الجزء الثالث : ( لبنات اني كل يوم نحطلكم 4 حلقات يوصلوكم علي 6 متتقلوش حكا باه تتشوقو شوي و تحلا لحكاية )
الحلقة13
ر: نقدر ندخل نشوفها ؟
- طبعا بصح خليها ترتاح
دخل رؤوف لقاها راقدة كي الملاك هي اصلا عندها وجه ملائكي لابسة اللبسة تاع السبيطار خيط السيروم في يدها و كومبراس في طرف جبهتها وين تقاست رايح جاي عنها ماقدرش يقرب ليها هز يدو رجع شعرو للور و خرج بعد 3 سوايع تقريبا فاقت لقات الدكتور قدامها
- حمدلله على سلامتك
س: سلمك ..... اي راسي
- ارتاحي تعرضتي لضربة خفيفة في راسك ماتقلقيش .... هذي ضربة خفيفة بصح من الراديوات الظاهر انو عندك ضربة كبيرة من قبل !!
س: خلاص دكتور خليني نروح ماتكملش
- حالتك رايحة للأسو ... بصفتي دكتور نحب نعرف واش بيك
سيليا جات تقوم ماقدرتش
- ريحي روحك ضرك و شوي شوي نرجعلك
س: دكتور شكون الي جابني هنا ؟
- وصلك المسيو رؤوف ( معروف تما ) و طول الوقت و هو معاك هاذا وين خرج
س: قتلو على حالتي ...؟؟؟؟!؟
- لا ..
قاطعاتو و قاتلو س: تعيش ماتحكيلوش تعيش
- ارتاحي انا طبيب و الطبيب مايخرجش اسرار مريضو
س: مرسي دكتور
- كيما قتلك عندك ضربة في راسك و باين بلي ضربة كبيرة حسسب الي شفت فالراديوات كيفاه حتى صرات معاك ؟
س: نحكيلك بصح ماتقولش ل رؤوف
- كيما قتلك اسرار المرضى مانخرجهمش
س: من عامين صرالي حادث كنت راح نروح فيها بسبب هاذي الضربة لانها جات فالراس
انا طفلة و عايشة حياتي نحب سيارات السباق من لي كنت صغيرة كي كبرت هداتلي ماما وحدة في عيد ميلادي و زدت شريت وحدة ... وحد المرة كنت قاعدة انا و اصدقائي و واحد منهم كيما انا مهووس بسيارات السباق تخاطرنا و قلنا نديرو سباق بيناتنا حنا الزوج و الي يربح يدينا في رحلة طبعا كنا مراهقين و طايشين ... بعد مابدينا فالسباق شفتو يتقدم عليا زدت فالسرعة للأخر و صرا الحادث تقلبت بيا
- تابعتي دكتور على حالتك ؟
س: وي فالترك كاين دكتور تابعت عندو
- نورمالمون قالك على العملية
س: قالي ايه
- مالا يا مدام حالتك راهي رايحة للأسوء لازمك تعملي العملية في اقرب وقت
س: نعملها بصح ماتخبر حتى واحد بهاذا الكلام واحد مايعرف بهاذي القصة
- اهلك ؟
س: انا عايشة معا ماما فتركيا تحديدا في اسطنبول وقت الحادثة كنت في إزمير بحكم اني نقرا بعد ماشفيت روحت للدار و ماقلت لحتى واحد طبعا غير اصدقائي الي علابالهم نتمنى منك تخليه سر بيناتها تعيش ( تترجى فيه )
- اوكي .... نخليك ترتاحي و غدوة نخرجوك
س: مرسي
الطبيب خرج و رؤوف دخل شافتو دورت وجهها لهيه تاع مانيش حابة نشوفك فهمها و خرج راح للطبيب يسقسي عليها الطبيب قالو بلي ضربة خفيفة برك طبعا التزم بوعدو معاها بعد ما رقدت راح رؤوف قعد فالكرسي قدامها ليل كامل و هو يشوف فيها حس بحاجة الداخل تحركت فيه من جيهة يوعد يروحو بلي مايزيدش يأذيها و من جهة اخرى يقول بلي هاذي وسيلتي للانتقام بقا يفكر حتى رقد هو الثاني فاقت الصباح و لقاتو راقد قدامها نسات كامل واش دار فيها و بقات تفكر في ايامات قبل الزواج منين كانو مع بعض منين كان يقولها نحبك و نعشقك هبطت دمعة على خدها مسحتها و قامت راحت غسلت روحها و هبطت درو فالجاردان كي قام و مالقاهاش خاف يقولك تكون هربت اكيد هز الفاست تاعو و هبط طيارة كي سقسى عليها قالولو راهي قاعدة فالجاردان مشى للجاردان شافها قاعدة وحدها مهمومة كأنها هزت هموم الدنيا كامل الدموع في عينيها بصح ماحبتش طيحيهم تحب تبينلو بلي هي قوية راح قعد قدامها
ر: اسمحيلي ..
س:.......
ر: ماكنتش حاب نوصلو لهاذي الدرجة
س: راك ماشي فالخطة تناعاك مليح كمل
تبسمت راحت و خلاتو وصل وقت تخرج طبعا راح ليها شدها من يدها باه يهبطها هي كل مايقرب ليها تتخذر و تولي تفيبري وحدها و هاذي هي نقطة ضعفها اتجاهو جبدت يدها و ركبت فالطونوبيل وصلو للدار طلعت لبيتها استنات انو يغلق عليها الباب بصح خلاه مفتوح راح شرالها الماكلة من برا ستيكاها مليح و طلعهالها قعد قدامها قاتلو اخرج هههه يا سيدي ولات تتكسل عليه دارلها برايها و خرج راح يشوف فيها فالكاميرا كالعادة كلات و حطت البلاطو فالارض جات راح توقف حست بدوخة مالقاتو غير قدامها واقف
ر:سيليا سافا ؟؟؟
س: ايه سافا راسي وجعني برك
ر:نرجعو للطبيب يشوفك ؟
س: لالا خليني نرقد برك
تكسلت هز الغطا و غطاها بيه تشوكات في ردة فعلو هههه
ر: كي تسحقي كاش حاجة عيطيلي و اذا حسيتي روحك مش مليحة قوليلب اوكي ؟
س: مرسي -_-
راح لبيتو بقات وحدها تفكر في تصرفاتو المفاجئة تفكرت سيلدا عيطتلها و حكاتلها كلش
سيلدا: سيليا لازمك تعملي العملية في اقرب وقت
س: خلاص بدلي عني السوجي و خليني نحكيلك على رؤوف حكاتلها على تصرفاتو و اهتمامو بيها
سيلدا: لازمك يا بنتي تستغلي الوضع و تحاولي طيحيه فيك
س: هاداك حيوان ماعندوش قلب باه يحبني اصلا هو تزوجني غير على جال الانتقام
سيلدا: بصح بالاك انت تبدلي كلش لوكان تبعي وصفاتي السحرية هههه و الله صالحة 100%
س: ههههه علميني تشوفي
سيلدا: شوفي اول حاجة لازمك تنحي الهانة على روحك تدوشي و تستيكي كل يوم
س: هههه زيدي
سيلدا: ارجعي سيليا الي نحبوها و نعرفوها يعني سيليا المهبولة اخرجي حوسي تمهبلي كلش
س: هههه تم زيدي
سيلدا: مرة على مرة حاولي تلفتيلو النظر تاعو شوفي اذا يغير عليك ولا لالا مثلا هزي التيليفون قدامو و اهدري معا كاش طفل اخرجي معا كاش واحد حوسي و لا دبري راسك لازم هذ الخطوة
س: هاذي صعيبة شوي بصح نحاول
سيلدا: انا نخليك اوزان يستنى فيا ( حبيبها) غدوة نعيطلك
س: سلمي عليييه و قوليلو غدوة نعيطلو هو و سنان توحشتهم
سيلدا: تماام بااي
الحلقة14
بعدها سيليا رقدت فاقت الصباح هبطت تتكسل لقات الفطور فوق الطابلة فطرت و طلعت لبيتها هدرت معا اوزان و سنان و كلمت يماها حتى رقدت
12 كمل خدمتو و رجع للدار تعدا على بيتها لقاها راقدة راح غلق التاقة غطاها و خرج شرا الغدا من برا نفس الشي حظرلها و طلعولها لقاها واقفة قدام خزانتها تشوف واش تلبس
ر: جبتلك الفطور
س: ( عاطياتو بظهرها) حطو فوق الكوافاز ( بالتشناف )
ر: .... تقلق من الجاست تاعها حط البلا و خرج راح يشوف فالكاميرا طبعا هي ماكانش علابالها بلي مركبلها كاميرا في بيتها جبدت شورت جين تريكو بيض اديداس بيضا نحات قشها باه تلبس شافها كيفاه تنحي في فشها طلعتلو السخانة جسمها يشهي اي واحد يشوفو قلبو ولا يخبط بالقاوي و يديه يعرقو لبست حوايجها و راحت للمراية تسقم في شعرها قال بين روحو هذي وين راهي رايحة هز البيسي تاعو و لعب روحو قاعد فالصالو يخدم ( الصالون قدام الباب ) هبطت من الدروج تتمايل تهدر فالتيليفون و تضحك بالقاوي جازت عليه صرعاتو ريحت البارفان ديالها
ر: وين راكي خارجة هكذا ؟؟؟
س: خارجة نحي على خاطري
ر: هكذاا ؟؟ بهذي اللبسة ؟؟؟
س: نرمال انا هذي هي لبستي اصلا
ر: نهدر بالعقل ر.و.ح.ي. ب.د.ل.ي ح.و.ا.ي.ج.ك ( بصوت خفيييف اما تع عصب)
س: ببففف ماعنديش الوقت هزت كتافتها و جات خارجة
ر: ياااا ربببككك معااامن نحكييي ؟؟؟؟؟
سيليا قفزت ماكانتش متوقعة راح يعيط
س: واش بيك تعيط واش ( وقفت في صدرو )
ر: كي نقلك ماكاش الخرجة بهذي اللبسة ماتخرجيش بيها فهمتي ؟؟
س: ماتسالنيش نلبس واش نحب
ر: مانحبش نشوف الخماج خارج من داري اصلا داري توسخت نهار جيتي ليها
كلامو صدمها و هي الي كان في بالها تبدل و ماعادش يسبها و يهينها تبسمت في وجهو رغم انو في قلبها عزا و طلعت لبيتها قعدت ورا الباب و تبكي بالسكات حاطة يدها على فمها و تبكي ماتحبش تبينلو بلي هي ضعيفة قدامو .. فتح البيسي شافها هكذاك قلبو تقسم ندم الي قالها هاذاك الكلام خبط الكاس الي كان قدامو فالحيط و قعد يفكر ..
الحلقة 15
ماحبتش تستلم لقلبها و عذابو بدلت لبست سروال بيض مقطع فالركبة شوميز بوردو و سبادري بيضا و هيوطها بوردو هزت مفاتحها و هبطت وقفت قدامو و قاتلو
س: خذيت برايك و بدلت حوايجي هاذي المرة بصح متصيرش كل مرة غمزتلو و خرجت بقا في مكانو ما قال والو راحت تمشي فالطريق بلاد جديدة ناش جدد ماتعرف حتى واحد تعدات على وحد الشط الناس يعومو زاهيين لي كوبل معا بعضاهم فرحانين غايسة فيهم حتى فيقها من سرحتها صوت طفل صغير يبكي
- Mom ( امي )
س: What ? ( واشنوو !! )
- I Want My mom ( نحوس على ماما)
س: وين راحت يماك ؟
جاوبهاالطفل تعين بلي الطفل تبحر ليماه الصباح و شافها لابسة كيما يماه يحسبها هي هزاتو و راحت للشرطة بعد ساعتيين يماه كانت واقفة تما و يماه شكون !! اخت دانييل شريك رؤوف جات هي و دانييل حبت تشكرها على معروفها عرضتها للعشا في دارها ( هذي اخت دانييل مطلقة ساكنة مع خوها دانييل و اسمها نيكول ) قبلت سيليا و راحت معاهم بقاو يحكو و يدردشو حتى وجدو الخدم العشا عيطولهم ياكلو راحو للحديقة و فعدو ياكلو يحكو. و يضحكو سيليا نحات على خاطرها عجبتها نيكول و عقليتها بصح مارتاحتش خلص لدانييل الي كان يشوف فيها شوفات خاطيين .... راح الحال و رؤوف حرق عليها التيليفون
س: اسمحولي انا نروح مرسي على العشا
نيكول: مازال الحال اقعدي معانا
س: لالا غير مرة ان شاء الله
نيكول: براحتك خذاو ارقام بعضاهم و كي كانت ماشية
دانييل: من الاحسن نوصلك انا الليل و ماكانش لامان
س: لالا ماعليه نروح وحدي
نيكول: عندو حق داني اصرو عليها في زوج قبلت و راحت ركبت معاه وصلها و طبعا طريق كاملة و هو يمعني و ...
وصلت هبطت و دانييل راح شافت رؤوف متكي على طونوبيلو و النار تقدح من عينيه !!
ر: رببك ويبين كنتيييي !!!؟؟
س: جات تحكي قاطعها
ر: ااااا مع دانييل تسما نهار العشا لعبتي لعبك معاه ايي قوليلي جوزتي ليلة مليحة معاه ؟؟
س: رؤووووف احترم روحك !!!
ر: ههههه نسقسيك ؟؟ شحال خلصك فاليلة ؟
هنا تقلقت منو تع الصح وجعها قلبها و ولات ماتشوفش قدامها هزت يدها و عطاتو بكف على قد ماجاب قدرها هزت صبعها تهدد فيه
س: بالاك تزيييد تعاود هذي الهدرة !!!
حط يدو على بلاصة الكف ماصدق الي هي جريئة لهاذي الدرجة و قدرت تعد يدها و على شكون على رؤوف الي الكل يموتو منو المل يرجف منو تجي هي فرخة و تخبطو بكف راحت تجري للدار و هو بعد ماراحت راح وراها ياكل فالخطوات دز الباب و هي عرفتها بلي راح تخلا عليها طلعت تجري ر غلقت الباب قبل مايوصل ليها طلع وراها شاف الباب مغلوق خبطو بخبطة وحدة تكسر هربت للدوش و غلقت بابو
ر: ماعندك وييين راح تهربييي !!!
س: ياا ربي واش درت انا اليوم موتي
ر: حليييي ز** الباب و لا نكسرو و نكسرك معاه
س: .......
دخل فالباب دخلة برجلو كسرو و راح ليها حصرها مع الحيط و حط يدو في رقبتها خنقها
ر: شكون انتي باه تهدي يدك عني
س: ..... ت... خن .. ق ت
ر: انت وحدة ماتسواش ق****
س: ر. ؤ...ووف م اا قدر. تش ن تن ففف س
عينيها حمارو و تغرغرو بالدموع تقطع عليها النفس يدو خانقتها و مزير عليها يديها في زوج تحاول تبعدلو يدو بصح ماقدرتش عينيها تقلبو و فشلت ماعادتش تقدر تقاومو فاق على روحو و جبد روحو طاحت فالارض تسترجع فالنفس بصعوبة و هو واقف يتفرج فيها في دقيقة ولات تبكي بالشهقة
الحلقة 16
س: واش درتلك انا فهمني باه آذيتك علاه ديرلي هكذا علاااااه ( تبكي و تعيط)
ر: .....
س: خلاص كرهتك و كرهت المعيشة معااك طلقني رؤوف طلقننييي
كي سمع كلمة طلقني من فمها هبط للاوض لعندها شدها من كتافاها زير عليها
ر: لوكان تزيدي تعاودي هاذي الكلمة ماتلومي الا روحك !!
س: علاااه واااش واح دير فيا اكثر من هك بين ليلة و نهار قلبتلي حيااتي جهنم واش راح دييير واااش !!
ر: انت هنا بسبت باباك لوكان تروحي علابالك كيفاه و لا واش راح نديير .... باباك ودعييه
مانخيلتش توصل معاه لهذي الدرجة مالقات واش تهدر ناض خرج و خلاها تعبت من البكا كل مرة تبكي خلاص دموعها نشفو عيطت كسرت حتى ريحت عصابها شوي ...
2 تاع الصباح دخل للدار فيه ريحت الشراب تصرع راح ديراكت لبيتها دخل شعل الضو لقاها راقدة مكمشة قرب ليها هزلها شعرها كان طايح على وجهها بقا يخزر فيها زمااان من بعد شاف رقبتها كيفاه مرسومة فيها يد ندم للحظتها انو هز يدو عليها و ندم على كل كلمة قالهالها هز روحو و خرج راح لبيتو
ناضت الصباح قبلو اول ماددورت رقبتها وجعتها بسيف باه قامت ديراكت شربت دوا تاع راسها هزت منشفة و راحت تدوش لقات الدوش الي في بيتها مكسر و ... هي كساراتو البارح راحت للدوش الي جاي لتحت
دوشت كي كملت تفكرت بلي نسات قشها قالت بلي هو كي مازالو راقد نروح نتسرسب لبيتي لفت منشفة على روحها غطاتلها الي لازم يتغطى ( صدرها و من تحت ) توصل لفهاذها فتحت الباب بالشوي تخوس عليه لعينيها مالقاتوش طمنت و خرجت طالعت و فالكولوار تع البيوت تلاقات بيه فاص ا فاص
كان لابس شورت كحل من الفوق عريان شعرو مشعشع كي شافها جمد في بلاصتو هي كي شافتو ماعرفت واش دير و هي هكذاك ..
كلاها بعينيه و هو يبحلق فيها قريب طاحو عينيه هههه راحت تجري باه ترح لبيتها شادة السربيتة بيدها و تمشي بالزربة فجأة .... شدها من يدها و جبدها لعندو خلاص قالت في بالها ضرك يغتصبني هههه لسق فيها و ه خلااص تتخذر من قربو ليها كانت مهبطة وجهها هز يدو يعدي فيها على ذرعيها بالحنية طلعلها وجهها بيدو شاف رقبتها كيفاه زرقة و شاف لي طراس تاع يديه في كتافها حط نيفو على راسها يشبع من ريحتها .. بعد راسو حط صبعو على رقبتها و ضغط شوي
ر: توجع فيك ( بصوت حنيييين)
س:...... ( ذايبة بين يديه و طايرة بلمساتو)
ر: سيليا ! توجع فيك ؟
هزت براسها تاع ايه تبسملها قرب لرقبتها باسها بوسة خفيفة و قالها
ر: روحي لبيتك البسي حوايجك و ارواحي للصالو نحتاجك بعد عليها و دخل لبيتو بقات واقفة و فاتحة فمها من الجاست الي دارها كانت لقطة غير منظرة هههه كانت تحسب راح يزيد يخنقها و لا يشرعها بكف ههههه دخلت تحر لبيتها لبست بيجاما هي دائما تلبس لي شورت و لي بيستي فالدار مالا لبست شورت بصح شوي طويل فوق الركبة بشوي عريض بلو سيال و لبست بيستي ڤري خلات شعرها مشمخ مطلوق و قعدت فالبيت تقول نروح و لا مانروحش اكيد راح يبهدلني و يسبني كيما مالف لالا نقعد خير
ر: سيليييااا !!
س: ياا ربي لوكان مانروحش تخاف يجي يضربني و لا يخنقني ااافف يا ربي كون معايا هبطت بشوي واحت للصالون لقاتو قاعد بنفس شكل قبيل الا شعرو الي مشطو يتبع .....
كاين حلقة ضاائعة فالحلقة وش صرالها بش لحقت للسبيطار ؟؟؟؟؟
ردحذفايه حلقة ضايعة وينها
ردحذف