أقوى و أروع و أخطر وصفة
للتخلص من البقع البنية و آثار حب الشباب
مجربتها شخصيا (روعة) وصفة مغربية صحراوية
تبعو الخطوات باش تنجحلكم الوصفة
المكونات:
- حبوب الودع او الودعة من الأفضل تشروها حب لانو البودرة ولاو يخلطولها مواد أخرى
-عصير الليمون
طريقة التحضير :
تحكمو 3 حبات تاع الودعة تحطوهم في كاس تاع اتاي صغير تفرغو عليهم عصير الليمون حتى يتغطاو الحبات فقط قيس ما يتغطاو برك ، بعدها تغطو هذاك الكاس بمنشفة صغيرة و تحطو في مكان ماتلحقش ليه الشمس تحلوهم 3 ايام
تلقاوهم ولاو كريمة تحطوها في علبة و تحطوها في الثلاجة و تستعملوها
طريقة الاستعمال :
المرة الاولى او الاستعمال الاول تحطوها في كامل الوجه باش يتصفى الوجه و يبانو كامل البقع الغامقة جداا و أثار الحبوب الغامقة تخلو القناع مدة 20 دقيقة بعدها تشلوه
بعد 3 ايام تولو تحطو القناع فقط فوق البقع و أثار الحبوب لمدة 30 دقيقة
تستعمل الوصفة كل 3 ايام
قبل كل استعمال تحكمو منشفة نقية دخلوها في ماء ساخن ( ماشي يغلي) تعصروها شويا و تحطوها فوق وجهكم تخلوها 2 دقائق و تكررو الخطوة 3 مرات لفتح المسام
بعد كل استعمال يرطب الوجه و من المستحسن ترطبوه بزيوت طبيعية مثل زيت الورد او زيت جوز الهند
تحذير لايوضع القناع فوق الحبوب الجديدة
ملاحظة لازم جربوها قبل في يدكم ا و ذا كانت عندكم حساسية من الليمون ما ننصحكمش بيها و تاني لي عندهم بشرة جافة و حساسة ما ننصحكمش بيها لانو من المعروف ان البشرة الجافة ما تحملش الليمون
النتيجة
بعد الاستعمال الرابع تشوفو الفرق كي تلحقو للنتيجة لي حابينها حبسو القناع
جربوها و الله روعة و متنساوش تخليولي تعليق لتحت بالمواضيع لي تسحقوهم
اذا كنتي عندك حرفة في يدك و حبا تدخلي في فريق التدوين راسلني على حسابي الخاص فالفيسبوك Amina baatash
ليست هناك تعليقات:
إرسال تعليق