احلى اسرار تخلي كشرودك يموت فيك

ايا بنات تعالووووو ههههه ليوم موضوع هايل بزااف 

اليوم نقلكم احلى اسرار تخلي كشرودك يموت فيك 

انشاء الله برك نفيدكم 

1- اول حاجة يالبنات ومتزوجات اهم شي تكوني بيبي وطفلة صغيييييييرونة في تصرفاتك معاه ماشي تقولي لالا وراني كبيرة ومكاش كيفاش اهبطي 

شوفي لولاد الصغار كيفاه براءة وفي نفس الوقت قلشي روحك كيما البيبي هههههههههه 

2_مثلا اذا كنتوا معروضين عند اهل راجلك ولا حتى داركم ردي بالك تنساي كشرودك مهما كانت القصرة والضحك راهو يلاحظ فيك 

زعمة راكي قاعدة مقابلاتو اعطيه وحدة الخزرة هههههههه علبالي بيك عندك خزرة واعرة يامحاينك هههه اذوب الجليد خلينا مرة على مرة اخزري فيه خزرة ترجعو مجنون عليك ومنين ذاك واطلقيلو تبسيمة هههههههه ماشي حتى تبانلك ضرسة العقل قلت تبسيمة برك هههههههههه 

3- واذا كنتم معروضين على الغدا ولا العشا ماشي تدخلي على الماكلة تقول عليك خرجتي من غار الشر ههههههه وتنسايه لازمك تكوني رزينة بماكلتك ماشي تقولي راهو موالف بيا كيما شافني ناكل نورمال 

وطول مراكم تاكلو اعطيه نضرات وابتسامه دلوعه على خاطر الرجال يموتوا على النضرات الي تجننهم ههههههههه نضرات العيون متنخلعوش مرة على مرة وندخلهالكم لغة عربية فصحى 

4- انتبهي للقعدة الي تكوني قاعدها ماشي تروحي ترخي روحك كالعجوزة وتدخلي في بعضاك هههههههه

اقعدي قعدة حلوة وزينة لازم تكوني واثقة من روحك حطي رجل على رجل اسناي ماشي تكوني لابسة القصير وتقعدي هك ههههههاااااااااااااااااا نندب لالا 

حنونتي متكثريش على راجلك من الشكاوي بزاف حبيت نقول ماشي كل اليوم الذراري هبلوني عياوني ولا عندي القش والله ماغسلتو ردي بالك متقوليش كامل هكذا بالمثال قوليلو ولادك هبلوني كيما راك مهبلني انت بحلاوتك خليه دايما يحس بيك نشييييييييييييطة 

شعرك اضربيلو جبدة مليحة خليه وحدو وحدو يقولك ياعمري على شعرك 

ايييييييه متخليش شعرك ديما ملموم كي الحاجة بنتك عجبتني ههههه اسمحولي تفكرت الغنية احم احم ههههههههه خلي شعرك ديما مطلووووووووووق ومسشور ماشي تقولي والله ماقدرت نجبدو وعيييت اهم حاجة شعرك يكون طايح على وجهك شوية ماشي حتى تعودي متشوفيش هههههههه وطايح على رقبتك وريحتو تهبل علبالي بيك قافزة راني غير نفكر فيك هذا مكان خخخخخخخخخخخخخخخ 

ريحتك اهم حاجة ديمة ديري الريحة في رقبتك ورى وذنيك حاجة باينة جسمك كامل مي هذي الاماكن راهي خاااااااااااااصة بزااااااااااااف 

اذا حبيتي راجلك حنونك يحبك ديمة قوليلو يماك حنينة ومليحة وحتى كانت العكس 

قوليلو راني حاسة داركم كيما دارنا هههههههههههههه معليش شوية اكاذيب باش تعيشو ههههههه هو هنا والله العظيم راح يرتاح 

اذا كان جابلك عشا واجد من برى قوليلو يعطيك الصحة عمري والله كنت حابة ناكل الشوااارما ااااااااااااي تفكرت الشوارما دوك نقول لخويا يجيبلي سندوييييش هههههههه قوليلو علبالي راك تخمم فيا وحتى حاجة متخليهالي في خاطري حبيبي وافرحي بالعشا وكولي وكليه معاك انتي تاكلي وزيدي اشكري فيه صدقيني راح يجيبلك كل يوم هههههه بصحتك تاكلي على ظهري ياوحد الحلوفة هههههههههههه متزعفيش مني راني غير نزعق 

ههههههههههه الشوارب وما ادراك ماالشوارب لازم شواربك يكونو ديما موردين كيما تع ليبيبي ماشي تحطي فازلين وتقولي خلاص رطبتهم هههههههه راه كاين الماجيك على كل الوان على خاطر شواربك راهم ياثرو على اللراجل ياالمجنون

ميساجاتك فالتلفون خليها ديمة كوووووول كيما نقولو هو فالخدمة ابعثيلو ميساج حبيبي منيش مصدقة وقتاش ترجعلي للدار راني متوحشاتك بزاف بزاف توحشت ريحتك وصوتك فالدار 

لازم تكوني جريئة معاه راجلي حنوني توحشت حضنك الدافي توحشت حنانتك عليا الخ راكي فاهمة ماشي تقولي نحشم دوك نجي نضربك ههههههههه 

نسيت حاجة اذا كنتو في داركم انتي ولا دارهم وانتوما قاعدين ابعثيلو ميساج وقوليلو راني حابة نحضنك ههههههههه ونقولك وشحال نحبك ولا قوليلو ريحتك هبلتني حبيبي,

الهدرة في هذا الموضوع بزاف طويلة راني لخصت هذا مكان وحطي في بالك اذا حبيتي راجلك يقلشك ويحبك قلشيه انتي واصبري عليه 

وفي الاخير ان شاء الله يكون الدرس تع اليوم عجبكم

نحبكم