عميراتي كاينين بنات راح يسكنوا مع أهل الزوج هدي بعض النصائح اختي
الليلة نهدروا علا المرا لي تسكن مع اهل الزوج
اصبري وراكي داخلة زادمة ديراكت مازال باه نهدرو كي تعيشي معاهم
اولا قبل ماتوصلي عندهم لازم يدو عليك فكرة مليحة بلي ظريفة و بنت اصل
...اتفكري عجوزتك ف المناسبات.
عامليها كيما يماك مي ماشي حتا تصماطي تولي لاصقة فيها هنا تمرڤ بلي راكي تلعبيها تحبيها ....فهمتي
نوصيك ركزي مليح علا عجوزتك بسك هي الاساسية
لوساتك ديريهم كي خواتاتك قادريهم عيطيلهم و يعيطولك ....مي نوصيك جامي تحكيلهم كيفاه عرفتي خوهم ولا واش راه يقولك خوهم ...هااا و هااا حلي عينيك
شيخك كوني ظريفة معاه عيطيلو بابا راسك ما ترفديهش قدامو ....غير الكلام الحلو ربي يخليك ربي يطول في عمرك علابالكم رجال ماشي كيما نسا تم تم تحشيهالهم ...ههههههه
.........دوكا نهدرو كي تسكني معاهم .......
ردي بالك ترقدي حتا يلحقك الظهر ديما نوضي سڤمي روحك و خملي بيتك و اخدمي شغلك ع البكري هدي دار ناس ماشي دار باباك...
ردي بالك تبطاي ف توالات حشاكم هههههع
ردي بالك تدخلي تدوشي كي يكونو مجموعين
ردي بالك طيبي بلا طبلية
ردي بالك طيبي و شعرك باين
ردي بالك تمسحي يديك في روبتك
ردي بالك طيبي و تخلي ماعن موسخين
ردي بالك تدي ماكلة جابها راجلك ل شمبرتك قدامهم
ردي بالك تحكي أسرار عشك الزوجي
ردي بالك تهدري ف الجيران
ردي بالك تحكي علا داركم يجي نهار يعايروك
ردي بالك تدي و جيبي الهدرة ....
احفظي الميم ما سمعت ما هدرت ما شفت
النصيحة الذهبية تقول
ردي بالك تولفي عجوزتك كل يوم تسلمي عليها
و نهار تكوني زعفانة ما تسلميش عليها تفيق راكي زعفتي و تكرهك
.تسما ما تسلمي ما تحصلي ..
و اخيرا راجلك .......ردي بالك تحكيلو واش صرا كامل ف دار في غيابو ب التفصيل
ردي بالك تشكريلو واحدة من دارهم غدوا تهدري فيها يقولك نتي لي ماشي مليحة ياك كنتي تشكري فيها
انتظروني المرة القادمة نصائح أخرى
Siso
ماكانش خاصية البحث....بغيت نحو على حاجة عندكم و ما قدرتش....
ردحذف