اوهمها بالحب و تزوجتها للانتقام الجزء السابع

الحلقة25

سيلدا: شششت بعيد الشر علييك

س: حبيت نوصيكم قبل مانروح لأمريكا اذا كشما صرالي نحبكم تكملو البروجي تبنو الملجأ و تسميوه بإسم جداتي عنقتهم في زوج و بداو يبكو هي و سيلدا

أوزان: محمد (الدكتور الي متبع حالتها) يضال يسقسي عليك اذا عملتي العملية ولا لا

س: نروح نشوفو قبل مانرجع و منها ندير كونترول

اوزان: ان شاء الله

و قبل ماتروح راحت لمحمد حتى هو صديقه بصح مش مقرب كيما اوزان و سنان في عمرو 33 سنة بعد مافحصها

محمد: ياا سيليا ماتعانديييش العملية لازمك تعمليها ف اقرب وقت جسمك ماعادش يتحمل

س: كي يكمل المشروع ندير هاذي العملية ان شاء الله ماخلاتوش يحكي و قاتلو ايا باي خرجت راحت تعشات آخر عشا مع بعض هي سنان اوزان سيلدا و رؤوف ... تعرفو برؤوف مليح و سيلدا كانت تسخر منو بزااف ههه و هو فايقلها

سنان : وين رحتو ليوم

اوزان: وصلت سيليا لعند دكتورنا دارت كنترول

س: ...... تڤحرلو بعينيها

سنان: واش قال ؟؟؟

اوزان: قالها حالتك مش مليحة

س: اوزان اسكت !!!

رؤوف: ....... فهم عليهم

اوزان: و قالها قادرة في اي لحظة تروحي فيها

س: اوزااان اسسككت !!

اوزان: قالها لازمك ديري العملية قاطعاتو كي خبطت الطابلة و ناضت

س: اوزززااان بببلللععع !!!! و خرجت راح وراها اوزان و سنان سيلدا بقات مع رؤوف مشوكيين

رؤوف: واش بيها ؟ ( بالانجليزية)

سيلدا: روح شوفها يا أويكوز * ثور *

قام جا رايح رجعلها و قالها بالتركي

ر: ثور يدقك ان شاء الله

فتحت فمها يعني يفهم تركي طول هذي المدة و انا نبهدل فيه و هو فاهمني

الحلقة26

راح يشوف في سيليا لقاها تداوس مع اوزان من بعد عنقها اوزان و قالها اسمحيلي راح رؤوف جبدها من يدها و قالها ودعيهم لازم نروحو ودعتهم و ركبو لامريكااااا

وصلو ميتيين بالتعب الرحلة طولت رقدو للزوج رجعو للروتين تاعهم قبل هي قراية و هو خدمة ....

* عيد ميلاد سيليا *

فاقت الصبااح لقاتو فالكوزينة يشر في قعوتو استنات يقولها عيد ميلاد سعيد بصح ماقلهاش راح يخدم بلا ما عبرها زعفت و قالت هاذا اكيد مازال في بالو حكايت الانتقام راحت تقرى الكل عايدوها فالجامعة روحت لقات مرا قاعدة فالصالون

س: شكون انت ؟؟؟؟

- انا بعثني مسيو رؤوف يعني انا حفافة :*

س: علاه بعثك ؟

- نستيكيك قالي على 8 نجي نلقاها واجدا عندنا عرس صاحبي

مسكينة كان في بالها راح يعملها مفاجأة لبست روب سواري ميني لونها بوردو عندها غير كتف واحد منفوخة من تحت صباط بوردو طالون و بوشات كحلة دارت من فوق فاست كحلة بسك كان البرد طلقت شعرها عملاتو مكسل من فوق و من تحت مموج دارت ماكياج زادت زياانت وصلت 8 جا رؤوف لابس كوستيم و الحطة حطة شافها عض شفايفو قرب لبها ديييراكت باسلها راسها مافهمت والو خرجو راحو لوحد الصال قالها هنا عرس صاحبي اهبطي ضرك نجي هبطت دخلت الضواو طافين تقول ماكاين عرس السكااات

س: رؤوف !!

فجأة شعل الضو

Happy birth Daaay To Youu <3

ماتت بالفرحة جاها رؤوف يضحك يا يما ذيك الضحكة تهبلها عنقاتوو بدات الحفلة جابو القاتو قسموه وكلها رؤوف وكلاتو شطحو مع بعض حسانو انسان وحد اوخر راه هاذاك الوحش الي كان يعذب فيها كان قاعد معاها عيطلو صاحبو راه ليه خلا تيليفونو فوق الطابلة جاه ميساج ماحبتش تشوف طول قالت ايا والله غير نشوف فتحت لقات ميساج من نائل

نائل: اليوم عيد ميلادها ال 20 كاش خطة تعذيب جديدة ولا شريكي ؟؟

الحلقة27

ماصدقتش الي قراتو يعني نائل من الاول يعرف قرات لي ميساج القدم لقات بلي يسب فيها و يقول عليها خامجة و تسواش هبطت دمعة من عينها بلا ماتحس وجعها قلبها حطت التيليفون و خرجت ركبت في تاكسي و راحت للدار طريق كاملة و هي تبكي وصلت راحت للجاردان و قعد بدات تصب المطر ... رؤوف بعد ماحوس عليها فالصال و مالقاهاش قال اكيد روحت روح لقاها واقفة فالمطر راح يجري

ر: سيليا تمرضي لبسها الفاست تاعو

س: لالا مليحة المطر بالاك يكون عبد موسخ تغسلو تنظفو قرب لبها عنقها هزها بين يديه و طلع بيها لبيتو حطها جاب المنشفة و قاعد ينشفلها في شعرها هي مرخية بين يديه كل مايقرب ليها تنسى نشفلها شعرها و بدا يمس في رقبتها بالشوي غمضت عينيها و ترخفت قرب ليها باسها من رقبتها دورها ليه و بدا يبوس فيها من شفايفها كانت كي الميتة بين يديه كسلها على السرير و جا فوقها مرك يبوس مرة يعض

ر: سيليا ... نححبك

س:.......

ر: عشقتك يا الرب و بدا يبوس فيها بلهفة

للحظة حاولت دزو عليها كي تفكرت الي فات قالت اكيد يكذب عني اليوم مبيتني معاه غدوة يسبني و يتهمني

طلع فوقها لسق فيها و دار يديه ورا ضهرها يفتحلها فالروب

س: خليني رؤوف تعيشش انت ماتحبنيش راك دير هكذا باه تخليني نتعلق فيك و تروح ( تبكي)

ر: و الله يا سيليا غير نحبك ... نحبك عمري ماذيريش هكذا اعطيني فرصة و راح نعوضك على الي فات رح نعيشك احلى عيشة

استسلمت لكلامو و لماساتو فتحلها الروب هبطالها و بقا يبوس فيها من كل بلاصة ليلتها صرا الي صرا ( مقطع محذوف رانا في رمضان هههه ) شحال فرح كي شافها صبية سايسها بزااف و كان حنين معاها دخلها في عضامو. و رقدو فاقت الصباح طوول تبكي مازالها دايرة في بالها بلي راه ينتقم بصح هو حبها و عشقها صح استمتعت بآخر لحظات في حظنو قرب لييه بااستو و ناضت لبست قشها باستو باه تشبع منو هزت الشوميز تاعو تفكرها بيه كتبتلو ورقة و راحت

ناض متأخر مالقاهاش في حضنو لقا ورقة قدامو

سأرحل لكن هذه المرة سيكون رحيلا الى ارصفة الضياع انساني !!

لبس و راح يجري حوس عليها مالقاهاش رجع للدار كسر كلش هز الروبة تاعها عنقها يشم في ريحتها و طاح فالارض يبكي ....

الحلقة 28

* بعد شهر*

سيلدا: سيليا لازم تجي توقعي على ورقة خاصة بمشروعك

س: مانقدرش نجي لتركيا اكيد رؤوف راح يعرف

سيلدا: لوكان ماتوقعيش عليها تعبنا الكل يرووووح فالريح

س: نحاول ايا باي راني خارجة ضرك

سيلدا: باي

* قبل شهر* بعد ماخرجت من الدار راحت للمطار سجلت رحلة للجزائر و اخرى للترك رؤوف راح للمطار سقسى قالولو راحت للترك و سقسى قالولو راحت للجزائر شهر كامل و هو من بلاد لبلاد يحوس عليها كي الهبول هي كانت مازالت في امريكا هاذا النهار مخبية كي عرفت بلي راح للجزائر يحوس عليها ركبت في طيارة لإيطاليا و راحت ....

* الحاضر *

بعد ماغلقت التيليفون راحت حجزت رحلة للترك و قلعت

سيلدا: يااا توحشناك بزااف ... سيليا واش بيك مشيانة هكذا ؟؟؟

سيليا: لا والو تع برك هيا نروحو نوقعو الورقة باه نشوف يما و نرجع