نصائح للعروس الجديدة

• بيبيشات ريم جابتلكم نصائح للعروس لي تعيش مع شيخها مالقري مكاش تفااااعل معايا مي نكمل

اقراو و ستوعبو وبلاما تنساو تجمجمولي المهم بزاف بنات تلعبتلهم خاطر رخفو رواحهم من اليوم الاول..........
شوفو اول حاجة ديريها في بالك بلي نتي رايحة لغرفة و لا دار لازم تكوني دايرة في بالك بلي هاديك مللك الخاص ياو بريفي .........امالا ادا كنتي تسكني وحدك مكان حتى مشكل عندك الحرية اما ادا كنتي تسكني مع العائلة لازملك شوية حيلة باش تعيشي و مديريش مشاكل ليك وليهم
.

• 1 هاديك تاع تلمي الجمهور في شمبرتك و تقعدو تشايخو و تنساي روحك بالقصرة و التمنشير اوبلي يعني انساي لازم متخليهمش يقعدو في شمبرتك اصلا توليلك في عقلك شمبرا عادية و معندها حتى قيمة و يفسدولك فراشك ليه ليه

.
****النقطة المهمة هي كي يجو يسقسوك واش .. ...احكيلنا تعيشي باش نتعلمو .......هاهي عيني حمرا بالاكي بالاكي طيحي من قدرك و تولي تباني طفلة صغيرة هوما يدوالمفيد و مبعد يقولو بببففف متحشمش تحكي كلش ملهوفة مصدقت وينساو بلي هوما لي طلبو تحكيلهم .....

• 2 العفسة  تاع تجي لوستك ولا وحدة من فاميلتو تقولك نرقد فوق سريرك راني تعبانة راسي درني جاوني وشمبرتك فيها الراحة تاني انسايها متخليش دبانة ترقد فوق سريرك فهمتي ~ خواتاتو متخافيش منهم بصح لا فامي تاعووو ههههههههه والله غير حتى تلقاي لقريقري طل عليك ..........لامان مكاش ياخوتي الله غالب مشي وحدة طاب جنانها با تزوجت و مبعد يوخذوها وهي كي دابة تضحك برك ومبعد تولي تندبي و تقطعي في هاداك الشعر

.

• 3 العفسة تاع نعرف كلش في كل محضر تحضري غير انسايها اخدمي قيسك سينو تحصلي و تضيع صحتك و كي يجي الراجل تولي كي السكرانة متصدقي وقتاش ترقدي ..............ومكيش في دار باباك تعياي تخلي نص الخدمة لماماك ولا ختك وتروحي طيحي 4 في 4 و تشخري من قلبك ههههه عند الناس راكي معسوسة كل زلقة بفلقة امالا بالاكي

..

• .و هاداك الفم شدي فيه متبقايش تقولي هاديك قالت و هاديك لاعبتها و لا تشكي من كاش واحد فدارهم راهم خواتات و يوصلو الهدرة و تلقاي روحك مجرمة داعشية هههههههههه الكل يحارب فيك امالا طبقي وخاصة امو بقاي دايمن محترمتها كيما تحترمي انت موك وهاديك تاع ~ شاهد مشفشي حاجة لعبيها مكي شايفة والو وبركاين من شكاوى بزاف على ماليه غير يجي تلقيلو بالمشاكل ديري في بالاك يجي نهار الراجل يجي مع اهلو على هذي شدي هذاك الفم من اول

لي سونسيال نتي احترمي مو و كل الدار و لعبيها عاقلة متهدريش و مديريش فيها مصلحة اجتماعية وبينك وبين راجلك ديرو القيرا في شمرتك اقباحي قد متقدري ..........هادو لعفايس اني قلتهملك و بلغت ونتي دبري راسك سقسي اي وحدة متزوجة مدرتهمش تقولك كيفاش صراها واذا ندمت ولالالا حاولي تقيمي روحك باش الناس تقيمك..........

لي عجبوها النصائح تدعيلي 

#ريم