السلام عليكم
ثانيا نوصيك كي اطيبي كولي حقك وهو سخون ماتقوليش خلي للمبعد هههه والله ماتصحلك وتتطفر غير فيك
نجو للوصفة :
في كاسرول حطي كاس ماء و 4 ملاعق متوسطة مارغرين وملعقة نصف ملعقة صغيرة ملح وملعقة كبيرة سكر عادي
خليهم حتى يغلو وزيدي عليهم دفعة واحدة كاس فرينة نفس القياس
حركي بسرعة بملعقة خشب حتى تتجمع عندك عجينة نشفيها على النار لمدة دقيقة مع التحريك
حطيت لعجينة في العجانة ( للي ماعندهاش تحطها في صحن وتستعمل باتور او غير بملعقة خشب فقط )
نشغل العجانة على العجينة باش تهدى شوية وتبرد منبعد نزيد 3 بيضات الواحدة تلو الاخرى يعني ندير واحدة كي تشربها نزيد الثانية وهكذا
نحط عجينة الشو في كيس حلواني مسنن
ونشكل فوق قطع الورق المطبخ دوائر مثل الصورة حتى ننتهي كل كمية العجين
نسخن الزيت على نار هادئة ونبدى نقليهم
نهز الخبة بالورق ونقلبها داخل الزيت السخون ثم ننزع الورق بسهولة
نطيبهم على جهة لمدة دقيقتين ونقلبهم يكملو الطياب ويولي لونهم ذهبي محمر وخفااااف
نحطهم على ورق ماص ونرشهم باسكر الناعم او نطليهم من فوق بقلاصاج ابيض او يتقدمو مع شوكولا والخ
دعوااااااااتكم
سيسو
ليست هناك تعليقات:
إرسال تعليق