كيكة الديسباسيتو على طريقتي
الكيكة:
4 بيض نطلعوهم مليح مع كاس سكر حتان يبياض الخليط من بعد نزيدولهم نص كاس كاكاو و وحدة خميرة و كاس فرينة نغربلوهم و نضيفو بلعقل و نخلطو مليح من بعد نديروها طيب على 180 د 30 ساعة هكذاك من بعد نحوها و من جهة أخرى كنا وجدنا كاس حليب مع مغرف سكر و مغرف شوكولا بودر نديروهم فوق النار يسخنو شوي و نشربو الكيكة تاعنا بيها
الكريمة:
نذوبو 200 شوكولا بالحليب
نخلطو علبة ماسكاربون مع 2 مغارف سكر و نزيدولها مغرف نوتيلا و نزيدولها شوكولا لي ذوبناها و نخلو منها شوي للتزيين نخلطو الكريمة مليح
نديرو كاس بودر شانتي مع كاس حليب بااارد نطلعوهم مليح و نضيفوهم لخليط الماسكاربون نخلطو مليح و نديروها فوق الكيكة من بعد نديرو الشوكولا لي ذوبناها قبل مع علبة دانيت و نديرو بيها الديكور و لاااازم تبرد ملييح مليييح
ليست هناك تعليقات:
إرسال تعليق