سلام لبنات جبتلكم اليوم 9 طرق جديدة لجسم نظيف و بشرة مشرقة تبعوا معايا و إن شاء الله راح تستفادوا
1 : علـباآلك بلي صاآبـون مـارساي الشفاف هاداك ماكانش الي ما يعرفوش رااه خالي من بزاااااف مواد كيميائيةةة كاينةةة في منتوجات اخرى يعني واش ؟؟ يعني الي تولف لروحها تغسل بيه رايححة تريح البشرة نتاعهااا و ترجع كي الشمس اون بليس ريحتوو تهبل
2⃣ : بالنسبةةة للبناإت الي يعانيووو من حبيباآت حمراء على الجلد نتاع ظهرهم و كتافهم و لا حتى صدرهم
ننصحهم يغسلوو بصابون الجزر مرةةة قاتلي وحد العروس بلي فاآدهاا بزااااف و الجزر معروووف مليح للبشرة و ما تقوليش بلي لازم المنتجات تاعو للدهينة ولا صابون مثلاً برررك نن لازم تووكليه طازج نتي تاني كل يووم راه تبان نتيجتو مع الوقت و يحميك من التجاعيد البشرة_الصحيةةة_في_الجسم_الصحي
3⃣ : هل تعلمين عزيزتي الكشرودة الجزائرية انوو بلادكك غنيةة ببزاف حشاوش منهمم العشبة_الراآئعة رائحةة و ذوقااا الي هي (النعنـاااع)
الي تعاااني من القشرة في راسهاا لازم تعرف بلي ماشي مستحيل نتخلصوو منها !! بلعكس لازم توقفيها عند حدها لانها و العياذ بالله تسبب الحكة و تساقط الشعر و توقيف طولو و توسخو مالا لقيتلك حل
جيبي كاسرونة ديري فيها كمية تاع للما و خليه يغلي كي يغلي ديري كمية تاع نعناااع و طرف قارص .. مين يغلي حطيه اكوتي كي تغسلي شعرك و مذابيك بشومبوان ضد القشرة الماا هاذاك زيديلوو كمية تاع خل و شلي بيه شعرك رح تلاحظي الفرق من اول استعمال و اذا ما لاحظتيش داااومي 4⃣ :
الي عندهاا تشققـاآت في يديهاا ولا رجليهاا كيما علبالناا الفازلين تاع دوك راهم فسدوه ولى ما ياثرش ما خلاولناا والو كي تاع بكري مااالا اناا نقووولك كيفاه تخدمي الدهينة الي ترطب ايفيكاس ماعليك غييير تجيبي شمع ابيض + زيت زيتون تديري كمية من الشمع في كاسرونة و تزيديلوو الزيت و تخليه يذوب ميين يذووب صاي تحكميه قبل ما يبرد تفرغيه في فنجان ما تسحقوهش و لا قرعة زجاج صغيرةة كيما تحبو و تخلووه يبرد كي يبرد راح ييبس شوي مي عادي راه شمع و داوموو عليه كل ليلة
5⃣ : حنوونتي الي تعاااني من حساسية اللثة اليووم حبيت نهدر عليككم نتووما اولاا اذا كان الدم يسيحلكم من اللثة كي تغسلوها ولا في اي وقت و تتجرحلكم بزاف ننصحكم تجيبو حجرات تاع شب و تخلوهم في فنجان ماء حتى يذوبو و شلوو بيهم فمكم قبل النوم كل يوووم مفعولها رائع صدقوني هاذي الحجرة خلاتني نعشق الحجر كثر من شي عباد ربي علاجال فوائدها خخخخ
من جيهة اخرى اذا كانوو سنيك معريين من اللثة ولا ماماك مثلا لانوو هاذي تصرا مع تقدم في سن قوليلها تشري دونتيفريس سانسوداين هادا الطبيب نصح بيه ماما صح غالي شوي مي يريحها و تغسل بيه
6⃣ ،، الاظافر تاوعك حنووونة راهم يشكيووو من كثرة الاهمال و المانكير لي ما يخطوهش بسبة ولا بلا سبة شووفي لياا ابنتي نقصي قد ما قدرتي و ادهني ظفيراتك بزيت زيتون ديما ديما راح يخليهم لامعين و مالسين كيما تاع البنات
7⃣ : كل ما تنحي شعر جسمك برجينةةة و منيش نهدر عالمنطقة الحساسة باقي الجسم كي تنحي الشعر كاين لي يقعدلهم حبيبات تاع الشعر الي ينموو تحت الجلد اااه ياهاذا المشكل وش يقلق شووفي هاذاك لازمو تقشير جيبي كمية تاع ملح مع كمية نتاع تلوة تاع القهوة اوكي تزيديلهم شوي حليب و تحطيهم تم و تحكي ركايبك ولا وين عندك بحركات دائريةةة رايحين ينقصوو مي داومي عليهم من درك ماشي حتى يقرب عرسك يا المحنوونةة و يروح نص و نص يقعد
8⃣ : راه جااي صيف و بدااو ديجا العروسات و بزاااف بنات شعرهم معقدهم عندكم الحق ركزولي على هاذي الي شعرها كشرود و قاوي ننصحك ديري ديفريساج تاع
بيوليس و شوفي وحدة فحلة تعرف دير روحي معاها للحفافة و سقسيوها بضح كاش حفافة تكون ناس ملاح بيسك كاينيين الي يحبوو يستغلوك و يدو دراهمك و نتي قادرة ديريه وحدك
9⃣ : هاذي مجمووعة تحذيرات
-بالااكي ديري فازلين و تخرجي للشمس !!
- بالاكي ديري مضاد تعرق فوق لحمك مباشرة خاصة بعد الاستحمام و مام شب للتعرق اخطيك منو !!!
- بالاكي تصبغي شعرك بزاف و نتي صغيرة راه يعجل ظهور الشيب
- بالاكي تكثري القعدة و ما تتحركيش و ما تشربيش الماا راح تيبس كرشك و مع الوقت يطرطق فيك البواسير ربي يعافينا
- بالاكي تكثري من المشروبات الغازيةة راهي تسبب التجاعيد مع الوقت
- بالاكي تكحلي عينك بكحل غيرك واجتنبي ديري بماكياج و خاصة البانسوو تاع غيرك
- بالاكي تظلي تنوعي فالشووومبوان اني نقولك احكمي في ماركة وحدة
ليست هناك تعليقات:
إرسال تعليق