حبيباتششششي نصائح مفيدة
اجتمعوووووااا
جيت جبتلكم نصائح للبنات لي حبوا يزيانو ولا يسمانو ....النصائح تاوعي طبيعية يعني لادواء ...لا_اعشاب
و ثاني باش تكوني بال طاي تبعي معايا و ديري واش قتلك
اولا: الاكل كي تجي تفطري ولا تتعشاي لازم ماكلتك تكمليها طبسيك يخلاص
ثانيا: عندك بين كل وجبة وجبة كولي حاجة اي حاجة في الخبز
ثالثا : راكم تقولوا بلي معندناش لاپيتي
ياسيدي كولي غير الحاجة اللي تعجبك (الماكلة اللي تحبيها) وكثري منها
رابعا: ملاحظة هامة الاكل الساخن فيه بزاف حريرات
بعض الاكلات اللي تزيد الوزن عن تجربة العجائن مكاش اللي ماعلابالعاش بلي ليپات يسمنوا بالاخص فالليل + الفرماج (الجبن )
البيض المقلي انا شخصيا فادني بززااف يسمن_الخدود و يشبع كوليه فالخبز و+ الفرماج_الجبن)
الكرنطيطا الوهارنى يقولولها كارنتيكا (الحمص المرحي)+ فرماج كوليها في الخبز تدير المصاصط و تخرج ليونش صدقوني عن تجربة
حلوة الترك كارثة تسمن كولي منها فالليل بنجي بيها
الفشار كامل تعرفوا الماييز كيتكوني تتفرجي حطيه قدامك و راكي ثم
الزبدة ايه الزبدة ديريها في الخبز و اشربي بيها قهوة بالحليب هههه ولا حليب وحدو
الحلويات يعني الحاجة الحلوة و المعسلة مثال: قلب اللوز ، زلابية ، ڨريوش ،مسمن بالعسل ، بغرير ، طمينة
الكاشير و الفرماج خليهم دايما فالثلاجة تاعك غير تجوعي روحي ديري فالخبز متخليش روحك جعانة و لا توالفي الجوع
الپيتزا و الهمبرڨر هدو الزوج فيهم بزاااف حريرات بالاخص الهمبرڨر تع برى ياميييييي
يبقاو السقايط كي تخرجي برى مثل : الشيبس ، شيكولا، عصير مع ڨفريط، الپيلا alpella ، .......راكم عارفين بلا منوصيكم
المهم يا اليابسات ان شاء الله نكون فدتكم
Siso
كم رقم يا حلوه
ردحذف