أهم تصرفات العروس في أيامها الأولى

لكل مقبلة على الزواج ولا عروس جديدة

حبوباتي

ﻣﻮﺿﻮعنا ا ﻟﻴﻮﻡ هو اهم التصرفات لي ديرهم العروسة الجديدة فايامها الاولى ... هيا نشطولنا حالة و ارواحي تعلمي الحذاقة ههههه ولا نروح ونخليكم

شوفي يا حنونتي ديري في بالك باللي الايامات الاولى اهل الزوج يعسو العروسة و يحطو ولهتهم عليها في كلش سيغتو النظافة و الشطارة نتاع الدار العروس دائما في اياماتها الاولى من الزواج تشيع عليها كلمة من الكلمتين يا فحلة يا خايبة و اللي شاعت عليها كلمة خايبة حتاااااااااا و اذا حاولت تصلح امورها و تولي ترقع في روحها الله غالب الكلمة كي تفوت و تخرج خلاص يعني اللي شاعت عليها كلمة خايبة معندو مبقا و تلصق فيها للابد مالا يا الشاطرات افحالو على الاقل الشهور الاولى حتان تشيع بيكم كلمة فحلة و شاطرة و مبعد دوروها خيابة هههههههههههههههههه راني نقصر

نبداو بالنظافة هي اهم حاجة يعسوك فيها

ﺷﻮﻓﻲ ﻻﺯﻡ ﺣﻮﺍﻳﺠﻚ ﺗﻠﺒﺴﻴﻬﻢ 2 ﺟﻮﻍ ﻣﺶ ﺍﻛﺜﺮ ﻭﺗﺒﺪﻟﻴﻬﻢ ﻭﻟﻲ ﺗﻘﺪﺭ ﻛﻞ ﻳﻮﻡ ﺗﺒﺪﻝ ﻷﻧﻮﺍ ﺩﺍﺭ ﺍﻟﺮﺍﺟﻞ ﻳﺎﻛﺸﺮﻭﺩﺓ ﺇﺫﺍ ﻣﺰﺍﻟﻚ ﻣﺘﻌﺮﻓﻴﺶ ﻳﻌﺴﻮﻭﻭﻙ ﻓﻲ ﻛﻠﺶ ..... ﺩﺭﻙ ﻧﺠﻴﻮ ﻭﺣﺪﺓ ﻭﺣﺪﺓ ﺑﺎﺵ ﻣﻨﻨﺴﺎﻭ ﻭﺍﻟﻮﺍ .......

ﻛﻲ ﺗﺪﺧﻠﻲ ﺗﺪﻭﺷﻲ ﻧﻀﻔﻲ ﺍﻟﺪﻭﺵ ﻗﺒﻞ ﻣﺘﺪﺧﻠﻲ .......

ﺇﺫﺍ ﺭﺍﻛﻲ ﺗﺴﻜﻨﻲ ﻣﻌﺎ ﺩﺍﺭ ﻋﺠﻮﺯﺗﻚ ﺟﺎﻣﻲ ﺗﺨﺮﺟﻲ ﺑﺎﻟﺴﻮﻏﺘﻴﺪﺑﺎﻥ ﻣﻦ ﺩﻭﺵ ﺭﺍﻫﻮﺍ ﻋﻴﺐ ﻗﺪﺍﻡ ﻋﺠﻮﺯﺗﻚ .......

ﺣﻮﺍﻳﺠﻚ ﻟﻲ ﺗﻨﺤﻴﻬﻢ ﻻﺯﻡ ﻳﺘﻐﺴﻠﻮﺍ ﺑﻌﺪ ﺍﻟﺪﻭﺵ ﺟﺎﻣﻲ ﺗﺨﻠﻲ ﻭﺍﺣﺪ ﻳﺸﻮﻑ ﺣﻮﺍﻳﺠﻚ ﻣﺴﺨﻴﻦ ﻭﺍﻟﺮﺍﺟﻞ ﺑﺎﻟﺪﺭﺟﺔ ﺍﻟﻠﻮﻟﺔ ﺑﺎﻷﺧﺺ ﻣﻼﺑﺴﻚ ﺍﻟﺪﺍﺧﻠﻴﺔ ﺗﻨﺤﻴﻬﺎ ﻣﻦ ﺗﻐﺴﻠﻴﻬﺎ ﻣﻦ ﻣﺘﺨﻠﻴﻬﺎﺵ ﻭﺭﺍﻙ ﺣﺘﻰ ﺩﻗﻴﻘﺔ ﺭﺩﻱ ﺑﺎﻟﻚ كشرودك يشوفها.اييييه تفكرت عندكي تنحي الشعر قدام راجلك وممبعد يرجع يعيفك عننننندكي ....

القش لموسخ ﺇﺫﺍ ﻛﻨﺘﻲ ﻣﺮﻳﻀﺔ ﻭﻻ ﻋﻨﺪﻙ ظﺮﻑ ﺤﻄﻴﻬﻢ ﻓﻲ ﺑﻼﺳﺘﻬﻢ ﺍﻟﻤﺨﺼﺔ ﺗﺎﻉ ﺍﻟﻘﺶ ﻟﻲ ﻣﺶ ﻧﻈﻴﻒ ﻫﻨﺎ ﻻﺯﻡ ﻃﺒﻘﻴﻬﻢ ﻣﺶ ﺗﻜﻮﺭﻳﻬﻢ ﻭﻃﻴﺸﻴﻬﻢ ﻫﻜﺎﻙ ﺗﻘﻮﻝ ﺭﺍﺟﻞ ﺭﺍﻛﻲ ﻣﺮﺍ ﻭﻻﺯﻡ ﻛﻠﺶ ﻳﻜﻮﻥ ﻣﻨﻈﻢ ﻭﻓﻲ ﺑﻼﺻﺘﻮﺍﺍﺍ .....

ﻛﻲ ﺗﻜﻤﻠﻲ ﺩﻭﺵ ﻣﺘﻨﺴﺎﻳﺶ ﺗﻨﻈﻔﻴﻪ ﻗﺒﻞ ﻣﺘﺨﺮﺟﻲ ... ﻣﺶ ﺗﺪﻭﺷﻲ ﻭﺗﺨﻠﻲ ﺍﻟﻤﺎﺀ ﻓﻲ ﺍﻷﺭﺽ ﻣﺎﻛﻲ ﺧﺎﺳﺮﺓ ﻭﺍﻟﻮﺍ ﺳﻴﻘﻴﻪ ﻭﺍﺧﺮﺟﻲ

الكاسة وحوايج الحمام تغسليهم وتخرجيهم ينشفو ومن بعد تلميهم في صاك دوتواﻻت اطونسيون تخليهم يقطرو في الحمام ويديرو الريحة وكي تحبي تعاودي الدوش ماشفتوش كاستي ما شفتوش صابوني ووووو

ﻭﻫﻨﺎﺍﺍﺍﺍﺍ ﻧﻮﺻﻠﻮﺍ ﻟﻠﻜﺎﺭﺛﺔ ﺍﻟﻜﺒﺮﻯ ﻟﻲ ﺗﺨﻠﻲ ﺍﻟﻨﺎﺱ ﻳﻀﺤﻜﻮﺍﺍﺍ ﻋﻠﻴﻚ ﻳﺎ ﺍﻟﺒﻬﻠﻮﻟﺔ ههه ...... الﻣﻼﺑﺲ ﺍﻟﺪﺍﺧﻠﻴﺔ و لي نويزات يتغسلو باليد ماشي فالمشينة وما ﺘﻨﺸﺮﻳﻬﻤﺶ ﺍﻭﻧﺪﻳﺮﻱ دايرة معرض ﺗﺒﻴﻌﻲ ﻓﻴﻬﻢ ..اتخايلي ﺷﻴﺨﻚ ﻳﺸﻮﻓﻬﻢ ﻫﻜﺎﺍﺍﻙ ﻳﺎﺍﺍﺍﺍﺍﻣﺎﺍﺍﻣﻲ ﻋﻼ ﻟﺤﺸﻮﻣﺔ .... ﻭﺍﻟﻠﻪ ﺗﺒﻬﺪﻳﻠﺔ .... ﺣﻨﻮﻧﺔ ﻏﻄﻴﻬﻢ ﺑﺤﺎﺟﺔ ﻣﻦ ﻓﻮﻕ ﺑﺎﺵ ﻣﻴﺒﺎﻧﻮﺵ .........

بقلاوتي ......حوايجكم نتي و كشرودگ ..لمسخين...حطيهم في سلة كبيرة ....بالاكي ترمي هنا و لهيه و يخااااه عالتبهداااايل......و اغسلي القش و متخليهش يكتر عليك....و كي تنشري تباني فتحتي حانوت .....هههههه

و كي تنشري قشك اتولهي ليه كي ينشف دخليه متخليش حتان ترشيه الشمس و تاكلو و هو برا منشور يتطايش لالا راهم يتولهو

قش راجلك لازم يكون نظيف متخليش اهلو ينتبهو و يقولو مهملاتو لازم ديما يشعل شعيل

جامي تمشي،ﺣﻔﻴﺎﺍﺍﻧﺔ ﺟﺎﻣﻲ باسكو كاين اللي يديرو في بالهم بالي لي تمشي حفيانة ميش نظيفة.

الدخلة تاع الشمبرة و اللي هو الباب.....الباب تاع الشمبرة لازم يكون نقي...ماشي تضربي عليه النح و تخليه موسخ ..هكدا الي يشوفو من برة يقول سووور الشمبرة موسخة من الداخل ....الوغ كل ما تسيقي امسحيه و حطي طاپي عند الدخلة......و بالااااكي ....الطابي كل جمعة اغسليها ....خليها نقية و باهية

الغبرة كل ماتسيقي شمبرتك تمسحيها

.الكوفرولي الي ديرييه لازم يكووون نقي ....بالاكي تفرشي حاجة موسخة

بدلي الدرا تاع السرير و اغسلي المخايد كل سمانة

لفراشات خرجيهم يتهواو وانفضهم مليح والزربية لازم ديما نقية من فتات اﻻكل ومن الشعر

دائما هوي لاشومبر نتاعك على الصباح و افتحي النوافذ للشمس

ﺿﺮﻙ ﻧﺠﻴﻴﻴﻮ ﻟﺤﺎﺟﺔ ﺍﺧﺮﻯ .... ﻛﻲ ﺗﻨﻮﺽ ﻻﻟﺔ ﻟﻌﺮﻭﺳﺔ ﺻﺒﺎﺍﺡ ............ ﻣﺶ ﻧﻮﺿﻲ ﻃﻮﻝ ﺗﺨﺮﺟﻲ ﻛﻲ ﺍﻟﺒﻬﻠﻮﻟﺔ ﻟﻲ ﻳﺸﻮﻓﻚ ﻳﺘﺨﻠﻊ ﻭﺍﻧﺘﻲ ﺷﻌﺮﻙ ﻓﻲ ﺍﻟﺴﻤﺎ ... ﻧﻮﺿﻲ ﺷﻮﻓﻲ ﺭﻭﺣﻚ ﻓﻲ ﺍﻟﻤﺮﺍﻳﺎ ﺭﻳﻘﻠﻲ ﺷﻌﺮﻙ ﺩﻳﻚ ﻓﻮﻗﻴﺮﺓ .... ... ﺭﻭﺣﻲ ﺍﻏﺴﻠﻲ ﻭﺟﻬﻚ .... ﻭﺭﻭﺣﻲ ﻟﺸﻮﻣﺒﺮﺓ ﻣﺶ ﻟﻠﻜﻮﺯﻳﻨﺔ ﻃﻮﻝ ﺭﻭﺣﻲ ﻟﺸﻤﺒﺮﺗﻚ ﺇﺫﺍﺍ ﻛﻨﺘﻲ ﻋﺮﻭﺳﺔ ﻻﺯﻡ ﺗﻤﺎﻛﻴﻲ ﺷﻮﻱ ﻭﺭﻳﻘﻠﻲ ﺭﻭﺣﻚ ﺑﻴﺎﻥ ﻭﻣﻦ ﺑﻌﺪ ﺭﻭﺣﻲ ﺍﻓﻄﺮﻱ .........

كي تحبي تقضي الشغل في الدار ديري طابلية ما تنحيهاش حتى تكملي و لما تكملي مباشرة للدوش ماشي شرط تدوشي و لكن اغسلي تحت الابط و يديك و جهك و كرعيك .... و روحي بدلي حوايجك ...

عندكي تغلطي تمسحي في جبتك ولا بيجامتك و نتي في الكوزينة هاي عيني ههههههههههه ديما ديري طرشون صغير في الطابلية امسحي فيه و كي تخلصي اغسليه باش تبقا الطابلية نظيفة✌

ﻛﻲ ﺗﻜﻮﻧﻲ ﻃﻴﺒﻲ ﻣﺪرﻳﺶ ﻓﻮﺿﻰ ﻭلﻣﺎﻋﻦ ﻛامﻞ ﺗﺠﺒﺪﻳﻬﻢ ... ﺍﺧﺪﻣﻲ ﺣﺎﺟﺔ ﺣﺎﺟﺔ ﻭﺍﻏﺴﻠﻲ ثم ثم ﺍﻟﺤاﺠﺔ ﻟﻲ ﺧﺪﻣﺘﻲ،ﺑﻴﻬﺎ ﺑﺎﺵ ﻳﻘﻮﻟﻮﺍ ﻓﺤﻠﺔ ﻭﺭﺑﺎﺗﻬﺎ ﺍﻣﻬﺎ ...... ﻛﻲ ﺗﻜﻤلي ﻧﻀﻔﻲ ﺍﻟﻜﻮﺯﻳﻨﺔ ﻭﺧﺒﻲ ﺍﻟﻤﺎﻋﻦ ﻟﻲ ﻣﻐﺴﻮﻟﻴﻦ ﻣﺘﺨﻠﻴﻬﻤﺶ ﻣﻜﻮﻣﻴﻦ ﻓﻮﻕ،ﺑﻌﻀﺎﻫﻢ

علابالي كثرت عليكم و بانولكم حوايج بزاااف وواعرين والله والو هادو هوما les bonnes habitudes لازم تتعود عليهم اي طفلة والله مانيش حابة نخلي حتى واحد يضحك ولا يعلق عليك يا وحد الكشرودة حاباتك تكوني حطة و لاكلاص

#rym