زينات تاعي نصائح خاصة للمتزوجات و ما شابه لي سيليباتار تعلمو حتى نتوما ...حابة نقولكم....على المظاهر (البسة)..في روتينك بعد الزواج. نبداو بالملابس الداخلية.. اختي ادي معاك لي دوبياس من مختلف الالوان.. المهم لي دوبياس واشري ديمة لاطاي لي كبيرة عليك ب رقم و لارقمين... خاطش اكيد راح تسماني. كي تدوري في الصباح البسي سليب عادي و ملابس تاعك الداخلية ديمة اغسليهم ياليد..بصابون الحجرة ماشي غالية اديها معاك و ديريها خصيصا للملابس الداخلية .وانشريهم في بلاصة مايشوفها حتى واحد .ماشي توريهم للغاشي... و نظمي روحك...مثلا ديري 2 جبات سبيسيال للشغل و 3 طابليات للكوزينة و البسي بليغة ماشي صابو باش تكوني خفيفة ...دير 3 -جبات للعشوة ..و نوعي خطرة البسي غوب خطرة جبة انيقة .خطرة بودي و لاجوب ماتنسايش كي تلبسي جوب البسي ليبة من التحت... .اشري -3حجابات ..واحد ديريه للخرجات اليومية و التسوق..و احد متلا تروحي بيه للطبيبة و (ان شاء الله يكون الحمل) و لا خارجة مع راجلك تفطرو برا.
.+..واواحد ديريه سبيسيال -لا قدر الله كاش موت -و ديري 2 ..ملايات (عبائة)...وحدة تكون تقيلة خاصة للاعراس...و التانيى لكاش مناسبات تروحي معروضة لكاش سابع و لا كاش وليمة.. .حاولي تنسقي الالوان مع بعضها كي تلبسي حجاب ديريلو خمار يشبهلو شوية مع صباط مخالف للون الحجاب يكون افتح منو ولا اغمق منو..و ديري صاك يشبه للصباط..ديري شال سواغي للمناسبات و والوليمات مع صوندال تكون شابة و بوشات صوراغي... كي تروحي ضيفة لداركم او عند ناس دراك .روحي بشكل مرتب ادي معاك كابة فيها بيجامة و بليغة..صاك تواليت و بوشات تع المكياج.... ان شاء الله نكون مديتلكم نصائح تنفعكم . مزال معي المزيد و المزيد من النصائح و الافكار اليومية للعروس تفاعلو برك
جيجي
لي_پاغفي
ليست هناك تعليقات:
إرسال تعليق