نصائح تهمك

لبنات  درتلكم شويا نصائح لي راح تفيدكم  تفاعلو نزيدكم تبعوا معايا 

01 ... جامي ترقدي بمساحيق التجميل فوق وجهك اغسلي وجهك مليح قبل النوم و امسحيه بماء الورد ملييييح 

 02... نحي عليك الطوماطيشه افتحي شعرك خليه يتنفس ماشي مليح ليه الربيط بزاف 

 03... من المستحسن انك تمشطيه بمشطة تع حطب (فرشات من خشب)

* 04... منوصيكش على غسيل الفم بعد كل وجبه على الاقل مرتين او ثلاث فاليوم 

 05 ... بعد عمليه نزع الشعر جامي ديري بوماد ممكن تستعملي زيوت طبيعيه فقط

 06 ... كي تستعملي كرام للوجه او ماسك او فوندوتا لازم تكون الحركات دائريه الحركات من فوق لتحت و من اليمين لليسار تسببلك الترهل في مده قصيره

  07 ... باش يطوال شعرك اشري زيت الخروع خليه يتغلغل في الجلده تع راسك و ديريه فوق الشعر مليييح و لمي شعرك و غدوه اغسليه مليح و كرري العمليه

 08 ... باش يرطاب شعرك ديري فيه صفار بيضه و زيت زيتون و زيت لوز و خليه يبات فيه و غدوه اغسليه و كرري العمليه (رح تلاحضي الفرق من اول استعمال)

 09 ... تحبي شعرك يبرق بعدما تغسليه ديري فالماء عصير ليمون و شللي بيه شعرك

 10 ... تحبي تنحي لاطراس تع شمس من وجهك ديري بيافين بوماد خليها تبات في وجهك و تفاداي الضوء من المستحسن تستعمليها فليل 

 11... ديري نشاء و ماء ورد على النار تتحصلي على عجينه سائله ديريها في علبه و كل يوم ابليكي منها فوق وجهك خليها حتى تشيح و اغسلي بماء دافئ (تفتح لون البشره و تزيل حب شباب) 

 12... عندك تأخر فالعاده و حب شباب مهبلك اشري عشبة البردقوش حطي ملعقه صغيره منها في كوب و صبي عليه ماء ساخن و غطيه... كي يبرد اشربيه (هاذي الطريقه افضل طريقه لصنع اي نوع من لي تيزان) ...

 13... سنانك صفورا و حابه يبياضو ديري كركم فوق دونتيفريس و اغسلي بيه شحال من مره ماشي مره وحده ... وبالاكو تصدقو لي يقولوكم ديرو كاربونات راهي تفسد لمينا تع الاسنان يطيحو سنانك بلا وقت

veya huyuz baş