التصرفات لي يكرهم و يحبهم الراجل فالمرأة

حبيباتشي نهدرو على الرجال

1/ وااش يكره الراجل في المراءة

#يكره الراجل كيشوف مرتو تنظف وماشي قاعدة معاه وماشي مهتمة بيه... ملا لازم يالفحلة كي يكون راجلك في الخدمة سقمي دارك ووجدي غداك ولا عشاك ولا au moins نقي الخضرة وحطيها de côté وخمي وش رح تطيبي وحضري اللوازم وكي يقرب وقت لغدا ولا لعشا تصيبي كلشي ساهل ماهل....

#يكره الراجل تسبيلو ولا تنتقديلو اهلو...هذي نقطة ماكانش الي ماتعرفهاش ولكن ديما نغلطو فيها ملا نتبهو مليح...

#يكره الراجل لمرا الي تتعامل بخشونة وصوتها مرتفع ما يحسش فيها الانوثة ملا ركزي على هذي النقطة مليح...

#يكره الراجل المراة الي هاملة نفسها وما تسgمش روحها...

#يكره الراجل المراة الزنانة بمعنى تطلب بالحاح مثلا حابة تخرجي اساليه اليوم الجو مليح نخرجو اذا ماكش تعبان؟؟ اذا قال نعم نعم واذا قال لا او تعبان او غيرها قلو معليش نهار اخر déjà اليوم حابة نقعد معاك ونحكي...

*****من وقت لوقت في الليل طفي الضوء واشعلي شمعتين وجيبي crème dessert ولا salade de fruits ولا فاكهة او مكسرات وديري فيلم واتفرجوه مع بعض...

*****اتعودي لما تدخلي المطبخ srtt اذا خلطتي في البصل ولا ثوم تغسلي يديك بجال برائحة فراولة او برتقال واذا خلات وماكانش اغسلي يديك بكاش shampoing تكون ريحتو زينة هههه الله غالب مكانش حل خلاف

*****اهتمي بروحك قد ما تقدري خلي لبستك ديما نظيفة مام تكون قديمة الصح في النظافة

*****اهتمي بشعرك ونوعي المشطات....

#يكره الراجل المرأة الي تضال راقدة حاطة رجل على رجل... كوني ناشطة وفحلة، علابالنا شغل الدار ما يخلاص معليش كي تكوني قدامو افحالي وكي يخرج ارقدي حتا تشبعي....

#يكره الرجل انو تفكريه بغلطاو وتعاتبيه *تشفا ذاك النهار......علاش دايمن تنسا.... نتا دايمن تغلط.....لوقتاش نبقا نفكرك باش تقضيلي حاجتي.... Pcq الرجل كي يغلط ويعتذر اعرفي بلي راه انتبه لغلطتو وماشي راح يعاودها ماكلاه الترمريم تاع العجايز.....

#الزوج_يكره الزوجة الي تعاود الاخبار وتعلق على الناس حاجة ما تحكمها في فمها تقول عليها حفيظ دراجي...

#الصلاة_ثم_الصلاة_ثم_الصلاة_اكره حاجة عند الزوج انو تكوني ما تصليش راح يكرهك و يبعد عليك حافضي على صلاتك منها ترضي ربي وترضي زوجك وتخليه يحبك اكثر لانك متمسكة بدينك...

*****خلي كرامتك بجيهة لانو كاين الزوجة اللي تدمر حياتها بسبة خلاف صغيرة وكرامتها وعزة نفسها...

دوكا كملنا مع واش يكره الراجل ،دوك نروحو ل :

2/ واش يحب الراجل في المرأه

#يحب الرجل الهدايا وكل رجل في قلبو طفل صغير يحب الهدايا ما تحرميش زوجك من حاجة صغيرة تعطيه فرحة كبيرة... مقلتش كل يوم خخخخ مرة في الوقت تفكري راجلك

#يحب الرجل الدلال دللي زوجك واذا ما دللتيهش شكون راح يدللو بنت الجيران مثلا ؟؟هااااا حلي عينك ....

#النظافة ثم النظافة ثم النظافة كوني دايما نظيفة وريحتك باهية لانو الريحة الجذابة تجذب الرجل علاه ديما نلقاو بعض النسا ماشي شابات بصح رجالهم يموتوا ؟؟؟ علي خاطر متهلية في روحها و في راجلهاااا

#المدح و الكلام الحلو امدحي زوجك و اعطيه غير الكلام الشباب و الحنين وخاصة قدام اهلو معليهش حتا وماشي يعامل فيك مليح ياسيدي اكذبي وامدحيه خليه يفرح دقيقة ولا حرام تفرحيه نهار كامل ونتي هاو دارلي وهاو سبني وهاو ضربني ...... هكا راح ترفدي من قيمتو ويحس برجولتو ويولي غير يدلل فيك ( ممممم بصحتك الزييينة )

#الاكل نعرفو كامل بلي الراجل يموت على كرشو وهيا عشقو الثاني بعد زوجتو طيبيلو الي يحبها و فرحيه ونوعيلو في الاكل وراح تلقايه كمل المائدة بلاك حتى نتي ما تبقالكش وتموتي بالجوع هههههه ديري حسابك وخبي شوية

#اهلووووووووووو دايما اشكريهم و امدحيهم حتا وكانو ماشي ملاح معاك اعفسي على قلبك شوية واتحملي يجي نهار ويندمو على واش كانو يديرو فيك...

#الابتسامة دايما اتبسمي في وجه زوجك وخاصة وقت ما يدخل للبيت راح يكون تعبان وكي يشوف ابتسامتك الحلوة راح ينسا التعب كاااامل شوفي يا مجنونة راكي دوا للراحة وما علابالكش....

*****مرة على مرة نحي عليه وعلى بالو العبو واضحكو العبو بالمخايد وحذااااااااري ما تكونش مخدة تع صوف خخخخخ تهرسيلو مخو بيها و يفقد الذاكرة وتتوخذي فيه

وربي يهني جميع لبنات ..متنساوش تفرحوني بالدعاء