الجزء الخامس من اوهمها بالحب و تزوجها للانتقام
الحلقة17
س: وي
ر: اوراحي
راحت تمشي و يدها غلى قلبها حط يدو على الفوتاي و قالها ارواحي اقعدي هنا ( قدامو) راحت قعدت و هي مهبطة راسها ... يكيل فيها من فوق للتحت و يشوف في وجهها و يتبسم فتح ال بوات و جبد بوماد قرب ليها دورها لعندو خلااص ه قريب ماتت هههه فتح البوماد و دارلها على رقبتها و بدا يدهن فيها بالحنانة عينيها في وجهو و عينيه في رقبتها تبسمت تبسيمة خفيفة بقا يدهنلها في رقبتها تقريب ربع ساعة و هي مستحليا لمساتو
س: يا ربي واش هاذا يتقلب كي الجو البارح قريب قتلني و اليوم يداوي فيا بالاك كشما ضاربو جن
رؤوف يمرر في يديه بالحنانة في رقبتها بشوي بشوي هبط لكتافها هبطلهاالذرعين تاع البيستي و راح لكتافها يعمل معاهم نفس الشي لمساتو طيرتها فالسما خلاتها عايشة في دنيا اخرى تشم في ريحتو و تتخيل روحها في حضنو دورها للور ( ضهرها في وجهو) و يمرر في يديه على كتافها قعد هكذاك تقريبا نص ساعة قرب وجهو من رقبتها تحس في نفسو سخون يحرق فيها غمضت عينيها باسها بوسة خفيفة في رقبتها حطلهاشعرها و بعد عليها
ر: ماتزيديش تعاودي الجاست تاع البارح لوكان جات وحدخرى راني جريت عليها في دقيقتها
س: ..... دارت براسها تاع ايه راحت تجري لبيتها طايرة بالفرحة طلعت فوق السرير و بدات تسوطي و هو يتفرج عليها مات بالضحك عليها
جازو 20 يوم رؤف بدل معاملتو معاها و نفس الروتين رؤوف يخدم و سيليا برا مرة مع نيكول مرة مع كرستين معظم وقتها شوبينڤ هههه وحد المرة بقات فالدار ماخرتجش رؤوف مارحش يخدم ذاك النهار لبست روب ميني بيضاء فاست مارون و ڤوداس مارون هزت شعرها الفوق و جات هابطة لقات رؤوف فالصالون يتفرج
س: نخرج نشري و نجي
ر: وين رايحة و واش رايحة تشري ؟
س: رايحة للسوير ماركت خصوني حوايج
ر: خليي نروح انا نجيب
س: لالا منها نبدل على خاطري و انا نعرف واش خص
ر: يوصلك الشوفور ؟
س: لا نسوق وحدي
ر: روحي
خرجت خذات طونوبيل رؤوف و راحت للسوبر ماركت بعد ساعتين رجعن للدار محملة بالشكاير فتحت الباب و دخلت شافها رؤوف
ر: جبتي السوبر ماركت كامل ؟؟
س: ايه -_- و مازال يخصوني حوايج
ر: هيا شوفي كشما طيبيلي جعت
س: باه نطيبلك ماكانش قضيان
ر: و هاذا واش ؟
فتحت الشكاير ههههه غير الشيبس و الحلاوة الڤاطو الجي المادلان و لي كثرت منها الشوكولا هههه تموت عليها من صغرها
س: كول !
ر: هاذا عشا هذا ؟؟؟؟ و ياك قلتيلي رايحة نشري خصوني حوايج !!
س: ايه قتلك خصوني مش خصوك ديجا مانعرفش نطيب و الخدامة ماجاتش اليوم بسك ويكآند و باه تتفنن لروحك كاش طبخة ماكانش المصروف مالا روح كول برا
الحلقة 18
ر: بفففف الصبر يا ربي الصبر هز الفاست تاعو خرج كلا برا و جابلها معاه ...
رجع على 11 تاع الليل دخل بالشوي للدار في بالو راها راقدة يسمع في عياطها
س: يا حمااار اجرييي ليه ازرب ازرب
راح يجري يحسب كاش سراق ههههه
شافها واقفة فالفوتاي و الحالة قدامها غير شوكولا و شيبس و بوب كورن زبالة قدامها ههههه تتفرج في فيلم اكشن تموت عليهم تقول راهي تتفرج في حاجة صح منسجمة مع الفيلم و تشجع فامجرم باه يهرب هههه واقف قدام الباب و ميت بالضحك عليها هههههه ماسمعتوش كي دخل بسك دايرة التيليفيزيون آفون
ر: واش هاذي المزبلة
س: شششت راني نتفرج
ر: ماعليش ياك تقدري تقعدي و تتفرجي بركاي ماتنطي كي الزاوش
س: -_-
ر: نقدر ناكل شوي شيبس
س: كول
ر: و شوكولا
س: لالالالالالالالا شوكولا تاعي خط احمر واحد مايمسها !!
في لحظة شاف سيليا الصغيرة الي كانت قبل تقول ( لالالالا ثوكولا تاعي حط احمل واحد مايمثها ) ضحك و بقا يتفرج فيها كيفاه تسوطي كانت لابسة شورت كحل و وردي اديداس تريكو اديداس قصير شوي لونو كحل شعرها طوماطيشة طايحة
س: هياا تييري عليه و اهرب يا حابس
ر:...... تايه فيها
س: وااااااي يااااي رؤوف هرب هرب المجرم هرب وااااي قفزاتو و بدات تنطط هههههه
ر: بففف الفيلم تاعك سامط كيما انتي
س: ماعجبكش نوض ماكش محتوم تبقا هنا
ر: يا سيدي في داري و تحاوز فيا ديجا هاتي التيليكوموند نتفرج
س: لالا و الله ماتصرا حتان يكمل الفيلم باه نعطيك
ر: قتلك هاتي
س: لالالالالا
ر: جيبي ولا نعرف كيفاه نجيبها
س: اذا عدت فحل قرب
ر: ......
س: هههه خواااف
ر: .... شوفي اطونسيون تتحركي كاين عفسة في شعرك عندها جنحين
س: ..... اااااااااااههه ويييين رمات كلش الشيبس و الكوموند و ولات تسوطي كي رمات التيليكومند رفدها رؤوف و قالها ببيييو شكون الخواف
س: يعني ماكان والو في شعري ؟؟
ر: اييه عههههههه
س: ياا كذااااب رمات عليه البوب الكورن كامل
الحلقة19
س: ياا كذااااب رمات عليه البوب الكورن كامل
ر: سيلياا حبسي
س: ماهاا رجعلي الفييلم
ر: بركاي ماترمي فالبوب كورن
س: و الله ماتتفرجها يا رؤوف راحت للتيلي نحات الكابل
ر: رجعي الككابل !!
س: مانرجعش -_-
ر: سيليا رجع ولا ...
هزت الكابل و بدات دور بيه فالصالون كامل و هو وراها ههههع طلعت فوق الطابلة و تبيكات فالفوتاي طاحت و طاح فوقها
س: نوض عني
ر: جيبي الكابل
س: مانجيبش طلعت يديها الفوق و زيرت على الكابل ... في لحظة جات عينو في عينها هو فوقها و هي تحتو صدرو لاسق في صدرها نفسو يضرب في وجهها و نفسها يضرب في وجهو سكتو في زوج و بقاو يخزرو لبعظاهم
ر: جيبي الكابل
س: .... عملت براسها تاع لالا
ر: .......
س:......
ر: عندك شوكولا في وجهك
س: وين ؟
الحلقة 20
ر: هنا .. قرب وجهو من وجهها تبسملها و حط شافايفو على طرف شفايفها و بقا يمص فالشوكولا ياااو اجرو ليههها ماتت ههه
ر: خلاص مسحتها
س:......
ر: مازالت وحدة هنا !
س: .....
قرب من رقبتها و غطس فيها يمص في الشوكولا غرق فيها و في ريحتها السخانة طلعتلو فتح عينيه و بعد وجهو من رقبتها شافها غالقة عينيها قام عليها و راح للتيلي يركب فالكابل ههههههعه
ر: كي نحب نجيب حاجة نجيبها
مافاقت غير على صوت المعلق
- لولولولولو ڤوووول و هدف للريال مادريد
س: ااااااااه رؤووووووف
ر: تخيلي لوكان ديري كاش جاست تنحي الكابل و لا عفسا اخرى نقدر نرجعو بصح هذي المرة غيير غمزلها و ضحك
س: ...... اه لالا بون وي نعست و جات ماشية
ر: ارواحي ديباراسي الحالة
س: نعست لمها وحدك -_- بونوي راحت و عقلها طاير تكسلت و بقات تتفكر فيه حتى هزها النوم
الصبااح
يوم جديد بالنسبة ليها فاقت نشيطة هههه دوشت لبست سروال فار مينيتاز مقطع شوميز بيضا و كحلة سبادري بيضا طلقت شعرها و هبطت
ر: صباح الخير
س: صباح النور... ماتخدمش اليوم ؟
ر: مانيش رايح
س: علاه ؟
ر: في هذي الدار انا الي نسأل ديجا انت الي وين راك رايحة
س: رايحة نشري حوايج جدد غدوة نبدا نقرا فلافاك
ر: اخرجي قدامي
س: علاه وين رايح ؟
ر: معاك ماتخرجيش وحدك
س: اوكي -
......يتبع
ليست هناك تعليقات:
إرسال تعليق