العذرات ^^ تاوعي توحشتكووووم نشاء الله تكونو ملاح جبتلكوم موضوع ليوما باش تتعلمو اوكي حبوباتي
تبغي تندميه أنو خلاك؟ تبعي الخطوات التالية:
1_ حبسي النديب في الفايس بوك وبارطاجي غير الصوالح لي يبينوك فرحانة ويبينوك عايشة حياتك وطيحيلو خشينة في الفايس بوك ، يعني إذا عندك ميزة اتفاخري بيها ايه قلتها واسمعتيني مليح، اتفاخري بيها مثلا الغمازات، اللوطو، لقراية، لفحولة...إلخ
2_ما تهدريش معاه إلى أن يهدر هو معاك، عندك تبلوكيه يا مهبولة كي يكثيك ولا يخونك بالعكس خليه في الفايس بوك صديق واقتليه بالتجاهل دوركا يهدر معاك جاوبيه على قد السؤال وعندك تلوميه لأنو خلاك ولا تقوليلو علاه وتبداي تتبكايلو، كوني قوية، دوركا نقلك واش ديري تالث خطوة
3_فكريه بالصوالح الشابين لي كانو بينكم وفكريه بأفضل أحداث وذكريات المهم أعرفي كيفاش تجبذي الموضوع ماش تزدمي عليه شغل تقرير اخباري وشري على هذوك الذكريات بصور مشابهة معناها إذا احتفلتي بعيد ميلادو في يوم من الأيام بارطاجي فوطو ديال كوبل يحتفل بعيد الميلاد
4-عندك تعيطيلو في التيليفون وهذي الغلطة ديال بزاف بنات بعد الانفصال تهبل السيد بالعياط لا يا بنتي ما تعيطيش وما تبعثيش صاحبتك تعيط وما تروحيش تاني تكسري لابيس ولا تقفلي التيليفون وكي يعيطلك ردي عادي وبرود خلاص
5_كاين بزاف بنات يغلطوا بعد الانفصال وتروح دير واحد جديد زعما تغير في صاحبها لقديم لا يا حبيبتي انتما وين يتأكد بلي راكي تستاهلي كي فارقك، خلي غير لمليحة تجي منك وخليه يندم عليك، حتى لو كان درتي صاحب ديريه بالخباية باش طول ما تخليلوش فرصة أنو يحسب روحو عندو الحق كي خلاك
6_شوفي لروحك للمراية مليح وقولي لازم ندير تغيير ، سمينة بزاف ديري رياضة، ضعيفة بزاف اسمني، البسي مليح، اصبغي شعرك، بدلي القصة ديال شعرك، ديري لي ماسك واعتني بجمالك وصحتك واخرجيلو دوركا كي يشوفك يعض على صباعو
7_عمري وقتك ما تخليهش فارغ 🤔لأنو تبقاي غير تخمي وإذا كان عندك موهبة نميها وإذا حلم كبريه راه الراجل يتقهر كي يشوف حبيبتو القديمة من بعدو نجحت وطلعت في المستوى
8_شدي في ربي وصلي الاستخارة وقولي لربي إذا مش هذا مكتوبي نسيني فيه وربي مستحيل يخيبك
9_ إذا رجعلك يا طفلة خممي مليح إذا هذا السيد ممكن يتغير قبل لا تقبلي بيه لأنو قادر يكون راجع باش يزيد
#jiji 👑
ليست هناك تعليقات:
إرسال تعليق