سلام عسولاتي جبتلكم مجموعة من النصائح المهمة التي يجب عليك الانتباه لها تبعي مع
1• تحبي وجهك يولي بيض ديري رغوة بالصابون نورمال صابون الحجرة و ديري شوية كركم و حكي وجهك مليح راح يعطيك نتيجة روعة و في الجسم نفس الشيء
2•حذاري تدوشي شعرك بالماء سخون راح يسبب التلف من الاحسن بالماء البارد ولا دافي {ملاحظة: شعرك أقلبيه للأمام و دوشيه لتحسين الدورة الدموية}.
3• بالنسبة لازالة الشعر إدا راكي حابة تتخلصي منو عليك و على الخل اغطسي جوتابل فالخل و نحي بصح بالااااكي تديري رغوة موراه راح يحرقك و من الاحسن ما تستعمليهش في المناطق الحساسة استعمليه ف يديك و رجليك راح تلاحظي النتيجة و أما في المناطق الحساسة يقولولك حرام لاسير و في الحقيقة هو ماشي حرام صحيح ماشي مليح تستعمليه بزاف ماشي كل سمانة تجعدي روحك بلاسير اشري كريم مليحة و نحي بيها كي تلاحظي بلي خفافلك نحي ياو لوكان خطرة ف الشهر بلاسير راح ينقصلك يعني استعملي لاسير على الاقل مرة وحدة ف الشهر و بالاكي توشيه بجوتابل و إدا كنت ماشي مزوجة خلي المنطقة تاعك ترتاح شوية على الاقل زوج سمانات باش ما تعياش البشرة تاعك و لاكن لازم تتهلاي فيها تبعوني
4•تعطير المناطق الحساسة ما نقولك اشري هاداك و لا ديري هاد الخلطة اتهلاي فيها بلا مواد كيميائية و ما نعرف لازم يكون عندك منشفة كل ما تدخلي للمرحاض نشفي بيها مليح و نشريها باش تتهوا و استعملي صابون طرف ولا سافورال و داومي على هاد العادة و سليب لازم تبدليه يوميا و قبل ما تلبسيه عطريه
5•للحصول على أظافر جميلة عليك و على الثوم و القارص.
6• للحصول على رموش كثيفة استعملي زيت زيتون ولا زيت خروع في علبة قديمة للمسكرا
7• و وصلنا لنقطة مهمة كاين ناس يستعملو الكافور للملابس للقضاء على ريحة رمالة و لي مديتي أنا نقولك أخطيك من الكافور راه يتباع معطر الملابس minidou ولا supriline جاي ليكيد في كيس بلاستيكي يتشبه للجافيل تاع الاكياس أشري على الأقل زوج و علقيهم في خزانتك راح يعطرولك ملابسك احسن من الكافور.
8• إدا راكي تعاني من حب الشباب أشري وحد الكريمة touche me تجي باطة صغيرة تدير عشرالاف هايلة و للغسل اليومي استعملي دوف و إدا ما كنتيش قادرة تشريه استعملي test راه هايل.
9• و بالنسبة لتبييض رجليك و يديك غلي الماء وديري شوية ملح و بيكاربونات و دخليهم
راح نزيد نجيكم بنصائح اخرى انشالله ودعوة
خير برك حبوباتي
ليست هناك تعليقات:
إرسال تعليق