1/ لكان شواربك خشٱن حطيلهم الفٱزلين و حركيه على شواربگ + يمد لمعان ليهم
2/ تحبي خدودك يولي لاكولاغ تاعهم احمر غامق لاطول مدة حطي الفازلين عليهم و من بعد حطي فوقوا احمر الخدود
3/ لتحب تطول شفارها حطي الفازلين على شفارك فليل و كتنوضي اغسليهم انا هادي خوفوني منها مي انشاء الله تفيد
4/ لتحب تقشر شواربها جيبي الفٱزلين و خلطيه مع السكر و حكيه على شواربك
5/ لكان معندكم كولاغ تع غوجالاف و تحبي تستعمليه روحي جيبي شوية من الفازلين و زيدي معاه من هداك ليتحط فوق العينين نسيت اسموا. و ديري لاكولاغ لحايبتها و خلطيهم مليح مع بعض مبعد حطيهم على شاربگ و انشاء الله تجيك كولاغ تهبل كيما حايبتها
6/ عندك مشكلة انك كتحطي لغوجالاف نصوا يلسق مع سنانك ساهلا جيبي الفٱزلين و تخليه على سنانك و تخلي لغوجالاف مبعد كتضحكي ميلسقش فسنانك يا عمري على هديك الضحكة
7/ يساعد الفٱزلين على تغدية حواجبك و يكثفهملك
8/ لتحب ترطب وجها تحطوا فليل و تروح ترڨد
9/ يساعد الفٱزلين على سد مسامات الوجه
10/ الفٱزلين يقلل من التجاعيد لتظهر تحت العينين
11/ يساعدگ الفٱزلين باش تنحي الماكياج من وجهك و يرطبلك بشرتك فنفس الوقت
12/و لكان يدك جافة و ملتهبة و خشينة فنفس الوقت نورمال جيبي الفٱزلين و حطيه على يدك كل يوم و انشاء الله تشوفي الفرق بعد فترة
13/ لتحب تقشر جسمها تجيب الڥٱزلين و تخلطوا مع الملح و تحطوا على جسمها ( المناطق لحابة تقشرهم )
14/ إلا تعاني من خشونة المرفق حط عليه الفازلين و حركيه و انشاء الله تشوفي الفرق بعد فترة
15/ لتعاني من تقصف الشعر حطيلها ڥازلين و راح تولي نهاية شعرك صحية و ناعمة. و بالاضافة يملك الفٱزلين لمعة لشعرك
16/ شفتي كتحطي الريحة و من بعد ساعة نن نن ماش حتى ساعة تجي خارجة من الباب تلقايها راحت نورمال جيبي الفٱزلين و حطيه على لبلاصة لتحطي فيها الريحة پاغيكزومپل. من ورا ودنك و من بعد حطي الريحة و انشاء الله تقعد فيك لاطول وقت
17/ لتحب شعرها مغدي و طويل تحط منو على راسها و تغلغلوا مليح
18/ لكان مقدلكش الخاتم فيدك ساهلة مديهولي ههههههههههههه نتمسخر حطي ساع الفازلين على صبعك من بعد البسي الخاتم و انا جيبيلي واحد ولا خسارة فيا خخخخخخخخخ
19/ عندك مشكلة مع ظفارگ ميطوالوش بسرعة حطي الفازلين على جوانب اظافرك و انشاء الله تطوال بسرعة واو
20 / لكان صعيبة عليك كتحطي لڥاغني على خاطر تندبي لروحك حطي الفازلين على جوانب اظافرك و من بعد حطي لڥاغني و كيبقالك فراغ على طراف تقدري تزيديه بكل سهولة
21 / إلا حابة تحطي لفاغني مي معندكش باش تنحيه ولا فضلك :/ حطي الفازلين على ظفارك و من بعد حطي فوقهم لفٱغني و كتحبي تنحيه جيبي قطنة و نحيه نورمال
22/ لكان عندك تشققات فرجلك و بالاخص كعبك حطي الفازلين على رجلك من بعد البسي تقاشيرات سخونين شغل يجيو خشان و بعد شحال من ساعة نحي تقاشيرات و شوفي كيفاه يوليو رجللك
23/ إلا حابة تسنري روحك حطي الفازلين و اطلعي تشمسي و انشاء الله تسماري ففترة قصيرة جدا
سيسو
ليست هناك تعليقات:
إرسال تعليق