صباح الخير حباباتي جيتو جبتلكم معايا نصائح للعناية بالجمال تاعك
ليوم درس بزاااف شباب مي طويل شويا نبداو بيه نتعلمو شويا حوايج على الاعتناء بالبشرة و الشعر و الجسم الخ..
فتحي عينيك مليح جيبي ورقه و ستيلو و تبعيني
نبداو بأول حاجه الي هيا
#الروتين_اليومي_للعناية_بالبشره_للمبتدآت *-* skin care routine
ملاحظه ...هيا انو رايحا نديريلكم منتجات متناول الجميع يعني أي وحدة تقدر تشريهم
1_لازم يكون عندك فالبداية مقشر للوجه نقترح عليكم دي برودوي للبنات لي ميعرفوش ولي يعرفو استعملو المقشر لي متعودين عليه ... دووونك انا كنت نستعمل( Clear clean and ) سابقا و لقيت مقشر قالو شباب و ماشي غالي كلين اند كلير كنت نشري فيه ب 800 دج ممي ضرك وليت نستعمل تع farmasi حاجه هااايله و يدير 300 دج برك و كاين تاني وصفة من مكونات عندي فالدااار كنت هدرت عليها من قبل هي (ملعقه صغيره سكر خشن مع قطرات من زيت اللوز أو زيت زيتون و قطرات من الليمون للبشرة الذهنية أما للبشرة الجافة ما ديريش الليمون ) تفركي وجهك ملييح لحيتك جبهتك نيفك خاصتا جوانب تع نيفك هاذ المناطق يزيتو كيف تعرفي و يشدو بزاف اوساخ
نتيجه ولا أروع انا عجبني بزاف و لقوماج تاعي او المقشر ماوليتش نستعملو كااامل راني نتمسمر
دووونك هنايا نخليلك ملاحظه_مهمه اذا كنتي تخرجي او تستعملي مواد التجميل يوميا استعمليه مرتين في الاسبوع لا اكثر مثلا جمعه و ثلاثاء و اذا كنتي ماكثه بالبيت و متخلطيش في وجهك بزاف استعمليه مره واحده فقط
2_ضرك نروحو لماسك الرؤوس السوداء و البيضاء تقدري تستعملي الماسك السريع لي هوا (جيلاتين و حليب او جيلاتين و ماء) ولا القناع الأسود (بلاك ماسك) ... ملاحظه تستعمليه كل ماتضهرلك الرؤوس السوداء يعني معندوش وقت محدد ورايح يشدلك بزاااف يعني علبه تشدلك وقت طوييل و الأحسن ديري حمام بخار قبل كل خطوة
3_نروحو للغسول الي تستعمليه ...
طبعا لكل بشره نوع نتاع غسول .. كاين غسول يتناسب مع كل انواع البشره الي هوا (Garnier) يفتح البشره و يعطيها نضاارة و ايضا غسول (clean and clear) غسول يستعمل للحالات لي عندها حب شباب او حبوب فالوجه فقط .. و كاين لي يستعمل للبششرة العادية venus هدرت عليه من قبل
4_بعدما كملنا فقرة التنضيف درنا لماسك ضرك يجي وقت الترطيب و ترطيب الجسم و القديمن و الشفتين أيضا ..
كاين ثلاث حاجات لازمك تعمليهم كل ليله ..
~ترطيب للوجه (clean and clear) للبشره الدهنيه
~بالنسبه للجسم تلقاي كريمات عديييده عند محلات الكوسميتيك مثلا كريم (dove) أو (nivea) او venus هي لي نديرها أنا منتوج بلادي خخخخ هااايلة
ايضا زيت جونسو هاايل لترطيب الجسم و منطقه تحت العيون
5_ضرك باش تكون ريحه الكور تاعك شااابه و دوملك اطول وقت ممكن نقلك استعملي (Enchanteur) من اروع مايكون يمدلك ريحة الورد هااايل تحسي روحك فريمو خفيفه و تدوملك لاطول مده....أنا كنت نستعملو مي دوك بدلتو
نصائح .. كل ليله استعملي فازلين للمناطق لي تحسي فيهم خشونه او قشور غير عاديه مثلا القدمين اليدين الشفتين الوجه ( طبعا الفازلين تع الشفتين وحدها)
لي عندها مشكل حابة الحل تاعو تقوولنا
fb : veya huyuz baş
ليست هناك تعليقات:
إرسال تعليق