هاي لبنات جبتلكم حكاية جديدة مشوقة ومؤثرة وفيها عبرة انشاالله تستفادو كامل منها وتعجبكم وديرو فبالكم دعمكم يشجعنا
ليوم راني فرحانة بزاف ليوم رايحة نتخرج وندي دكتورة تاعي فالادب الانجليزي كيما كان دايمن حلمي الارض ماشي سايعة فرحتي متقدروش تتخيلو شحال قاسيت باش وصلت للحلم تاعي طريقي مكانتش مفروشة ورد كيما بعض لبنات كانت شوك للأسف لكن هذا زاد من عزيمتي واصراري باش نوصل ونحقق حلمي ونوقف في وجه كامل لعوائق والناس لي بغاو يشوفوني فاشلة ليوم عندي 28 سنة وحياتي خالية تماما من الرجال بأتم ما للكلمة من معنى تبعو معايا تعرفو علاش :
اسمي نهاد فتاة قروية من عائلة محافظة بزاف ، شابة الحمدلله عاقلة و ظريفة تربيت على الحشمة وطاعة ربي سبحانو انا اصغر وحدة فدار لي كنا فيها 4 بنات و 2 ذراري واحد متزوج وواحد فلخارج اما خواتاتي الآن كامل متزوجات بابا انسان قروي وماما من المدينة اختلاف تام بين ماما وبابا فالعقلية لكن كنا كيما يقولو عائلة سعيدة تقريبا معدناش ومخصناش الحمدلله
فلاش بااااك : ليوم اول يوم ليا فالمدرسة الابتدائية شحال راني فرحانة وصلني بابا للباب وراح دخلت وكلي حماس باش نبدا نقرا كنت ذكية ونشيطة فوق اللازم حتا لي يقروني كانو يقولولي باش تستقهواي الصبح كنت ثرثارة ونحب نعرف كلشي هههه بدينا قراية واكتشفوا الاساتذة ذكائي وقدراتي العالية حاولو يركزو عليا بصفة أساسية حتى كانو ينساو الآخرين فالقسم وصلت للسنة السادسة هذاك الوقت وجبت الشهادة بمعدل كبير وخرجت الاولى في ولايتي والاساتذة طبعا متفاجؤوش بل توقعو هاذ شي ماما فرحت بيا بزاف وتقولي نشوفك امرأة ناجحة فالمستقبل لكن خواتاتي وحدة مفرحتلي بحكم هذاك الوقت حبسهم بابا ملقراية ومكانوش متزوجين مديتهاش فيهم صراحة كنت صغيرة ومنفهمش فهاذ لحوايج بزاف اما بابا فقال كلمة رايحة نهدرها بزاف فحكايتي " تقرا ولا تقعد مصيرها كي خواتاتها " هو بعد مديتهاش فيه لأني مكنتش عارفة وش راح نواجه مستقبلا ومعرفتش حتا معنى كلامو ... طلعت للسنة السابعة وكي لعادة كنت شعلة والاساتذة كامل يحبوني ويقولولي نتي تروحي بعيد بهاذ لمستوى كنت فرحانة بروحي ونحب نقرا ونكسر راصي جامي خليت مجال لأستاذ يمدلي ملاحظة عيانة فات الفصل الاول وجبت معدل 19 فرحت انو تعبي مراحش فلباطل صليت وحمدت ربي وماما طايرة بالفرحة وتقولي دايمن نشوف روحي فيك و عرفت بلي ماما كانت كيفي مجتهدة بصح ظروفها جبرتها تتوقف ومتكملش جامعتها كنت نسخة مصغرة على ماما في كلش
دارو فالمؤسسة حفلة كرموني فيها وكرمو بابا لكن مكانش فرحان بيا كيما توقعت كان عادي بابا كان مؤمن انو المرأة مكانها الكوزينة لا مجال للنقاش يشوف عيب المرأة تخدم ولا تخرج بصح انا هذا الشي زاد اصراري وحبيت نبينلو بلي راه غالط كنت ديما نقولو بابا نكبر ونتخرج ونرجع انا نخدم عليكم ونخرجكم ملميزيرية مالڨري بابا جامي شتكا ولا قال معدناش بصح علابالي شحال كان يتعب باش يجيبلنا هذيك اللقمة عليها نحترمو بزاف علمنا القناعة ... كنت كي نقولو هكا ديما يقولي هنيني عليك برك ( قصدو نتزوج برك ) كنت آخر شي نخمم فيه هو الزواج مكانش حلمي راجل ونتوقع يجيني على حصان ابيض عمري مخممت فهاذ الشي. كانت احلامي اكبر وارقى من ان تكون رجل على هاذ شي كنت دايمن نداوس مع بابا كان يقولي انساي تكملي وانا نجاوبو بكل تحدي نكمل وننجح ونحقق حلمي
فاتو الايام وانا ديما مع الاوائل ووصلت لشهادة التعليم المتوسط كيما نقولو الآن كنت نقرا بزاااااف فالمؤسسة و فدار وندعي ربي يوفقني وماما تدعمني بكل وش تقدر ماديا ومعنويا والله كانت تنحيها على روحها وتمدهالي تقولي اقرايلي وانجحي برك وانا كنت ديما نقوللها نوعدك ندير كامل وش نقدر
وصل وقت الامتحان كنت متوترة بزاف لكن راح كامل التوتر كي شفت الأسئلة كنت عارفة كلشي ومراجعة وحافظة ركزت وسميت باسم الله وبديت نخدم حتى لي كانو يعسو فينا تخلعو جاوبت على كلش وبطريقة صحيحة متأكدة ههه رجعت للبيت فرحانة عنقت ماما قتلها دعيتيلي صحيتي ضحكت قاتلي كيفاش عرفتي قتلها خدمت كلش ربي استجابلك دمعة عينين ماما وقاتلي ربي يوفقك بنتي
اما بابا مسقساش اذا خدمت ولا لا وخواتاتي كانو يحبو غير يهبطولي معنوياتي كانو غايرين
خرجت النتيجة وجبتو بمعدل خيالي فرحت انو تعبي مراحش فلباطل فؤحت اني قدرت نشرف والديا فرحت ماما قريب حبس قلبها ملفرحة اما بابا خسر عليا وصل وقت لي تحبسي لقراية خواتاتي وافقوه طبعا اما ماما عارضت قاتلو خليها وهاذ شي لي سببلها مشاكل كبار مع بابا وخواتاتي اكيد خاوتي مكانوش فالصورة اما خواتاتي عماهم الحقد والغيرة اصلا مكانوش يقراو مليح يعني جاتهم عادي يحبسو مكانوش كيفي لي عندي احلام كبيرة
اما بابا قال لماما راكي تفسدي فيها وبنتي انا نعرف كيفاه نربيها ماما معندها حتى سلطة علابالي دارت لي عليها واكثر وانا غير نبكي ونقول حرام عليكم ناس فرحانين بنتائجهم وانا نبكي على زهري الحل الأخير اني نطلب مساعدة جدة يماه هي الوحيدة لي تقدر تبدلو رايو ... رحت ليها نبكي ونحاول يا جدة نوصل للباك ونجبس تعيشي قوليلو وبسيف لا قتنعت هي بعد راكم تقولو علاش قتلو للباك انا فبالي 3 سنوات يبدلولو رايو
بعد محكات معاه جدة وافق بشق نفس وقال للباك وتحبسي وخواتاتي قالولو علاش وش الاختلاف هي بواش خيرمنا كنت نظن نلقا خواتاتي معايا لكن للأسف دارو العكس بديت نقرا فليسي وكامل شاهدين على تربيتي وبقيت بنفس المستوى متفوقة وكل مرة نتكرم ونشوف فرحة ماما وحسد خواتاتي لي يحرشو بابا عليا حتى رجع يعسني لكن جامي حكم حاجة خايبة عليا كنت ملقراية للدار
وصل عامي تاع لباك كنت نقرا لغات لأني نحبهم بزاااف وخلمي نقرا انجليزية ونروح بيها بعيد قررت نحط راصي ونقرا ونجيب معدل شباب الفصل الاول دخلت كلي عزيمة وجبت 17 ودارو حفلة كرموني فيها كي وريت لبابا قالي لاه تعبي روحك ونتي راح تبقاي فدار ؟ حطمني انا قلت مستحيل يعني متغيرش تخمامو ولو شوي ؟ والضربة القاضية ماتت جدة في نفس السمانة من جيه حزنت عليها ومن جيه حزنت على روحي لأنها كانت ورقتي الوحيدة لي نقدر نلعبها معاه اول مرة منذ خلقت يصرالي اكتئاب بهاذ شكل خلاص استسلمت مكانش عندي حل ثاني صراحة موليتش نروح نقرا تهاونت بزاف حتى فدار تبدلت موليتش نيهاد لي تضحك وتڨصر وكي وصلو الامتحانات رحت غير على وجه ماما وجبت 10 ل معدل كامل تخلعو فيا مالمدير للعساس كيما يقولو حكاو معايا الاساتذة وفهمتهم الوضعية والدموع في عينيا والله غايضتني روحي الحق تاع ربي وقفو معايا بزاف متوقعتش يديرو هكا كامل وعيطولو وحاولو يقنعوه لكن دون جدوى بقا مصر وانا قررت نترك الدراسة بشرف ومنفوتش لباك
لكن ماما عارضتني تماما قاتلي جيبي لباك وخليه بلاك يتبدل تخمامو بلاك تتزوجي براجل مسڨم ويخليك تقراي المهم خلي باك تاعك في جيبك قنعتني وعطاتني جرعة تفاؤل ورجعت نقرا كيما كنت حتا فليسي حسابتلهم خلاني نكمل وصل الباك وانا الحمدلله موجدا كلشي وخدمت ملييييييح ونستنا فالنتائج بفارغ الصبر حبيت نفرح ماما وقلت بلاك بابا يهديه ربي ويخليني نكمل في هذيك لفترة قبل النتائج جا وليد عمي محمد لي كان فالخارج ملي كنا صغار متلاقيناش شحال كنا متفاهمين هو اكبر مني ب 6 سنوات لكن كنا متفاهمين لدرجة متتوقعش فرحة بزاف كي شفتو هو كان عندنا فدار رجعنا ديما نحكو ونضحكو وحكيتلو على مشكلتي وقالي نلقاولها حل متخافيش تعلقت بيه بزاف وحسيت روحي بديت نحبو حتى هو كان يدير حركات انسان معجب لكن ميبينش علابالي حشم قالي رايح نبقا عندكم 5 اشهر عندي خدمة هنا من بعد نرجع لفرنسا تمنيت يبقا معانا دايمن
قربو النتائج وانا مقلقة لكن محمد كان دايمن معايا هو و ماما ويطمنو فيا اما خواتاتي فكانو كي الافاعي غير يغزلو فيا سمعت بزاف كلام جرحني من عندهم معليهش ربي يسامحهم انشاالله
خرجو النتائج وجبتو بمعدل يهبل فرحت وحزنت في نفس الوقت فرحت لأني حققت وش حابة وحزينة لأني منيش راح نقدر نوالو برلمي للأسف تمنيت ندخل للجامعة لكن بابا حلف معنديش حل من غير الخضوع لأمر الواقع قتلو نسجل برك ومن بعد منقراش قبل رحت سجلت مدولي انجليزية كيما حبيت وبلوكيت عامي وبقيت فدار بكيت حتى نشفو الدموع وقفت معايا ماما بزاف لي ديما تقولي يفرج ربي والصبر باب من ابواب الجنة اما محمد فكان نصفي الثاني مدلي كوراج كبير ونساني بزاف كان حنين معايا عشقتو وكان يحبني هو ثان
واحد نهار دخل لقاني مقلبة دار بلبكا في بيتي ومحبيتش نحكي مع حتى واحد جا ليا مسحلي دموعي قالي دموعك عزاز عليا نهاد نحبكش تبكي يا موصيبة تبسمت قالي نو حابك تضحكي من قلبك ماشي ضحكة صفرة قتلو منين تجي هاذ الضحكة تعيش ؟ قالي نحبك نهاد وهكا تجي ؟
تسمرت معرفت نضحك ولا نكمل نبكي ولا شا ندير اول مرة نتحط في موقف هكا المهم موقف محرج هههه خصوصا انا مكانش عندي خبرة فهاذالمواضيع قالي هيا المفروض تضحكي قتلو ملقيتش وش نقول قالي قوليلي نحبك انا تان قتلو نحبك انا تان عنقني حسيت بالامان وانا في حضنو نحبو بزاف الله غالب زادت قوات علافتنا ونسيت لجامعة وقرايتي بصح بقات في قلبي ديما وكان يقولي نخطبك ونتزوجو وخلصي قرايتك عندي كنت بزاااااف فرحانة معاه دارلي جنة في وسط الجحيم لي كنت عايشاتو تعلقت بيه بزاف وخططت لحياتنا زاد حيا فيا الحلم تاعي وبقيت نخطط ونعاود ونسيت بلي المستقبل ميكونش دايمن كيما نبغوه خلاصت مدة الاقامة تاع محمد وكان لازم يروح بكيت بكيت حتى شبعت وهو كان يقولي شهرين ونرجع ونخطبك ونعيشو احلى عيشة وترجعي تقراي وكلش يولي مليح نشفا الليلة لي كان رايح جا لبيتي سلم على جبهتي قالي نعرفك قوية هيا ديريلي كوراج ماشي تحطميني هكا لازم نروح مهني وخلالي تلفون لأنو مكانش عندي واحد قالي باش نعيطلك نسقسي عليك خفت من بابا يفيقلي بلي عندي تلفون هو قرا لخوف في عينيا بلا منهدر فهمني قالي قتلو بلي شريتولك كادو يعني داركم علابالهم بلي عندك تلفون متخافيش رتحت بزاف وزاد كبر فعيني حضني حتى غفيت في حضنو وبقينا هكاك حتى 5 تاع صبح قالي لازم نروح تمنيت يبقا ديما معايا لكن وش راح ندير ؟ زدت حظنتو وقالي متخافيش نهاد كلش يتصلح شهرين برك وراجع ليك قتلو ربي يسهلك وراني نستنا غير توصل خبرني سلم عليا وراح حسيت روحي خرجت وراحت معاه زدت بكيت حاى شبعت حسيت هذاك لعام عام نديب ملي دخل وانا نبكي على زهري لمسود
اما خواتاتي فنسيت كامل انهم معايا فدار تكوبا لكونطاطت كامل بيناتنا
وصل محمد وعيطلي قالي وصلت وتوحشتك بزاف والله خلالي ڥيد كبير معرفتش كيفاه نعوضو كنا نحكو بزاف فتلفون لكن مع لوقت بظاو ينقصو مكالماتو وكان بتحججلي بالخدمة و طبعا انا عذرتو وحتى امعاملة تاعو تبدلت معايا كان يقولي لالا تتوهمي برك ويا ريتني كنت نتوهم حتى جا نهار لي انقطع الاتصال تماما بيناتنا وفاتو الشهرين وهو ما بان عليه خبر عيطتلو قالي منقدرش نجي ضرك نزيد يامات راني مشغول
وفاتو الشهرين وهو ما بان عليه خبر عيطتلو قالي منقدرش نجي ضرك نزيد يامات راني مشغول فاتو شهرين وحدوخرين وانا نتعذب وهو موش سامع بيا خلاص قررت نعيطلو ونقولو علاش ديرلي هكا نهظرلو واش فقلبي كامل وهنا المفاجئة كي عيطتت ريبوندات عليا طفلة قاتلي bonsoir
- oui bonsoir t'es qui ?
بدات تضحك عليا كي قتلها شكون نتي يعني باين شكون هي باين حبيبتو لي سمح فيا علا جالها شحاال غاضتني عمري حسيت روحي بهلولة صح جا ضحك عليا ولعب بيا كي لخاتم في يدو وراح وخلانب بلا روح قلبي وجعني بعثتلو ميساج باهي وكسرت تيليفون ولا بيس هذيك محبيتش تبقا حاجة تفكرني بيه كامل هو رخيس غاضتني كي عرف نقطة ضعفي وحيا فيا الجرح تاعي وراح والله طمعت نكمل قرايتي حرام عليه
جوزت يامات اقل ما نقدر نقول عليهم كحولة خلاص صيف ووصل وقت لقراية وقررت نرجع نقرا مهما كان الثمن وبأي طريقة رحت لماما قتلها قاتلي هبلتي محال يخليك قتلها نرجع معناها نرجع رحت لبابا وقالي غير انساي الموضوع وراهم جايينك لخطابة استجمعت قوتي وقتلو اذا حبيت تتبهدل ويطيح اسمك وراصك فلأرض قلهم يجو ناض ضربني بكف حتى طحت فلرض بعدها قتلو معليهش ضرك تشوف
جبت موس و طلعت لبيتي قطعت يديا مكانش علابالي وش راني ندير كامل وصلو بيا مع دقايق الاخيرين ومفقت غير وانا فصبيطار بقرعة دم ويديا محكومين بشاش بيض وين لعرڨ ودارنا مداورين بيا ماما تبكي وخياتي مخلوعين لكن انا مدرت حتى تعبير هدرو معايا مجاوبتهمش وحلفت منهدرش عياو يهدرو فيا وانا منشوفش ميمبا معاهم حتى لبسيكولوڤ قاللهم احتمال تعاود وش دارت واحتمال المرة لجاية متقدروش تلحقو بيها بابا محنش قلبو والو قالي قتلك مكانش قراية يعني مكانش وانا والو ولا كلمة كي هدرت قتلو يا نقرا يا نموت يا نهرب وهو قالي يا تريحي فدار يا تنساي بلي عندك باباك قتلو تفاهمنا وهوما كامل مشوكيين نطلب من بابا يتبرا مني مقابل نكمل قرايتي جاتني واحد الشجاعة والله مراني نادمة عليها فهاذيك دقيقة قالي الله يسهل ماكي بنتي ماني باباك وماما تحاول تهدي لكن والووو عو عنيد وانا اكثر خرجت مصبيطار رحت لدار وجدت كواغطي وحوايجي ودعيت ربي وسهلت فريت اموراتي فالجامعة + الاقامة ورجعت ديت لبستي ومدتلي شوي دراهم ماما والله دموعها على خدها تقولي يا بنتي وش راكي ديري لكن قررت من اللحظة لي تكسر فيها قلبي اني نعيش لنفسي و بس
رحت للإقامة وتعمدت منروحش لدارنا غير مرة فشهر صح توحشت ماما بزاف لكن حكا احسن قريت اجتهدت وتعبت ونخدم تان باش نجيب مصروفي تميزرت وتمرمدت لوكان منخدمش على روحي مكاش لي يمدلي وجامي خممت فلحرام الحمدلله
مالڨري التعب والميزيرية ووحش ماما لكن بقا و و الصح بين عينيا وهدفي ديما باين وصلت لاسوتنونص تاعي باش ندي ديبلوم عرضت دارنا وكنت فرحانة ومتوترة لكن المفاجأة بابا مخلاهمش يجو شحال غاضتني كامل زغرتولهم وفرحولهم إلا أنا وحيدة مع ذلك نجحت بتقدير جيد جدا واكتملت الفرحة كي قبلوني ماستر كنت ف الطريق الصحيح نحو حلمي واتعمدت مندخل حتى واحد حياتي كنت قراية خدمة إقامة هاذي هي حياتي و الحمد لله نجحت فالماستر وجبت شهادة وبقات مسابقة الدكتورا لي هي اصعب منهم كامل وهي الحد الفاصل لحلمي
رحت لماما شفتها وبابا كي لعادة كي يشوفني يبدا يمعني وميحبش يهدر معايا وانا خليتو براحتو المهم درت وش حبيت من غدوة هكاك سلمت على ماما قتلها ادعيلي ورحت فوتت كونكور تاع الدكتورة و الحمد لله جبتو بتعبي وعرقي وقرايتي واكيد توفيق ربي ودعوات ٱمي
خواتاتي كامل تزوجو لكن وش ربحو من الزواج ؟ واش هي لفايدة اذا محققتيش احلامك
اليوم كملت دكتورة تاعي وحققت حلمي لي كلفني بزاف لكن منيش نادمة علابالي بابا يجي نهار يتفهمني وفرحت ماما حققتلها حلمها ووصلت وين حبيت بمكانتي وقيمتي
لبنات لي عندها حلم تسعى باش تحقو ومتقولش ظروف اخلقي نتي ظروفك الخاصة عيشي لنفسك و مديريش لامان في أي واحد ومتقوليش يحبني ونحبو الزواج خليه هو التالي واذا حبيتي اتزوجي عادي لكن إياك تخليه حلم إياك تخلي حلمك راجل خليك انت حلم كل رجل
وكيما قلت فلإهداء تاع المذكرة تاعي " شكرا للظروف التي علمتنا أن نكون أقسى وأقوى "
النهاية
واحد نهار دخل لقاني مقلبة دار بلبكا في بيتي ومحبيتش نحكي مع حتى واحد جا ليا مسحلي دموعي قالي دموعك عزاز عليا نهاد نحبكش تبكي يا موصيبة تبسمت قالي نو حابك تضحكي من قلبك ماشي ضحكة صفرة قتلو منين تجي هاذ الضحكة تعيش ؟ قالي نحبك نهاد وهكا تجي ؟
تسمرت معرفت نضحك ولا نكمل نبكي ولا شا ندير اول مرة نتحط في موقف هكا المهم موقف محرج هههه خصوصا انا مكانش عندي خبرة فهاذالمواضيع قالي هيا المفروض تضحكي قتلو ملقيتش وش نقول قالي قوليلي نحبك انا تان قتلو نحبك انا تان عنقني حسيت بالامان وانا في حضنو نحبو بزاف الله غالب زادت قوات علافتنا ونسيت لجامعة وقرايتي بصح بقات في قلبي ديما وكان يقولي نخطبك ونتزوجو وخلصي قرايتك عندي كنت بزاااااف فرحانة معاه دارلي جنة في وسط الجحيم لي كنت عايشاتو تعلقت بيه بزاف وخططت لحياتنا زاد حيا فيا الحلم تاعي وبقيت نخطط ونعاود ونسيت بلي المستقبل ميكونش دايمن كيما نبغوه خلاصت مدة الاقامة تاع محمد وكان لازم يروح بكيت بكيت حتى شبعت وهو كان يقولي شهرين ونرجع ونخطبك ونعيشو احلى عيشة وترجعي تقراي وكلش يولي مليح نشفا الليلة لي كان رايح جا لبيتي سلم على جبهتي قالي نعرفك قوية هيا ديريلي كوراج ماشي تحطميني هكا لازم نروح مهني وخلالي تلفون لأنو مكانش عندي واحد قالي باش نعيطلك نسقسي عليك خفت من بابا يفيقلي بلي عندي تلفون هو قرا لخوف في عينيا بلا منهدر فهمني قالي قتلو بلي شريتولك كادو يعني داركم علابالهم بلي عندك تلفون متخافيش رتحت بزاف وزاد كبر فعيني حضني حتى غفيت في حضنو وبقينا هكاك حتى 5 تاع صبح قالي لازم نروح تمنيت يبقا ديما معايا لكن وش راح ندير ؟ زدت حظنتو وقالي متخافيش نهاد كلش يتصلح شهرين برك وراجع ليك قتلو ربي يسهلك وراني نستنا غير توصل خبرني سلم عليا وراح حسيت روحي خرجت وراحت معاه زدت بكيت حاى شبعت حسيت هذاك لعام عام نديب ملي دخل وانا نبكي على زهري لمسود
اما خواتاتي فنسيت كامل انهم معايا فدار تكوبا لكونطاطت كامل بيناتنا
وصل محمد وعيطلي قالي وصلت وتوحشتك بزاف والله خلالي ڥيد كبير معرفتش كيفاه نعوضو كنا نحكو بزاف فتلفون لكن مع لوقت بظاو ينقصو مكالماتو وكان بتحججلي بالخدمة و طبعا انا عذرتو وحتى امعاملة تاعو تبدلت معايا كان يقولي لالا تتوهمي برك ويا ريتني كنت نتوهم حتى جا نهار لي انقطع الاتصال تماما بيناتنا وفاتو الشهرين وهو ما بان عليه خبر عيطتلو قالي منقدرش نجي ضرك نزيد يامات راني مشغول
وفاتو الشهرين وهو ما بان عليه خبر عيطتلو قالي منقدرش نجي ضرك نزيد يامات راني مشغول فاتو شهرين وحدوخرين وانا نتعذب وهو موش سامع بيا خلاص قررت نعيطلو ونقولو علاش ديرلي هكا نهظرلو واش فقلبي كامل وهنا المفاجئة كي عيطتت ريبوندات عليا طفلة قاتلي bonsoir
- oui bonsoir t'es qui ?
بدات تضحك عليا كي قتلها شكون نتي يعني باين شكون هي باين حبيبتو لي سمح فيا علا جالها شحاال غاضتني عمري حسيت روحي بهلولة صح جا ضحك عليا ولعب بيا كي لخاتم في يدو وراح وخلانب بلا روح قلبي وجعني بعثتلو ميساج باهي وكسرت تيليفون ولا بيس هذيك محبيتش تبقا حاجة تفكرني بيه كامل هو رخيس غاضتني كي عرف نقطة ضعفي وحيا فيا الجرح تاعي وراح والله طمعت نكمل قرايتي حرام عليه
جوزت يامات اقل ما نقدر نقول عليهم كحولة خلاص صيف ووصل وقت لقراية وقررت نرجع نقرا مهما كان الثمن وبأي طريقة رحت لماما قتلها قاتلي هبلتي محال يخليك قتلها نرجع معناها نرجع رحت لبابا وقالي غير انساي الموضوع وراهم جايينك لخطابة استجمعت قوتي وقتلو اذا حبيت تتبهدل ويطيح اسمك وراصك فلأرض قلهم يجو ناض ضربني بكف حتى طحت فلرض بعدها قتلو معليهش ضرك تشوف
جبت موس و طلعت لبيتي قطعت يديا مكانش علابالي وش راني ندير كامل وصلو بيا مع دقايق الاخيرين ومفقت غير وانا فصبيطار بقرعة دم ويديا محكومين بشاش بيض وين لعرڨ ودارنا مداورين بيا ماما تبكي وخياتي مخلوعين لكن انا مدرت حتى تعبير هدرو معايا مجاوبتهمش وحلفت منهدرش عياو يهدرو فيا وانا منشوفش ميمبا معاهم حتى لبسيكولوڤ قاللهم احتمال تعاود وش دارت واحتمال المرة لجاية متقدروش تلحقو بيها بابا محنش قلبو والو قالي قتلك مكانش قراية يعني مكانش وانا والو ولا كلمة كي هدرت قتلو يا نقرا يا نموت يا نهرب وهو قالي يا تريحي فدار يا تنساي بلي عندك باباك قتلو تفاهمنا وهوما كامل مشوكيين نطلب من بابا يتبرا مني مقابل نكمل قرايتي جاتني واحد الشجاعة والله مراني نادمة عليها فهاذيك دقيقة قالي الله يسهل ماكي بنتي ماني باباك وماما تحاول تهدي لكن والووو عو عنيد وانا اكثر خرجت مصبيطار رحت لدار وجدت كواغطي وحوايجي ودعيت ربي وسهلت فريت اموراتي فالجامعة + الاقامة ورجعت ديت لبستي ومدتلي شوي دراهم ماما والله دموعها على خدها تقولي يا بنتي وش راكي ديري لكن قررت من اللحظة لي تكسر فيها قلبي اني نعيش لنفسي و بس
رحت للإقامة وتعمدت منروحش لدارنا غير مرة فشهر صح توحشت ماما بزاف لكن حكا احسن قريت اجتهدت وتعبت ونخدم تان باش نجيب مصروفي تميزرت وتمرمدت لوكان منخدمش على روحي مكاش لي يمدلي وجامي خممت فلحرام الحمدلله
مالڨري التعب والميزيرية ووحش ماما لكن بقا و و الصح بين عينيا وهدفي ديما باين وصلت لاسوتنونص تاعي باش ندي ديبلوم عرضت دارنا وكنت فرحانة ومتوترة لكن المفاجأة بابا مخلاهمش يجو شحال غاضتني كامل زغرتولهم وفرحولهم إلا أنا وحيدة مع ذلك نجحت بتقدير جيد جدا واكتملت الفرحة كي قبلوني ماستر كنت ف الطريق الصحيح نحو حلمي واتعمدت مندخل حتى واحد حياتي كنت قراية خدمة إقامة هاذي هي حياتي و الحمد لله نجحت فالماستر وجبت شهادة وبقات مسابقة الدكتورا لي هي اصعب منهم كامل وهي الحد الفاصل لحلمي
رحت لماما شفتها وبابا كي لعادة كي يشوفني يبدا يمعني وميحبش يهدر معايا وانا خليتو براحتو المهم درت وش حبيت من غدوة هكاك سلمت على ماما قتلها ادعيلي ورحت فوتت كونكور تاع الدكتورة و الحمد لله جبتو بتعبي وعرقي وقرايتي واكيد توفيق ربي ودعوات ٱمي
خواتاتي كامل تزوجو لكن وش ربحو من الزواج ؟ واش هي لفايدة اذا محققتيش احلامك
اليوم كملت دكتورة تاعي وحققت حلمي لي كلفني بزاف لكن منيش نادمة علابالي بابا يجي نهار يتفهمني وفرحت ماما حققتلها حلمها ووصلت وين حبيت بمكانتي وقيمتي
لبنات لي عندها حلم تسعى باش تحقو ومتقولش ظروف اخلقي نتي ظروفك الخاصة عيشي لنفسك و مديريش لامان في أي واحد ومتقوليش يحبني ونحبو الزواج خليه هو التالي واذا حبيتي اتزوجي عادي لكن إياك تخليه حلم إياك تخلي حلمك راجل خليك انت حلم كل رجل
وكيما قلت فلإهداء تاع المذكرة تاعي " شكرا للظروف التي علمتنا أن نكون أقسى وأقوى "
النهاية
FB : Mahdjoub Ikram omniya
واو مرسي حكاية محفزة و الله
ردحذف