسي فيا ؟؟؟ 

س: والله يا رؤوف غير ندمك على اليوم الي الي خدعتني فيه ندمك على هاذي الكلمة لوكان ماتجيشنيش تبكي و تطلب فالسماح مانتسماش طاحت دمعة من خدها و طلعت تجري تبكي :'(  بقا واقف و مبهور من كلامها و جرءتها خرج يسهر كي العادة و هي في بيتها تبكي و تنوح راسها راح يطرطق قد ماشربت دوا ماحبسش عليها لبست و خرجت على 1 تاع الليل تمشي فالطريق شادة راسها بن يديها تشوف فالدنيا فلو حبست طاكسي و راحت للسبيطار مع وصلت ديراكت طاحت قدام الاستقبال جاو هزوها و دخلها الطبيب يفحص فيها 

رؤوف روح للدار حسب الي هي في بيتها راح دخل ماكانش حوس فالدار كامل مالقاهاش عند بالو هزبت و راحت للترك و لا رجعت للجزائر بصح كواغطها و حوايجها مازالهم تنارفا و بدا يعيط 

ر: ق******* خامجججججة تخرجي في نص الليييييل و الله ماتندمييي !! 

سيليا بعد مافاقت و كان الطبيب فحصها 

س: دكتور تعيش اكتبلي كاش دوا و خليني نخرج 

- بصح يا مادام حالتك ميش مليحة !

س: علابالي بكلش اكتبلي دوا و خليني نخرج 

- كيفاه حتى صرالك ... 

س: دكتور قتلك اكتبلي دوا بلييز خليني نخرج 

- اوكي كيما تحبي 

كتبلها دوا و خرجت جازت على الفارماسي شرات الدوا و روحت وصلت لقاتو يستنى فيها و يرحي فالدخان  كي سمعها دخلت 

ر: ربك وين كنتي

س: خليني الله يحفضك منيش قادرة على الباڤار معاك ( بصوت ذبلان) طلقها من يدها طلعت و خلاتو

الحلقة12

ر: كي نكون نحكي رببك ارواااحي !! 

س: بون نوي 

ر: راكي مزوجة يا لالة و داخلتلتي للدار في النصاص الليلي وين كنتي ربك اهدريي ! 

س: حاجة ماتخصكش كي انا مانسالش فيك وين تروح وين تجي علا قداه تخرج و علا قداه ترجع مالا انت تاني ماتدخلش فيا !! 

ر: صار هكذا !! ضرك يبانلك هاذا الكلام 

طلع ليها جبدها يجر فيها من يدها 

س: اطلقني يا مهبول يا حيوان 

ر: ضرك تشوفي المهبول 

دخلها لبيتها نحالها البيسي و التيليفون غلق عليها و دا المفتاح معاه 

س: حل البااااب حل ( تخبط فالباب بيديها) 

ر: كي تعرفي تهدي معا راجلك نحلك الباب 

س: يا كلب حل الببباب يا زبل انت ماكش راجلي انا واحد كذاااب و خدااع 

ر: كالم توا حبي 

راح و خلاها تخبط و تعيط .. تعبت من المحاولة معاه طاحت فالارض و رقدت 

رؤوف كان يشوف فيها من الكاميرا الي ركبهالها في بيتها كي كانت هي برا تردد باه يروح يشوفها كشما صرالها بصح قال والله مامفتحلها تبقى هكذاك حتان تتربا كي شافها فاقت راح وجدلها الفطور طلع فتح الباب و حطلها الماكلة 

ر: راني نخمم فيك شيري 

س: ....

ر: ابقاي عاقلة و ماديريش المشاكل مايصرالكش هكذا قرب ليها و حطلها الفطور قدامها غمزلها و خرج غلق الباب هزت البلاطو خبطاتو على الباب و قعدت تفكر كيفاه دير معاه 

ًراح لبيتو حل البيسي و بقا يتفرج عليها من الكاميرا هي كانت قاعدة تخمم حتى لقات الحل !! 

س: لوكان مانهبلكش يا سي الشباب مانتسماش وقفت و راحت دقدق فالباب 

و: واااش خصك ؟ 

س: تعيش افتحلي والله مانخرج 

ر: مانحلش ! 

س: والله غير نبقا عاقلة 

ر: مانحلش تسالينيي ؟؟ 

س: حرام عليك 

ر: قودي -_- 

جازو 4 ايام و هو مايخليهاش تخرج من بيتها غالق عليها بالمفتاح 

فتح الباب و دخل كانت راقدة 

ر: نوضي .... سيليا نوضي !!! 

س: ..... خليني نرقد -_- ..... يااا فتحتلي الباب 

ر: نقدر نفحتولك اذا طبقتي واش راح نطلب منك