سلام حباباتي جبتلكم موضوع زين ليوم لفحلات راح يكون موضوعنا على الطفلة لي يجوها لدار راجلها يشوفوها اول مرة كيما تعرفو لازم عروستنا تكون عندها قيمة وقدر اهبطي اهبطي لتحت تقراي وبلاكي طيحي خخخخ
اول حاجة نبداو بيها جمالك يا حنونة علبالي بيك كشرودة ومقردة هههههههه بو نبداو
الشعر نهار يجيوك يشوفوك متروحيش تحكمي شعرك تندبيلو وتقطشيه شعرك ديريه بسيشوار واطلقيه خليه سامبل وعادي اوك حنونة علبالي تحبي تكوني زينة تاني حاجة #وجهك مش تروحي تعمري وجهك فوندوتان تقول جابدينك من لوزين تاع فرينة لالا حنونة حنا قلنا عروستنا تفهم وفحلة ديري فوندوتان تكون كيما لون بشرتك تكون كريم خاطر كاين لي وجهها فيه لحب يعني وكان دير تاع لغبرة تقعد باينة ديري كريم خير و مسحيها مليح متخليهاش باينة تبهدل هههه وفاغاجو متروحيش تحكمي تهرديها ديري غ شوية ويكون لونو كلاغ مشي هدوك لحومر لغامقين يخي علبالك يبداو يهدرو معاك دار راجلك تحماري وحدك من لحشمة يا عمري علبالي راك تتخيلي فيها خخخخخ. ثالث حاجة
العينين انا بصفة خاصة نحب ندير شوية كحل ورسيل برك ولي عينيها صغار دير اي لاينر باه يبانو كبار والاي لاينر ديريه خط رقيق برك فوق لعينين اوك لعميرة صحيتي بريكيتي لفحلة دوكا
الحواجب مش تروحي ترسميهم بكرييو لكحل يولو يبانو بالية نو حنونة خليهم سامبل ولي حواجبها خشان كي حالتي تلقطهم بصح مش تاكليهم بلقاط ههه نحي غ شعرات زايدين
الفم ديري ماجيك تاع 24 سا متغمقيهش ياسر ديري اباااان برك
خلصنا دوكا من لوجه نولو لاهم حاجة ولي هي اللبسة كاين بزاف بنات كي يجو دار شيخها يشوفوها تروح تشريلك قفطان وحوايج تاع عراس نو هوما جايين يشوفوك برك يعني كوني سامبل ركزولي على سامبل البسي قندورة تكون زينة باهية لعدتي فصيف البسي قندورة باردة وكان عدتي فشتاء البسي قندورة قطيفة وكيما قتلك تكون زينة ومتحوفة وكاين واخطينا من لبسة لكلاسيك هديك نهار يجي يدرلك لخاتم راك تلبسي لكلاسيك اوك حبوبة
دوك نحكو عليك يا عروستنا زينونة وخاصة تصرفاتك مش من يجو دار شيخك تروحي تجري تجمعي معاهم هههه لالا خلي داركم يدخلوهم لصالو ويضيفوهم ويحكو مع بعضاهم راكم عارفين نتي خلي حتا ساعة ولا نص ساعة الاخيرة ودخلي هزي معاك حاجة فيدك مش تجري ليهم هكاك سعيدة فرحانة خخخخخخ ادخلي حطي سينيتك ولا لعفسة لي جبتيها معاك سلمي عليهم كامل وتبسمي حنونتي روحي احكمي بلاصة متقعديش كي لمدودة تحركي من ومن هههههه قعدتك لازم تكون مليحة يعني هزي راسك لفوق بصح مش تقطعي رقبتك خخخ كتافك تاني هزيهم مش تقعدي مطلوقة حطي يد فيحجرك ويد فلفوتاي وتبسمي حتا ومش من قلبك ههععع و متشركيش فمك ها حلي عينك اقعدي ساكتة كشما يسقسوك جاوبي مسقساوش متهدريش وكي تجاوبي جاوبي بحنانة تمسكني خخخ علبالي تعرفيلها يالبريكية لفحلة
دوك كي يعودو خارجين متنسايش تسلمي وياك علبالكم ميخرجوش يديهم فارغين اي ماماك تعرفلها لمهم حباباتي وصلنا لنهاية لموضوع تاعنا ليوم ركزولي على انكم تكونو سامبل ثم سامبل ثم سامبل قد متكوني سامبل تزيدي تعجبيهم و تصرفاتك تاني كيما وصيتك خلي روحك بهيبتك وقيمتك واحد مايوصلك ونشاله ربي يصلحلك ويهنيك كشرودتي .لخطرة لجاية نهدرو عل نهار يجي راجلك يديرلك الخاتم خخخخ علبالي راكم تسناو في لموضوع هدا خربشتلكم ليسونتيمو هههه
نحبكم كشروداتي مموووااح
حبيبة عجبتني هدرتك و نصايحك ربي يحفظك لكن عندي ملاحظة صغيرة ، التلقاط حرام مهما يكون مالا ماكالاه تقولي لقطو لانو الذنوب تدي منها نتي ثاني .. و اخيرا يعطيك الصحة تقبلي مروري
ردحذف