كيفاش تتعاملي مع خطيبك باش يبقى دائما مدايرك ملكة نتاعو

كيفاش تتعاملي مع خطيبك باش يبقى دائما مدايرك ملكة نتاعو  خخخخخخ

المهم شوفي يا لكشرودة حاجة اللولة

الراجل يحب المرا لي يحس معاها برجولتو يعني يحب يحس بضعفها قدامو مي شوية ماشي حتى تولي لعبة في يدو

مثلا مع اللول جادليه شوية و ممبعد خلي هدرتو تجوز طبعا نحكي على الامور العادية ماشي فالحرام احيانا كي يعيط عليك بينيلو شوية بلي داقتلك و اطلقي شوية دموع التماسيح يولي يحسك بريئة و هو رجلة زعمة و يولي حنين معاك

في حياتك و لا تقارنيه مع راجل اخر حتى و لو كان ممثل و لا لاعب ولا عن سبيل المزاح فقط و الله مايحبوش هكا

شاوريه في امورك حتى لبستك و قرارتك حتى و لو مراكيش رايحة ديري رايو مي خليه يحس بلي عندو قيمة في حياتك 

ابدااا ما تحكيلوش على مشاكل داركم و متكونيش نكدية غير تشنفي و تشكي و مام مشاكلك الخاصة ماتحكيش كلش الراجل يحب المرا الغامضة لي يكتشف فيها كل يوم حاجة جديدة و لي تكون تكتم اسرار دارهم

اذا كان حبيبك فقط متخليلوش حرية كاملة في التصرف معاك ديري شوية حدود

ابدا ماتمسيلوش رجولتو و عائلتو بالاكي مثلا تقوليلو نتا ماشي راجل لانو مستحيل يجوزها هادي يرجع مجرم هههه كي يسمعها

سقسيه دايما على دارهم و كي يحكيلك كاش حاجة ما تقعديش تسقسي فيه كثر يقول قرعاجة و قبل ماتمدي رايك قولي اذا تحب رايي انا نشوف هكا و هكا

بينيلو بلي ترضاي بلقليل متحكيش بزاف على دراهم  و الحطة و الفيلات ووووو...

دايما بينيلو حنانتك و خلي صوتك حنين كاين شي بنات يسبو و يطيحو فالهدرة هذا شي يخليك اطيحي من عينو

تهلاي تم تهلاي في روحك اولا البسي ملابس متناسقة شابة مي مستورة 

اكره حاجة عند الرجال هي هذاك الطابلو تع الماكياج لازم تكوني فايقة ديري ماكياج خفيف قيس ماتخبي عيوبك شوية كحول ههه هو اهم حاجة و اذا حبيتي كاش ماتزيدي خيري الوان ناعمة روحي شوفي الماكياج تاع احلام و ديري عكسو تماما 

كي يقولك ماديريش كاش حاجة و تشوفي بلي عندو الحق فيها مثلا يقولك ماتلبسيش مزير متزيديش ديريها 

بينيلو بلي كاين غير هو في حياتك و بلي تهتمي بيه نعاود نقول هذا كامل و اعرفي بلي لازم تقلي روحك شوية و كي يجيبلك كاش حاجة اشكريه و عاودي

دايما اتفكريه بميساجات رومانسية و اخبطيه بكلمة توحشتك و نموت عليك ساعة ساعة 

ماتكتريش الهدرة فالتيليفون معاه هكا تلقاي واش تهدري و باه متملوش و تتوحشو بعضكم بعض

بينيلو شوية حشمة حتى و اذا كنتي متحشميش هههههحالة خاصة نتي يا كشرودتي 

- متقولوليش راكي مقصرة معانا ، راني نجيبلكم في المواضيع من كل مكان لافوت فيكم